<<***....محكمه الحــــــــــــــــــــــب....***** عقوبه لمده تلاته ايام

هههههههههههههه مش بقلك يافروحتى الدنيا بتيجى ع الكل
ماشى يابيوتى امال لو مكناش اخوات كنتى عملتى ايه( كنت حاجزتك ف المرور

ويلا نكمل اسئلتك يافروحتى

حضرتك عيشتى قصه زمان وجاوبتى انتوا الاتنين كنتوا السبب اصلى بحب التوضيح وانتى عارفه عايزة اعرف ازاى يعنى؟؟؟؟
وانتى ندمانه ع الحب ده ؟؟؟ ولا بتقولى ياريت يرجع تانى؟؟؟
ولما قصه الحب دى خلصت هل تاثرتى باللى حصل(يعنى دخلتى بقا ف اكتئاب وشرب سجاير ويمكن شيشه)ولا مفرقش معاكى؟؟

وحضرتك انا عايزة اعرف ايه حبك ف الصورة (ياترى انتى لسه بتحبيه ومش عارفه تنسى ولا ده حب عادى لصورة ) وياريــــــــــــــت وضوووووووووح
ودلوقتى ياترى فيه اعجاب ؟ ولو فيه ايه اكتر حاجه عجبتك فيه؟(ولو لا انتى حاسه بفراغ عاطفى؟؟
ايه اكتر اغنيه بتسميعها بتفكرك بيه ؟
وكـــــــــــفايه عليكى كده وع فكرة لسه بــــــــــــــــــــــــدرى عليك ياحلو انت
جيالك تـــــــــــــــانى

فرح عندنا .. يا مرحبا يا مرحبا..
اخلص طارى بقى من يوم الصراحة اللى لعبناه ولا ناسية؟؟
بص يا جميل
اولا كده .. القصة القديمة دى .. السبب فيها كان معروف
بس الجديد دلوقتى انك انتى كمان كنتى سبب
احب اعرف ازاى...

ثانيا يا حبيبى..لو رجع بيكى الزمن .. كنتى هتتصرفى ازاى فى القصة دى ..
عىن كنتى هتعلمى زى ماعلمتى ولا كنتى هتعلمى ايه؟

ثالثا بقى ودا الاهم ..لو حد جه قالك انه بيحبك مثلا
وانىت عاجبتى بيه ولاقيتى فيه صفات من الحد القديم
هتحبيه برده ولا هتقارنى ولا هتبعدى خوفا من القديم حتى لو كانت صفات حلوة..؟؟

كفاية كده وهجيلك تانى وراك وراك يا جميل..

أهلا وسهلا يادكتورة فراوله ماهما شكلهم 3 ايام مايعلم بيهم غير ربنا ونفسى يعدوا بقى

ايه اصعب وقت قضتيه؟؟؟
لما حسيت انى اتظلمت من حد عمرى ماظلمته وأزانى بجد فى مشاعرى جامد وحسيت انى موجوعه اوووى ولو مكنش فى ناس معايا ساعتها معرفش فعلا كان حصلى ايه تحديداا من سنتين وكفايه كده عشان قلبتوا المواجع


وكان امتي؟ وليه؟
أظن الاجابه مدموجه مع السؤال اللى قبله

عملتي حاجه قبل كده وندمتي عليها اوى؟؟
اكتر حاجه لما وثقت فى حد اووى ومكنش قد الثقه دى وندمت فعلاا انى عرفته اساسا لانى فعلا كنت بعامله معامله اكيد المفروض ده ماكنش يبقى رد الفعل لانى عمرى ماعملته بطريقه وحشه وانتى عارفه كويس وأظن ان برضه اسئلتك اجابتها معروفه ايه ده

ايه اسعد يوم في حياتك(فات او لسه مجاش اصلا)؟
هتكلم ع اللى فات لان اللى جاى ده معرفوش ومعرفش ايه اللى ممكن يسعدنى ساعتها
أما ع اللى فات ممكن أقول انى موصلتش لمرحله أسعد يوم ده بس فى أوقات كنت ببقى مبسوطه ماوصلتش بصراحه للسعاده زى مثلا لما كنت حاسه لاقيت البنى ادم اللى بجد كنت متوقعه انه بيحبنى بجد وكنت فعلا فرحانه بس طلع عكس ماكنت متخيله ...

