<<***....محكمه الحــــــــــــــــــــــب....***** عقوبه لمده تلاته ايام

سورى يا جماعة على التاخير فى الرد والله مش هروب انا هرد اهوه على كللللللللللللللللللللللللل الاسئلة الموجهة اليه

اولا هرد بالترتيب
اول حاجة على شاهى
انتى ناويه تعملى ايه مع حبيبك دلوقتى؟ مهو اكيد الحيره دى ليها نهايه ولا ايه؟

الحقيقة يا شهد انا عن نفسي مش عارفة هعمل معاه ايه
الحيرة حيرتى انا لكن القرار فى الاول وفى الاخر قراره هو
يعنى لازم يثبتلى بالدليل القاطع انه بيحبنى عشان يكون الشخص اللى اقدر اثق فيه واكمل عمرى معاه

وعلى فكره بردوا انتى مش وضحتى التغير اللى حصل لما حبيتى بجد؟ وانا رخمه ومصممه اعرف الاجابه بالتفصيل الممل

بصي يا انسة رخمة هانم(ههههههه) انا لما حبيت حسيت اجمل احساس فى الدنيا زى اى حد بيحب
بس مش هقولك زى كلام الاغانى الدنيا نورت فى عيني و الكلام ده لااااااااء
الحب زى اى احساس بنحسه
بنفرح ونزعل ونطمن ونقلق بنتعب وبنرتاح بنقع ونقوم كل الاحاسيس اللى فى الدنيا حسيتها جوة نطاق الحب
لكن انا طبعا لما حبيت بقيت احاول اكون اجمل حد فى عنيه وعشان كدة كنت بحاول ابقي دايما احسن فى كل حاجة
ومنكرش انى حسيت باطمئنان وراحة جامدة جداااااااااا

مين عندك غالب العقل ولا القلب ؟ ومتقوليش الاتنين لان مفيش حد كده مقضيها عقل وخلاص؟

بصي يا شهد مينفعش مقولش الاتنين لان مفيش بنى ادم لاغى عقله وماشى بقلبه مية فى المية مهما كان رومانسى ومفيش برده حد عملى 100 فى المية استحالة
لازم القلب والعقل سوا لكن انا لانى رومانسية شويتين فدايما القلب بيبقي عندى سابق ساااااااابق مش غالب ماشى كلامى واضح
لكن برجع طبعا بفكر بعقلى يمكن متسرعة وانتى عارفة كدة لكن طبعا بعتمد على عقلى ولو بنسبة اقل من قلبى واحساسى

كام مره اتجرجتى من اصحابك ؟ ومين سا محتيه ومين لا ؟

بصراحة اغلب الناس اللى صاحبتهم فى حياتى كانوا اندال اخر حاجة
ومنكرش برده انى عرفت ناس كويسة جدا اللى انا معاهم دلوقتى واللى انتى واحدة منهم
كام مرة ديه بصراحة مقدرش اعدلك يمكن لانى حساسة اوى بزعل بسرعة لكن المرات اللى علمت معايا اوى كانوا 3
وال3 كانوا تقريبا اعز اصحاب عليا فى عمرى واقرب ناس ليا
انا سامحت واحدة منهم بس العلاقة ما بينا مش زى الاول والاتنين التانيين انا مش زعلانة منهم لانى مش بعرف ازعل من حد
بس علاقتنا اتقطعت نهائى لان الاذية اللى اذوهالى كانت جامدة اوى وكان صعب نرجع حتى نبص فى وش بعض بعدها

ايه رأيك فى الحب من اول نظره ؟ تؤمنى بيه ولا لأ؟

من وجهة نظرى مفيش حاجة اسمها حب من اول نظرة فى اعجاب من اول نظرة ااها لكن حب من اول نظرة استحالة
لان النظرة ماهى الا انك تشوفى شكل اللى ادامك
وفين الشخصية و الطباع والروح وحاجات كتيرة اوى صعب احكم عليها بمجرد النظرة
لازم يبقي فيه تعامل عشان يبقي فيه حب
ده فيه ناس بتفضل عارفة بعض بالسنين ومش بيحكموا على بعض صح يبقي انا هحكم على واحد من نظرة
لا طبعا مش بؤمن بيه

