اجو التثبيت !!!!!!!!!!!!!!!!!!!!!!!!!! يوميات عمر وسارة

ياترى ايه المفاجاءة دى يالفلى يالا عايزه الحلقة الى جايه عشان عايزه اعرف
بسررررررررررررررررررررررررررررررررررررررررررررررررررعه

لا طبعا يا ميرو انتى مش نرفودة خالص دا انتى الكل فى الكل يا ميرو

بس اصل المفاجاءة ؟؟؟؟؟؟؟؟؟؟؟؟؟؟؟؟؟؟؟؟؟

ولا اقلو خليها الحلقة الى جاية

ايه يابوسى ده انتى عارفة المفاجاءة من ورايه ولا ايه
بس بردو مش هقلك هههههههههه

الحلقة الرابعه عشر

" يوم شراء الشبكة !!!"



ساره :

يارب اليوم ده يعدى على خير !! امبارح زارنا عمر ووالده ووالدته وكانت زيارة جميلة أهل عمر فرحانين بى جدا وقعدوا مع ماما وبابا وهات يا كلام وانا وعمر انتهزناها فرصة طبعا وأخدنا جنب بعيد و اديناها رغى وتهريج لحد ما لقينا صوت الكلام بين الاباء انخفض والوجوه اتوترت شوية وواضح ان فيه مشكلة فى الجو وكل اللى سمعناه انا وعمر شوية كلمات زى( لا لا ده قليل اوى !) ( لا ده كده حرام ! )وحاجات زى كده حاولنا نفهم فيه ايه مفيش فايدة لحد ما والد عمر ووالدته استأذنوا فجأة بدون سابق انذار !! وعمر حصلهم بسرعة وانا واقفة فاتحة بقى ومش فاهمة حاجة خالص !!! وسألت ماما عن اللى حصل ماردتش عليا وسمعتها بتقول وهى ماشية ( ابتدينا بقى النكد ده ايه وجع القلب ده !! )
يا ما شاء الله ربنا يستر !!



عمر :

( انا مش فاهم حاجة خالص أقدر أعرف فيه ايه ؟) قلتها لأمى وأبى واحنا فى العربية اعتراضا منى على نزولهم المفاجىء من بيت سارة ردت على ماما وقالت لى ( مش عاجبهم يا سيدى اننا نجيب شبكة ب5 تلاف جنية قال عاوزين شبكة ب 8 تلاف قال هو حد لاقى عرسان فى الزمن ده ؟ ) رد عليها بابا ( انتى كبرتى الموضوع وقلبتيه فصال وأحرجتينا مع الناس ليه كده ؟ ) حسيت بخجل وارتباك كبير يا خبر ابيض دلوقتى سارة تقول علينا ايه ؟ قلتها فى سرى ولم استطع نطق كلمة لأنى لا أجرؤ حتى على الاعتراض لأنهم هم من سيدفعون ثمن الشبكة . اه ياربى لو كان المال مالى كنت جبت لها كنوز الدنيا . يا ترى يا سارة بتفكرى فى ايه دلوقت ؟؟؟


ساره :

ربنا يستر البداية لا تبشر بخير انا عن نفسى مش مشكلة عندى الشبكة وموش احب الذهب وافضل عليه الفضة لكن المشكلة الحقيقية ان يكون الناس دى بخلاء دى تبقى كارثة !!! طب وعمر رد فعله ح يكون ايه ؟ يا ترى حيفضل ساكت ؟ وهيوافق على كلام اهله بدون اعتراض ؟
افقت من أفكارى وماما بتفتح لى باب العربية وبتصرخ فى وتقولى (يالا يا بنتى محل الجواهرجى اهه والناس مستنيانا جوة)


عمر :

ياااه اول مرة أبقى خايف وانا باشوف سارة انا بجد خايف احسن تحصل مشكلة وانا مش فى ايدى حاجة اصلا مديت ايدى وسلمت على الجميع سارة شكلها لم تنم جيدا واضح على وجهها الارهاق وفى عينيها نظرة تساؤل وانتظار . ولاحظت علامات تحفز وعصبية على وجه حمايا وحماتى ومثلهم على وجه ابى وامى دى الحرب العالمية التالتة هتقوم ربنا يستر ياااااااارب


ساره :

انا مش عاوزة دهب ولا مشاكل انا عاوزة الموقف ده يعدى واروح وخلاص ده الجواز ده كله توتر وحواديت !!! حمايا قال لى ( اختارى ياعروسة الى يعجبك )
وانا اصلا مش باعرف اقدر قيمة الدهب كويس وخصوصا انه نار الايام دى مددت يدى على طقم دهب ابيض على شكل ضفيرة وبه فصوص كثيرة وقلت حلو ده امتعضت حماتى وقالت ( لالالا الدهب الابيض مصنعيته غاليه اوى والفصوص بتخسر لما تحبى تبيعيه ) بصيت لعمر لقيته ساكت تماما اتضايقت بس قلت عندها حق اشوف حاجة تانية