لو حد بيحبك وانت مرتحاله تحبي يجي ويصارحك بحبه علي طول ولا تفضلي انه يكتفي بلغه العيون
اه مانكرش انى بحب لغه العيون دى بس أخرها ايه يعنى

مش نافــــــــــع الكلام ده يا دكتوره
حضرتك مش بتردى ع اسئله ولو مش هتردى قولى عشان اكرمك
واديكى يومين كمان من عندى ما انتى عارفه كرم اخلاقى
وهديلك فرصه اهو لما اشوف اخرتها
يلا بسرعه لو سمحتى يا انسه ف ناس لسه هيجوا بعدك

معلش أتاخرت عليكوا بس ده من الصدمه بصراحه
نيجى بقى لاسئله الهانم بيوتى اللى يومها مش هيعدى معايا انا مش قلتلك تعالى أسألينى هو لازم هنا يعنى ولا تسألى ليه أصلاا....

حضرتك عيشتى قصه زمان وجاوبتى انتوا الاتنين كنتوا السبب اصلى بحب التوضيح وانتى عارفه عايزة اعرف ازاى يعنى؟؟؟؟
تصدقى بالله انى عايزة أضربك المهم أنا بصراحه عمرى ماقلت انه هو السبب لوحده لانى حاسه كمان انى معرفتش أحافظ عليه مع انى كنت بعامله باسلوب كويس ويمكن يكون ده كان غلطى وخوفى عليه أكتر من أى حاجه هو ده اللى بعده عنى وأظن بقى هو ده اللى انتوا كنتوا عايزين تعرفوه أما هو بصراحه مقدرش أتكلم ...

وانتى ندمانه ع الحب ده ؟؟؟ ولا بتقولى ياريت يرجع تانى؟؟؟
بصراحه بصراحه مش ندمانه هى تجربه وعدت وزى ماكان فيها وحش كان فيها حلوو برضه
يرجع تانى لأ مبقاش ينفع ولو رجع يبقى هتنازل عن حاجات كتير وده ماينفعش


ولما قصه الحب دى خلصت هل تاثرتى باللى حصل(يعنى دخلتى بقا ف اكتئاب وشرب سجاير ويمكن شيشه)ولا مفرقش معاكى؟؟
شيشه وسجاير انتى فاكرانى مين ياحجه أكيد يعنى أضايقت جداا لانه كان أول حب فى حياتى وحاسه انى عمرى ماهوصل فى حبى لحد زى ماحبيت أول مرة ده فى الاول بس دلوقتى عادى يعنى تقريبا متكلمتش فى الموضوع ده من زمان جداا غير فى المحكمه المهببه دى وقلبتوا علينا المواجع وخلاص

وحضرتك انا عايزة اعرف ايه حبك ف الصورة (ياترى انتى لسه بتحبيه ومش عارفه تنسى ولا ده حب عادى لصورة ) وياريــــــــــــــت وضوووووووووح
تصدقى بالله انك رزله اووى ورخمه كمان سووور ى يعنى احنا اخوات
الصورة دى ياستى انا بحبها جدا لانى بحس انها بتحب لدرجه كبيرة اووى وفى نفس الوقت مش قادرة تقوول يعنى الحب فى صمت ومش شرط اى حاجه انا عملاها تبقى لحاجه فاتت ماهو انا مش هعيش ع الاطلال..ولا ايـــــــــه مع ان صعب ان الواحد يحب تانى بجد


