اجو التثبيت !!!!!!!!!!!!!!!!!!!!!!!!!! يوميات عمر وسارة

جميله اوي الحلقه يا لفلي

الحلقه جميله جدا والله
والواحد بجد بيحس انه هو اللي في الموقف بنفس الخجل والاحراج
بجد تسلم ايدك
منتظره الحلقه الجايه علي احر من الجمر
ههههههههههههههههه

هههههههههههههههههههههههه عندك حق يا اميرة ونفس الموقف حصل قدامى مع حد قريب جدا منى وكان نفس ذات رد الفعل

منوره الحلقه يا حسنية ومبروك لقب محسوبة القبيله ومزيد من النجاح فى القبيلة

ميرسى كتير يا سوسو ومعلش كلنا لها هههههههههههههه

الحلقه الحادية عشر
( انا ح اجى لكم بكرة شوية يا سارة )00


سارة :

قالها عمر لى فى التليفون فرديت باستغراب( ليه ؟ ) وطبعا كان رد غريب جدا فقلت له بسرعة ( تشرف طبعا ) وقفلت التليفون وانا سعيدة جدا انى ح اشوف عمر بكرة لأول مرة من قراءة الفاتحة الظاهر انه واحشنى لا الحقيقة مش الظاهر انا فعلا نفسى أشوفه !!


عمر :

رد فعل سارة غريب جدا ياترى هى مش عاوزة تشوفنى فعلا علشان كده اتخضت ؟ ممكن تكون حست انها اتسرعت فى الخطوبة مثلا طب ايه المطب ده ؟ دى هى واحشانى فعلا يبقى شكلى ايه لو قابلتنى ببرود ؟ بس هى كانت طول المكالمة سعيدة .. اوِف البنات دى عاوزة خريطة علشان الواحد يفهمهم احسن أصلى ركعتين وانام علشان عندى شغل بدرى


سارة :

عملت ماسك زبادى بالعسل قبل ما انام مع ان بشرتى مش محتاجة بس استعداد نفسى للقاء عمر المنتظر . ماما دخلت لقتنى ملزقة كده قالت لى مالك يا سارة قلت لها اصل عمر جاى بكرة يا ماما خرجت من الاوضة وهى بتقول لا حول الله يارب !!!
غسلت وشى من الماسك وغمضت عينى وطفيت النور بس ما جاليش نوم خالص ايه القلق ده ؟ احاسيس ملخبطة جدا جوايا فرحانة انى ح اشوفه وفى نفس الوقت سؤال بيزن فى عقلى خلاص هو ده الانسان اللى هاكمل معاه حياتى كلها لحد ما اعجز زى ماما وبابا ؟ ده انا تقريبا ما اعرفوش !! بس هو مؤدب وطيب ماهو كلهم بيكونوا كده فى الأول !!! على رأى صديقاتى ذوات الخبرة فى الارتباط . حطيت المخدة على دماغى علشان اهرب من التفكير وانام


عمر :

ياااااه ده انا تقريبا مانمتش خالص وحاسس بصداع رهيب وعندى شغل بعد نص ساعة ادى اللى خدناه من الخطوبة !!!!! ! ما انا كنت حر نفسى وأخر رواقة كل القلق ده ولسه قراءة فاتحة امال لما أخلف 5 ولا 6 عيال هاعمل ايه ؟ أكيد ح اكون مت من زمان !!!!

سارة :

قمت من النوم بعد ما صحيت ييجى مية مرة وعندى حموضة كبيرة شربت سفن اب على الريق وطبعا كانت فاتتنى صلاة الفجر من النوم المتقطع . اتوضيت وصليت شعرت بهدوء واستعدت فرحتى بلقاء عمر النهاردة . يارب فرحنى النهاردة يارب !!


عمر :

تالت فنجان قهوة باشربه والصداع ابتدى يروح شوية . اه لو سارة تدينى حتى رنة تعرفنى انها عاوزة تشوفنى هى كمان . فضلت ماسك الموبيل وسرحان لحد ما فوقت على صوت زميلى بيقول : ( يابختك يا عم تلاقى العروسة صبحت عليك ييجى مية مرة 00 تيجى مراتى تشوف عمرها ما بتتصل بى الا لو كارثة حصلت ده انا حاطط لها تون سرينة اسعاف ههههههه !!!! ) رميت الموبيل وقلت الصيت ولا الغنى !! يلا بقى يا سارة ربنا يهديكى !!


