عاوزين تشووفو رسايل المشرفين والمدير مش هحرمكو من حاجه
اول ما المشرف ياعينى قام من النوم لقى الموبايل بتاعه بيرن
فلقى المدير بتاع المنتدى بيتصل بيه
المشرف:اصطبحنا واصطبح الملك لله ......صباح الخير يا فندم
المدير: خير هييجى منين الخير
انت سايب قسمك ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف
المشرف : ليه بس يا فندم دا انا حتى مغسلتش وشى ودخلت على طول على المنتدى
المدير : عموما ادخل شوف قسمك ودا اخر انذار ليك
وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه المهم دخل على الرسايل الخاصه بتاعته بقى لقى الرسايل دى
الرسالة الأولى
السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف
الرسالة الثانية
مرحب مشرفنا ..... بقولك شوف : في عضو قاعدلي كل موضوع يرد عليا ويهيني قدام الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر من بنجر ...
الرسالة الثالثة
ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس .... (بيستخف في دمو ع الصبح) طبعا ده رد المشرف
الرسالة الرابعة
مشرفنا ... ممكن لو سمحت تعدل اسمي من الحلوة الى ملكة جمال المنتديات ... (الاموره مصدقه نفسها )
الرسالة الخامسة
هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتهولي ..على فكرة انا زعلانة محدش بيثبتلي مواضيعي
ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ... (ما تيجي تاخدني قلمين احسن)
الرسالة السابعة
مسائك زي الفل يا سوبر ستار المنتدى ... بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت
(ماهو دا اللى ناقص)
الرسالة الثامنة
يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً بتشتغل عند الاعضاء .. اقولك : روح هاتلي واحد شاااي ( نعم ياروح تيييييييييييييييته )
الرسالة التاسعة
حبيب قلبى... ازيك حبي .. عرفتني ؟؟ أنا أمورة .. واحشني اوي ... اقولك كلمني على الياهو ضروري ... بااااااااااي
الرسالة العاشرة
(من المشرف العام)
السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ...
الرساله الحادى عشر
لو سمحت يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا
عشان تعرفو بس ان المشرفين بيتعبو بس الحمد لله المشرفين عندنا عكس الناس دول خالص (مش كله طبعا )
ههههههههههههههه انا بهزر محدش يزعل بس وصيه لكل مشرف انه ياخد باله من القسم بتاعه عشان فيه انتخابات قريب جدا وتغير مناصب
ومعلشى يا دكتور هادى الموضوع ده انا حاسه انه مكانه فى القسم الترفيهى افضل
زائر زائر
موضوع: رد: يوميات مشرف احلى فيت الأربعاء أبريل 22, 2009 1:23 am
as u like admin but i needed to begin
micododo عضو ممتاز
موضوع: رد: يوميات مشرف احلى فيت الأربعاء أبريل 22, 2009 3:12 am
نسيت تزودعليها الناس الي بتخش تحط مواضيع في حتت غلط و مصره علي كده(واخد بالك يالي في بااااالي ) وكمان الناس الي بتخش تحط ردود مالهاش علاقه بالمواضييييع خااالص بس نايس توبك يا مااااان و فعلا المشرفين في المنتديات الكبيره بيتبهدلوا قول احنا هنا العدد قليل و العمليه في اللذيييذ نايس توبك لتاني مره
زائر زائر
موضوع: رد: يوميات مشرف احلى فيت الأربعاء أبريل 22, 2009 3:14 am
موضوع: يوميات مشرف احلى فيت 
الأحد أبريل 19, 2009 9:04 pm
)