ودلوقتى ياترى فيه اعجاب ؟ ولو فيه ايه اكتر حاجه عجبتك فيه؟(ولو لا انتى حاسه بفراغ عاطفى؟؟
انا عمرى ماهحاول أمشى فى سكه الاعجاب والحب والحاجات دى لان اى حاجه بعد كده يبقى هتبقى رسمى وهيكون التفكير بعقل فمقدرش أقول ان فى اعجاب (كبرنا ع الحاجات دى )


ايه اكتر اغنيه بتسميعها بتفكرك بيه ؟
أكتر أغنيه بتفكرنى باللى فات أغنيه وعد العيون وبرتاح معاك دوول أكتر أتنين بس فى أغانى كتير .....
أنا زهقت على فكرة دا انتوا تخلو الواحد يشد شعرة وكفايه كده اووى عليكى يابيوتى قومتى بالواجب وزيادة دا مين اللى شار عليكى بالشورة السودة دى ياساتــــــــر

أهلااااا جوجا كلها هنا يالهووووووووى ربنا يستر انتى متفقين عليا شكلكم كده

اخلص طارى بقى من يوم الصراحة اللى لعبناه ولا ناسية؟؟
لأ مش ناسيه بس لو تفتكرى كنت أنا اللى رحماكى ومكنتش بسال أسئله صعبه يعنى ولا نسيتى عموما يلا أهو أخر يوم ونخلص وبيوتى دى هولع فيها قريب

اولا كده .. القصة القديمة دى .. السبب فيها كان معروف
بس الجديد دلوقتى انك انتى كمان كنتى سبب
احب اعرف ازاى...
الاجابه كانت فى أسئله بيوتى ( ايديا وجعتنى بصراحه)

لو رجع بيكى الزمن .. كنتى هتتصرفى ازاى فى القصة دى ..
عىن كنتى هتعلمى زى ماعلمتى ولا كنتى هتعلمى ايه؟
تصدقى أصلا أنا مش فاكرة هو ايه اللى حصل بس أكيد كنت هبقى أنا برضه وتصرفاتى هى هى يعنى كنت هتعامل برضه بنفس الاسلوب


لو حد جه قالك انه بيحبك مثلا
وانىت عاجبتى بيه ولاقيتى فيه صفات من الحد القديم
هتحبيه برده ولا هتقارنى ولا هتبعدى خوفا من القديم حتى لو كانت صفات حلوة..؟؟
بصى أنا لو قارنت يبقى أنا كده لسه مانستش فكده كده هبعد لانى هبقى عرفت انى لسه بحبه وده ماينفعش لازم الواحد لما يبقى داخل موضوع مايشوفش حد قدامه من القديم والا كده انا هظلمه معايا جاامد اما لو هو فى صفات من القديم هنسى اللى فات وابدأ معاه من تانى مش يمكن يكون أحسن

وكفايه كده ياجوجا وارحمووونى بقى ايه ده ماصدقتوا ولا ايه

تانى يافراوله مش كفايه المرة اللى فاتت ولا عشان خلاص دورك عدى على فكرة احنا بنفكر نجيبك تانى فى المحكمه مش عشان حاجه عشان النتيجه ولا نسيتى ... يلا مبرووك ياستى

ايه اكتر اغنيه رومانسيه بتحبيها ولما بتسمعيها بتهيمي وبتتمني انها لو كانت بجد؟
حاليا أه من عيناه ماقولكيش بقى الجلاله بتاخدنى وبحسها اووى وبصراحه كل القديم بحبه اووى وأغنيه القريب منك بعيد برضه بحبها بس مش بتمنى تبقى بجد
وبعدين فى أغانى كده بتحسيها اووى وانتى عارفه


