<<***....محكمه الحــــــــــــــــــــــب....***** عقوبه لمده تلاته ايام

ههههههههههههههههههههه خلاص يافراوله هانت
بس انتى يعنى ممكن تاخدى مقبول وياجماعه ده اخر يوم وفراوله مخدتش اسئله كفايه
بس يلا وانا مالى اصحابك هما كمان بيسالوكى وانا النهارده جايبه ليكى اسئله جامده
جاوبى يادكتوره
قوليلنا بقى مسجلة حبيبك باسم ايه فى الموبيل
ومخصصاله نغمة ؟؟وياترى ايه هى ؟؟

يا ترى فراولــــــــــه حبت حبيبها وحست بيه من قبل ما تشوفه ولا تقابله

يا ترى فراولــــــــــــــه حاسة بالضعف لما حبت ولا كانت قوية

شخصية فراولـــــــــه اختلفت بعد ما حبت اوصفلتا ازاى؟؟
الدنيا بقت بمبى بمبى.....

ايه هى اصعب لحظة عشتيها فى قصة حبك وكانت امتى
احكى يلا

ياترى قولتيله على التوبيك ده ولا لا
ايه هو رد فعله لو ولد عاكس فراولـــــــــــه
وانتى ايه رد فعلك لو بنت كلمته
نفسك تجبيله هديه ايه
و ايه الهديه اللى نفسك يجيبها ليكى ؟

وكفايه كده اسئلتى كتير بس خلاص النهارده اخر يوم ولازم احتفل بيكى
ويلا بقى يادكاترة مش عارفه سايبين المتهمه ليه كده

هههههههههههههههههههههههههههه
بيوتى بجد انتى جامدة اخر حاجة..
وخصوصا سؤال مسجلاه ايه ع الموبايل والنغمة اصل انا بتفرق معايا الحاجات دى اوى..

المهم بقى يا ست فراولة (بلاش يا قطة)
انتى كده مجاوبتيش على سؤالى برده لان ساعات اللى قدامك ممكن يفهمك غلط لانك بطبعك بتعاملى الناس كهلا بزوق وممكن انتى نفسك تكونى حاساه حد كويس ومتقبلاه بس مش متاكدة ان دا حب لسبب بسيط انك معرفتيش يعنى ايه حب قبل كده .. دا كان قصدى وخلى بالك ان معاملة ميرى دى مش هتنفع
لانك مش عايزة تخسريه وفى نفس الوقت مش رافضاه بس مش حاباه..او مش متاكدة .
عموما شكلك مش عارفه تجوابى وفى الحالة دى يبقى سؤالى دا فعلا صعب لان فعلا محدش جاوب عليه فانا هعفو عنك..

وكفاية الشوية اسئلة بتاعة بيوتى ..
انا بعلن اكتفائى من استجواب المتهمة وبطلب شهادة الشهود..

نفسى ابارك لك ع البراءة يا فراولة ..

يا بيوتى افرجى عنها بقى حرام عليكى..

بما ان فراولـــــــــه طنشت الاجابه بتاعى وبتاعه البرنسيسه
وهتيجى تقولى اصل ماده دواجن وفصل واصل والكلام اللى هو اصلا مبرر وده طبعا مش عليا يافراولتى
انا عندى اقتراح انا طبعا مش هقدر افرج ع فراوله غير ماتجاوب ودى حاجه اصلا مفروغ منها دى حاجه............
انا بصراحه مش عارفه اقترح مين يكون المتهم المرة الجايه وطبعا بما ان الموضوع بتاعكم اقترحوا انت سواء كان ولد وبنت ومستنيه اجابتك يافراوله ولااااااازم تجاوبى طبعا
ومستنيه الاقتراحات

ههههههههههههه ع مين فراولتى تزوغى مش عليا طبعا
بما ان اقترحت انكم تقترحوا حد يكون المتهم المره الجايه
ومحدش برضه عرف يرشح مين وبالنسبه للفراوله خلاص افرحى اجرى ف الشارع افرجت عنك
وعايزة كده كلمه اخيره للحبيبك ع الملا ونعملك قريب توبيك الفرح ونعمل احلى زفه
واقدر اقول ان فراوله بجد بتحب خطبها وربنا يوفقهم مع بعض
اما ترشيحى للمرة الجايه بما ان خدها بنات ناخد شاب المرة دى
وطبعا هيكون من ضمن تلاته معروفين واقدر انه هو هيبقى .....................
د| ميكوووووووووووووو

