::::حصريا:::: و علي منتدانا و بس

المدير

انا مش متأكده قوى بس هى ممكن تكون ureteral obestruction
واظن انها تعالج جراحيا
او باستخدام catheter

عضو نشيط

بسم الله الرحمن الرحيم

الحالة ألتهاب مثانة إذا كان البول بينزل مع ملاحظة تقوس الظهر أثناء التبول.

arched back with frequent urination

لكن فى حالة عدم التبول الكامل فهى حالة انسداد أو حصوة
calculi or urinary obstruction

نتكلم اليوم عن التهاب المثانة او cystitis مرض أناث بدرجة 90 % وقليل فى الذكور
iهذا المرض شائع الحدوث فى الابقار والخيول (الاناث)
علاجة كالاتى

بنسيلينات لمدة لا تقل عن 10 أيام أو 14 يوم
مضادات ألتهاب
مدرات بول ومحاليل

شكرا لحسن الاستماع

عضو ممتاز

ورجعنا تاااني مع الحلات الي ما حدش بيعبرها
النهارده جايبلكوا حاله دكتور اعرفه هوا الي عالجها و جه حكالي عليها
وياااارب حد يعبرني بقي بعد اما الدكتور سلامه ما بقاش يدخل

الحاله جاموسه . صاحبها بيقول انها نزلت العلامه( علامه الولاده cervical plaqu ) والمفروض الولاده تحصل بعد6 الى 8 ساعات بخروج الاكياس الجنينيه واعضاء الجنين. لكن طولت وما نزلتش حاجه وقال للدكتور صاحبي تعالي شفها.
لقي الاتى.
-مش اول مره تولد وولدت كتير قبل كدا.
-الجاموسه كبيره سنيا
- دخل ايده لقي عنق الرحم مفتوح بس الجاموسه مش راضيه تولد
- ببص على البطن ما لقاش اى تحزيق .ولا اى اعراض ((((((((((( مغص ما فيش)))))))))))).
الدكتور شك فى حاجه واتأكد انها مش هيا وبعدين عرف السبب من الاعراض وادي العلاج وبعديها على طول الجاموسه ولدت الحمد لله .
تعتقدوا انه شك فى ايه الاول قبل ما يروح ولما راح اتاكد ازاى وعرف ايه السبب وعمل ايه .
منتظر اجوبتكم.

عضو ممتاز

هاى ميكو ووووووووو باشا حمد لله عالسلامة يا جنتل وعيد سعيد

ممكن يكون شك ان الفيتس مات وتاكد بانه عمل تيست من خلال الريكتل بالباشن

العلاج ممكن يكون ادى اوكسى توسن

والله اعلم

عضو نشيط

ايه الشغل العالي ده ياعم مايكل بجد انا استفدت من الموضوع ده جامد جدا سلمت يداك يازعيم

عضو ممتاز

شكرا لمرورك يا كييييييمو و نورت المضووع والله Laughing

بس للاسف يا كبييير اجاااابه خاااطئه و انشاء الله هابقي اقول الاجابه الصح بس اما اشوف حد ناوي يعبرني و لا لا Laughing

مييييييدو بااااشا منور الموضوع و منور القسم و منور المنتدي كله ويارب المضوع يكون عجبك فعلا واستفدت منه حاااجه