ايه اكتر فيلم رومانسي شوفتيه واثر فيكي وحبتيه؟
حبيبى دائما فظيع وبصراحه كل الافلام الرومانسيه أصلا بتعجبنى وبجد بقى فيلم ليه خلتنى أحبك حلوو اووى وبحبه اووى وبالذات الحته لما منى ذكى بتقعد تعيط ع البحر حلووة اووى وصعبت عليا وكريم عبد العزيز كمان لانه فى الفيلم ده أنا اصلا مش لاقياله حل ماعلينا طولت عليكووا

ايه رد فعلك في المواقف دي :
1- اتخطبتي وقابلتي خطيبك مع واحده تانيه في الشارع
دا اجبارى ولا اختيارى زى بما تفسر كده يعنى المهم
بجد بجد لو قابلته مع واحده ولا أكنى أعرفه هكمل عادى ولما أروح بقى يبقى هو يكلمنى ويقولى مين دى مش يمكن تتطلع قريبته ولا زميلته فى الشغل وعلى حسب بقى يعنى لو طلعت واحده لاتربطه بها أى صله يبقى مع السلامه على أساس أنى قرطاس لب يعنى ولا ايه



2-اكتشفتي ان خطيبك كان خاطب قبل كده ومخبي عنك
هضايق وبصراحه مش عارفه هعمل ايه ساعتها وأشوفه بقى هيقولى ايه وايه مبرراته وبصراحه لو بحبه ومقدرش أستغنى عنه وهو كمان بيحبنى وأكتر شويه هعمل نفسى زعلانه كده وانى خلاص بقى وبعدين هسامح (عشان مايخبيش عليا حاجه تانى) وبعدين مش يمكن الخطوبه دى كانت عادى مكنش حب ولا حاجه او كانت فترة ماتتحسبش

3-بعد الخطوبه اكتشفتي انه كانت اخلاقه وحشه جدا قبلك بس اتصلح علي ايديك وبقي انسان تاني
دى حاجه تفرحنى مش تزعلنى بس هو يثبت على كده بس
ومتجيش تانى يافراوله خلى النهارده يعدى على خير كفايه كده اووووى

انا بقول كفاية بنات كده وبقترح ان الدور الجاي يبقى على المجري
ولا ايه يا عيوني
ههههههههههههههههههه
فلو ايام فرح خلصت ياريت نبدأ بالكابتن المجري

هاى يا جماعة معلش انا مقصر معاكم شوية فى المحكمة

بس كان ورايا محاضرا ت فى قانون فض المنازعات فى كلية الحبوب جامعة طنطى

وللاسف فاتنى محكمة حبيب قلبى ( المجرى ) ...يالا حصل خييير ان شاء الله ........

وبرحب طبعا بفرحة المنتدى ...فرح....

وكنت ناوى الصراحة ااجل السؤال لحين سماع الردود على اسئلة السادة الزملاء
لكن بما انه سؤال واحد فا يطحت فى النص كدا ( اظن مفيش اطيب من كدا)...

واحد انتى معجبه بيه جالك وقالك انه معجب بيكى .. هيبقى رد فعلك ايه .. ؟هل ممكن تصارحيه انتى كمان .. ؟؟

أصارحه لأ استحاله دا انا لو نطقت يبقى حلو اووى بس الاكيد انى هتنح ويمكن ساعتها اسيبه وامشى اساسا لو انا كمان مرتاحه له هسكت وعلى حسب مايفهم بقى بس يارب مايسال سؤال صريح كده
امتى تقولى انك بتحبى؟
لما أحس انى مشدودة لحد اووى نتيجه اهتمامه هو اللى بيخلينى افكر فيه ولما افرح انى ببقى معاه والوقت يعدى بسرعه واتمنى لو افضل معاه كده عالطول وبحس فعلا انى مش عايشه وسط الناس حتى لو واقفه مع 100 واحد وهو موجود بحس ان مفيش غيرى انا وهو وصدقينى بقى دا بيبقى احلى وقت بيعدى عليا غير لما بنبقى لوحدنا اصلا وكفايه كده بقى أحسن حاسه هقوم أمشى ...

