<<***....محكمه الحــــــــــــــــــــــب....***** عقوبه لمده تلاته ايام

ياويجا يا حبيبتى انت فى العشرينات من عمرك صعب اوى احساسك ده

حتى لو كل حاجه قدامك دلوقتى كئيبه ده علشان سبب معين بكره يزول

وترجع حياتك احسن من الاول ,,,,,,,,,,,,الحياه حلوه ومفيش حد بيخسر كل حاجه لو راحت منك حاجه هيجيلك الاحسن منها اكيييييييييييييييييييييد

مش عاوزه اشوفك كده تانى وكل لما تلاقى نفسك مكتئبه افضلى افتكرى فى اى حاجه بتبسطك

اقعدى قولى انا مش هتضايق عشر مرات ربنا يسعدك يا جميل.

((((اقتراحى اننا نعمل فى بيوتى زى ما بتعمل فى الناس)))))))))))) [b]

انا موافق على الاقتراح ياليتل
وازود ان بيوتى تبقى فى المحكمة المرة الجاية ووراها البرنسيسة ووراها ادمن
وورا بعض .... يعنى مفيش ولاد فى النصف
ايه رايكم يا جماعة كده اقتراح جامد
( هما ليه يختاروا ....... لازم يبقى لينا اختيار وراى ) ولا ايه
انتم مش معايا ولا ايه؟؟؟؟؟؟

احم احم هو حلو الاقتراح
بس هو انا استضيف الاعضاء الاول وبعدين انا
والباقيه تاتى مستعجلين ليه كلنا هنجي هنا والاستجوابات هتيجى واكيد طبعا الناس كلها هتيجى المحكمه ليه الاستعجال ده
وبالنسبه لويجا انتى لسه عمرك طويل يا ويجا حرام تضعيها بحكايه خلصت وانتهت وتعيشى جوه قفص مقفول وانتى ممكن اصلا تطلعى نفسك منه
بس معلش ف الكلمه انتى مادام مش قادره يبقى انتى ضعيفه ليه كل ده انتى اللى ممكن تفكى اسرك بكل سهوله بصى للاصحابك وحياتك ومستقبلك وهيبقى كل شى تمام
وافرجت عنك ياجميل ويارب تكونى سعيده ف حياتك يارب وتكونى بخير دايما ومش عايزه اكتئاب خالص ياجميل وانا والله هاجى ف المحكمه بس استضيف اعضائى الكراااام
اما نستضيف المرة دى المجرى ...............

1) حبيـــت قــبل كــدة ولا لأ؟

2) نــظرتك للحــب عبـــارة عن إيه ؟

3) كــل واحـــد له مــواصفــات معيـــنة فى فتـــاة أحـــلامـــه .. مواصفـــاتــك إنــت فيهـــا إيه ؟؟ ( دة لو فــي فتــاة أحـــلام أصــلاً ) ؟

4) أكــتر حـــاجــة تعـــجبـــك فى البنـــت وتشـــدك ليهــا ؟

5) عــمرهـــا حصلتـــلك دى ( زى مابيقول كدة تامر حســنى ) .. إنـــك روحـــت لبنــت وقولتلهـــا " انـــا بحـــــبك " ... ؟

6) لــو حــصل إنـــك أعــجبــت بواحـــدة وهــي نفــس الأمــر ووصــل المــوضـوع لقصــة حــب تشعلل الكــون بقى وكـــلام الغــراميــات دة .. حتــرتبــط بيهـــا إرتبــاط عـاطفــي زى إللى بيحصــل اليوميــن دولــي .. ولا تنفــض للمــوضــوع بمـــا إنـــك لســه طــالــب ولسه بــدرى عليــك والإفتكســات دى ؟

7) إنـــت تـــحــب إن حبيــبتك تبقـــي هــاديــة وطيـــوبة ولا شقــية ومــجــنــونــة ؟

إيـــه أكـــتر أغنيــة رومـــانســـية لمـــا بتســـمعهـــا بتــحس إنـــك فــي عـــالم تـانــي؟