اول حاجه انت عايش فى حالة حب حاليا ولا لا

2 - ايه مواصفاتك لشريكة حياتك

ميكوووووووووووووو كان عنده حاله حب قبل كده ولو اها كان عندك كام سنه سعتها
اصلى رخمه اوووووووى
انت انجرحت قبل كده ولو اه ايه شعورك ساعتها وانجرحت ازاى
اصلى فضوليه اوووووووى

هل انت غيور ؟ وياترىايه حدود الغيره؟

وايه رايك ف حب من طرف واحد ؟وياتري حسيت ان واحده بتحبك الحب دا او انت حسيت الاحساس دا لواحده؟
ايه رايك ف المقوله الحب بيجى مع العشرة؟

كفايه كده اصله لسه متهم جديد وع فكرة يا فراولتى لسه مش افرجت عنك غير بطلبى بس قلت اشوف زبون جديد

ههههههههههههههه
ميكوووووو وقع فيها ......... احسن ياعم قابلنى بقى لما تاخد افراج
بس انا عايز اقول حاجة ...... ميكووووووو ده مستودع حب وكونتينر عسل
فاهمنى ياحبى
ميكوووووووو انا عايز اسالك سوال
ياترى اكتر قصة حب عشتها كلنت قد ايه ؟؟ واقل واحدة قد ايه ؟
بجد ياميكووووو حبيت واحدة ونفضتلك ؟
انا حكتفى بس راجعلك تانى

يالااااااااااااااااااااهوي انا وقعت ماحدش سمي عليا
انا مش قدكوا يا جماعه
وعموما دا قدر مافيش مفر منه
هابتدي اجاوب عاي اسئلتكوا والله المستعان
اولا: انا مش عايش في قصه حب حاليا
ثانيا: ديبقي يطول شرحها
اولا اولا اولا الاخلاااااق يعني لازم تبقي مؤدبه ل ابعد الحدود
وماتكونش حبت حد قبلي يعني قلبها يتفتح علي ايدي انا(غرور بقي)
وتكون اصغر مني ب اقل حاجه تلت سنين او سنتين انما ادي دي ممنووووووع
الشكل بقي ما يفرقش معايا كتير يكفي تكون مقبوله يعني و لا تبقي شبهي و لا تبقي هيفاء وهبي لان الجمال الزياده له عيوبه
وتكون طبعا بتعرف تطبخ
واهم حاجه طبعا حتي قبل الادب تكون بتعرف ربنا عشنا تراعي ربنا فيا و ولادي وبيتي


ثااااالثا بقي: (جينا للاحراج )

كان عندي حاله حب و انا في سنه اولي و انتهت نهايه ماساويه جدا( هوا ما كانش حب اوي في الواقع) ومن ساعتها قعدت تلت سنين سنجل لحد ما حبيت بجد في رابعه

بالنسبه لموضوع انجرحت ده فا انا بعد اما اتنيلت حبيت بجد في رابعه الي حبتها رفضت تبادلني نفس الشعور عشنا طلعت مؤدبه اوووفر اوي فا افتكرتني تامر حسني و عايز احور
و انا و الله كنت بحبها بجد

رابعا:
انا بغير من اي حاجه زياده عن اللزوم بمعني ال بنت الي بحبها دي في جامعه يعني اكيد ليها زمايل صبيان فا مافيش مانع تقف معاهم بس طبعا في جروب و ممنوع تقف مع ولد لوحدها(دي تطير فيها رقااااااب )ويبقي الكلام في حدود الدراسه انما لوكلوكلوك في كلام مالوش لازمه لا طبعا
وبالنسبه للبس تلبس الي هيا عايزاه ب استثناء اللبس الاوفر اوي (وممنوع البناطيل الي نازله بضيق الي البنات مختريعنها جديد دي )

انا رغاااااي اوي و انتوا بستألو اسئله كتيييير كده هانخلص علي بكره

خاااامسا:الحب من طرف واحد ده منطقتي يا بيوتي انا ربنا تقريبا خالقني عشان احب من طرف واحد والطرف التاني يبقي عباره عن لوح من الثلج او الحديد المصمت
انا اتحبيت قبل كده من طرف واحد؟؟؟ تصدقي ما فكرتش فيها قبل كده؟؟
بس ممكن و انا ما خدتش بالي

