كنتى سيبه يمسكها يافوزيه؟؟؟ هل انتى فاكهه محرمه؟؟

السلام عليكم




جة فى دماغى مشهد لذيذ اوى من مسرحية سك على بناتك مشهد ساعة مكانت فوزية رافضة ان خطيبها يمسك ايديها

عشان كدة بسال الشباب والبنات ياترى

اية هى حدود الخطوبة بالظبط ؟

وبسال البنت المخطوبة هل انتى فاكهة محرمة محرمة مع خطيبك ؟

انا بقول كدة لان فى نماذج من المخطوبين بيستهبلوا فيها اوى وسورى على اللفظ بس دية اقل حاجة ممكن تتقال عليهم

بمجرد ان الدبلة دخلت ايديهم بيحللوا اى حاجة لنفسهم على اعتبار انهم كدة مرتبطين

وطبعا كلنا عارفين حدود دينا كويس وان حتى مسكة الايد مرفوضة اثناء الخطوبة

مبالك بقة باللى بيمسك الايد والشعر او ممكن يكون الجو برد مثلا فتبقة حجة عشان يحضنها

يلا بقة ماانتى خطبتى يعنى هتبقى مراتى يعنى مش حرام !!!!

ياترى يا شباب دة حرام ولا مش حرام

طبعا ممكن يطلعلى كدة حد ويقولى يعنى انتى جيتى عند الهيفة ووفقتى

مفى حاجات اكتر من كدة بتحصل ناس بتسرق وناس مش بتصلى وهكذا

اشمعنة بقة دية اللى وقفتى عليها هقولة بكل بساطة حتى لو كانت دية حاجة بسيطة

بالنسبة للى بيحصل لية احنا منحولش اننا نبدا بالحاجة البسيطة دية ونعالجها

مع انها مش بسيطة خالص اصل ممكن فى لحظة ضعف يتطور الموضوع للى اكبر من كدة وساعتها هنقول كنتى فين يالا لما قولت ايوة وساعتها الدموع مش هتفيد

عشان كدة احنا بناخد وقاية من اولها وكمان بقول للنماذج اللى بتعمل كدة

هقولة انت بتحب خطيبتك صح ؟ هيقولى اكيد امل خطبتها لية

هقولة طيب لية متحفظ عليها لغاية متبقة مراتك وبعد كدة يبقة ليك مطلق الحرية ساعتها

يقولى هو انا بعمل حاجة داانا بمسك ايديها بس او ببوسها من خدها بس

هقولة طيب لية الاستعجال يعنى متصير لغاية متبقة حلالك فى بيتك

على الاقل ربنا يبارك فى زواجكوا دة

وعلى فكرة طول ماانتوا محفظين على بعض اشتياقوا لبعض هيزيد وتبقة مستعجل انك تخلص احتياجات الزواج بسرعة مش بقة

هتتبطى فيها وتقول ماانا كدة كدة مقضيها ومية ومية

هو صحيح كتير مننا معتبر ان مسكة الايد او انة يحط اية ايدةعلى كتفها مثلا

حاجة بسيطة وعادية بس هى حرام يا جماعة ومادام هتبقى مراتك يبقة تصبر احسن

وانتى يا بتوتتة يا عسولة عارفة انتى لو حافظتى على نفسك لاقصى درجة

هتلاقية مستعجل انة يجوز وهتلاقي حبك فى قلبة بيزيد اوى لانه ساعتها هيقول

البنت دية مؤدبة جدا مش زى عصام كاريكا مقالها

هتقولى انتى هتلبسينى تهمة اية احافظ على نفسى دية هو احنا عمالنا حاجة دة مسكة ايدى او اى حاجة بسيطة يعنى

هقولك متسبهوش يمسكها يا فوزية لان واللة مسكة الايد ممكن تتطور لحاجات تانية لان الشيطان مبيصدق

ومش عايزين نندم بعد كدة وياريت دايما وانتى مع خطيبك تبقة حاطة صورة اهلك فى دماغك

فياريت تبقى بالنسبالة فاكهة محرمة لغاية متجوزوا شرعا عشان حتى ربنا ربنا يبارك فى زواجكوا

واعرفى انه لو بيحبك بجد هيحافظ عليكى اوىىىىىىى ومش هيمشى وراء قلبة ولا غرايزة

وانت لو بتحب خطيبتك صح حافظ عليها واعتبرها اختك لغاية مالخطوبة تتحول لاطار شرعى معروف