9) أغنيـــة حــزينــة لمــا تســمعها تفــكرك بحــاحة معيــنة ؟؟

10) آخـــر ســؤال لإنــي مابعــرفش أســأل حـــد للأســف

إيه أكـــتر صفــة بتــكرهـــا فى البنـــت وشــايفهــا موجـــودة فى بنـــات كتيــر وتتمــنــي متبقـاش مــوجــودة فــي حبيــبــــتك ؟؟



ودومــــــتـــــم

يعنى يادكتورة انا دلوقتى اللى عليا الدور
يادكتورة فراولة ......... ارد ولا حنقوم بثورة لتصحيح الوضع
ايه ارسو على حل....... طبعا انا موافق على الثورة ..........
انا اريد ثورة ..... للحق والحرية والمساواة
واحنا مش اقل من فرنسا

ثورة ايه اللى انت جاى تقول عليه .......ز
انا بقيت فيها ........ حكم القوى على الضعفاء يابيوتى
على العموم الزمن بيدور ......... وحيجى عليكم الدور
ممكن ارد بقى.........
انا حبيت مرتين قبل كدا ( بمعنى مرة من زمان ومرة قريب ) بس
الحب ده ...... كل حاجة مفيش حياة من غير حب ...... الحب بيحيى الانسان بس هوهو يقدر يموت ميت مرة فى اليوم ........ز الحب ده زى المغارة مش عارف فيها ايه
بس بجد اللى محبش يبقى عمره ماعاش
موصفات البنت....... تكون متدينة ... وحلوة وزى العسل ....... تكون هادية وشقية فى نفس الوقت
تكون دماغها مش ناشفة ...... واهم حاجة متطلعش عينى بس
اكتر حاجة تشدنى فى البنت .ز....... ذكائها بصراحة
من حيث انى رحت لواحدة ووقفت قدامها وقلتلها بحبك لا ....... بس قلت لحد قلها وعلى فكرة فى المرتين ليه بقى ( تبقى واقفة قدامى وبنتكلم فى اى حاجة ابقى ديك رومى فى الكلام ايه ده .... لكن معاها واقولها بحبك ببقى بطة بلدى .... مش خوف او نقص شجاعة بس بتوه )
بصراحة ......... حلوة اوى لو حبيت واحدة وهى حبتنى بجد واخلاص حعمل كل حاجة علشان ارضيها وكما ن ارتبط بيها ..... لانها لو بتحبنى حتفهمنى وحتعرف قدرتى قد ايه وعمرها محتزعلنى او حتدوس عليا ماشى
احب حبيبتى انها تبقى طيبة وحنينة وهادية بس تكون روحها حلوة .. يعنى فيها حتة شقاوة
الاغنية اللى بعيش فيها اوى ( ميتحكيش عليها زى الملايكة لما تشوفها )
والاغنية الحزينة ( افتكرت ) لحماقى وبالذات ( قصادى عيونه محتارة يقر ب ولا يداره جيه اليوم اللى اشوفه انا فيه ومنتكلمش ياخسارة ده صعب عليا واعمل ايه مفيش فى ايديا شى تانى خلاص اهو اسمى شفت عنيه عشان دى بجد وحشانى )
لانه كان موقف صعب عليا اوى
اكتر صفة فى البنات مبحبهاش ( مش شرط فى كل البنات ) التسرع بس
والحمد لله يابيوتى انك مبتعرفيش تسالى ( امال لو مبتعرفيش تسالى كنتى عملتى فيا ايه )
لكل ظالم نهاية