ايه هى الصداقه من وجهه نظرك ؟ وانتى شايفه انك ليكى كام صديقه بجد مش اصحاب يعنى؟

الصداقة عندى حاجة مهمة اوى حد اقدر اعتمد عليه والجئله واثق فيه بدون اى حرج
وثقتى فيه تعدى اى حدود
انا ليا اصدقاء قريبين منى كتير تقريبا 5
لكن علشان اقولك الصراحة انا من كتر القرص اللى اتقرصته من اصدقائى معدتش عندى ثقة فى حد بس طبعا مش معدومة لكن مش بأمن لحد بنسبة 100 فى المية
بس الحمد لله اصدقائى ال5 اللى بقولك عليهم دول عيال عسل و زى الفل وبموت فيهم وانتى
عرفاهم واحدة واحدة و كمان انتى واحدة منهم

وانتى شايفه انك اديتى واجبك ناحيتهم من حيث الاهتمام والرعايه ؟ولا ممكن تكون فى فتره مشاكل عندك فتدلقيهم وتقولى انا فيا اللى مكفينى؟

انا الى حد ما بحاول اكون عند حسن ظنهم وبحب جدا وربنا يعلم
وبحب اسمع مشاكلهم واحاول احل معاهم لو فى ايدي اى شىء
لكن انا سعات لما ببقي مخنوقة ببقي مش عايزة اكلم حد اصلا بقصر فى حقهم لكن عمرى ما دلقت حد فيهم او عاملته وحش والحمد لله


ايه اكتر مكان ترتاحى فيه _ اكتر شارع بتحبيه؟

على فكرة هو مش سؤال غريب ولا حاجة يا انسة شوشو
بس هو مش شارع بحبه(زى مقلب الزبالة اللى انتى بتودينا عنده وبتحبيه ده هههههههه)لا
هو الحقيقة اكتر مكان برتاح فيه ادام البحر لما اكون لوحدى وقاعدة ادام البحر بحس انى بغسل همومى
وحاجة كمان بالنسبالى المكان مش بجماله لكن بجمال الناس اللى فيه
بمعنى انى ممكن اكون فى اجمل مكان ف العالم لكن مش مبسوطة لانى مش مع اللى بحبهم
وممكن اكون فى مكان عادى لكن مبسوطة ومرتاحة عشان معايا حد بحبه

نفسك تحققى ايه ؟

نفسك تحققي ايه بقي ده سؤال صعب اجابته
لكن نفسي اغير حياتى ونفسى لما انشاء الله فى المستقبل اتجوز واخلف
اربى ولادى تربية كويسة لانهم هيعيشوا فى مجتمع ما يعلم بيه الا ربنا
ونفسي اقرب من ربنا اكتر من كدة واحافظ على طاعته وعبادته
وشكرا انسة شهد

وبالنسبة لانى خايفة فانا مش خايفة يا فيتا لان الصراحة اروع شىء فى الدنيا بجد
ولما الانسان بيكدب او بيحور كدبه بيتقلب عليه والكدبة مش بتبقي كدبة صغيرة زى مالناس فاكرة
ديه بتفضل تكبر يوم بعد يوم لحد ما تدمر حياته كلها
انا بجاوب عليكم اهوه


دلوقتى هجاوب على ميكودودو

حضرتك مؤمنه بجواز الصالونات ولا شايفه انه لازم يبقي فيه حب قبل الارتباط؟؟؟؟؟

انا عن نفسي مش بحب جواز الصالونات ولا بقتنع بيه حتى لو فيه فترة خطوبة كافية
الحب عندى شىء مقنع اكتر للارتباط
مع ان فيه ناس كتير مش موافقانى الرأى لكن ده رأيي انا
بس طبعا الحب يكون مش اى حب ويكون مشاعر طاهرة ورقيقة
مش اى علاقة مش لاقينلها اسم نطلق عليها اسم الحب احنا كدة نبقي بنشوهه حرررررررام علينا

لو خيروكي بين صاحبتك و حبيبيك تختاري ميييين؟؟؟

عمرى ما احب انى اتحط فى وضع انى اختار بين حد وحد ابداااااااا
مش صحبتى وحبيبي وبس
لا انى اختار بين اى شخصين
لانى طول عمرى واضحة يا ابيض يا اسود
لاعمرى كنت متذبذة ولا قلوقة فى اختيارى
لكن انا لو الظروف اتضطرتنى لانى اتحط فى الموقف ده هشوف على حسب الموقف نفسه
لكن صدقنى انا مش من الاشخاص اللى ممكن يتحطوا فى الوضع ده ابدا
واسال شهد عليا



نفسك تبقي ايه اما تخلصي؟؟؟؟ يعني عندك طموحاااات عظييييييمه و كده و لا عايزه تبقي حاجه تقليديييه؟؟؟

