<<***....محكمه الحــــــــــــــــــــــب....***** عقوبه لمده تلاته ايام

بما اننا فصصنا موبيلتنا وعرفنا خبياها

وعملنا حوارات كتيرة وعرفنا بعض اكتر

نيجى بقى هنا ندخل جوا قلوبنا ونعرف ايه المستخبى

مين فينا مجروح ومين فينا بيحب

فاناجايبالكم فكرة عجابتنى قووووووووووى


اسمها محكمة الحب

واظن انها باينة من اسمها

هنجيب عضو هنا وهنحكمه بس مش اى محاكمة

دى محاكمة عاطفية بمعنى هنجيب عضو و هنسالة كام سؤال عاطفى كده

وكلنا لينا الحق اننا نسالة مده المحاكمة وهى 3 ايام فقط

وبعد انتهاء المدة هيتم ترشيح عضو تانى علشان نساله ... وهكذا

بس هنكون صادقين مع نفسنا ومش هنتحرج لاننا فى الاول والاخر اسرة واحدة


فهيكون ترشيحى







ضحيتى دايما اللى بستفتح بيها توبيكاتى

بس بلاش بان

هى فراولــــــــــــــــــــــــــــــــــــــــــــــه

نبدأ

يا ريت الاعضاء يشاركونى

يا ترى حالة قلبك ايه دلوقتى ؟

ايه رايك فى المقولة اللى تقول
(نظرة ...فابتسامة...فموعد...فلقاء...)

مين بصراحة تؤام روحك وبلسم جروحك ؟

ايه رايك فى مقولة
ما الحب الا للحبيب الاولى

كل حاجة وليها بداية ونهاية
هتحكلنا عن بداية حبك ؟؟؟

تقولى ايه عن حبيبك لو مرتبطة احكلنا عليه

ويا ترى مريتى بتجربة حب قبل كده

ويا ترى تجربه حبك اللى انتى فيها حكمتى قلبك ولا عقلك الاكتر ؟

كفاية كده دلوقتى

ورجعالك تانى

طبعا دي كانت مفاجأ كبيره
بس مدام انت ورطيني هجاوب بقي وامرى لله

يا ترى حالة قلبك ايه دلوقتى؟

I am In Love



ايه رايك فى المقولة اللى تقول
(نظرة ...فابتسامة...فموعد...فلقاء...)

لا اؤمن بها



مين بصراحة تؤام روحك وبلسم جروحك ؟

خطيبي



ايه رايك فى مقولة
ما الحب الا للحبيب الاولى

اؤيد بشده عن تجربه(بس لازم يكون يستاهل)



كل حاجة وليها بداية ونهاية
هتحكلنا عن بداية حبك ؟؟؟

لا دي بقي شرحها يطول بس كل اللي هقوله انها قصه حياتي لان اتولد من اول ما حبيت وبدايتها في اخر سنه اولي ليه



تقولى ايه عن حبيبك لو مرتبطة احكلنا عليه

مقدرش اتكلم عليه لان مينفعش اقول عليه انه بيمثل حاجه واحده لانه كل حاجه





ويا ترى مريتى بتجربة حب قبل كده

هيه تجربه واحده( اعجاب وحب وارتباط والحمد لله خطوبه) وربنا يديمها عليه نعمه ويحفظها من الزوال



ويا ترى تجربه حبك اللى انتى فيها حكمتى قلبك ولا عقلك الاكتر ؟

بصراحه انا في الاول مفكرتش وكملت (كان الموضوع كله اني مشيت ورا قلبي)
بس لما فكرت بعد ما حبيت لقيت نفسي لو كنت فكرت ميــــــــت مرة عمر ما كان الاختيار هيبقي صح اوى كده

ده انتو روباطيه بقي
وبما اننا بيطري اقدر اقول (العجل لما يقع تكتر سكاكينه)

[center]وبعدين انا بجد اتعرضت لاحراج جامد جدا
فيا ريـــــــــــــت كفايه كده احراج [/center]

دورى ...
اسأل انا بقى تعاليلى يا فروالة يا حبيبتى..