انا مش مصدق عنيا يا جمااااااااااااااااااعه
الماجري بنفسه في المحكمه ؟؟؟؟ وبعدين انت محتاج يعملولك قفص تفصيل يا حبيبي
بس انت وقعت و ما حدش سما عليك ..... انا هانزل يتقلي و ايامك الجايه هاتتعب معايا وي
خد دول الاول كده كا تسخيييين
لو حبيت واحده اطول منك ( دا لو في اصلا ) هاتوافق ترتبط بيها و لا هاتتكسف تمشي مع واحده اطول منك؟؟
انهه عندك اهم الجمال و لا الشخصيه؟؟؟ يعني ترتبط بواحده مقبوله و شخصيه عسل و لا هيفاء وهبي و شخصيتها مش حلوه؟؟
بتفكر ترتبط باوحده قدك ولا اصغر منك ؟؟ يعني انهه نوع احسن
خد ده بقي .....هيا كيسه حاول تحلها .... واحده كانت معاك في الكليه وكانت مرتبطه بواحد و لاف ستوري عنيفه جدا فوق السنتين وفركشوا.... و انت اتعرفت عليها و اعجبت بيها..... توافق ترتبط بيهاوتكلمها في الكليه عادي.... و لا تقول ما احبش واحده حبت حد قبلي؟؟؟؟؟؟؟
لو فرض عليك تقول كلمه بحبك تحب تقولها و جها لوجه و لا في الموب و لا علي النت؟؟؟ يعني درجه الكسوف عندك اييييه؟؟؟
كفايه عليك دول يا كبييييير
وشكلك هاتحتاج الكونتيييينر في الاجابه

أحب أنـا الاجابات البديهيه دي

ايه رايك في حب النت ؟ ضدهـ أو معـاهـ ؟!

ممكن تحب من خلاله أو لاء؟! وليه سواء آآهـ أو لاء؟!

انت دلوقتى بتحب او معجب بحد ولو اه ارغى؟
ايه رأيك فى قصص الحب اللى بنسمعه روميو وجولييت وقيس وليلى والحاجات دى ..

هل انت شايف ان دى قصص منطقيه ولا دى اساطير ومفيش حب بالشكل ده ؟؟؟

طيب هل انت ممكن توصل لدجة الحب دى ؟؟

ولو حبيت واحده ولا قدر الله حصل حاجه فرقت بينكم .. هل هتكتئب وتيأس وتشوف الدنيا ضلمه ..

ولا هتزعل عليها لكن هتتعامل مع الموقف بواقعيه ؟؟
حبيبتك تقعد تحكيلها اى اى اى حاجه ولا فيه حاجات مش تنفع تتحكى ليها ؟

وانا غلبانه يامجرى هى دى اسئله

ايه يا عم ميكووووووووووووووو
فرحان فيا .......... ماشى مه الزمن دوار انا فرحت فيك ماشى ياحبى
بتهيالى يا ميكوووووووووووو
ان مفيش واحدة اطول منى ماشى ...... ولو واحدة اطول منى بس بحبها وبتحبنى بجد انا موافق انى طبعا ارطبت بيها معنديش مشكلة ( بس هى فين اللى اطول منى دى لو لقيتها ابعتلى مسج ماشى )
هى لو واحدة زى هيفا وعندها شخصية ماشى ..... بس الشخصية اهم طبعا من الجمال
لانها حتشركنى حياتى وحيكون ليها راى معايا .. فلازم يبقى ليها شخصية
وبعدين الجمال بيروح مع مرور الوقت وبيضيع وبيقل لكن الشخصية بتزيد وبتقوى مع الوقت
على فكرة السوال ده مهم ( واحدة قدى ولا اصغر منى ) انا من رايى هى مش حتفرق لان طالما الشخصية موجودة فيها خلاص وخبرتها مع الحياة كويسة يبقى خلاص ( بس اللى متعارف عليه ان الست تبقى اصغر من الراجل ) بس
اما السوال اللى بعده ( انا حقولك طب اقلب الحوار بمعنى هى توافق انى انا يكون ليا قصة حب قبل كده ولا لا .......... هى عندها مشاعر زى زيها يعنى ميبقاش حلال ليا وحرام عليها لا زى مانا حبيت وهى وافقت عليا مثلا .... لازم احترم مشاعرها ...... وصدقنى لو هى حبت بجد قبل كدا يبقى حتخاف عليا بجد ...... انا حوافق انى اشوفها واكلمها بس على شرط ( متكنش اللى حبته واحد صحبى عزيز عليا ) لان كده دخلت فى موضوع تانى خالص ( فهمنى يا ميكووووو )
يعنى الملخص انى حوافق بس بشرط انها متكنش حبت حد عزيز عليا وهو حبها ..
وانها ليها مشاعر واحاسيس مش عايشة فى الدنيا لوحدها فلازم حتحب وحتتحب بس
اقولها بحبك على حسب ( بس مش وش لو ش ودى صراحة ) بالرغم انى غلباوى اوى
ومتشكرين ياعم كونتينر على الاسئلة دى ولما اشوفك فى الكلية نصفى حسبنا