سارة :

الوقت بيعدى بسرعة كدة ليه ؟ الساعة 4 وعمر جاى الساعة 8 طب ح البس ايه ؟ وح نقعد فين ؟ مش معقول نقعد لوحدنا فى الصالون حرام طبعا وكمان انا اتكسف جدا لا أكيد كل العيلة هتقعد على قلبنا !!! طب حنتكلم فى ايه ؟ التليفون بيسهل الموضوع لكن وجها لوجه دى صعبة شوية . ياااه ايه القلق ده كله ؟ ماما بتبص لى من بعيد و عينيها بتضحك على وبتقول فى سرها البنت اتجننت !!!
قمت استحميت واسترخيت شوية وقعدت أنشف شعرى بالسشوار وأعمله كذا تسريحة مع انه مش هيشوفه لأنى هاكون لابسة الحجاب طبعا بس عاوزة أحس انى جميلة النهاردة ونفسى أشوف ده فى عينيه !!!


عمر :
ياترى ح أجيب ايه معايا وانا رايح ؟ أخد شيكولاتة ؟ ولا أبقى رومانسى واخد ورد
طب أنا نفسى أشترى هدية لسارة تفكرنا دايما باليوم ده أشترى لها ايه ؟ قعدت أفكر وانا فى العربية وراجع من شغلى لحد ما لقيت محل هدايا دخلت و جبت بوكية ورد أنيق ودورت على هدية سارة احترت شوية وبعدين لقيت دبدوب ضخم أبيض حاضن قلب أحمر كان ضخم جدا وغالى جدا كمان !!! لكن تخيلت فرحتها بيه . يارب يعجبك ياسارة !


سارة :

ارتديت عباءة مغربى جميلة مطرزة بالقصب أهداها لى خالى من الخليج لم أرتدى تايير أو ما شابه مش عارفة ليه يمكن كنت عاوزة أحس أنى لا أستقبل ضيف غريب بل من أهل البيت وضعت مكياج خفيف جدا مجرد انه يظهر وجهى نضر لا أكثر ولففت الطرحة بطريقة جديدة زادتنى أناقة ونظرت فى المراية ووجدت بريق جميل فى عينى لم أره من قبل . يارب اسعد كل البنات زيى !! وأفقت من سرحانى على صوت جرس الباب وصوت أمى بيقول ( عمر جه يا سارة !!)


. نشووووووووووف اييييييه اللى هيحصل
ف الجزء الثانية عشر


<عايزين ردود بقى >
( تابع )

ميرسي يا لفلي بجد الحلقات تجنن ربنا يسعدهم ويوفقهم انتي بجد شوقتيني للحلقه الجايه متتاخريش علينا بقا

بجد المسلسل ده عامل جو في المنتدي تحفه

منورة يا نونة
ميرسى كتير يا حسنية

الحلقه الثانية عشر

(ازيك يا سارة 00 ياه ماشاء الله !!)


سارة :

قالها عمر بتلقائية كبيرة وهو يسلم على جعلت اخوتى يبتسمون وانا وجهى احمر من الخجل وفوجئت ان يمدحنى هكذا أمام الجميع !! لكن كنت سعيدة جدا بهذه الجرأة أو التلقائية لا أدرى ! ومددت يدى أسلم عليه وأكيد لاحظ ارتعاش يدى وارتباكى
(( ياااه فعلا التليفون أرحم من اللخبطة دى )) !!!


عمر :

بجد فوجئت بجمال سارة اليوم وجهها نضر وملامحها تنطق بالجاذبية والجمال رغم انها لا تضع ماكياج والحمد لله لم استطع ان أخفى سعادتى عندما رأيت وجهها مرة ثانية والمرة دى أشعر انها ملكى فازدادت جمالا فى عينى لكن أكيد والدتها وأخواتها بيقولوا على مدلوق جدا !!! (( لا امسك نفسك شوية يا سى عمر ما تكسفناش )) !!


سارة :

الله عمر بجد رقيق جدا جايب ورد معاه كنت خايفة يجيب فاكهة بقى وبطيخة والفيلم ده ! ونظرت الى الهدية الكبيرة فى ورقها اللامع وفرحت انه فكر يشترى لى هدية ده يدل انه انسان كريم ورقيق الحمد لله يارب تفضل كده يا عمر !!
ياترى ح نقعد فين ؟ أكيد مش لوحدنا طبعا طيب أقعد فى الكرسى اللى جنبه ولا بعيد طب بابا موجود ازاى أقعد جنب عمر فى وجود بابا ؟ ياسلام على الهنا بابا حسم الحدوتة
وقال :
(( تعالى أقعد جنبى هنا يا عمر )) !!!




