اجو التثبيت !!!!!!!!!!!!!!!!!!!!!!!!!! يوميات عمر وسارة

ربنا يخليكي ياقمر

انا كان قصدي يتقابلوا مره تانيه في البيت في وجود الاهل برده بس يتعرفوا اكتر قبل اي خطوه رسميه بحيث ميكنش في قلق من الناحيتين بس مش عارفه الفرصه ممكن تكون متاحه ولا هيرفضها الاهل

بجد حلقه تحفه
بجد انا مستمتعه اوي بالمسلسل ده
و متاخريش الحلقه التامنه علينا عشان احنا بنستنا الحلقات بفارغ الصبر


و يا بختها ساره دي
هي الواحده مننا ياختشي عايزه ايه غيير واحد يعبرها لو حتي با حاجه
لو حتي يعتس في و شها



انا بهزر طبعا مش هانرضي ياقل من سوليتيير ان شاء الله(دي اسمها ايه الي بتقول كده)

ما شاء الله يا لافلي
بجد الموضوع جميل اوي
واول ما بنخلص الحلقه بنبقي عايزين الي بعدها
انا موافقه علي اقتراح اميره
انك تعملي حلقه كل خمس دقايق

ميرسي يا لفلي يا قمر بجد الحلقات تجنن انتي عارفه انا مبتفرج في رمضان غير على المسلسل بتاع عمر وساره ده ومسلسل حرب الجواسيس عشان مبقاش كدابه يعني تسلمي يا عسل

بجد روعه قوي وبجد مبسوطه قوي بقراءه الفاتحه دي
ويارب عقبالك يالفلي لو مش مخطوبه
وعقبال كل اللي في المنتدي
وانا شايفه ان بدايه العلاقه صح وان شاء الله تكمل بالافراح
وميرسي ليكي يالفلي بجد

تسلمى يا نونه يا حبيتى على مرورك وعلشان مكدبش عليكى انا مبسمعش غير الادهم وساعات افراح ابليس وطبعا عمر وسارة

الله يبارك فيك ياريس وقبالك انشاء الله ونعملك احلى حفلة فى المنتدى كله

ميرسى ليكى يا سوسو على الكلام الجامد ده وربنه يوفقك فى حياتك يا حبيتى انشاء الله [img][/img]

ايه يا لفلي المسلسل الجامد ده انا لسه عضوه جديده وقريت الحلقات
جااااااااااااااااااااااااااااااااااااااااااااااااااااااامده











الحلقه الجديده بسسسسرعه

الحلقه التاســعه :


عمر :

رجعت من الشغل واتغديت ونمت وصحيت والمفروض أكلم " سارة " , اتصلت بالرقم وأنا بادعي إن " سارة " هي اللي ترد ، وبالطبع ردت والدتها . فسلمت عليها وسألت عن عمي وسألتني هي عن والدي ووالدتي ، ثم سادت لحظة صمت محرجة , حيث تنتظر هي أن أطلب الحديث مع "" سارة " ، بينما أنتظر أنا أن تتفضل هي من نفسها بندائها . تنحنحت مرتين وأخذت نفسا عميقا و... قبل أن أنطق , قالت هي : " طيب هناديلك سارة ".
تألمت أذناي حينما انطلق صوت موسيقى الانتظار المزعج والمفاجئ ثم انتهت الموسيقى وسمعت خروشة ثم صوت " سارة " - سارة : السلام عليكم * عمر : وعليكم السلام ورحمة الله وبركاته
- سارة : ازيك يا " عمر " * عمر : الحمد لله ... ازيك إنت ؟
- سارة : الحمد لله , وبابا وماما عاملين إيه ؟
* عمر :الحمد لله
- سارة : وإخواتك؟
* عمر : الحمدلله
- سارة : إنت بتختم الصلاة يا " عمر "؟
* عمر : (بدهشة) لأ ليه؟
- سارة : أصلك مابتقولش غير الحمد لله , فحسبتك بتسبح بعد الصلاة ولا حاجة !
فهمت الدعابة وضحكت بشدة , وبدأت أسألها هي الأخرى عن أحوالها وعن عملها وكذلك تحدثت هي و ... استمرت المكالمة 66 دقيقة0000000000000000000000000000
والحق أني لم أرد إنهاء المكالمة , إلا أني لاحظت أن والدتها دخلت إليها ووجهت إليها الكلام , فخشيت أن أسبب لها الحرج وأخبرتها بأني سأحدثها غدا . وبالطبع كانت المكالمة وكأنها مع واحد صاحبي وبخاصة أنها لا تكف عن السخرية وإطلاق النكات , مما جعلني أبادلها التنكيت
وبالتالي لم تكن المكالمة رومانسية على الإطلاق , ولكنى استطعت أن أستجمع شجاعتي وأن أقول لها " هتوحشيني قوي لحد بكره " وقفلت الخط سريعا وكأن والدتها ستجذبني من ملابسي من خلال السماعة !