سااادسا: الحب فعلا ما بيجيش غير من العشره و هنا انا هافتح موضوع الحب من اول نظره
انا ممكن اعجب بواحده من اول نظره انما احبها و اتعلق بيها دي مستحيييل تيجي غير لما اعاشرها و اتكلم معاها وشي في وشها دا حتي النت ما تنفعش
دا بالعكس كمان ممكن واحد بيكون بيعاملو احده زي اخته و من كتر ما يعشرها يحبها و بتحصل
فا انا ب اؤيد المقوله دي قلبا و قالبا

ساااابعا:
نيجي بقي للفك المفترس الاستاذ عبد الظاهر وسمعني احلي تحيه للكونتيييينر
والنبي ابقي فكرني اجيبه معايا يا عبدو لحسن شكلهم هايعوزوووه في اللحمه
فاهمني انت يا لئيييييم
بص يا عبدو اطول قصه حب عشتها كانت اربع شهور
واصغر واحده كانت شهر و نص
بالنسبه لموضوع التنفيض ده بلاش احراج و انظر الاجابه في الاعلي

اتمني ما كونتش طولت عليييكو و ربنا يسترها عليا في باقي التلت ايااااام

ميكووووووووووووو .. يالئيم
انا مفهمتش اجبتك
بس مين اللى نفضلك قولى قولى ....... و اعتبر سرك فى بركان ( كل الناس حتعرفه )
ايه رايك
ومتنساش الكوونتينر

هههههههههه اظهار ياميكو ان اصحابك بيعزوك اوى
انا بحب الاصحاب من النوع ده اووووووووى
وتسلم يادكتور كيمو بس برضه مش تسيبونى لوحدى عايزم اسئله جامده
اما بالنسبه لميكو انا لما سئلتك انك غيور ولا لا قلتلى فيما معناه زياده عن اللزوم يعني توصل انك تمنعها تكلم قرايبها سواء ولا خالتها او ..........
امتى ممكن تقول لاء مش قادر اكمل فى قصة الحب ديه كفاية؟؟

ايه اكتر حاجة ممكن تجذبك فى البنت ؟؟
ممكن تسامح اللى بتحبها ؟ طيب لو اه ايه اللى مش منكن تسامح فيه ابدا ؟
تعمل ايه لو حبيت بنت واهلك مش موافقين عليها؟!

بما انى رخمه وفضوليه زى ما انت عارف عايزاه اسالك ايه اكتر حاجه عملتها وندمت عليه وياريت تقوووول بالتفصيل

وكفايه كده ورجعالك تانى

انا الظاهر مش باينلي افراج من المحكمه دي
انا بترررووووووق يا جدعاااااان
يا بيوتي انتي اسئلتك عنيييفه اوي
بالنسبه ليك يا كيمو انت استنتاجك صح موضوع رابعه اكيد ما تعرفوش لانه بره الكليه
اجابه السؤال بتاعك بقي
انا عندي الاوبشنين شغالين
يعني لو والدتي جابتلي واحده و شفتها واتعرفت عليها و شخصيتها عجبتني و استوفت الشروط ( انظر اول الموضوع ) يبقي خير وبركه مافيش مشاكل ولو انا اتقابلت مع واحده و حبيتها و استريتحتلها و برررضه استوفت الشروط بررضه مافيييش مشاكل انا مش معقدها خاااالص


نيجي بقي لل اسئله الشرررررسه بتاعه بيوووووتي و ربنا يسترها معانا دنيا و اخره

بالنسبه لموضوع الغيره انا فعلا غيور بزياده بس في الحاجات الي الي مالهاش معني يعني قرايبها زي ما نتي بتقولي مافيش مشاكل تكلمهم و تعيد عليهم و الاجتماعيات دي انما مثلا واحد منهم يكلمهاعلي الموب او يبعتلها رسايل لولبيه من بتاعه الاخ الفقيد تامر حسني او يتنحنح و هوا بيتكلم كل ده ممنووووووووووع انما انا برحب ب اي علاقه بريييييييئه شرييييفه انا مش مقفل يعني