بيوتى واسالتها .......... ماشى
هى مش اجابات بديهية ... دى اجاباتى وبجد مش اكتر
نرجع بقى ....زززز
الحب على النت .... ممكن اقول ان يمكن يكون فيه بس ازاى انا احب واحدة على الاقل ما كنتش شفتها او اتكلمت معاها مباشرة بمعنى لو انا ححب واحدة على النت يبقى انا بحب افكار اللى قدامى مش هى لازم اشوفها واتكلم معاها طبيعى علشان احكم ولا ايه
......... بحب او معجب بواحدة ( معجب بواحدة ) واعتبرينى رغيت ماشى
قصص الحب ..... انا قريت كلمة للكاتب انيس منصور قال فيها ايه ( ما الذى راه قيس فى ليلى وروميو فى جوليت والشاعر بتراركه فى لورا والقديس ابيلا فى هلويزة ... لم يروا الا مجسما من صنع كل واحد منهم فاحبها ... فاحب نفسه ) وكمان ( كان قيس مجنونا .. لانه راى فى ليلى مالا يراه الناس . فنظم مالا يصدقه الناس .... ومالا تستحقه ليلى ) بس انا معرفش اذا كانت دى خيال ولا لا ....... بس لو حقيقة ...... يبقى فيه حد بيحب حد قوى كدا مش عارف بصراحة اقول ايه
لا انا عمرى محوصل للحب ده لان فيه حاجات كتير ( هما كانوا ناس فضيين .... بمعنى كانوا بيدو كل حاجة حقها .....ز لكن دلوقتى مش كل حاجة بتاخد حقها يعنى الحب مش واخد حقه بسبب ضغوط الحياة وسرعتها )
لو حبيت واحدة وافترقنا طبعا حزعل بس الحياة مش حتبقى سوداء قوى حتبقى بنى على اسود المهم انى متكسرش انى ارجع قوى واتعلم من اللى حصلى وليه انا اتسرعت ولا انا غلطت ولا ايه

حبيبتى احكيلها كل حاجة ولا لا......؟؟؟؟؟
اقولك ( نجاح الست انها تخلى الراجل يحكيلها كل حاجة حتى لو كان عمل حاجة غلط ....... انا شايف انى دى للست ...... بمعنى لو حكيتلها حاجة ولقيتها زعلت عمرى ماححكى غير اللى هى عيزة تسمعه علشان مزعلهاش ...... وانا ححكيلها حاجات وحاجات متنفعش تتقال لانها خاصة بناس تانية خلاص يبقى مينفعش لكن لو حاجة خاصة بيا يبقى ححكيهالها ........ لان حبيبتى هى انا و انا هى حبيبتى )
ماشى يا ست الغلبانة ( اشو فك فى المحكمة يا بيوتى ) ماشى

حلو الاجابات اوى يامجرى بس دلوقتى انت بتقول انك معجب بواحده
امتى اتاكدت فعلا فيها انك معجب بيها ؟
وايه اكتر شدتك فيها؟الوضع وصل لحد فين دلوقتى ؟
وبتكلموا وهى عارفه ان فيه اعجاب؟
طيب بما انى فضوليه جداا اوى اوى
ممكن بس تقولى ايه اللى خلاه الحب القديم ينتهى؟؟اصلى فضوليه جداااا
بتؤمن بالحب من اول نظرة ؟؟؟؟
بتتاكد من حب حد ليك ازاي؟
ممكن فرق السن ياثر علي علاقة حب؟؟؟
مين اول حد فضفت معاه عن احساسك دا ؟ عارفه اصلى انا بحب الرخامه اوى
واخــــــــر سوال وخلاص انت بتمشى ورا احساسيك كتير ولا بتفكر الاول بعقلك؟

