هل انت شخصيه رومانسيه؟؟

1-هل تعتبر نفسك رومانسي / هــ؟

أ ـ نعم.
ب ـ أحياناً.
ج ـ لا.

2-هل تحكم/ي قلبك قبل عقلك؟

أ ـ نعم.
ب ـ أحياناً.
ج ـ لا.

3- غالباً ما تندم /ي على علاقاتك بالآخرين؟

أ ـ نعم.
ب ـ أحياناً.
ج ـ لا.

4-صداقاتك محدودة نوعاً ما؟

أ ـ نعم.
ب ـ أحياناً.
ج ـ لا.

5-هل يتهمك الآخرون بالسذاجة؟

أ ـ نعم.
ب ـ أحياناً.
ج ـ لا.

6-برأيك، أيهما أصدق صوت القلب أم العقل؟

أ ـ القلب.
ب ـ لا قاعدة ثابتة في ذلك.
ج ـ العقل.

7-أيهما تفضل / ي على الآخر الحب أم الاحترام؟

أ ـ الحب قبل الاحترام.
ب ـ الاثنان معاً.
ج ـ الاحترام أولاً وقبل الحب.

8 تصر / ي على أن الزواج الناجح هو الزواج بقصة حب مميزة:
أ ـ نعم.
ب ـ ليس دائماً.
ج ـ لا.

9-هل يعتبرك الآخرون حساس/هـ؟

أ ـ نعم.
ب ـ أحياناً.
ج ـ لا.

10-تفضل / ي القصص والأفلام:

أ ـ الرومانسية.
ب ـ الاجتماعية.
ج ـ البوليسية.

11-تفضل / ي من الألوان:

أ ـ الأبيض.
ب ـ الأخضر.
ج ـ الأحمر.

12-هل تعتبر / ي نفسك شخصية:

أ ـ محبوبة.
ب ـ مريحة.
ج ـ جادة.






النتــــــــــائج






أنت وردة حساسة

إذا كان معظم إجاباتك (أ):

أنت كالزهرة الناعمة الحساسة التي لا تحتمل هبوب الرياح القوية، أو المواقف الصعبة، دائماً تحتكم إلى قلبك،

وتصدر أحكاماً عاطفية جداً، تتأثر بأي موقف محزن أو مؤثر تشاهده، كثير/ة البكاء، ودموعك تنهمر لمجرد موقف صغير

أو بسيط صادفك، حتى وإن لم يخصك شخصياً، ألوانك المفضلة تدل على شخصية حساسة، تميل إلى الهدوء
والشفافية، صادقة بشكل كبير مع نفسها ومع الآخرين.

نصيحتنا: أنت جميل ومميز بروحك الناعمة والحساسة، ولأنك كطفل / هـ في مشاعرك

فاحذر/ي تعامل الآخرين الذين أحياناً ما سيتصرفون وفقاً لمصالحهم الشخصية فقط دون الاهتمام بمشاعر الآخرين.






أنت شخصية مريحة ومتزنة

إذا كان معظم إجاباتك (ب):

أنت ممن يتمتع بثقة كبيرة بالنفس، وقدرة على أن تكون الملجأ للمحيطين بك، دائماً ما تتخذ قرارات متأنية فيما

يخص علاقاتك بالآخرين، خاصة العلاقات المقربة، كالزواج والارتباط، وتفكر كثيراً وكثيراً ولكن دون أن تلغي عقلك الذي لا

تقبل إلا بتوافقه مع قلبك، ولذلك فأنت ممن يسهل التعامل معهم ومعايشتهم بشكل ناجح، ميولك نحو اللون الأخضر

ودرجاته تدل على السلام والانسجام في شخصيتك والتناغم الذي تعيشه مع نفسك ومع الآخرين.

نصيحتنا: رغم أن الحلول السلمية هي أسلوبك الطاغي على حياتك بشكل عام، إلا أن بعض المواقف أحياناً تحتاج إلى

مواجهة حاسمة، ومع ذلك فهنيئاً لك على ثقتك وشخصيتك المريحة.