عمر :

يا سلام على الهنا هأقعد جنب حمايا العزيز اهى دى فيها ساعتين قناة الجزيرة وساعتين عن مستوى الزمالك المنحدر وبعدها أكيد هاكون استأذنت وروحت يا خسارة الورد والهدية !!! الحمد لله سارة قعدت فى الكرسى المقابل لنا أنا وعمى لا أدرى هل حمايا لاحظ انى أختلس النظرات الى وجهها الجميل ؟ بجد وجهها يحمل ملامح طفولية تنم عن الشقاوة وخفة الدم وايضا جاذبية كبيرة تجعلك لا تمل النظر لها وكنت غير منتبه الى كلام حمايا المطول غصب عنى وأرد فقط بـــ طبعا طبعا يا عمى
فعلا فعلا يا عمى
ايوة فعلا يا سارة !!! وانتبهت الى خطأى واحمر وجهى من الخجل ولاحظ عمى هذا وضحك
وقال :
(( ده انت مش معايا انا يا سيدى طب لما أسيبكم تتكلموا شوية وأقوم اتكلم فى التليفون)) !!!




سارة :


ضحكت جدا على عمر وفرحت بصراحة ان بابا قام وقعدت جنب عمر ولاحظت سعادته بهذا وقال :
(( ازيك يا سارة افتقدتك جدا من المرة اللى فاتت )) !!
يااه كلمة الافتقاد دى كبيرة اوى احلى بكتير من وحشتينى كان نفسى أقول له وانا كمان لكن اتكسفت جدا أول مرة أحس انى بنوتة بقى وبتكسف دول كانوا مسمينى فى العيلة الكابتن من كتر تهريجى !! الظاهر انى ها أكتشف سارة جديدة خالص ما عرفتهاش قبل كده !!



عمر :


أنا جبت لك هدية يا سارة يارب تعجبك بتحبى الدباديب ؟ فوجئت ان سارة نطت من مكانها وحضنت الدبدوب وقبلته ونيمته فى حضنها وقالت بسعاد طفولية(( الله ده تحفة يا عمر بجد يجنن )) !!
فرحت جدا برد فعلها الطفولى الجميل ورغم ان الجميع كانوا حولنا الا انى كنت لا أشعر الا بى وبها فقط يارب ما تتغيريش ياسارة وتفضلى لذيذة كده على طول . مش عارف ليه ساعتها كنت عاوز أقول لكل العالم ان هذه الطفلة الجميلة طفلتى أنا !!!


سارة :


ايه الجنان ده ؟ أكيد ح يقول على عيلة دلوقت !!! طب ماهو اللى غلطان كان لازم يجيب دبدوب يعنى ؟ ده أنا باموت فيهم يوووووه هو أنا لازم أفضل محتارة على طول ؟ لازم يتعود على زى ما أنا !! بس كل صديقاتى قالوا لى اتقلى واعملى فيها الراسية العاقلة \ وماما بتبص لى من بعيد نفسها تقتلنى !! بس عمر فيه فى عينيه نظرة حنان جميلة بتخلينى أطلع كل اللى جوايا بدون اى تصنع وده اللى مخلينى معجبه بيه .


عمر :


ياااه انا نسيت كل الموجودين ونسيت الوقت معقول بقى لنا ساعتين بنتكلم ؟ !!!
انا نسيت انى ضيف ولازم ما أقعدش كتير اوى كده !!! بجد كلام سارة لذيذ جدا وحبل الكلام بيننا ممتد الى مالا نهاية بدون أى تكلف ولاحظت انها قارئة جيدة مش روشة طحن زى بقية البنات ومخها أبيض ودى حاجة عاجبانى فيها جدا بتحسسنى انى قاعد مع الف بنت : صديقة وأخت وزميلة وطفلة وأنثى وقريبة ووووو ............. وحبيبة


. نشووووووووووف اييييييه اللى هيحصل
ف الجزء الثلث عشر


<عايزين ردود بقى >
( تابع )

بجد الحكاية دى جميلة قوى يا لفلى

تحياتى

لحلقه دي بجد تجنن يا لفلي بس بيعجبني في ساره انها على طبيعتها احلى حاجه ان الواحد يكون على طبيعته بجد حلوه اوي الحلقه ومتتاخريش علينا في الحلقه الجايه مشكوره يا قمر