سارة :
لم أتخيل أن تسير المكالمة مع " عمر " على هذا النحو . كنت أغسل المواعين في المطبخ , بينما أفكر أنه لو اتصل الآن سيكون شيئا شاعريا جدا أن أتلقى أول مكالمة من خطيبي وأنا أقف على الحوض !!!! وبالفعل اتصل " عمر " أثناء غسيلي للبراد . بدا محرجا في بداية الحديث ولكني كسرت الجليد وضاحكته , واتضح لي بعد ذلك أثناء المكالمة أنه " واد مسخرة ", وبالطبع هذا ليس تقليلا من شأنه , فهو يبدو رجلا حتى في هزاره . وبعد تبادل الحديث وتبادل أرقام الموبايلات ( حيث أخبرتني أمي قبل المكالمة بأنه يمكنني تبادل أرقام الموبايل معه) بعد كل هذه الثرثرة أنهى مكالمته بجملة تختلف عن جو الشقاوة الذي ساد المحادثة وقال لي برقة إنه سيفتقدني . يا ربي دايما ينهي كلامه بجملة تخلي قلبي يتهز . يبدو أنها صارت عادة لديه ... وقاطعت أمي تأملاتي الرومانسية بعد المكالمة – وكم تعددت مقاطعتها لي أثناء المكالمة !– وقالت لي : " إيه كل الضحك ده يا " سارة " "؟ هو إنت بتكلمي" فاطمه "ولا " مروه " ؟ مش تعقلي شوية ".. ظننتها في البداية ستتحدث عن طول وقت المكالمة ولكنها أحرجتني بحديثها عن كثرة ضحكي , هل يمكن أن يظن " عمر " أني أضحك أكثر من اللازم ؟ لكنه كان يضحك هو الآخر.
... نشووووووووووف اييييييه اللى هيحصل
ف الجزء العاشر

علي فكره يا لفلي انتي اتاخرتي علينا في الحلقه اوي
ده احنا بنستناها
مش تتاخري علينا كده تاني

معلش سماح المرة دى كان كابل التليفون مقطوع فا الروتر مكنش شغال

ومش نتاخر تانى انشاء الله

بجد روعه يالفلي
اتاخرتي علينا كتير بس رجعتيلنا بحلقه جميله قوي
وانا شايفه ان مش من الضروري تكون المكالمات الاولي علي الاقل فيها الرومانسيهلانهم لسه برده الموضوع لسه جديد عليهم وانا مع ساره في كسر الحواجز اولا وبعدين الكلام هيجيب بعضه زي محصل بالضبط
بس 66 دقيقه واول مكالمه ايه الافتري ده
ههههههههههههههه

ههههههههههههههه عندك حق والله ياسكرة يعنى اول مكالمة وكمان عادية جدا و66دقدقة امال لما يعرفو بعض بقه ويتكلمو كلام رومانسى هيتكلمو قد ايه

ميرسى لمرورك لجميل

ربنا يخليكي ياقمر
ومشتاقه للحلقات الجديده متتاخريش

سارة
أربع رسائل في يوم واحد .... كتير برضه ! الواد ده ماشي بموبايل خط ولا بيزنس ولا إيه ؟!" هو صحيح إني فرحانة جدا بكل هذا الاهتمام ... لكن هي دي المشكلة .. أنا باخاف لما بافرح قوي .. باشعر إن فيه حاجة غلط . ماسورة الرسائل اللي انفجرت دي مش مطمناني ". أخاف أن يكون " عمر " حالما أكثر من اللازم . قد يبدو كلامي غريبا ولكني أحب الرجل " الراسى " أريد رجلا يساندني على أرض الواقع . لا أحب الرجال المغرقين في الرومانسية . عمر :