لو حد بيحبك وانت مرتحاله تحبي يجي ويصارحك بحبه علي طول ولا تفضلي انه يكتفي بلغه العيون
اه مانكرش انى بحب لغه العيون دى بس أخرها ايه يعنى

سؤالى بقى هو نفس السؤال الاول بس هنشيل (جالك وقالك انه معجب بيكى ) ونحط اجابة السؤال التانى ونزود عليها السؤال التالت يعنى فى لغة عيون والكميا والحاجات دى مع العلم انه ما صرحكيش بحاجة

وبناء على اجابة السؤال التالت ( اه مانكرش انى بحب لغه العيون دى بس أخرها ايه يعنى)
فهل من الممكن انتى اللى تبداى بالمصرحة ولو انتى شايفة ان دا صعب هتعملى ايه عشان
1>> تحفظى على نفس الشعور بتاع الاجابة بتاعت السؤال التانى
2>> وتحققى الاجابة اللى فى السؤال التالت

معلش طولت ولفيت شويتين فى السؤال

هااى كوين اذيك منورة المنتدى ياقمر وطبعا شرف ليا ان اول مشاركاتك تبقى معايا ويارب المنتدى يعجبك ومستنين مشاركاتك معانا بس بالله عليكى خليكى حنينه عليا وبلاش اسئله من برة المنهج والاهشتكيكى وياريت تبقى تعرفينى بنفسك ....

1- اشمعنى فرح؟؟؟؟؟؟ وبجد انتى حسه الاسم ده ؟؟؟؟ واللى بتتمنيه؟؟؟
بحب الاسم ده اووووى وبالذات لما كنت بشترى كذا حاجه والاقى عليها الاسم ده فحبيته اكتر
حساه لأ حاليا بس عندى أمل فى ربنا واكيد اى انسان بيتمنى انه يفرح واكيد بتمناه .. drunken:


2-امل والم.....وجهان لعمله واحده....كلمتين متشابهين جدا فى الحروف لكن شتان المعنى
تقدرى تقولوا بيمثلولك ايه؟؟؟؟؟؟
الم فى اللى فات وامل فى ربنا واللى جى وانا عندى امل ان اللى جاى يبقى احسن بكتير من اللى عدى


3-لو حتختارى بين حبيبك وصاحبتك...تختارى مين؟؟؟؟؟؟؟؟؟
هو سؤال صعب بس انا رائى ان الاتنين مالهمش علاقه ببعض يعنى المفروض ان ده حاجه وده حاجه تانيه خالص والاتنين لازم يكونوا عارفين كده وانا عمرى ماهتحط فى الموقف ده والحمد لله ان اصحابى فاهمين كده وانا بصراحه مش بعرف أخسر حد بسهوله



4-ايه اكتر موقف محرج حصلك فى حياتك؟؟؟؟؟
اكتر موقف لما حد جه وصارحنى بمشاعرة بصراحه كنت عايزة الارض تتشق وتبلعنى
وفى موقف تانى مش عايزة اقوله ....


5-ايه اكتر حاجه فرحتك فى حياتك؟؟؟؟؟؟؟؟؟
اكتر حاجه فرحتنى هى اكتر حاجه برضه كانت سبب فى حزنى
بس اكتر حاجه بتفرحنى لما أقدر اساعد حد فى حاجه طلبها منى وحب الناس ليا بيبسطنى اووى ودى نعمه من ربنا اللهم احفظها من الزوال ....