بصى ياستى هو سؤال واحد وعكس سؤال فرح ..
ايه اكتر حاجة عملتيها وضايقته منك وطلب منك فعلا انك تغيريها وغيرتيها ولا لا؟؟؟


وفى طلب كمان.. اكتبى اغنية هنا اهداء لخطيبك وحاولى تكون بتعبر عن معظم اللى جواكى من ناحيته عشان نعرف بتحبيه اد ايه..

بصى ياستى هو سؤال واحد وعكس سؤال فرح ..
ايه اكتر حاجة عملتيها وضايقته منك وطلب منك فعلا انك تغيريها وغيرتيها ولا لا؟؟؟


اكتر حاجه بتضايقه مني اوى اعمل حاجه من غير ما اقوله او اعمل حاجه هوه قالي ماتعمليهاش
وبيني وبينك انا ساعات بعمل كده بس بحاول اغير في نفسي

وبالنسيه للاغنيه:
(وياك مفيش ولا حاجه بعيد في الدنيا ديا * * * كل اللي بحلم بيه وياك بشوفه بعنيه
* * كفايه عليا احس بهــــــــــــــــــــــواك * *
يا احلي ما في الايام يا عمري انا * * * هاعيشلك سنين العمر عشان بحبك انـــــــــــا
* * في بعاد بقي ولا في لقي هفضل كـــــــــــــــــــدا * *
من كتر شوقي وخوفي عليك ولهفه عنيا * * * ما بقتش قادره اقولك ايه وايه اللي بيا
مليش دنيا تانيه * * * حياتي معــــــــــــــــــــــاك)

بس انا لو كتبت اغاني الدنيا كلها مش كفايه دي اكتر واحده بحبها

ههههههههههههههههههههه معلش ياجميل
اهى انا قلت ابدا بيكى ما انت عارفه غلاوتك عندى قدايه
بس الظاهر كله كان مستنى اليوم ده اهم دول الاصحاب ولا بلاش
وانا جيييييييييييت تانى وحضر نفسك ياجميل بقى للاسئلتى




بما انى فضوليه

عايزين نعرف علاقتك انتى وحبيبك من امتى
من اول الصداقة ....واول ما تحولت لحب

يا ترى مورو رومانسية

يا ترى وجهة نظرك عن الحب اتغيرت من زمان عن دلوقتى بعد ما الحب دق بابك
قولينا وجهة نظرك زمان ودلوقتى

يا ترى قلب فراولــــــــــه الجميل كره حد قبل كده
ولو اه مين وليه

يا ترى فراولــــــــه بعد ما تحول الصديق لحبيب والمشاعر اتغيرت
عايزين تشرحلنا اختلفت ازاى كانت ايه وبقت ايه


شعورك ايه لما الصديق اعترف بحبه كان رد فعل ايه
بالتفصيل الممل رخامة بقى

ايه اللى مش تحبيه انه يكون فى حبيبك ولو فى حاجة مش عجباكى فيه ايه هى

ايه اللى الغلطة اللى مش ممكن تسامحى فيها حبيبك


يا ترى فراولــــــــــــه قدرت تغير حاجة فى حبيبها!! يا ترى ايه هى الحاجة ديه ؟؟

كفاية كده لانى مش هعرف اسال تانى النهاردة

يلا يا دكاترة فين الاسئلة للمتهمة فراولــــــــــــــه

اسمحيلى اسئلك يافراولة ؟ ايه الأطول فترة الحب ولا فترة الخطوبة؟

خلاص يافراولـــــــــــــــــــه هانت فاضل يوم
وبما ان مفيش حد سال النهارده وامبارح خلاص خلص
انا ممكن اسال حبه اسئله ع قدى
من وجهة نظرك ايه ممكن يخلى اى علاقة حب تفشل ...