اختارت لى ماما طقم اخر وقبل ما ألمسه حماتى العزيزة قالت ( لا لا لا ده شكله تقيل وغالى جدا احنا ما اتفقناش على كده ) وعمر لا ينطق بكلمة اتضايقت جدا كان نفسى يقول لها سيبيها تختار اللى هى عاوزاه لكنه صامت تماما .
همت ماما بالكلام لكن بابا منعها كى لا يزيد الجو اشتعالا وقال لى اختارى حاجة تانية ياسارة اخترت واحد تانى لم يعجبنى لكن علشان أخلص وخلاص وبعد معرفة ثمنه اعترضت وقالت ( لا برضه غالى !!! )
انت رأيك ايه يا عمر ؟ قلتها له وكلى ترقب لما سيقول رد على وهو يتحاشى النظر الى ( اللى تتفقوا عليه انا موافق عليه !!) ياااه هو ده اللى ربنا قدرك عليه ؟ امال امتى هتدافع عنى ؟ ( قلتها فى سرى ) وكى لا أبكى او انفجر فى وجهه قلت لحماتى اختارى انتى يا طنط اللى يعجبك !!!

وبالفعل اختارت طقم يناسب المبلغ المقدس تماما ووافقت ماما تحت ضغط نظرات بابا النارية ولم انظر الى الطقم وتركتهم يكتبون الفاتورة وجلست فى صالون بعيد فى المحل وانا اقاوم البكاء والانفجار من موقف عمر السلبى فى اول احتكاك حقيقى
ورأيته قادم يبتسم ويقول لى( مبروك عليكى االشبكة ياعروسة ) رديت عليه والكلمات تخرج من فمى مثل الرصاص ( مبروك عليك انت انا مش عاوزاها ولا عاوزاك !!!!)



. نشووووووووووف اييييييه اللى هيحصل
ف الجزء الخامس عشر


<عايزين ردود بقى >
( تابع )

يا لهوي كل دا حصل بس بجد عمر يستاهل لانه سلبي جدا كان لازم ياخد موقف قوي جدا وساره عندها حق في الكلام اللي قالته متتاخريش علينا بقا يا لفلي في الجزء الخامس عشر بجد شوقتيني اعرف عمر هيعمل ايه بس لايمكن يسيبو بعض اكيد عمر هيصالحها مش كدا تسلمي يا قمر على الحلقه الجامده دي بس انتي كدا هتخليني احلم باللي هيحصل بعد كدا لحد الحلقه الجايه

لا يا اميره انا مش معاكي خالص واضح ان عمر سلبي جدا على الاقل كان لازم يتكلم مع مامته قبل ما يروحو يشترو الشبكه امال لما يتجوزها حماتها هتعمل فيها ايه دي ممكن تشتمها قدامه وهو مش هيرد ولا حتى هيقولها معلش

انا من راى ان عمر كان لازم يتصرف تصرف غير كده على الاقل كان يفهم سارة ان الشبكة مش بفلوسة علشان لو حصل اى حاجة تبقى عاملة حسابها على الاقل يعنى وبعدين موقفة دة ممكن ناس كتير ممكن تفتكر ان هو سلبى وهو ممكن ميكنش كده خالص بس الظروف هى الى حكمت عليه يبقى فى الموقف ده

وميرسى كتير على الرد ياميرو انتى وقمورة

اهه كده دخلنا بقي في الجد وبدات تحكمات الاهل
انا زي ساره فعلا مبيهمنيش الدهب ولا بحب البسه قوي يعني مش الحاجه اللي تشغل بالي
بس لما يبقي في موقف زي كده احب طبعا اني اكون عارفه انه مش هو اللي دافع الشبكه علشان محرجهوش ولا احرج نفسي واخد اهله علي قد عقلهم شويه والامور تمشي
بيني وبينكوا بحس ان الشبكه ملهاش لزمه اصلا غير المظاهر والفشخره
هو يعني لو اتزنق شويه وطلب ابيعها من تاني يوم هبيعها طبعا
قصدي يعني انها متبقاش نقطه خلاف بينهم وانا لو مكان ساره مش هقول اللي هي قالته واجرح عمر قدامهم كان ممكن احسسه اني زعلانهونتكلم لوحدنا ونتفاهم يعني اصبر عليه شويه لما افهم هو مبيردش ليه وبعدين احاسبه

انا شيفه ان ساره تسرعت اوي في الحكم عليه وكان لازم تكلمو في الموضوع عشان تقدر تحكم ان كان من النوع السلبي فعلا ولا الظروف اللي اجبرته علي كده [center]علي فكره انا عضوه جديده ودخله سنه تانيه ياتري تقبلوني معكم ولا بلاش