لا انا طموحة لابعد الحدود وعمرى ماكنت بحب اكون تقليدية
اى نعم بيطرى كفر الشيخ دمرت كل طموحاتى وعقدتنى من الدنيا واللى فيها
الا انى نفسي ابقي حاجة سبيشيال واعمل حاجة محدش عملها قبلي
ايه هى الله اعلم
لكن ديه امنيتي طول عمرى

ايه الحاجه الي نفسك فيها من زمان و لحد دلوقتي ما تحققتش؟؟؟؟

الحاجة اللى اتمنيتها من وانا صغيرة اوى ولسة ملقتهاش الاحساس بالامان
ديما قلقانة وبفكر فى اللى جاى
بفكر حتى وانا نايمة لما ببقي عايزة اكسر دماغى من كتر التفكير
نفسى تهمد شوية

لو حبيتي حد و سبته بعض و بعدين حبيتي تاني هاتقارني بين حبيبك لاولاني و الجديد؟؟؟ و لا هاتقولي انا نسيت القديم خااالص و هافتح صفحه جدييده؟؟؟؟

لا مش هقارن خالص
لانى مادام سبت الاول وحبيت غيره يعنى نسيته
ومادام اديت قلبى لشخص تانى يبقي انا بحب الشخص ده واحنا المفروض لبعض
يبقي انا مقتنعة بيه ودماغى وقلبي واحساسي مقتنعين بيه
يبقي الماضي بالنسبالي انقضى ولا هقارن ولا هفكر اصلا فى حاجة فاتت

بتفضلي انهه نوع من الرومانسية؟؟؟

انا طماعة شوية احبه يكون فيه الاتنين ميكس كدة
يعنى يكون بيسيل ويقولى كلام حب طبعا
وفى نفس الوقت يكون ناضج وراجل اوى وفعله اد كلامه

وشكرا على اسالتكم الى عايز يطحنى تانى انا مستعدة
ههههههههه
نور

هو انا بقول يعنى ان نور بقالها كتير اوى فى المحكمه وكفايه اوى كده على البنيه (على ما اعتقد)
اتصدقوا بقالى كتير والله مزرتش محكامتى اللطيفه دى
وانا بقول لنور بجد كانت اجابتك ميه ميه بجد وربنا يوفقك ياجميل فى حياتك ودراستك
وبشكر طبعا الاعضاء اللى ميشوا المحكمه فى غيابى

وبقول لمكيوووو انا موجوده اهو يرحم الايام ليه هترجع ان شاء لله

وانا بقول كفايه بناتيت بقى وندخل على الشباب واحب استضيف فى محكامتى اللطيفه دى والواسعه هو........
انـــــــــــــــدى يلا يا دكتور استعد


وايه اكتر عملتها فى حياتك وندمت عليها؟
وياترى حضرتك بقى حبيت كام مرة ؟؟؟ وايه اكتر مرة علمت فيك؟
وندمت انك ضيعت البنى ادم ده من ايديك؟؟
وبما انننا عارفين ان اندى ملك الاحساس توصف كل تجربه من اللى مريت بيها بايه؟؟؟
وايه اكتر موقف حصل ليك وكانت احلى حاجه فى حياتك؟
وايه اكتر موقف حد عمله فيك وضايقك اوووى؟
وايه اكتر اغنيه بتحبها وتخليك تسرح وتفتكر ايام زماااان؟؟
وكفايه كده وياريت المستشارين يكملوا اسئله ونرجع بعد الفاصل

سورى يا جماعه على التأخير بس بجد عمرى مابصيتش هنا خالص ولا عمرى توقعت انى اكون فيها...بس قشطه يعنى معاكم...
هاقوم اعمل شاى بس وارجع اجاوب ...

وايه اكتر عملتها فى حياتك وندمت عليها؟
وعليكم السلام ورحمه الله وبركاته .....
اكتر حاجه عملتها وندمت عليها فعلا كان متش لعبته وانا فى سنه خامسه ابتدائى مع فريق رجاله كبار وكنا عيال صغيرين....وكنت واقف جون وشوطه اتشاطت على ايدي كسرتها كسر من الدرجه التلاته وسبعين تقريبا
....وبسبب الكسره دى ماقبلتش فى الطيران بعد ماكنت عديت تقريبا كل الاحتبارات حتى الضغط فى الاوضه ده اللى بيفرق تقريبا بين الطيار والانسان العادى..لانها بتكون طبيعه فى الانسان اللى بيتحمل ضغط ... ...
حلمى راح منى قدامى بسبب متش.