وكفـــــــــــــــايه كده ورجعالك تانى

هو انا يا بيوتى مش قلتلك اعتبرينى رغيت
ماشى ... اتاكدت انى معجب بيها لما عينى كانت بتروح معاها فى كل حتة فيها
لما حسيت انى مش قادر استغنى عنها
اكتر حاجة شدتنى فيها ....... هدواها اوى ؟؟؟؟؟ و الوضع اقدر اقولك انه منيل ب600 نيلة
وصعب قوى ....... ويارب يعديها على خير
انا قلتلها من فترة ................................ز
تصدقى لو قلتلك انا مش عارف ليه الحب القديم انتهى بس اللى انا فهمته ان كان فيه حاجات غلط واتصححت
الحب من اول نظرة ........ لالالالا طبعا لان ده يبقى حب شكل وهيكل ....... حب وهم
لازم اعرف كل حاجة عن اللى بحبها وطريقة تفكيرها ......ز وقالبى هو اللى بيشدنى مش عينى .......ز ممكن اسميه ميول او اعجاب بس مش حب
انا عايز اقول على حاجة بجد ( الحب ده مش كلمة تتقال كلمة بتتحس لو حسيناها بجد حنعيش ولو كانت لعبة حتجرح ناس ممكن منعوضهمش خالص .......ز ونضرب نفسنا لاننا فقدناهم بس بعد فوات الاوان )
مش شرط ان فرق السن ياثر على العلاقة ....... لان فى التعامل معاها ححط فرق السن قدام عينى علشان ده مهم .......... بس واللى بياثر اوى هو التعامل مش السن
اول واحد فضفضت معاه كانت واحدة وبس
انا طبعا بمشى ورا عقلى ........ بس مش فى كل الحالات ساعات امشى ورا احساسى
المشيان ورا العقل متعب بس مبيخليش الانسان يتجرح
اما المشيان ورا القلب لذيذ وجميل بس حيخلى الانسان يتجرح اوى اوى بجد

الحب من اول نظرة ........ لالالالا طبعا لان ده يبقى حب شكل وهيكل ....... حب وهم

غلطان غلطان غلطان يا مرجى وكده هغير رائى فيك...
انا الناهردة اقدر اقولك ان الحب من اول نظرة دا اعظم واحلى واجمل انواع الحب واصدقهم
حلو انك تلاقى حد كيميتك تتظبط معاه من اول ما تبص في عينيه ..
تفاعل بيحصل فى ثوانى والنتيجة انك تحس ان الانسان دا نصك التانى وانك فعلا متقدرش تعيش من غيره..

المهم اولا اهلا بيك فى ساحة القضاء العادل جدا بتاعة بيوتى..
معلش اان مكنتش موجودة امبارح عشان اشارك الحدث العظيم دا
المجرى عندنا يا مرحبا يا مرحبا..

خد دول يا ملعم ..

اولا :- ايه مفهومك عن الحب والاعجابو ازاى تفرقهم عن بعض ؟؟
يعنى امتى تقول انا بحب وامتى تقول انا معجب وممكن تغلط فى احساسك دا ولا لا؟؟

اما بالنسبة للقصتين الحب اللى حاولوا يهربوا وفشلو يا فندم..
تقدر تقول مين السبب فى الفشل دا انت ولا الطرف التانى بمنتهى الحيادية؟؟
ولو انت السب تقدر تقول ايه الغلط اللى كان فيك خلاها تفشل ؟؟
وصلحته ولا لسه زى مانت؟؟

اما بالنسبة لاخت سعيدة الحظ (او تعيسته مش فارقة)
اللى انت معجب بيها (ربنا يلطف بيها..)
انت معجب بيها بس ولا حاسس انك حبتها ول انت معجب بيها بس
تاعب نفسك معاها وعامل مشاكل ليه(يا مشرفنى)؟؟؟