شكرا لمروركم يا جماااعه ويااااارب حد تاني يدخل هنا غلط ويرد Laughing

عضو نشيط

قول ياريس كلنا اذان صاغيه

عضو ممتاز

اولا انا الراجل قال للدكتور انها عدت معاد ولادتها الدكتور شك فى uterine torsion . وراح وضع ايده فى الرحم لقي عنق الرحم تمام ومفتوح كمان واتاكد من الجس المستقيمى لما لقيال broad ligament متساوى الشد على جانبى الرحم . وكمان ما فيش مغص يعنى مش بتضرب جنبها برجلها .واقفه ما فيش مشاكل . (بارده يعنى)
اللى عرفه السبب الاعراض وخاصه ان الجاموسه كبيره فى السن وانها مش بتحزق ( معنى انها مش بتحزق مع انفتاح عنق الرحم انها مش قادره تحزق يعنى ما فيش انقباضات (لا رحميه ولا بطنيه) بمعنى ان الحاله كانت primary uterine inertia او خمول عضلات الرحم الاساسيه ودى بتكون نتيجه نقص عنصر الكالسيوم او هرمون الاوكسى توسن المسببان لانقباض عضلات الرحم)
والعلاج طبعا للحاله دى كانانه اداها الاتى.
1- 5 امبول فولون بشرى عضل لتوسيع عنق الرحم اكثر والمساعده فى انقباض العضلات.
2- 3 مل اوكسىتوسن حقن عضل. ( هرمون الطلق)
3-علقلها كال بور ماج وريد ببط شديد مع متابعه القلب بالسماعه .(مصدر الكالسيوم)
وبدات الجاموسه تحزق وطلعت الاكياس اللى فجرهم بايده وبعدها بدات تطلع الاعضاء الجنينيه والحمد لله بواسطه الشد طلع لمساعده الام طلع العجل والحمد لله تمام.
ملحوظات مهمه جدا. لا تشد الا عند لحظه تحزيق الحيوان لانه من المستحيل اخراج الجنين بالتعامل البشرى لازم الام تساعد علشان كدا عند ما تشوفها بدات تحزق شد اطراف العجل بكدا هينزل بسهوله.
الملحوظه التانيه المهمه هى فى التشخيص وانه ممكن يكون العجل كان كبير جوا او فى وضع غلط وعلشان كدا ما قدرتش تولد بس هوا استبعد ده لانها مش بتحزق اساسا لانه لو العجل كبير او فى وضع غلط هتحزق عادى لكن دى ما كنش عندها نيه تحزق اساسا( انا بسميها الحيوان بارد اى ما عندهاش دم ولا احساس) لكن هيا ما كنتش بتحزق يبقى ما فيش قدره على التحزيق يعنى ما فيش انقباضات يعنى خمول فى عضلات الرحم وده للتوضيح فى التشخيص التفريقى) واعتقد كدا انى وضحت الحاله كامله

وشكرا لحسن استماعكم و نلتقي في الكيسه القادمة lol!

عضو ممتاز

استمر استمر
احنا وراك يا ميكوو بس ات عارف الزنقه اليومين دول بقى الامتحانات و الكليه
الواحد مش فاضى يفكر اصلا من كتر التفكير
بس متشكرين قوى على تعبك

عضو نشيط

ميكو ياريت ماتنساش الموضوع ده انا شايف انه احسن موضوع في المنتدى ياريت تكمله

عضو ممتاز

فعلا والله احسن موضوع فى المنتدى بس كلنا مقدرين اللى انت بتحاول توصله
بس ظروف الامتحانات معلش بقى وربنا معاك ومعانا

عضو ممتاز

ميرسيييي ليكي يا فرح انتي و مييييدو
و انشاء الله اول ما المطحنه الي احنا فيها دي تخلص هاكمل المضووع ده بس الواحد يكون فاق

المدير

طبعا يا جماعه دلوقتى خلصنا الهم الكبير الى كان فى حياتنا
والحمد لله بعد ظهور النتيجه بهنى كل الناجحين وربنا يوفق الى خالفهم الحظ السنه دى

انا نفسى بجد نبدأ تانى الموضوع ده
الى اكيد احنا كلنا بنستفاد منه
انا عارفه ان مش كتير مننا هيشتغل فيلد بس ده من غير شك هيفيدنا لو اى حد قابلته حاله واللى لازم نرد عليها باعتبارنا دكاتره بيطرين

فبقول لدكتور مايكل اتفضل يا دكتور واحنا معاك ان شاء الله

» حصريا و علي منتدانا و بس: جميع الادويه البيطري المستخدمه في الفيلد بالصور مع الجرعه والاستخدااااااااااام
» حصريااااا و علي منتدانا: صور ادوات الجراحه كامله بالاسماء
» حصريا شريط عمرو دياب الجديد
» قريييبا و حصريا: السبوتس بتاعه اللحمه+ صور ادوات الجراحه
» حصريا (صحفى عراقى يضرب بوش بالحذاء) احجز نسختك من الان