يا ترى ايه وجهة نظرك فى حب النت ؟؟وحب الايام ديه؟؟

ازاى اى اتنين يحافظوا على حبهم واستمراره؟؟؟

يا ترى هل الزواج هو مقبرة الحب زى ما بيقولول ؟؟؟

بس خلاص النهارده وطبعا الدكاترة يسالوا بس عشان فاضل يــــــــوم والعقوبه تخلص
وتسلمى يافراوله ويارب ماتكونى زهقتى مننا

عايزين نعرف علاقتك انتى وحبيبك من امتى
من اول الصداقة ....واول ما تحولت لحب
انا عرفته بعد اول شهر في اولي كليه..........والحب بدا بعدها قولي بتلات اربع شهور.......بس الكلام والمصارحه كانت في امتحانات اخر السنه










يا ترى وجهة نظرك عن الحب اتغيرت من زمان عن دلوقتى بعد ما الحب دق بابك
قولينا وجهة نظرك زمان ودلوقتى
زمان عمري ما فكرت فاني ممكن احب........بس اول ما دق قلبي عرفت انه احلي حاجه خلقها ربنا





يا ترى قلب فراولــــــــــه الجميل كره حد قبل كده
ولو اه مين وليه
اوحش حاجه الكره...............بس اللي اوحش منه الظلم
انا كرهت ناس ظلمو بابا







يا ترى فراولــــــــه بعد ما تحول الصديق لحبيب والمشاعر اتغيرت
عايزين تشرحلنا اختلفت ازاى كانت ايه وبقت ايه
كانت اخوه وحب برده بس تحت اسم الاخوه وخوف.........بقت حب وخوف (المعني في بطن الكاتب)






شعورك ايه لما الصديق اعترف بحبه كان رد فعل ايه
بالتفصيل الممل رخامة بقى
كانت مفجاه طبعا بس بيني وبينك كنت فرحانه جدا وبرفرف من جوه(واقعه... واقعه) ههههههههههه وفي نفس الوقت مس مصدقه لانه عمره ماحسسني بكده






ايه اللى مش تحبيه انه يكون فى حبيبك ولو فى حاجة مش عجباكى فيه ايه هى
مينفعش اقول مبحبش فيه حاجه بس اقدر اقول في حاجات بتضايق ساعات وده بقيه جاوبت علي قبل كده.....................انظر رد ي علي جوجا.......هههههههههههههه







ايه اللى الغلطة اللى مش ممكن تسامحى فيها حبيبك
انــــــــــــــــــه يجرحني عمدا مع سبق الارصاد والترصد







يا ترى فراولــــــــــــه قدرت تغير حاجة فى حبيبها!! يا ترى ايه هى الحاجة ديه ؟؟
ابقي كدابه لو قلـــــــــــــت اه

اسمحيلى اسئلك يافراولة ؟ ايه الأطول فترة الحب ولا فترة الخطوبة؟

بصي يا ريماس انا فهمت قصدك
قتره الحب الواحد بيبقي الواحد مش بيبقي حاسس بمسؤليه

لكن فتره الخطوبه بيبقي عليكي التزامات كتير وانتظـــــــار ممكن تبقي اطول شويه

بس الايام الحلوه بتعدي بسرعه

من وجهة نظرك ايه ممكن يخلى اى علاقة حب تفشل ...
حاجات كتير...............
ممكن يكونو الاتنين في منتهي الحب............بس الظروف مش معاهم
ممكن يكون حد من الطرفين..........فيه عيب لا يمكن التغاضي عنه_زى الانانيه او الكبر_
ممكن يكون حد بيحب اوى .......والتاني مقضيها
ممكن يكون الحب 100\100 والظروف100\100 ................ بس حد يتغير بسبب اغراءات (فلوس جاه)فبيفضل انه يدوس علي الحب



يا ترى ايه وجهة نظرك فى حب النت ؟؟وحب الايام ديه؟؟
حب النت حب ................فـــــــــــــــــــــــاشل
حب الايام دي التيكا اواى يعني اسفه(مقدرش اقول عليه حب)ممكن........هبــــــــل