وياترى حضرتك بقى حبيت كام مرة ؟؟؟ وايه اكتر مرة علمت فيك؟
حضرتى حب كتيييييييييييييييييير...كل مره بحب حاجه معينه فى الانسانه دى وبعدها يبكتشف انها مش فيها غير الحاجه دى,,,او فيها حاجات كتيير اوى بس اكتشف حاجه....تخفى كل الحاجات دى مهما كانت بتلمع اوى.
بس بالسبه للحب عندى هوا مختلف شويه,,,لان انا بالنسبه لى الحب عشره بين اتنين فى كل حاجه ,,,فى ادق التافصيل ...ودى عمرها ماتحصل غير فى المرحله التانيه لان المرحله الاولى بتبقا تعارف وممكن حتى مرحله التعارف دى تتأخر ....بس هيا بتكون كده ,,, والمرحله التانيه دى بالنسبه لى مقدرش ادخل فها والحمد لله مظلمتش حد ماتأكدتش منه معايا فيها ,,,,ومدام موصلتش للمرحله التانيه فى اى علاقه تبقى الاجابه الحقيقه للسؤال ..حبيت كتيييييييييييييييير ومحبتش خالص.لازم العشره دى تكون من القلب اوى لان اللى هايطلع ده ماينفعش يطلع غيثرلواحد بس.
واكتر مره علمت فيا....اول مره ودى حاجه طبيعيه...بس لانها كانت مخلصه اوى وحسيت انها بتروح غصب عنها ,,,كان احساس صعب.
وعلى فكره انا متوقعتش خالص انى ممكن ادخل فى المحكمه دى,,,وعرفت بالصدفه من الاخت الشريفه العفيفه شهد وش السعد والاخبار اللى زى الفل دى


وندمت انك ضيعت البنى ادم ده من ايديك؟؟
الحمدلله مفيش ندم ولا حاجه لان اكيدربنا مقدر ده يبقى اكيد ده احسن
طول مافى رضا ان شاء الله مفيش ندم.


وبما انننا عارفين ان اندى ملك الاحساس توصف كل تجربه من اللى مريت بيها بايه؟؟؟
انتوا عارفين منين كده.؟
هوا عاما انا السؤال فهمته بصوره عامه وهاجاوب على الاساس ده ,,لو فى صوره تانيه للسؤال قصدك بيها قوليلى بس وانا اجاوب عادى...
بس هوا عاما..
هو مش وصف انما احنا عايشين نتعلم من اللى بنمر بيه ولسه هنشوف اكتر....
ولو على الوصف انا مقدرش اتكلم عن صفات . زى ماقلت قبل كده...انما كل حد كان فيه حاجه واحده من الحاجات دى...او فيه حاجات كتير بس مفهوش اهم حاجات...
وبالنسبه للوصف:
ساعات كان بيبقى حاجه زى الرقى كده.. شعور راقى اوى...زى مثلا احساس الاوبرا او حاجه الواحد بيحبها اوى...بس بتبقى لحظيه اوى..او بحكم الظروف اللى بتخليه زى الافلام .....بحس انه عامل زى الاضاءه العليا
ساعات كان بيبقى اطمئنان عادى...وطبعا انا بتكلم من وجهه نظرى انا..
مش هاكمل فى الاجابات لحسن يكون ده اصلا مش قصدك...على العموم لو اجابتى ناقصه فى حاجه عرفينى.


وايه اكتر موقف حصل ليك وكانت احلى حاجه فى حياتك؟
لما عرفت انا عاوز ايه فى حياتى...أو لما فهمت نفسى..

وايه اكتر موقف حد عمله فيك وضايقك اوووى؟
هوا مش اكتر ولا حاجه بس انا مش بيجى فى دماغى حاجه ,,فهاقول اللى جه فى دماغى وخلاص بقا..
كنت فى اولى تانى وكنا فى يوم امتحان التشريح العملى...وهوااصلا يوم مايعلم بيه الا ربنا ومكنتش طايق نفسى,,,,وصديق رقيق جدا ومن الطف الشخصيات فى الكليه..وهوا الفراشه اللى محدش بيحس بيها( كمال صقر ) ...
وفى اليوم ده كنا بنهزر قبل الامتحان وكنت لابس قميص ابيض وكان ماسك كوبايه شاى وتقريبا قالى لو معملتش حاجه كده مش فاكر هيا ايه ,هايرمى الشاى عليا..طبعا كلنا خدنا الكلام عادى...الغريب انى حاولت اعمل الحاجه دى وفجأه الاقى كوبايه الشاى مكبوبه عليا وبيضحك والغريبه انه مش حاسس انه عمل اى حاجه... وابتسامته اللذيذه على وجهه(كمال صاحبى على فكره جدا) زعلت شويه بس انا عارف ان هزاره زياده سنه صغيره كده عن الطبيعى ....وطبعا انا مش بحكى الحكايه دى عشان الشاى انما انا بحكى لانى اضطريت اجيب قميص من واحد صاحبى فى المدينه الجامعيه...وحصلت الحاجه اللى عمرى ماتوقعتها ولحد دلوقتى ندمان عليها...وهيا انى لبست قميص برتقالى ...مش هاقول غير كده....وانتوا اكيد فهمتوا قصدى ..(لبست قميص برتقالى,,,مصدقين؟؟ )..
زعلت اوى من الموقف اللى حطنى فيه صحبى وخلانى البس قميش برتقالى