اما بالنسبة لانك عايز واحدة هادية وشقية فى نفس الوقت
ممكن توضيح للجملة يعىن حضرتك عايزها تبقى مودية؟؟
كل ساعه بحال من دول ولا ازاى تبقى بتجمع الصفتين مع بعض؟؟

كفاية عليك كده الناهردة .. رجعالك يا ملعم منجرى..
هو انت زبون يا راجل ..دانت صاحب محل... ولازم نتوصى بيك..نورتنا والله

ايه يابرنسيسة ......................................
الحب انا قلت قبل كده ان هو مغارة وان الانسان اللى محبش يبقى معاشى
الحب ( الانسان بيخاف على اللى قدامه وبيغير عليه بس مش الغيرة اللى هى غبية....... ويبقى بيشركه فى كل حاجة تخصه ......... ويبقى معاه على طول)
الاعجاب ( برضه بخاف واغير بس مش بدرجة الحب .... ممكن اشركه معايا ....... وممكن ميبقاش معايا على طول ) وبجد الاعجاب ممكن ينتهى من الشخص لكن الحب لالالالا
طبعا ممكن اغلط فى الاحساس ( مفيش انسان مبيغلطش)
تصدقى لو قلتلك ليه الحوار الاتنين اتقفلوا
بصى انا فى كل حاجة لازم تطلعلى عفريت
يعنى واحدة تكون بتسمع الكلام وفيها شقاوة برضه بس مش قوى

ويجا............... ليه كدا
طبعا ممنعش انها تتكلم ( لانى هكون واثق فيها طبعا ) بس لو اللى هى بتكلمه وحش طبعا حرفض طبعا ( لانى مش حبقى واثق فيه )
بصراحة جنسية تانية صعب........ لانى مش حلاقى اجدع ولا اوفى ولا اخلص من البنت المصرية
هما بيطلعوا العين بس حنينين وطيبين ودمهم خفيف
لو انا مرتبط مش حغلط غلط يخلينا نقطع العلاقة ( لان الغلطة الوحيدة حتببقى متعلقة بالكرامة )
اعرف هى خبت ايه ........ وبعديها اتصرف بس غالبا حقفش ............. لانها بدام مقالتليش تبقى مبتثقش فيا ......... ومفيش حب من غير ثقة
حنصحها ......زز كرارتها......ز حنصحها ....... كرارتها ............ حقولوا وعلى كل حاجة
لو حسيت انى بحب حبيبت صحبى ( طبعا لا حسكت لان مينفعش انا اللى اخون صحبى )
انسحب امتى من علاقة مع بنت لو خانتنى ... او كذبة ( لان الكذب بداية لكل حاجة )
بصى بقى مفيش عضو وبصراحة مبطيقهوش
اما 3 اعضاء اللى بعزهم للبنات ( البرنسيسة و ادمن وبيوتى وطبعا ويجا بصراحه بعزكم كلكم
اما 3 اعضاء الولاد اللى بحبهم _ كيموووووو و ميكووووووو و مستر هيدان بصراحة يعنى بحب الولاد كلهم برده

طبعا انت حكمك معانا خلص يادكتور مجرى وطبعا كانوا تلاته ايام جامدين جدا
واجابتك كانت حلوة واتمنالك انك تلاقى واحده بالمواصفات اللى انت عايزها وتكمل معاها حياتك وتعيش ف سعاده وانا حكمى انك لما بتحب بتحب بجد وبتكره بتكره بطريقه وحشه وان شاء لله تلاقى الانسانه اللى تقدر حبك ونورت قاعه القضاء المتواضع (براءه ياباشا)
وطبعا البنوته الجايه انا بقترح طبعا حبيبتى فـــــــــــرح(معلش بقا الدنيا بتيجى ع الكل)
وطبعا انا اسئلى حلوة جدا جنب المستشارين بتوعى (صـــــــــراحه ووضوح)
طبعا مش مسموحلك بالتهريج ولا اللف والدوران عشان انا مبحبش الكلام دا