6-امتى بتبكى؟؟؟؟؟؟؟؟؟؟
لما أحس انى اتظلمت ومحدش حاسس بيا دى اكتر حاجه بتخنقنى


-مين اللى بيشوف دموعك؟؟؟؟؟؟ومين اول حد تشكيله؟؟؟؟؟؟؟

فراوله هى اللى دايما تشوف دموعى واول حد بشيكله ربنا وبحس فعلا انه جنبى والحمد لله ومن بعده ماما بس بحاول ماعيطش قدامها لانها بتتضايق

8-لو اختارتى تكونى حد تانى ...شخصيه تاريخيه او سياسيه او او.....
تختارى تكونى مين؟؟؟؟؟؟؟؟
بصراحه مافكرتش فى الموضوع ده قبل كده عمرى مافكرت اكون حد غير انا وعموما احب ابقى عصفورة( مش هى دى الاجابه طبعا)


9-مين هو /هى قدوتك فى الحياه ومثلك الاعلى؟؟؟؟؟
بابا ربنا يخليهولى يارب بحس انه احن حد فى الدنيا واحسن دماغ بتفكر



10-عايزه توجهى رساله دلوقتى.....توجيهيها لمين؟؟؟؟؟؟؟
ليكى ياكوين حراام عليكى ده كله انا اتكسرت وتعبت دا انا لو بعرف اكتب برجلى كنت كملت بيها والله بهزر براحتك ياقمر بس والله تعبت
بجد بجد اوجه رسالتى لحد واقوله ربنا يهديك واشوفك كده عارف راسك من رجلك ونفسى تعرف انت عايز ايه وربنا يهديك ....

11-معاكى 10 وردات تهديها لاعضاء المنتدى.....تهديها لمين؟؟؟؟؟؟؟
هما اصلا مايكملوش عشرة هههههههههه
بس عموما ليكى طبعا ياكوين
لــــــ فراوله
جوجا
جنه
ويجا
أدمن
ليتل
بيوتى
مجرى
ميكوو
كيموو
تصدقى هما عشرة


الحمد لله أخر سؤال احمدك يارب


12- اهدى اغنيه لكل عضو فى المنتدى
والله حراام تعبت اوووى بس طبعا السؤال ده ماقدرش اقول لأ

انتى: دا ايه اللى بحس ليه
فراوله: اه من عنياه
ويجا : قارئه الفنجان
جنه: روح قلبى
جوجا: احلى حاجه فيكى
بيوتى : قل باصلك عشان بجد حراام اللى حصل فيا ده والله
ليتل: انت الحب
كوبرا :مستنى ايه
ميكو _مجرى_كيمو اهديلهم وحياه قلبى وافراحه (بمناسبه النتيجه )

وبجد تعبت اوووى والله وكويس اوووى ياكوين انك مسافرة ومش هتلحقينى تانى الحمد لله ( متزعليش بهزر يعنى)
ملحوظه: انا كتبت الرد ده 3 مرات لحد دلوقتى وحرام كده وطول النهار عماله اكتب فيه تخيلووا بقى والله حرام



وأخيرا حسبى الله ونعم الوكيل والعيب مش عليكوا العيب ع اللى قاعده جنبى دى دا انا هوريها بس استنوا عليا ......

والله حرام اصلها مش ناقصه الغاز خالص يكيمو انت كنت كتبت السؤال بتاعك ومالكش دعوة باللى قبليه


عموما انا مش فاهمه حاجه بس تقريبا فهمت بس ياريت اتاكد من حضرتك اكتر
وبعدين ايه القص واللزق دة

ولو على اجابه السؤال الحمد لله عرفتاها


بس بجد ياريت تكتب السؤال صريح كده

ميرسى ع الاغنية يا قمر
وخلاص دا اخر يوم ولا زهقتى مننا
وعايزة اقولك ان اجاباتك كانت تحفة وحلوة اوى ودمك كمان زى السكر فى الرد
وبجد معلش سامحى بيوتى دى بتحبك زى اختها..