وايه اكتر اغنيه بتحبها وتخليك تسرح وتفتكر ايام زماااان؟؟
اكتر اغنيه بحبها ...................love story طبعا
و طبعا صدقنى خلاص....بس مابتفكرنيش باللى فات...بالعكس دى للحاجه اللى ان شاء الله فى المستقبل..اول ماهعرفها هاهديهالها ,,,,انا طول عمرى وانا ماقرر كده...

امممممممم طيب نكمل اسئله


خد بقا شوية الاسئله دول.......
1-ايه هو هدفك فى الحياه؟
2-تفضل الحبيب على الصديق ولا العكس؟ ولماذا؟
3-ايه اكتر ميزه بتحبها فى شخصيتك؟وايه اكتر حاجه مش بتحبها بردو فى شخصيتك؟
4-بتحبى فى قصة حب ولا تؤتؤ؟
5-ايه اكتر حاجه بتتمنى انها تتحقق؟
6-امتى قلبك يقسى؟
7-ايه الحاجه اللى عملتها وندمت عليها جدا؟
8-امتى حسيت ان الدنيا وحشه ومش عايز تعيش فيها؟
كفـــــــــــــــــــايه عليك كده ورجعالك تانى فين الاسئله يامستشارين
مش نافع كده خااااااااااالص

انا بقا عندى سؤال اعتراضى على الماشى كده للقاضى..
حضرتك كررت سؤال,,الحاجه اللى عملتها وندمت عليها جدا؟
وكتبتها فى وسط الاسئله ولاحظتها فى تقريبا معظم اسئلتك لباقى المتهمين انه لازم يكون فيه كام سؤال مكررين...
هيا دى صدفه ولا ده اختبار للصدق فى الكلام؟؟

اسال انا بقى اندى

1- لما بتحب بيكون اية غالب قلبك ولا عقلك؟

2 - لو اللى بتحبها خيرتك بينها و بين اهلك هتختار مين ؟

3_ اية رايك فى مقولة (مراية الحب عامية ) ؟.

4_ ممكن تتجاهل عيوب اللى بتحبها بنسبة قد اية ومتقالش حسب العيب ؟

5_ الحب حالة ولا استحالة ؟

6_مواصفات فتاة احلامك اية؟

7_ الحب الاول بيتنسى ولا لا ؟؟

8_ اية رايك فى اصحابك الولاد لما حد بيحكى معاك فى موضوع عاطفى ؟


جاوب يا باشا

تسمحلي يا هيثم

شكرا.أجب عما يلي:
1_ممكن ترتبط بأنسانه انت عارف انها كانت بتحب غيرك؟
2_انت شايف في نفسك حاجات لازم تتغير؟
3_ممكن تساعد مراتك في شغل البيت؟
4_ايه العيب اللي متستحملهوش في شريكة حياتك واللي ما تقدرش تغيره؟
5_ايه الحاجه اللي مش ممكن تتخيل حياتك من غيرها؟
6_لو جاتلك فرصة هجره عن البلد . تهاجر؟
7_لو ألفت كتاب عن الحب تختار عنوانه ايه؟
8_ايه اكتر مهنه نفسك تشتغلها ( في حدود الرقابه) ؟
9_ ايه أكتر بيت شعر بتحبه؟
10_انا عارف انك بتتخنق من حاجات كتير .ايه اكتر حاجه _علشان اعملها_ ؟
ملحوظات هامه:
* الاجابه لا تزين عن سطر . اللي يلاقي نفسه مزود يعرف انه غلط
*اجابة الأسئله بالترتيب.غير كده هشطب على الاجابه
*امتحان الشفوي بعد النظري مباشرة على الهواء
WITH MY BEST WISHES