حلو السؤال ده علي فكره
اقول خلاص كفايه لقصه الحب؟؟؟ في حالات كتييييير
لم احس ان البنت داخله الحوار مش عشنا بتحبني لله في لله انما ما تبحبنيش و داخله تدور علي عرييييس
او لم احس انهاعايزه تفرض رايها غلاسه و تحكم مش علي اساس منطقي (تمشي كلامها و خلاص)
في الحالتين دول هانسحب في صمت و هاحاول مرجرحهاش

اكتر حاجه بتجذبني في البنت حاجتين متناقضتين تمااااااما
يعني اكتر بنت تشدني البنت الشقيه الي بتضحك و تهزر كتييير و بشوووشه كده
وفي نفس الوقت بتشدني اكتر البنت الهاديه لدرجه الخجل و الصوت الواطي و الليله دي
وماحدش يسالني ازاي لان انا نفسي مش عارف

انا ممكن اسامح بسهوله جدا و بعمل كده مع اصحابي الي يزعلني بعديها بيساعتين بهزر معاه و لااا كأن في حاجه
انما الي مش ممكن اسامح فيه حاجهتين الكذب و الخيانه

بررررضه السؤال ده جامد
لو حبيت واحده واهلي مش موافقين
اولا مش هاعمل زي الافلام العربي طبعا دا كا بدايه
ثانا هاحكم عقلي بعيدا عن البنت عن اهلي
اشوف هما مش وافقين ليه و هل كلامهم صح و لا غلط؟؟ و هلا كلامهم ممكن يطلع صح علي المدي البعيد؟؟؟ لو لقيت هما صح ما عنديش مانع اعيد نظر في الموضوع كله وهاتأكد بنفسي اذا كان كلامهم صح و لا غلط
انما لو كانت تلاكييك امهات و شغل حموات بقي فا في الحاله دي هاحاول اقنعها بكل الطرق ان انا صح وهيا ام و هاتحس ب ابنها
وفي اسواء الظروف مش هاعمل حاجه غصب عن اهلي

اكتر حاجه عملتها انتي ما حددتيش هل هيبا حاجه انسانيه و لا عادي
لو حاجه عادي يبقي اني اتنيلت خدت التربيه العسكرية في الترم الاول و شلتها
انما انسانيه علي حوار سنه اولي الي انتهي نهايه مأساويه

وفي انتظار المزيد من الاستجوابااااااات و ربنا يسترها عليا بقي

ربنا معاك يا دكتور ميكو بجد ويرحمك من اسئلتى ما انا عارفه انها رخمه اوى
بس هى دى اسئلتى اعمل ايه وع العموم انت قربت يفرج عنك فاضل يوم خلاااااااص
وبعدين مفيش حد بيسالك غيرى يبقى لازم اخلص ف الاسئله
وانا برضه جايبه اسئله جامده جدا وعايزة صراحه ماشى
ويا ترى احساسك ايه دلوقتى وزمان من ناحيه الحياه مثلا الحب او الاصدقاء كده يعنى

ويا ترى ايه اللى اتعلمتيه او خرجتى من التجربة ديه
لما كنت بتحب ف القصه اللى بجد قولى لما كنت بتشوفها كنت بتحس بايه ساعتها
ان شاء مستقبلا كلمنا كده عن احلامك معاها
وايه الاغانى اللى ان شاء لله هتهديلها اعملنا كولكشن كده ؟؟
وبالنسبه اجابه اللى قلت انت بتحب البنوته الشقيه وف نفس الهاديه معنى كده انك متناقض

جاووووب ع دوووووووول ورجعالك تانى
وفين الاسئله يادكاترة؟؟

اه فعلا فين الاسئله يا دكااااتره
سايبنها تستفرد بيا لييييه
دا انا غلبااااااااااااااااااااااااااان
وبعدين بقي انا مش فاهم اول سؤال ده عايز ايه
ياريت تفهميني و النبي يا بيوتي و انا اعودك هاعترف و اقول الحقيييقه

يعنى يادكتور نظرتك الحياه اتغيرت لما جربت الناس والحب وعرفت اكيد ناس كتير يعنى نظرتك اتغيرت حسيت ان كنت فاهم الحب والصداقه غلط ولا عادى
واها مش عارفه الدكاترة فين سايبنى لوحدى وقوووووول الحقيقه

