::::حصريا:::: و علي منتدانا و بس

بالنسبة لعلاج البابيزيا:

ممكن نكتفى بإستخدام البيرينيل مع خافض الحرارة فقط لكن من الأحسن إعطاء محاليل لتغسل الكلى. على فكرة ممكن تكرار الرينيل بعد 48 ساعة طبعا عضل عميق

بالنسبة للثيليريا:

نستخدم البيوتاليكس 1 مل لكل 20 كجم من وزن الحيوان عضل فى الرقبة و ممكن برضة يكرر بعد 48 ساعة مع خافض الحرارة فقط.

بالنسبة للفلاريا :

نعطى الايفرمكتين مع مدرات البول فقط فى بداية المرض لكن تعتبر حالة ميؤس منها فى المراحل المتأخرة

ماشاء الله برافو يا ميكو والله ودكتور احمد طبعا اضافات ممتازة
الموضوع دا موسوعة والله يا جماعة لاى حد حابب شغل الفيلد..
وبجد مجهود جامد جدا...
شكرا يا دكاترة ومستنين المزيد ..

شكرا ليكي يا جوجو وشكرا لكل الي ردوا علي الموضوع
وكمان بشكر بوجه خااااص الدكتور احمد علي مجهوده الرائع معاانا
ويارب كلنا نقدر نستفيد من الموضوع ده بحاجه
نلتقيس يوم الاتنين لاني في اليكس دلوقتي

الحاله الأولى:

جاموسة تعانى من إلتهاب شديد فى عين واحدة. تطور بحيث أصبح عتامة على العين. البداية كانت دموع غزيرة تم حدثت باقى الأعراض. الحرارة طبيعية. الأكل 100% طبيعى .

ما المرض وماذا يكون العلاج؟

الحمد لله انا رجعت ارض الوطن يا جمااااعه
حلوه اوي فكره الكيسات دي يا ادمن
بالنسبه للحاله بتاعه الدكتور احمد فا نا الصراحه مش عارفها
بس اظن انها عدوه ميكروبيه(تأليف يعني)
يا ريت يا دكتور تجيبلنا كيسات سهله شويه لحسن احنا ابييييييض زي ما انت شااايف
شكرا ل اهتمامك بالموضوووع

الحالة كانت عبارة عن ألتهاب القرنية والملتحمة المعدى

pink eye or infectious bovine keratoconjunctivitis (IBK)

على فكرة كانت فى حالات فى القافلة الى اتعملت من الكلية يوم الأثنين 9/ 2/ 2009 من هذا المرض يعن إمبارح.

على فكرة كل سنة خامسة اللى غاويين بيطرى اكيد عارفين الحالة

شكرا للتوضيح يا دكتور
وياريت حضرتك برضه تجيبلنا كيسات سهله عشان انا عن نفسي غاوي بيطري بس مش لاقي الفرصه الي اتدرب فيها عشان من طنطا
وفي زمايلي كتير كده فا لو حضرتك تقدر تفيدنا عشان واضح ان حضرتك شغال من زمان
وانا انشاء الله هاحاول معاك علشان نشيل حاله الجهل المتفشي بين الطلبه ده و انا منهم
وشكرا لمجهودك يا دكتور

الحاله الثانيه:
الحالةخروف عنده 8 شهور

الاعراض الحيوان مش بياكل مع كحة وافرازات مخاطية من الانف مع صوت خروشة مع نفس الحيوان والحيوان بينهج وهو بياخد نفسه

ماهو المرض؟؟ و ما هوا العلاج؟؟

الحالة علشان تشخص يشك صحيح يجب قياس درجة الحرارة مهم فيها
لو الحرارة عالية فهى إما

viral or bacterial pneumonia

وفى غالب الاحوال أنها


والعلاج فى الحالتين واحد وهو:

1) مركب من مركبات السلفات مثلا البورقال 3 سم لك 50 كجم وريد لمدة 3 ايام متتالية

2)مضاد ألتهاب ومضاد حساسية مثل الفينادين 2 سم لكل 50 كجم لمدة 3 أيام متتالية عضل أو وريد

ملحوظة لايفضل أستخدام الديكساميزازون لانة بيقلل المناعة

الاحتمال الثانى أن الحالة تكون ألتهاب شعبى طفيلى ( الحرارة عادية)او ما يسمى:


والعلاج هنا نفس السابق مع أعطاء ايفوميك بجرعة 1 سم لكل 50 كجم تكرر بعد 10 - 15 يوم تحت الجلد

الزميل الفاضل على فكرة ال

verminous bronchitis = lung worm infection = husk = parasitic bronchitis all the same

والأعراض عبارة عن كحة و أعراض تنفسية مع حرارة عادية (ممكن الحرارة ترتفع في هذا المرض لو حصل انى بكتريا انتهزت الفرصة وعملت عدوى مع الديدان لكن فى معظم الاحوال الحرارة بتكون طبيعية)

والعلاج كما قلنا سابقا مضاد للديدان مثل الايفوميك ومضاد ألتهاب مع مضاد حيوى و أعطاء المضاد الحيوى هنا علشان المضاعفات الثانوية مش أكثر لكنها ضروروة secondary bacterial infection

على فكرة أى مضاد طفيلى (فى حالة التبماتودا) يجب أن يكرر بعد 2 أو 3 أسابيع لكى بعطى نتيجة فعالة

بصراحه يادكتور ميكو انا اول مرة ادخل قسم ف اقسام العلمى دى
وطبعا انا اصلا مليش ف الكلام ده
بس والله استفدت كتير بالمعلومات الجامده دى وبجد استمر الموضوع جامد جدا
وبجد شغل حضرتك جامد ف المنتدى يادكتور
وتسلم على المعلومات الجامد دى

شكرا ليكي يا بيتوي علي الكومنت الجامد ده
والف حمد الله علي السلامه يا ادمن المنتدي كان مضلم من غير حضرتك
وانشاء الله انا انتظروا الجديييييييد

منوررررررررررررررررر يا احلى ادمن
لاحلى منتدى
ولاحلى اعضاء ....... ماعدا عضو واح اللى هو المجرى

كده يا هيدن انت شايف انى بجامل
حتى لو حد جاملنى انا برده هقول الحق

وعلى العموم الله يسلمك يا سيدى (اهو من غير رخامه)

انا اسفه يا جماعه انا عارفه اننا طلعنا بره الموضوع الاساسى
وفى انتظار حالات اخرى