1_ممكن ترتبط بأنسانه انت عارف انها كانت بتحب غيرك؟
كانت...مليش دعوه بهيا كانت ايه مدام انا واثق فيها وفي نفسى الحمد لله....اللى بيحب بيسامح ومش ذنبها انها حبت...بس تبقى( كانت )


2_انت شايف في نفسك حاجات لازم تتغير؟
اكيد طبعا وكتير كمان واتكلمت فى الموضوع ده فوق ياااااااض..انت ماقرتش ولا ايه.... (العقاب يوم الاحد كالعاده قدام المشرحه)


3_ممكن تساعد مراتك في شغل البيت؟
طبعااااااااااااااااااااا....دا احنا هانقضيها


4_ايه العيب اللي متستحملهوش في شريكة حياتك واللي ما تقدرش تغيره؟
الانانيه...وانها تبقى حاسه بأنوثتها اوى زياده عن اللزوم...لان زى ماتكلمن قبل كده انا مش عاوز البنت بقا اللى تحس بالفراغ العاطفى والاحاسيس اللحظيه دى ...براءه الانسانه بتفرض علي اى حد قدامها انه يأمن ليها ويحترمها..لو فهمها صح.

5_ايه الحاجه اللي مش ممكن تتخيل حياتك من غيرها؟
القلم لان ده سلاحى طبعا زى مانتا عارف (.....)

6_لو جاتلك فرصة هجره عن البلد . تهاجر؟
اه اهاجر بس مش لانى مخنوق من البلد والقهر والكلام الفاضى ده..لانى بحب السفر والتغيير ..بس مش هاهاجر لوحدى ..ممكن اعمل حياه هناك انا وعيلتى ولو عاوزين نرجع تانى قشطه برده...اهم حاجه مايبقاش فيه قيود.كله عادى

7_لو ألفت كتاب عن الحب تختار عنوانه ايه؟
القشبيط(....)
هاسميه اسم ماينفعش عنوان ...بس دى اهم حاجه بالنسبالى.(العيشره والامان).............


8_ايه اكتر مهنه نفسك تشتغلها ( في حدود الرقابه) ؟
طياااااااااااااااااااااااااار طبعا .......ولو بقا عندى الامكانيات ان شاء الله ..هاعمل مطار دولى وأأجر ركاب واعمل عليهم طيار ..وممكن نبقا نعمل حادثه وانقذهم كلهم كعاده البطل طبعا.. , ولو فى حدود الرقابه ...هاعمل طياره مخصوص للمنقبات.


9_ ايه أكتر بيت شعر بتحبه؟
ونخلة غضت الافنان باسقة قالت لاترابها والصيف يحتضـر ! (.....)



10_انا عارف انك بتتخنق من حاجات كتير .ايه اكتر حاجه _علشان اعملها_ ؟
لما حد يتأخر عليا فى اى معاد ....ولما حد يحكى حكايه وكل مايقابل حد يحكيها بنفس الطريقه ونفس الكلام ..واكتر حاجه بتخنقنى فعلا الفشخره بكل انواعها بقا (واحد بيتفشخر بشكله بكلامه بثقافته ..بيترسم قدام الناس فى كل حياته...الفشخره وخلاص...لانه بيبقا كداب)

............................
أكتر بيت شعر بتحبه؟
لو ألفت كتاب عن الحب تختار عنوانه ايه؟

انت بتسألنى انا الاسئله دى يا راؤل,,,,,لن انسى لك هذا الموقف
عنوان كتابى...ماشى ماشى لما اشوفك بس...

ايه الشغل الرهيب ده يادكاتره
ياعينى عليك يادكتور والله طحنوك بس والله انا سعيده بجد باجابتك دى
وبالنسبه لسوال حضرتك انا فعلا بكون قاصده السؤال ده او زى ماقلت صدق فى الكلام
لان الحياه دى عباره عن تجارب وانك تقابل ناس وتخسر ناس وتعمل حاجه تندم عليه او تخسر شخص تندم عليه
او تندم مثلا ان عرفت شخص وكنت فاكره حاجه تانيه نوهائى
بس انا بقول السوال لاننا عشنا كتير واكيد كلنا شفنا حاجات من دى كتير عشان كده بستغرب لو حد مجوبش ع السوال ده او جاوب وقال لا بتبقى غريبه شويه وياريت وجهه نظرى تكون وصلت
وانا بقــــــــــول اى حد عايز يسال الدكتور قبل ما نزل الحكم
واى حد عايز يسال الدكتور يلحق عشان الحكم بعد المداوله
وشكراااااااااااا لسيادتكم

2 - لو اللى بتحبها خيرتك بينها و بين اهلك هتختار مين ؟
ينهار ابيض بينى وبين اهلى دا مين ده اللى ممكن يحب حد كده...
اكيد طبعا مفيش حاجه تخلينى اخسر اهلى..ولو هيا عاوزانى اعمل كده هختار اهلى ومش هاقدر انسالها ده بسهوله.