ميكو.......زياسلام هو دا والله......
بص يا عم..
مبدايا كده
زى ما قال كيمو...موضوع اللى فات دا قدر وملكش ذنب فيه
بس انا عايزة اسالك سؤالين
اولا: افرض كان الوضع معكوسيعنى انت اللى كنت بتحبها اوى وهى عادى
وحصل الموقف اللى حصل... ساعتاه كنت هتحس بايه؟؟؟؟؟؟؟؟
ثانيا : لو رجع بيك الزمن هتعمل ايه؟؟ هتحبها بجد ولا برده كنت هتتصرف زى ماتصرفت؟؟؟

دا مبدايا عشان اللحمة بس مضطرة اقوم..
وبكرة هكمل عليك فى الحوار الجديد... معلش مدخلتش الويمن اللى فاتوا عشنا كنت تعبانة ..اخف واجيلك يا ميكو...

يااااااااااااااااااااااااه دا انتي بتتكلمي في تااااريخ
انا كنت داخل الكليه دي انسان طلعت منها انسان تااااااني
انا عرفت كميه بشر في الكليه و من بره الكليه و شفت ناس زباله و ناس محترمه
وعرفت يعني ايه واحد يبقي صاحبك وفجأه يطلع ندل وواحد كنتي فاكره ندل يطلع صاحبك بجد
و في الحب عرفت ان الحب ده مش حاه سهله و اني ما انطقش الكلمه دي الا اما اكون متأكد انها طالعه من جوايا
اقولك ايييه بس
دول خمس سنيييين بحالهم
المهم
السؤال الي بعده: اما كنت بشوفها كنت بحس بقلبي اتخطف وبتنح تتنيحه سوووده فيها وما بعرفش افتح بقي ( صكمم بكمم علي راي اللمبي)
بالنسبه ل احلامي معاها انشاء الله لو ربنا كاتبهالي اول ما اخلص فتره العقوبه الي مش راضيه تخلص دي هاروح اتقدملها علي طووووووووووووووول
الاغاني الي بهديها ليها
بتوحشيني وقولتلك بس خايف اسالك انا بوحشك لم بغيب و فرحتي لما رجعتلك(وائل جسار)
بتبعديني عن حياتك بالملل و خلتيني اقول خلاص مافيش امل(منير)
دا انا قلبي معاك ليل و نهار اتاريومش فارقه معاك و لا داري بحنيني ليك( الست اصاله)

يا رب اخد افرج بقي

اه جيجي صلت ب اسئلتها القاااااتله
دي بيوتي جنبك غلبانه يا بنتي
اولا: سؤالك ده مش محتاج اجاااابه دي كانت هاتبقي كارثه دا انا كان ممكن اروح فيها بس الحمد لله قدر و لطف
ثانيا : لو رجع بيا الزمن هارفض الحوار ومش هاخش فيه اصلا بس عمري ما كنت هاعمل زي ما عملت
وربنا يستر عليا وعليكي بكره في اللحمه ياجيجي
و نلتقي بعد الفااااصل

ماشى يا مايكل ..
انا هسكت عشان الحمة بس انما بعد اللحمة هتشوف نلتقى بعد الفاصل..
استنانى يا كبير..

ع فكرة يا دكتور ميكو انت كروتينى فين اجابه السوال الاخير
ولا عايز تهرب منه يا لئـــــــــــــــــــــــيم
والسوال انك قلت قبل كده باعجب بالبنوته الشقيه وف نفس الوقت البنوته الهاديه
ده يدل ع انك شخصيه متناقضه
وشفت انا طلعت غلبانه ازاى ف ناس اشرس منى

ايوة صح يا ميكو.. جاوب ع السوال دا..
وتعالى بقى نكمل اسئلة من النوع الرخم..
بص يا ريس.. دلوقتى انت قلت ان انت حبيت حد ونفضلك..جميل
تفتكر نفضلك ليه ؟؟ وتفتكر لو كنت صبرت شوية كان نفضلك برده ؟؟
يعنى اقصد مش يمكن انت اتكلمت فى وقت مش مناسب؟؟
او انك تكون وصلت اللى جواك بطريقة غلط فبنت انك تامر حسنى وبتحور..؟؟