اهلا بيكي يا توتي معانا نورتي المنتدى

بقولكو ايه يا جماعه عايزين نشاط بقا اليومين دول انا شايفه المنتدى نايم جدا وممل ولا انتو عايزين تطفشو الاعضاء الجداد انا بس بحب اهدي النفوس زي ما انتو عارفين

ميرسي ياقمر علي الرد واتمني نكون اصدقاء في المنتدي

الحلقة الخامسة عشر



ساره :

لم ارد على مكالمات عمر المستمرة وجعلت الموبيل سايلنت وجلست فى غرفتى أبكى باستمرار من موقف عمر السلبى هل سأتزوج رجل بدون شخصية ؟ هل حماتى العزيزة هى من ستتحكم فى حياتى ؟ ومن يجبرنى على هذا ؟ هل هذا موقف عارض ام ان هذه هى الحياة المنتظرة معه ؟ يارب انا فى حيرة دلنى ماذا أفعل ومسحت دموعى عندما نادت على ماما (يا سارة عمر هنا تعالى بسرعة!!)


عمر :
جلست فى الصالون فى انتظار سارة وانا لا أجد كلام أقوله لها شكلى بجد وحش جدا هى عندها حق لكن لما فى أول مشكلة بيننا تقول لى انا مش عاوزاك ازاى الحياة هتستمر بعد كده ؟؟ كان ممكن تعاتبنى او حتى تتخانق معايا بينى وبينها لكن تبيعنى كده على طول ؟ كده برضه يا سارة تتخلى عنى علشان الفلوس ؟


ساره :

دخلت على عمر وسلمت عليه فى فتور وطلبت من ماما وبابا انهم يتركونى اتحدث معه بدون مقاطعة علشان ماما كانت ناوية تطلع كل غضبها فيه دخلت الصالون بدون ولا كلمة وتوقعت ان يعتذر لى عما حدث فوجئت به يقول لى بغضب


عمر :
انتى مش بتردى على تليفوناتى ليه وكمان تقولى لى انا مش عاوزاك كل ده علشان الفلوس ياسارة ؟ !!



ساره :

انت اللى زعلان ياعمر ؟! ده بدل ما يصالحنى ؟ !

وبعدين فلوس ايه اللى بتتكلم عليها يا عمر ؟ انت حتى مش حاسس انا زعلانة من ايه ؟ انا زعلانة لأنى كنت راسمة لك صورة جميلة فى خيالى وفجأة لقيت واحد تانى انا ما اعرفوش انسان مش بيدافع عنى فى وقت انا محتاجالك فيه لقيتك خايف تقول ولا كلمة ولو حتى انك تراضينى والسلام وكل ده وتقول لى فلوس ؟؟


عمر :

(( رد بغضب أشد وعصبية مخيفة ))
برضه ده مش مبرراتك تقولى انك مش عاوزة الشبكة ومش عاوزانى !!!


ساره :

فوجئت بغضبه الشديد وعصبيته الكبيرة وأحسست بخوف منه لأول مرة
ولم أجد ما أقوله فانفجرت فى بكاء مرير
فوجدته يخفض من صوته وتلين ملامحه وتتحول الى رقة شديدة وحنان كبير وكأنه اب يخاطب طفلته الصغيرة الباكية



عمر :

انا اسف جدا ياسارة ارجوكى ما تبكيش دموعك غالية على جدا خلاص بقى انا غلطان ارجوكى كفاية انا مش قادر استحمل انا فعلا جرحتك ووضعتك فى موقف محرج بس والله غصب عنى ارجوكى يا سارة عاقبينى بأى عقاب الا انك تبكى انا ضعيف جدا امام دموعك خلاص بقى انا اسف اسف اسف مليون اسف !!!!



ساره :

هدئت قليلا من كلماته الرقيقة واحساسه بالذنب وشعرت بحنانه الكبير الذى احاطنى بدفئه وقلت له بصوت متقطع : ((( كان ممكن يا عمر تنبهنى قبل ما نشترى حاجة بالموقف وانا عمرى ما كنت هاحرجك واختار حاجة غالية ابدا لكن لما الاقيك حتى مش بتتكلم ده فعلا صعب على
انا طول عمرى راسمة فى خيالى صورة للرجل انه حنان واحتواء وقوة شخصية انا ممكن اتنازل عن اى ماديات لكن الصفات دى لا يمكن اقدر )))



عمر :