طيب السوال المعتاد قلبك حالته ايه(مستقر يعنى ولا نو)
كان فيه اعجاب حب قديم ولو كان فيه ارغى ولسه فيه ولا انتهى
وبما انى فضوليه ليه انتهى
اية مواصفات فتي احلامك ؟؟؟؟

اية الحاجة الي متحبيش تبقي موجودة في الي هتحبية ان شاء اللة ؟(ده لو مكنش فيه ولو فيه ايه اكتر حاجه شدتك فيه)
واحد انتى معجبه بيه جالك وقالك انه معجب بيكى .. هيبقى رد فعلك ايه .. ؟هل ممكن تصارحيه انتى كمان .. ؟؟
خايفه من الحب .. ؟؟ ولا انتى مش لاقيه الحب بجد ؟؟

خايفه تمشى ورا مشاعرك .. عشان خايفه تتصدمى ؟؟

بس كــــــــفايه كده عليكى وجيالك تانى

مكنش العشم والله بجد مش عشان اختى يعنى كنت عارفه انا فعلا اتصدمت ان الدور جه عليا كنت مستبعده خالص الوضع دلوقتى ماشى يابيوتى امال لو مكناش اخوات كنتى عملتى ايه
مردودالك ان شاء الله ...
نيجى بقى لاسئلتك ياهانم ولو ان انها مالهاش لازمه واجابتها معروفه بالنسبه لك بس هى فضايح وخلاص

طيب السوال المعتاد قلبك حالته ايه(مستقر يعنى ولا نو)
الحمد لله مستقر اقدر اقول مؤقتا ...

كان فيه اعجاب حب قديم ولو كان فيه ارغى ولسه فيه ولا انتهى
اه كان فى حاجه قديمه وانتى ست العارفين والحمد لله خلصت

وبما انى فضوليه ليه انتهى
دا مش فضول دى رزالـــــــــــــه
تقدرى تقولى كنا احنا الاتنين السبب

اية مواصفات فتي احلامك ؟؟؟؟
أهم صفه انه يراعى ربنا فيا لانه لو راعى ربنا عمرة ماهيظلمنى ويكون طيب وحنين ويحبنى ويخاف عليا ( طمع بقى )

اية الحاجة الي متحبيش تبقي موجودة في الي هتحبية ان شاء اللة
اولا مايبقاش كداب لان الكدب ده بيموت اى علاقه فعلا ومايكونش شكاك لانى ممكن اتجن من شكه ده وبلاش بخل بقى ( طماعه برضه)

واحد انتى معجبه بيه جالك وقالك انه معجب بيكى .. هيبقى رد فعلك ايه .. ؟هل ممكن تصارحيه انتى كمان .. ؟؟

أصارحه لأ استحاله دا انا لو نطقت يبقى حلو اووى بس الاكيد انى هتنح ويمكن ساعتها اسيبه وامشى اساسا لو انا كمان مرتاحه له هسكت وعلى حسب مايفهم بقى بس يارب مايسال سؤال صريح كده

خايفه من الحب .. ؟؟ ولا انتى مش لاقيه الحب بجد ؟؟
بصراحه خايفه ومرعوبه كمان لان التجربه الوحيده اللى كانت فى حياتى بجد كانت مأساه
فحسه انى جاله عقده أساسا اما بقى انى مش لاقيه الحب الحقيقى ده فبقى صعب جداا ان الواحد يلاقى حد يستاهل انه يكمل معاه ويأمنه على مشاعرة فعلا مبقاش موجود ولو لاقيته أكيد مش هفرط فيه بأى تمن بس أهم حاجه انه يبقى شخص يستاهل

خايفه تمشى ورا مشاعرك .. عشان خايفه تتصدمى ؟؟
بصراحه أه بقيت أخاف أمشى ورا مشاعرى جدا ومع ذلك مش بحرم ومفيش فايده فيا وهو ده اللى خايفه منه اووى لان المشاكل اللى بتحصلى سبابها مشاعرها اللى ماشيه وراها دى وبجد كرهت نفسى من الموضوع ده

وبصراحه حرام كده ومتسأليش تانى لو عايزة تعرفى حاجه خليها بينى وبينك مانا فى وشك طول النهار حبكت يعنى ياسا تــــــــــــــر

نيجى بقى للدكتورة ويجا منورة ياويجا والله بس براحه عليا انا مش قدكم ..............