تعليقا على كلاما هو سؤال بردة هو انت ممكن تكمل مع واحدة تخيرك الاختيار دة ؟



اما بالنسبة لسؤال هل الحب حالة ولا استحالة ؟

انت تقريبا مفهمتش السؤال

اوضحلك لسة فى حب ولا الكلمة دى معانيها مش موجودة بس لسة بنقولها زيها زى اى كلمة



فى حاجات عجبتنى فى ردك على رؤال

_ممكن ترتبط بأنسانه انت عارف انها كانت بتحب غيرك؟
كانت...مليش دعوه بهيا كانت ايه مدام انا واثق فيها وفي نفسى الحمد لله....اللى بيحب بيسامح ومش ذنبها انها حبت...بس تبقى( كانت

مفيش حد بيعيش من غير حب وبعدين كل طرف يبدا يحاسب الطرف الاخر من بداية معرفتهم ببعض
[


يه هو المكان اللى بترتاح اوى فيه او بمعنى تانى فى مكان بتروحه لما تكون مخنوق اوى ومش طايق الدنيا باللى فيها؟؟

سانت كاترين...فوق جبل موسى..



ازاى لما بتتخنق بتركب تاكسى وتقولة جبل موسى

وياترى بتدفع كام الاجرة يعنى

عشان لما احب اروح لما اتخنق ابقى اعمل حسابى فى الفلوس

تعليقا على كلاما هو سؤال بردة هو انت ممكن تكمل مع واحدة تخيرك الاختيار دة ؟اكيد لا طبعا..لان مفيش انسانه طيبه تعمل كده..لانه لو حتى اهله كانوا من تل ابيب فهما اهله وبكده الانسانه دى لو ماكنتش هاتخسره دنيته فهيا اكيد اتخسره اخرته..
اكيد مفيش حد يحب انسانه كده ولو كان حبها فعلا لازم يفكر تانى ومايمشيش ورا قلبه.




اما بالنسبة لسؤال هل الحب حالة ولا استحالة ؟

انت تقريبا مفهمتش السؤال...........(برافو عليكى على فكره )

اوضحلك لسة فى حب ولا الكلمة دى معانيها مش موجودة بس لسة بنقولها زيها زى اى كلمة

اكيد لسه فيه طبعا...وماينفعش تتقال كده وخلاص..واكبر غلطه فعلا لما واحد يقولها وهوا مش حاسس بيها...لانه لو مكنش وصل لمرحله الحب وقالها بيبقا مطلوب منه حاجات المفروض انه يعملها ...لانه بيحب....
وهايكون فيه احتمالين:: اما يقدر يمثل فعلا الحب ده لانه مر بتجارب كتير وهايقدر يسمع اللى قالها بحبك ده الكلام اللى هيا عاوزه تسمعه ويتصرف التصرفات اللى اتبرمج عليها من خبرته..وبكده طبعا يبقى ظلمها وظلم نفسه قبلها...والاحتمال التانى انه مايتصرفش اى تصرف وده لانه مش قادر يعمل حاجه مايكونش حاسس وبرده هايكون ظلم نفسه وظلمها معاه...عشان كده ماينفعش تتقال بسهوله ولما تتقال والاتنين يكونوا فعلا بيبحوا بعض ...كل واحد هايقدر يعبر للتانى بحبه ده بطريقته هوا ...وساعتها اى حاجه مهما كانت بسيطه اوى هايبقا ليها معنى كبير اوى
ماكنتى تقولى من الاول لازم يعنى حاله ولا استحاله دى (بين قوسن مش بيض )


فى حاجات عجبتنى فى ردك على رؤال

_ممكن ترتبط بأنسانه انت عارف انها كانت بتحب غيرك؟
كانت...مليش دعوه بهيا كانت ايه مدام انا واثق فيها وفي نفسى الحمد لله....اللى بيحب بيسامح ومش ذنبها انها حبت...بس تبقى( كانت

مفيش حد بيعيش من غير حب وبعدين كل طرف يبدا يحاسب الطرف الاخر من بداية معرفتهم ببعض
.......انا بقا اللى عندى تعليق على كلامك ده انه مفيش حاجه اسمها محدش يقدر يعيش من غير حب...لانه لو اى حد حط ده فى دماغه كده هايكون فى حاله احتياج دايمه للحب وعمره ماهيقدر يحب بجد او بأخلاص..