ازاى اى اتنين يحافظوا على حبهم واستمراره؟؟؟
مفيش انسان كامل فلو كل واحد تفادي عيوب التاني .............طبعا لو كانت حاجات مش مؤثره.......تبقي العيشه فل الفل
وطبعا الاحترام المتبادل








يا ترى هل الزواج هو مقبرة الحب زى ما بيقولول ؟؟؟
انا لسه مجربتش بس اقدر اقول راى برده...........انه الجواز جنه الحب الابدي









ام بقي من نـــــــــــاحيه زهقت لالالالالالالا ابدا ابد خالص خالص
انا ازهق منك برده............ده انت حبيبتي

هههههههههههههههههه واضح انك بتعزينى
واى معزة وبجد ربنا يخليكوا لبعض وكفايه انا اسال واسيبك الاعضاء تسالك شويه
وتسلمى ياقمرى للرد وهرجعلك برضه تانى

تسلم يا دكتور ع المرور
وبجد كمان ياريت الشباب يدخلوا معانا ف الموضوع ده
وياريت الكلام يبقى بصراحه وع فراوله انا طبعا بعزها اوى وبحبها جدا
وفعلا ياريت اعضاء تشارك من بنت لولد وهندخل الشباب معانا ف الموضوع
ونورت التوبيك ياقمر

ايه رأيك فى ضعف الحبيب اوى .. اوى .. (مهما كنتى فاكره نفسك قويه طول عمرك) ,قدام نور عينيه اللى بيشوف بيها؟
تفتكرى لى حدود؟

لو طلبت منك انك تختارى حاجه واحده بس من الاختياارات دى
ايه هيا اعظم صفه فى الحب؟
الحنان
الخوف
االمسامحه

عارفه ان كلهم مهمين..بس تفتكرى ايه اهم حاجه وياريت تفكرى كويس اوى قبل ماتجاوبى لان الاجابه دى ,,هاتبين اد ايه انتى بتحبى حبيب قلبك

فراولاااااااااااااااه... انتى فين...؟؟؟
تعالى عشان فى سؤال طاقق معايا ومفيش حد غيرك نتسلى عليه..

افرضى بقى يا قطة لما خطيبك ..( اللى طبعا انا عارفة اسمه بس مش هقول..)
لما جه قالك انه بيحبك. انتى اتفاجئتى اه.. بس كنتى مش حاسة انك بتحبيه
يعنى مش متاكدة مثلا يعنى
وكنتى بتعتبريه صديقق وحد قريب منك بس وخفتى يكو ن احساسك مجرد تعود.. ولو قولتيه كده هتخسريه وانتى مش عايزة تخسريه بس برده مش عايزة تقولى حاجة لسه مش متاكدة منها .. كنتى هتردى عليه ازاى .. وردى عليا الله يكرمك..وبكل وضوح انا عايزة وجهات نظر فى الموضوع دا..

ايه رأيك فى ضعف الحبيب اوى .. اوى .. (مهما كنتى فاكره نفسك قويه طول عمرك) ,قدام نور عينيه اللى بيشوف بيها؟
تفتكرى لى حدود؟
بصي يا دكتور دودو الحب عمره ما كان ضعف بالنسبه لي ده قوه لانه بيقويكي اوى
ولو كان قصدك علي العطاء في الحب فده طبعا ملوش حدود ومنقدرش نقول عليه ضعف

لو طلبت منك انك تختارى حاجه واحده بس من الاختياارات دى
ايه هيا اعظم صفه فى الحب؟
الحنان
الخوف
االمسامحه
بصي انت حطتيني في اختيار صعب اوى لانهم كلهم صفات انا بعتبرها ناتجه عن بعضها
يعني لما تبقي حنينه اوى>>>>>>>>>هتخافي مــــــــــوت>>>>>>وطبعا ده هيخليكي تسامحي برده


عشان كده اقدر ارد علي سؤالك واقول ان اهم صفه .................. الحنان