ايوه كده ياقمر متعينا كمان وكمان
بجد الحلقه روعه تسلمي
علي فكره انا لو اتعمل معايا حركه الدبدوب دي هعمل زيها بالضبط طفله بقي مش طفله سيبك فعلا اهم حاجه تحسسك بالامان والسعاده في نفس الوقت انك تكوني علي طبيعتك طول الوقت : :

ههههههههههههههههههههههههه دى احلى حاجة عجبانى يا اميرة الخجل الى موجد بينهم
وخاصة طريقة ةتفكير كل واحد فيه فى المواقف الى ما بينهم
وتسلمى يا قمر

تسلميلى يا نونه ويارب الحلقات الى جاية تعجيك

اذيك يا سوسو وحشانى موت
واما نشو ف بقة حركه الدبدوب هتتعمل ولا هنكون تقلانين هههههه

وكل سنة وانتى طيبة ياقمر

وانتي طيبه ياحبيبه قلبي ويارب عيد سعيد عليكي يارب
ومستنيه حلقه جديده ان شاء الله قبل العيد خليها العيديه ياقمر

ايه ياللى فين الحلقات ياجميل

كيد طبعا الحلقات اللي جايه هتعجبني مدام انتي اللي كاتباها ياقمر متتاخريش علينا بقى في الحلقه الجايه عايزنها بكره عشان العيد بقى وكل سنه وانتي طيبه

الحلقة الثالثة عشر


عمر مشى من قليل وبجد انا مرتاحة جدا دلوقت حسيت انى سعيدة لأننا على درجة كبيرة من التفاهم او على الأقل فيه ناس باحس انى مخنوقة منهم بسرعة لكن مع عمر لا دايما باحس انى على طبيعتى وعاوزة اقول له كل اللى جوايا بدون زواق ومش محتاجة اتكلف اى حاجة علشان أعجبه ومتهيألى دى حاجة كبيرة ووو
قطع تفكيرى صوت أختى (( أبيه عمر على التليفون 000هو لحق وصل !!!! )) نطيت رفعت السماعة وانا طايرة من الفرح :الو ايوة يا عمر انت وصلت ؟

عمر : لا باتكلم من عند البقال !! ايوة وصلت طبعا انا كنت سايق على 120 علشان أوصل بسرعة وأكمل كلامى معاكى دى ماما اتخضت وانا باجرى على اودتى علشان أكلمك !!

ساره : ........................

عمر : ساكتة ليه ؟

ساره : مش عارفة أقول ايه ؟ انا بجد فرحانة وقلقانة ومبسوطة وخايفة وووو.............

عمر :ايه الكوكتيل الجامد ده ؟ طب فرحانة ومبسوطة علشان انا شبه أحمد السقا ماشى لكن ..............

ساره : ياعم قول ياباسط أحمد السقا ههههههههههه

عمر : كده ياسارة الله يسامحك طب ادينى ضحكتك ياستى قولى لى خايفة من ايه ؟

ساره : خايفة اننا بنقرب لبعض بسرعة أوى وانا ماليش تجارب قبل كده . فخايفة أكون فرحانة بس بفكرة الحب والارتباط ومش قادرة أقيم الموضوع صح واطلع غلطانة فى الاخر .

عمر :ما تخافيش من أى حاجة فى الدنيا طول ما انا جنبك يا غالية .

ساره (ياااه يا عمر بجد انت اللى غالى )) فى سرى طبعا

عمر :سارة سامعانى ؟

ساره : ايوة

عمر : بصى ياستى انتى بتعدى الشارع وفيه عربيات ؟

ساره : طبعا

عمر : بتدخلى مبنى ما دخلتهوش قبل كده علشان تخلصى مصلحة ليكى ؟

ساره : أكيد

عمر : بتركبى تاكسى لوحدك ؟

ساره : ايوة ايوة ايه الأسئلة العجيبة دى كلها ؟

عمر : طب ليه مش خايفة وانتى بتعدى الشارع عربية تخبطك لا قدر الله يبقى نبطل نعدى شوارع أحسن ... ولا وانتى داخلة مبنى غريب يحصل لك حاجة ولا فى التاكسى تتخطفى مثلا ؟ يا سارة لو خفنا من كل حاجة عمرنا ما هنعمل حاجة ابدا وبعدين احنا واخدين الطريق الشرعى أمام الله وأمام الناس ونيتنا احنا الاتنين اننا نرضى الله فى الحلال يبقى الخوف والفشل ح ييجوا منين ؟

ساره : انا خايفة من اختلاف الشخصيات يا عمر يكون سبب الفشل !!!