خلاص ياجميل براءه يا باشا بس ابقى ردى ع سوال دكتور كيمو
وانا ياجماعه هنقطع عن المنتدى والموضوع ده طبعا يعنى اكيد مش هيقف
وفرح هى اللى هتمسكه ويارب اكون كنت عضوه خفيفه عليكم جميعا
وطبعا فرح هتقترح وهتمشى الموضوع ده
يلا اشوفكم ع خير

وانا يا بيوتى مش هعد فى املنتدى من غيرك لانى بصراحة اصلا انتى من اكتر الناس اللى بحب المنتدى عشانها....
دا غير ان انتى عضوة خفيفة ورقيقة وكلنا بنحبك جدا ومنقدرش نستغنى عنك ..

يا بنتى بجد انتى فعلا على راى كيمو..
فرحة المنتدى... ايه الردود العسل دى ..
وبجد فعلا يا فرح الموضوع من غير بيوتى
واسالتها اللى تشيب.. ميبقاش محكمة وحاولى تقنعيها تكمله
انا حاسة ان فى حاجة كبيرة اوى ناقصة فى المنتدى من غيرها..
نداااااااااااااااء الى بيوتى .. عودى الى آتون..عندما تشرق الشمس..
و( على فكرة كده المحكمة وقفت لان فرح خلصت مدة المحاكمة ..والمفروض المرة الجاية الدور على حد من الولاد.. وانا مستنية بفارغ الصبر..)

ههههههههههههههههههههههههههههه
ايه الدماغ دى ؟؟
بس عموام انا معاك فى النداء دا
وقوليلها كمان جماعة ابو خليل والدرديرى بيقوللك يابت ارجعى يابت ..

انا اسفه ياجماعه ع الغياب ده والله بس انتوا اكيد كلكم عذرينى وعارفين المشاكل وكده
وطبعا ياجىجى وكل اعضاء البيطرى فعلا انتوا وحشتونى جدا ووحشتينى الهزار معاكوا
وايه ياجىجى اتون والى الشمس ايه شايفنى هاميس وضايعه من رشدى اباظه وتسلمى يارب ياجميل والله وحشتينى لمتنا ع المنتدى..........

اما فرح مش انا قلتلك امسكيه هو ايه اللى مينفعش هو الواحد مش يعتمد عليكى ف حاجه ابدا كده بس ع العموم تسلمى ياقمر ع ردك الجامد ده وانتى فعلا من اكتر الاعضاء اللى اتبهدلت اسئله

اما لكيمووو انا بصراحه اتشيلت من الجمل دى انت بجد فظيع ودمااااااااغ واقول الواد حمدان ولد سالم جوز عدلات بنت الشيخ عتمان نسيب جماعة الجرجاوى خليفة اللى سكنين حدا بيت عمك الحج دهشان حدا الساية المهجورة بكفر المنتديات لدول كلهم انى رجعت بصراحه انا لو دى عيلتى هتبر منها

اما لفراوله والله يابنتى انا ولا اعرف مين دول عشان اعرف ولاد اسماعيل وتسلموا يارب كلكم ياجميل ع الهدئات الجامده دى

وطبعا فرح كانت اخر حاجه والمره الجايه ولد وانا بصراحه متشوقه اتعرف ع الاستاذ الالغاز الفظيع ده دكتور كيمووو تعالى بقا لانك عقدتينى

السوال المعتاد حاله قلبك ايه دلوقتى؟؟؟؟؟(بتحب او نوووو)
لو بتحب توصف حبيبتك بأيه ؟

امنية شريكة حياتك تكون مواصفتها ايه ؟

بتعترف بحب النت ؟( عمرك قبل كده اعجبت عن طريق النت)

لو تحب تصوف حبيتك ده لو فيه حاليا تصوفها بايه وايه اكتر صدفه حبيتها فيها
ولو كان فيه جرح ياترى قولنا (ايه السبب وحاسس انك مظلوم)

لو يوم من الايام لقيت صاحبك بيحب حبيبتك هل ممكن تتنازل عنها؟؟؟

كفـــــــــــــايه كده ورجعالك تانى منور قاعه القضاء يادكتور دهشان