انا اسف جدا بس بجد ما تظلمنيش انا عمر شخصيتى ما كانت ضعيفة وعمر والدتى ما اتحكمت فى ابدا انا كمان فوجئت بموقفها وعاتبتها عليه فى البيت لكن انا مفيش فى ايدى حاجة هم من سيشترون وأخجل ان اطلب المزيد وأخجل ايضا ان احرج امى امام الناس لكن أوعدك الف وعد اننا سنتشارك ونتفق على كل خطوة انا وانتى بس قبل تدخل الأهل وعمرى ما هاتخلى عنك ولا ازعلك ابدا ابدا خلاص اتفقنا ؟؟؟



ساره :

ابتسمت من رقته وصراحته وقلت من بين دموعى ((( خلاص اتفقنا وانا اسفة انا كمان لو كنت جرحتك )))


عمر :

لما قلتى لى انا مش عاوزاك حسيت ان الدنيا خلاص انتهت وانى معقول هاعيش من غيرك ؟ وانى مش قادر افكر ولا اتكلم ولا انام ارجوكى يا سارة اوعى تقوليها تانى ولا حتى وانتى زعلانة وان كان على الشبكة يا ستى انا لو كانت دى فلوسى كنت جبت لك جواهر الدنيا كلها ورميتها تحت ايديكى ولا انى اشوف دموعك الغالية دى تانى !!!



ساره :

خلاص ياعمر انا بجد مقدرة موقفك ومفيش مشكلة خلاص



عمر :

لا يا ستى فيه مشكلة ومشكلة كبيرة كمان !!!



ساره :

اييييييييييييييييه تااااااااااانى ؟؟؟؟؟



عمر :

المشكلة دلوقتى يا ستى انى لاحظت انك بتبقى زى القمر بعد البكاء فانا ح اضطر – غصب عنى والله – انى انكد عليكى يوميا حاليا وبعد ما نتجوز يمكن نوصل للقسم علشان أشوف عنيكى الجميلة دى بالصفاء والجمال ده !!!



ساره :

يا خبر ايه ده كله ؟لا انت اسهل تقول لى أعيط امتى وانا اعيط من غير نكد ولا اقسام !!



عمر :

لسه فيه مشكلة كمان



ساره :

يارب استر ايه كمان ؟؟؟؟؟؟؟؟؟



عمر :

بصى بقى يا ستى انا اتخذت قرار لا رجعة فيه ولا جدال ولا حتى استعطافات ان حفلة خطوبتنا تكون بعد اسبوعين علشان تلبسى دبلتى للأبد واقول لكل الناس القمر ده ملكى انا واكتب على قلبى لوحة مكتوب فيها قلب مسكون بأجمل ملاك للأبد لقلتى ايه يا حبيبتى ؟




ساره :

موافقة يا سى السيد


. نشووووووووووف اييييييه اللى هيحصل
ف الجزء السادس عشر


<عايزين ردود بقى >
( تابع )

اولا احب ارحب بتوتى الى منورة المنتدى والكلية كمان ويارب منتدانا يعجبك ياقمر

وفعلا يااميرة عندك حق لازم تصبر علية شوية بس هى دى العادة وهو دة الى بيحصل ف الاولى

ايوه كده يالفلي خلي الدنيا تضحك وساره وعمر يفرحوا وكل اللي زيهم يارب
واعتقد ان الموقف اللي حصل ده قربهم اكتر من بعض وكسر حواجز بينهم
ربنا يوفقهم
وميرسي ليكي يالفلي ياقمر منتظره حلقاتك الجميله

حلووووووووووووووووووووووووووووووه اوي الحلقه يا لفلي بس كان لازم تتخانق معاه عشان يعرف انه غلطان وميزعلهاش تاني مستنيين الحلقه القادمه اكيد حفله الخطوبه صح

اولا انا اسفه اني اتاخرت عليكي
وميرسي مووووووووووووت علي الترحيب الجامد ده وانتي عرفه طبعا انك انتي اللي منوره المنتدي وطبعا المنتدي عجبني مووووووووووووووووووت
كفايه انه بتاع كليتنا وانا بحب الانتماء
وطبعا بهنيكي علي اليوميات التحفه ديه
والله انا بقيت بعشقها
عشان كده متتاخريش علينا

انتى بس تؤمرى ياسوسو وبعدين متتاخريش علية بقة علشان بتوحشينى

ولا يهمك ياتوتى دا المنتدى بتاعك طبعا وتشرفى فى اى وقت
وميرسى ياقمر على الرد الجامد ده

مبروك لساره وعمر يالفلي ياعسل وعقبالك يارب انتي وكل البنات العساسيل
بجد كل البنات بتبقي هبله وعبيطه كده في المناسبات مبالك بقي لما يبقي فرحها هي
هههههههههههههههه
بنبقي مجانينونعمل ماسكات غريبه جدا وبنعمل اي اختراعات وخلاص وندور نلف علي المحلات تاعبين قلبنا ليه بس ماالموجود يسد وخلاص
اكيد الحلقه الجايه هتبقي حلوه قوي ميرسي يالفلي ياقمر ومستنياكي