ثانيا بقى .. انت ايه اصلا اللى خلاك تحب البنت دى ؟؟وهل صح انك تكون جرئ فى اعترافك لها من غير ما تحس هى بتحبك ولا لا او حتى واخدة بالها منك اصلا؟؟

ثالثا:- افرض انك عرفت ان البنت دى مرتبطة وعشان كده رفضت حبك بزوق عشان مش عايزة تجرحك
ساعتاه هيكون ايه رد فعلك؟؟ يعنى هتزعل انها خبت السبب الحقيقى ولا هتحترم خوفها على مشاعرك؟؟

رابعا::- تفتكر لو هى مرتبطة هتقدر تنساها وتفكر فى غيرها ولا انت بتبحها حب بجد ومش هتقدر تعيش من غيرها وقولى فى الحاليتن هتعمل ايه؟؟


كفاية عليك كده..

هخرج اتفسح شوية وارجعلك .. فاصل ونواصل...

اييييييييييييييييييه ده انتوا مفترييييين اوي
دا انا كده اتمرمط خاااااالص
عموما نبتدي ب سؤال بيوتي الي انا نسيته
بصي يا بيوتي هوا انا معاكي انه تناقض بس انا بعتبر الاتنين الشقاوه و الهدوء نوع من انواع الرقه بس بطريقتين مختلفين وانا بعشق البنت الرقيقه عموما و ما بحبش البنت الي قلبها جامد يعني الاتنين ممكن تعتبريهم نوع من الرقه

نيجي بقي للوحش جووووجا (استر عليا يا رب )
نفضلي ليه؟؟؟ نفضلي عشان انا اتسرعت في التعبير عن مشاعري لاني كنت اول مره احب بجد ودا ناتج من انها شخصيه محترمه اويييييي لدرجه انها رافضه فكره الارتبطا اصلا من غيرخطوووبه ودا خلاها تعلي في نظري اكتر

لو كنت صبرت شويه؟؟؟؟ كنت هاوصل لنفس النتيجه برضه
اكون وصلت الي جوايا بطريقه غلط؟؟؟لا طبعا انا كلمتها بمنتهي الادب والاحترام و هيا ردت بمنتهي الادب و الاحترام برضه

ايه الي خلاني احبها؟؟؟مش عارف صدقيني يا جيجي بس لقيت فيها حاجه غريبه بتشدني فيهااكدب لو قولتلك اني عارفها بس زي ما كيمو قال زماااااان دي كيميا يعني قضاااء و قدر

اايه الي خلاني اعترف بحبي؟؟ اني حبيتها بجد لاني لو كنت شاكك في مشاعري عمري ما كنت هاكلمهافي المضووع ده عشان ما اجرحهاش معايا
موضوع ماتكونش بتجبني اصلا ده انا ما فكرتش فيه ما فرقش معايا لاني اتعودت اكون صريح و مش متردد مش هاعمل زي المراهقين بتحبني...ما بتحبنيش...بتحبني...ما بتحبنيش


هازعل طبعا..... انا قولتلك قبل كده انا ماشي بمبدا الفنانه مروه الصراحه راااااااحه
يعني موضوع خايفه علي مشاعري ده بقي قديم اوي دي لو عملت كده تبقي واحده مش واثقه في نفسها و وعايزه تسمع مني كلام حلو و خلااااص و ساعه الجد معلش يا عم الحاج انا مرتبطه .... دا رايي في حاله زي دي عموما ... انما في حالتي انا ما ينفعش اصلا لان انا بالنسبه ليها بست فرند فا ما بتخبيش عني حاجه اصلا

دي بقي انا مختلف عن كل البني ادمين الي قابلتيهم
يعني انا بحب بحب بجد و بخلص في حبي جدا بس ساعه الفراق ... لو هيا السبب مش انا...
تنزل عند اول ناصيه يا معلم....ولااااا هاتفرق معايا و هانساها تاني يوم علي طوووول.....
انما لو كنت انا السبب هافضل اأنب(مش عارفه اكتبها )نفسي طول عمري اني جرحتهاومش هانساها بقيه عمري


نيجي بقي كييييمووو بااااشا
ياريت معايك تترجملي السؤال عشان مش فاهم منه حااااااجه
(معلش تأثير الامتحانات بقي )
و نلتقي بعد الفاااااصل