يه هو المكان اللى بترتاح اوى فيه او بمعنى تانى فى مكان بتروحه لما تكون مخنوق اوى ومش طايق الدنيا باللى فيها؟؟

سانت كاترين...فوق جبل موسى..



ازاى لما بتتخنق بتركب تاكسى وتقولة جبل موسى

وياترى بتدفع كام الاجرة يعنى

عشان لما احب اروح لما اتخنق ابقى اعمل حسابى فى الفلوس


ههههههههههههههههههههههههههه
يسلام...يعنى هوا ده اللى لفت نظرك...يعنى كل الاجابات بتاع اقعد قدام البحر واسرح فى الموج واوشوش الودع والعب فى الرمله والحاجات دى .. مسألتيش عن اجره التاكسى وجت عليا انا يعنى ..
ولو حبيتى تروحى ابقى اركبى تكتك من عالشون رخيص ومريح وهايشغلك طول الطريق(و انا عامل دماغ تمام .مام مام مام مام )
وعاما انا مش ماشى بتخنق على نفسى يعنى,,,مش بتبقى غيرلما بكون مخنوق فعلا وعاوز اخرج بره كل حاجه ...
يمكن رحله طلوع الجبل طول الليل بتخلينى اخرج من اى حاجه...والمنظر اللى بشوفه فوق بيخلينى اعمل معسكر واصفى ذهنى كل المشاكل ولو عاوز افكر هافكر بهدوء وتركيز...وغالبا مش بيبقى لوحدى دايما بروح مع حد صحبى عزيز عليا. وبنقضى وقت حلو اوى.. (بتبقى حاجه زى سفارى كده...مش مشوار بتاكسى هوا)
وعادى على فكره كل واحد حر فى طريقته الخاصه بيه..ولو حتى كان بيرتاح على كوبرى قحافه..ويسرح فى يافطه الدكتور القطب العياشى (ياما سرحت فيها .....وفى اسم الراجل العظيم ده.. ).

اوك يا اندى انا خلصت اسئلة كفاية عليك كدة بس سؤال اخير


انت محلاوى!

لا انا استرالى

على فكره انا من حقى ارفع قضيه تعويض على القاضى نفسه
انا بقالى فى المحكمه دى بقالى 12 يوم يا جماعه
حرااااااااااااااااااااااااااااااااااااااااااااام
نفسى اشوف اهلى ...اصحابى وحشونى وبعدين انا مش هاتكلم بعد كده الا فى وجود المحامى بتاعى..


هذا تظلم رسمى منى لقاضى المحكمه

مشكلتك يا اندى انك دخلت المحكمه فى وقت انا مش بجى كتير فيه
مشغوليات الحياه بقى
معلش معلش انا عارفه انك فعلا اكتر واحد اقعد فى المحكمه
بس وانا مالى المستشاااااارين عندهم اسئله اعمل ايه اقولهم لا مقدرش طبعا
وخلاااااااااص افراج وسلم على الاهل بقى وبما ان انك كنت كتير فى المحكمه فهديتلك تعويض
انك تختار حد فى المحكمه واى حد تقول عليه هيكون موجود حاااااااااااااالا بس شاور انت بس
ومعلش والله انى اتاخرت فى الافراج عليك

بس وانا مالى المستشاااااارين عندهم اسئله اعمل ايه اقولهم لا مقدرش طبعا
يسلام عليكى يا حضره القاضى الحقيقه ,,,,طيبه جدا
وانا بشكر الهيئه العامه اللى حططنى فى الوقع الجامد ده وهوا انى ادخل حد فى المحكمه بدالى بس التعويض المناسب بقا وانا بطلب النظر فيه انه يكون فترته نص فتره الحكم اللى انا خدتها,,,
وهيا 6 ايااااااااااااااااااااااااااام

وانا كان نفسى ارشح حد كده من زمان فى المحكمه دى وهوا كلبلل ...
بس للاسف بقا يا حوده انا عاوز ارشح العريس بتاعنا عشان انا فرحانله بجد على الخطوه دى(.وربنا يبارك ليكوا)..وهوا ده انسب واااااااااحد للمحاكمه دلوقتى عشان يتكلم بصراااااحه...
اتفضل يا
افريكاااااااااااااااااااااااااااااانو
معلش بقا يا معلم على التدبيسه دى بس للحبس للجدعان برده
.
GO AHEAD>>>>>>>