ياريت مكنش طولت عليكوا ولا يكون كلامى كان تقيل على حد

وياريت اعرف رائيكوا يا شباب ويا بنات طبعا فى الموضوع وياريت تردوا على الاسئلة

ههههههههههههههههه
بكرة نشوفك لما تتخطبى ....
لا بجد موضوع جامد جدا وفعلا يستاهل النقاش ..
بس المشكلة انه فى اختلاف فى الراى كتير ..
مع ان اصلا الموضوع محسوم ...
اولا: حراااااااااااااااااااااااااااااااام..
ثانيا :- احنا فى مجتمع شرقى محافظ له عاداته وتقاليده ..
وفى خطوط حمرا مينفعش نعديها..
وثالثا بقى ودى الاهم:- لو انت فعلا بتحب البنت دى
ومشاعرك هى اللى بتحركك معاها فتحس انك عايز تبقى قريب منها وكده
ومقدرتش تتحكم فى نفسك ومشاعرك يبقى انت كده غير متزن ..واللى يعمل الصغيرة يعمل الكبيرة وده ممكن يبقى مصدر بعد بينكوا مش قرب..
بجد راعوا ربنا يا جماعة فى علاقاتكوا لان ربنا شايفنا ومطلع على افعالنا
واللى بيبدأ صح بيكمل صح والعكس...
ميرسى بيوتى على موضوعك الشيق دا ...طول عمرك مواضيعك جامدة يا قمر..

حلو الموضوع اوى
بس انا احساسى كدا ان الولد برضه هو المتهم
طب ماهى برضه سمحتلوا ان يمسك ايديها وكدا يعنى
بس طبعا الموضوع ده ياجماعة غلط مية فى المية
ومينفعش اللى بنشوفه او الاستهبال ده فعلا
ويارب يهدى ..............................................

اولا تسلمى ياجوجا ياجميل ع المرور ونورتى التوبيك
وثانيا بجد انا معاكى انه حرام ومجتمع شرقى وعادات وتقاليد ولازم نحترمه بس معتقدش احنا بنعمل كده عشان نحترم العادات والتقاليد بعيدا عن ده كله لازم كل واحده تحافظ ع نفسها لانها لو حفظت ع نفسها بجد هيكون احلى ليها مع الانسان اللى بتحبه لانه هيحس فعلا انها بنى ادمه تستحق يعيش معاها وتبقى معاه طول حياته
وانا ياجميل لما هتخطب ولا حاجه هعقــــــــــــــــد ف البيت نورتى التوبيك ياقمر

اما بالنسبه للدكتور مجرى ان الولد برضه ليه نص الاتهام والبت برضه ليه كمان الاتهام لان اصلا الولد بيستغل ان البت بتحبه ودى نقطه ضعف اى بنوته وممكن ساعتها يكون اللوم ع الولد
لان البنوته لما بتحب حد بتبقى حريصه جدا انها تخاف ع زعله وزى مابيقوله الحب اعمىى
اما البنات طبعا البنت هى اللى تمسح للولد يفتكر انها سهله لانها فعلا لو قدرت تحافظ ع نفسها قدامه بجد ويكون الكلام مابينهم محترم جدا ساعتها هى هتوقف البنى ادم عند حدوده كويس بس برضه انا مقلتش ان البنوته عليها اللوووووووم
وتسلم للمرور ونورت التوبيك ومستنيه بقيت الاراء........

اشطة يا بيوتى كلامك زى الفل والله

وهى لازم تحافظ على نفسها طبعا وهو كمان لو بيحبها بجد عشنا شخصيتها وكده
هيحافظ عليها ومش هيعمل اى حاجة تقلل من احترامه ليها او احتراماه لنفسها..

ميرسى يا قمر عالتوبيك الجميل ..