لم يتهمني يوما أحد بالرومانسية, ولكني مع " سارة " أخاف أن يكون هذا عيبا . لست قاسي القلب بالطبع ولكني لا أجد أن الكلام الرومانسي الكثير يعني شيئا . أشعر أني أحبها وغالبا ما سيزداد هذا الحب مع الأيام ولكني لا أحب كلمة " احبك " التي تتكرر كثيرا بين الأولاد والبنات . ولكني أخاف أن يجعل ذلك " سارة "تكرهني ولذا قررت أن أكون رومانسيا معها في رسائل الموبايل . أرسلت لها كل رسائل الحب التي وجدتها ذلك اليوم , وكانت أربع رسائل ....... أربع رسائل في يوم واحد .... "كتير .. مش كده ؟" أدركت هذا عندما وصلت للمنزل مساء . قد تراني " سارة " الآن " مدلوقا ". ولكن .. لا ... هي لا تفكر بهذه الطريقة ... أو ... ربما هي تفكر بهذه الطريقة ..... لاحول ولا قوة إلا بالله ... كنت قد قررت أن أتصرف بمثالية في هذه العلاقة ولكن ها أنا وقد بدأت بخطأ .... أفففف .سارة :
مكالمة أخرى مع " عمر " على تليفون البيت , هذه المرة اتصل أثناء مشاهدتي لمسلسل الرعب الأجنبي الذي أتابعه بشغف , ما علينا سأشاهده في الإعادة . وجدته طبيعيا ... أعني ليس حالما غارقا في الرومانسية كما أوحت لي الرسائل . ارتاح قلبي لذلك , فأنا لا أحب الرجال معسولي اللسان . حدثته عن مشاكل في عملي وأسداني بعض النصائح المفيدة بجانب بعض النصائح غير المفيدة ، - ولكني لم أخبره بذلك بالطبع - إلا أنني ذهلت وزاد إعجابي به عندما حدثني حول الاحتلال في العراق ووضع الانتخابات الفلسطينية . إنه يعرف ما يتحدث عنه وله أراء خاصة رائعة ولا يدعي معرفته بكل شيء , مثل الذين يتحدثون وكأنهم كانوا مع " بوش " لحظة إعلان الحرب . أعجبتني سعة اطلاعه ، وإن كنت أحبطت قليلا عندما عرفت أنه لا يهتم بالكرة , وأنا التي كنت أحلم بأن أذهب أخيرا للاستاد لأشاهد المباريات من هناك بعد زواجي . إلا أني – للحق - احترمته , فأنا لا أتخيله يجلس مثلي أمام التليفزيون يكيل السباب للاعبي الفريق المنافس والحكم الظالم دائما !

في وسط الحديث تطرقت إلى موضوع الرسائل , فسكت قليلا ثم قال بلهجة شديدة الرقة والعذوبة "زودتها شوية ... مش كده ؟" ولم أتمالك نفسي من الضحك ..... أحيانا ينتاب الشخص نوبة غباء يندم عليها كثيرا فيما بعد ... وكانت هذه إحدى نوبات غبائي . كيف يكون هذا هو رد فعلي على هذه الرقة . بالتأكيد سيظن أني بليدة المشاعر . ارتبك قليلا بعد ضحكتي الغبية ثم تجنب الحديث عن رسائله وشكرني على رسالتي وأثنى على خفة دمي الذي كان يغلي في هذه اللحظة من شدة غيظي من نفسي ومن ردود فعلي الغبية .

ههههههههههه

اكيد هى ضحكت عشان تدراى خجلها طبعا وهو بعدين هيفهم ده مع الوقت

القصه دى بتحصل كتير فى الواقع ونفسى اعرف النهايه هتكون ازاى

لانى شوفت اكتر من نهايه ليها على ارض الواقع