ايه اخر اخبارك العاطفيه؟
عادى مفيش جديد زى ماانا يعنى


امتى تقولى انك بتحبى؟
لما أحس انى مشدودة لحد اووى نتيجه اهتمامه هو اللى بيخلينى افكر فيه ولما افرح انى ببقى معاه والوقت يعدى بسرعه واتمنى لو افضل معاه كده عالطول وبحس فعلا انى مش عايشه وسط الناس حتى لو واقفه مع 100 واحد وهو موجود بحس ان مفيش غيرى انا وهو وصدقينى بقى دا بيبقى احلى وقت بيعدى عليا غير لما بنبقى لوحدنا اصلا وكفايه كده بقى أحسن حاسه هقوم أمشى ...

ايه مواصفات صديقه العمر؟ وامتى تسيبيها؟
هى موجوده فعلا وكلكم تعرفوها واحلى حاجه فيها اننا فعلا اخوات عمرى ماحسيت انها صحبتى هى اكتر من اخت ليا والله واحلى حاجه فيها انها بتخاف عليا يعنى لو انا غلطانه بتقولى وعمرى مابزعل منها ابدا اما حكايه اسبها دى استحاله تحت اى ظروف استحاله وبجد انا عمرى ماببيع حد بسهوله يعنى لو حد فعلا انا بعدت عنه بيبقى فعلا غصب عنى بيبقى فاض بيا ومينفعش يعنى الحمد لله مقدرش اقول انى بعدت عن حد كده ودى نعمه من ربنا ...


ايه اكتر حاجه خانقه فى الشباب بجد؟
بصراحه اكتر حاجه بترفزنى لما تلاقى حد ظريــــــــــف زياده عن اللزوم والغباء بقى بيزهقنى فى عشتى ولو هنتكلم على الشارع يبقى المعاكسات دى كرهتنى انزل من الباب اصلا


وايه الصفه اللى فى اصحابك نفسك تفيريها؟
بجد بحبكم كلكم جداا واللى يحب حد يحبه زى ماهو بس لو قلت حاجه معينه مابحبش المخ الصغير اللى ساعات بيتحكم ده بيعصبنـــــــــــــــى....


مين صاحبتك اللى كنتى تعرفيها من بعيد بشخصيه واما قربتى منها لقتيها حد تانى بشخصيه احلى من ما تصورتى؟
بصى ياويجا انا بصراحه مش بحب أحكم على حد مااعرفوش بس أكيد فى أنطباع بيتاخد عن الشخصيه الاول يا يبقى صح يا يطلع غلط بس عموما لو قلبنا السؤال وقلنا اللى كنت واخده عنهم فكرة حلوة ولما قربت لقيت العكس هقولك كتيـــــــــــــــر لان بجد فى ناس كتير بتخدع فيهم للاسف ...

بجد والله ايديا وجعتنى وحرام عليكم هو كفايه كده اوووى انا استويــــــــت واحتمال اموت منكم كده ارحموا من فى الارض يرحمكم من فى السماء وأظن كفايه لحد كده فضايح اوووووى

وعلى فكرة بقى مش هلون بقيت الكلام عشان زهقت هو حلو اووى كده وهو سادة

نسيت سؤال على فكرة سورى ياويجا بس مخدتش بالى


وايه الصفه اللى فيكى نفسك تغيريها؟

بصراحه انا بثق فى الناس بسرعه وبجد كرهت نفسى ونفسى اتغير والله اووى لانى بجد مشاكلى كلها بسبب الموضوع ده
وفى حاجه كمان انى مش بعرف اعبر عن اللى جوايا خالص يعنى لو عايزة اول احساس لحد مش بعرف طوبه بجد
ومش فى موضوع الحب بس يعنى لاى حد حتى لو لحد من اهلى وده مضايقنى اوووى