كلام جميل اوي
طب ممكن حاجة محيراني وانتي مثلا خارجة معاه شكلكو قدام الناس مخطوبين ولا بتقبلوأ؟
أنا اسف بس عايز اعرف لو حد فيكو شاف اتنين مخطوبين ومشين زي الاخوات حتقولو عليهم ايه؟
اااااااااااااااه سمعتك حيعرف من الدبلة وهو المفروض انه الناس ماشية تدقق في ايدكو؟
تاني انت مالنا ومال الناس؟انت جامد ياللي بتسأل
انا في الاول والاخر لما بحافظ ع البنوتة دي مش لازم في الاول احافظ على سمعتها قدام الناس عشان محدش يقول احنا تلامذة ورايحين نقابل؟

مستنيكو في الرد تفهموني وجهة نظري دي غلط ولا غلط

اممممممم انا فهمت قصدك يا دكتور
هو اوك ماشى معاك حق
بس تعالى نبصلها من الاول
مين اللى فرض الصورتين دول
ان الى بيقابلوا بيبقوا ماشين بعيد عن بعض
والمخطوبين بيمشوا فى ايد بعض
مهو المجتمع الغلط اللى اباح حاجات كتير لو بصنالها هنلاقيها غلط وحرام
اولا ليه يبقى فى اتنين يتقابلوا طالما مش مرتطبين؟؟
وثانيا ليه المخطوبين يبقى قانون انهم يمشوا فى ايد بعض؟؟
بص هى القاعدة غلط واتبنى عليها حاجات كتير غلط برده
بس احنا مش هنعرف نغير اللى موجود غير لو غيرنا القاعدة ودا صعب جدا

صراحة مش عارف هل الموضوع ده غلط ولا صح بس الاكيد انه المفروض في عادات واعراف في مصر لازم تتغير
مش شرط الفكرة دي بس
بس مشاكل تانية كتير واعتقد فعلا ان اي بنت هنا او ولد بيعمل اللي كلنا معترضين عليه ده

بصراحه يادكتور لافر التفكير حضرتك ف بعض الاشياء غلط

أنا اسف بس عايز اعرف لو حد فيكو شاف اتنين مخطوبين ومشين زي الاخوات حتقولو عليهم ايه؟..... اولا يا دكتور احنا لو مشينا ورا الناس يبقى خلاص علينا العوض لان اصلا نص الناس دى
لو قعدنا كلنا هما عايزين ايه وايه اللى مش عايزه يبقى خلاص المجتمع بتاعتنا اصلا عمره مايتغير بس انا عايزة تعليق انت ترضى ان الناس دى تقول عليك انكم اخوات ولا تقول عليك انت اصلا مش عارف تحافظ ع البنت دى
واى حد مخطوبين لازم يمسكوا ايد بعض ولو هو مش مسك ايدها يبقى كده غلط طبعا انا مش مع حضرتك خالص يعنى ياريت نفكر ف سمعه البنوته دى شويه
بس مشاكل تانية كتير واعتقد فعلا ان اي بنت هنا او ولد بيعمل اللي كلنا معترضين عليه ده
مش كل يادكتور لان الدنيا اصلا لسه فيها ناس كويسه ولازم نحافظ ع ده
وتسلم يادكتور ع المرور نورت التوبيك

اما لكوين اها فعلا احنا اصلا بنشوف مهازل دلوقتى ربنا يحمكم كلكم يابنات والله تسلمى ياقمر ع المرور ونورتى التوبيك

واللة انا بشوف ناس مخطوبة واللة بتعمل تصرفات واللة ما تتعمل الا فى اوض النوم

بجد بيبقى شكلهم يقرف

اللى بيحب حد اوى بيخاف علية اوى

جملتى المفضلة(كملها بالستر يارب)

تسلم يادكتور veta
وياريت كل واحد يخافوا على بعض عشان بجد الناس دلوقتى بقوا ملهمش امان
ويسترنا جميعا يارب ونورت التوبيك ويارب يكون وصل ليك بحاجه

صح يا شهد كلامك بجد ميه ميه
بس دلوقتى البنات ممكن تعمل اى حاجه تحت كلمه الحب وده قصدى
ان البنت بتصدقه اووووى وبتحصل كتير وسمعتها اكتر
عشان خايفه على زعله عشان خايفه يبعد عنها
يعنى احترامك ولا هو ولا انتى تخافى على نفسك وفيه بنات بتبيع القضيه
مش مهم يبيقى كل حاجه بالنسبه ليها عادى وده اللى برضه قصدى عليه
يعنى يمكن الموضوع بيوضح كتير وياريت الطرفين يفهموا كده
وتسلمى للمرور يادكتوره ونورتى التوبيك