عمر : بصى ياسارة أكبر غلط كل البنات بترتكبه انها تتجوز واحد بشخصية معينة وتحلم انها تخلق منه شخصية مختلفة 180 درجة مفروض اننا نحب الانسان بمميزاته وعيوبه ونتقبله كما هو ونحبه زى ماهو .

ساره : مش بيقولوا مراية الحب عامية؟

عمر : دى مراية الحب مفتحة ولها عشر عيون بقى انا مش هاشوف الانسان اللى بحبه ؟ امال هاشوف مين يعنى ؟ يعنى انا دلوقتى مش شايفك ؟

ساره : (( ياااااااه أول مرة يعنى انت بتحبنى يا عمر ؟؟؟؟ )) برضه فى سرى .

عمر : سارة انتى فين ؟

ساره : انا سامعاك انت عارف يا عمر اكتر حاجة بتعجبنى فيك ايه ؟

عمر : غير انى شبه احمد السقا ؟

ساره : ههههه برضه مصمم ؟ ماشى يا سيدى لا بجد باحس انى باكلم حد من صديقاتى مش خطيبى يعنى حاسة ان الصداقة بيننا بتكبر كل يوم ودى حاجة مفرحانى جدا .

عمر : على فكرة ده نفس احساسى انا كمان . عارفة ياسارة مهم جدا ان الأزواج يكونوا اصدقاء ده بيخلى التفاهم بينهم كبير جدا

ساره : انت عارف ياعمر الزواج عامل زى بيت من 3 ادوار الدور الاول الاعجاب والانبهار والرغبة الشديدة والدور التانى الحب والدور التالت الصداقة . فلو غبار الزمن والتعود والمشاكل طمس الدورين الأول والتانى لا يمكن هيوصل للتالت ابدا.

عمر : انا بجد لقيت كنز لما لقيتك يا سارة . انتى بجد مليتى على الدنيا انا حاسس انى مش محتاج حد تانى من الدنيا . الحمد لله يارب .

ساره : ربنا يخليك لى ياعمر

عمر : انا لى عندك طلب ياسارة ياريت نخلى حفلة خطوبتنا والشبكة نكتب فيها الكتاب كمان ايه رأيك ؟ساره : كتب كتاب !!!! بسرعة كده !!!!!

عمر : بصى ياسارة ما تتخضيش . خدى وقتك وفكرى . بس انا مش عاوز أغضب ربنا فى حاجة جوايا كلام كتير مش قادر أقوله ليكى . ونفسى نخرج لوحدنا نشوف العالم مع بعض بعيونا احنا بس ونخلق ذكريات خاصة بينا احنا الاتنين . وما تفتكريش انى كده بأقيدك او بألزمك بحاجة لا يوم ما تحبى تبعدينى من حياتك هابعد بدون قيود .

ساره : ايوة بس..........

عمر : بصى ياسارة ربنا هو اللى جمعنا و اعطانا نعمة كبيرة اننا قربنا لبعض بفضله وحده فمش معقول اننا نشكر النعمة دى بأننا نعمل معصية . صدقينى لو أرضينا ههيرضينا . بصى فكرى براحتك وردى على . معلش طولت عليكى انا بجد اسف الوقت معاكى بيعدى من غير ما احس . هاسيبك ترتاحى دلوقتى . خلى بالك من نفسك .

ساره : تصبح على خير.

عمر : تصبحى على خير يا ملاكى .







. نشووووووووووف اييييييه اللى هيحصل
ف الجزء الرابع عشر


<عايزين ردود بقى >
( تابع )



[b]

اية ياجماعة فين الردووووووووووووووووووووووووووووووووووووووووووود انا زعلانة جددددددددددددددددددا

بجد الحلقه دي جامده موت يا لفلي ربنا يسعدهم وميرسي يا قمر ع الحلقه الجامده دي ومعلش عشان اتاخرت عليكي معرفش والله انك نزلتي حلقه جديده

ازاى يالفلى تزعلى دا انا بستنى الحلقات بفارغ الصير

والحلقة دى جميلة جدددددددا جددددددا

ميرسى ليكو كلكو يا جماعه وعندك حق والله يااميره انا قولتلها كده برده
بس فى مفاجاءة الحلقه الجايه جامدة جددددددددددددددددددددا