شخصية مفكرة

إذا كان معظم إجاباتك (ج):


أنت شخصية عقلانية تميل للأسلوب العقلاني حتى في علاقاتك الإنسانية والعاطفية، تصدق عقلك، حتى وإن لم

يتوافق مع قلبك، ولذلك فأنت أيضا ممن يلجأ لك من حولك للبوح بأسرارهم وعما يضيق في صدورهم لمشاركتهم في حل

المواقف العاطفية بمنظورك الثابت والعقلاني، ميولك للون الأحمر ودرجاته توحي بشخصية قيادية ومسيطرة، تحتكم

لعقلها بالدرجة الأولى وهجومية نوعاً ما، لذلك غالباً ما يعتمد عليك الأصدقاء للتحدث بأسمائهم في المواقف الصعبة

والموجهة.

نصيحتنا: أعط لقلبك فرصة اكبر لمشاركتك أحكامك، وقراراتك، فلكل منا مشاعر يمكن إخفاؤها أو تجاهلها ولكنك لن

تتمكن يوماً من القضاء عليها تماماً.

----------------------------------------

سورى انا ماقرتش الاختيارات الموجوده
بس انا اللى عاوزه اسألك سؤال
تفتكرى شخصيتك لو كانت اى حاجه من الحاجات اللى فوق دى
وانتى عارفه كويس انتى ايه وعارفه قوه شخصيتك
ومن عير حتى اى اختبارات
ممكن كل ده يتغير قدام حبيبك الحقيقى لو حبيتوا بعض بجد
تفتكرى ممكن كل واحد يتغير للتانى وهوا فرحان انه بيغير حاجه فيه علشان حبيبه

مش عارفه بس حاسه ان الرومانسيه مش صفه فرديه علشان ادخل اعرف انا رومانسيه ولا لا
الرومانسيه مش بتتعرف غير مع حبيبك,,,
الحب احساس بيدخل مره واحده وممكن حد من الطرفيه مش يكون عارف انه بيحب غير لما تحصل حاجه تغير كل حياته ويكون مستعيد ان يضحى ويغير ويحب ويعيش ويحس انه بقا بنى ادم بجد .وممكن التوقيت المتأخر بتاع حد فيهم يجرح التانى بس اصرارهم وحبهم لبعض هوا اللى بيتحدى اى ظروف وبيغفر اى غلط .
انا بقالى كتير بدخل المنتدى ومش بشارك. بصراحه كنت بشوف ردودكم على المواضيع
بحاول اعرف شخصيتكم ..واللى انا شايفاه ,,انكم فيكم ناس طيبه اوى
وفيكم ناس بتحب اوى
وفى ناس مجروحه اوى,بس بتحب اوى
وناس حاسه بالندم ونفسها تصلح غلطتها
وبصراحه حاسه ان فى ناس مش صريحه حتى مع نفسها
بتحاول دايما تظهر بصوره غير الصوره اللى هيا عليه ,,يمكن هيا كده بس دايما بتحب تظهر للناس حاجات عاوزه الناس تعرفها
وفى ناس بتحب اوى بس للاسف بتحب صفات وبتحب حاجات وبتكره حاجات فى الانسان اللى قدامه,,,,اللى بيحب يا جماعه لما بيحب ..بيحب البنى الادم اللى قدامه بس ,,مش عارفه حد فاهم معنى كلامى دى ولا لا ...(بس بيحبه)( مش لاقيه كلام تانى اقوله)
انا طولت شويه فى موضوع الحب لانى ملاحظه انى معظمكم مركز عليه
و انا اسفه انى حللت شخصيتكم بالطريقه دى, انا مش من حقى انى احلل اى بنى ادم
بس انا بجد بتكلم لانى حسيت ان الصفه المشتركه فيكم كلكم....الطيبه وحبيت ااقول حاجات يمكن الحد البعيد يكون شايفها احسن منكم
انا دخلت النهارده بالذات لانى للاسف مسافره وممكن مارجعش مصر تانى بس بجد انا حبيتكم جدا وخايفه اوى على المشاعر اللى عندكم دى تضيع
لانى لاحظت ان فيكم ناس كل يوم بأغنيه شكل وبحاله شكل وحاسه انهم من النوع المتردد جدا او العصبى جدا
بس عاوزه اقولكم ان العصبيه والتسرع بضيع كل حاجه حلوه فى حياتنا وأسالونى انا ,,انا ضيعت عمرى كله من ايدى بعد ما اتغير علشانى وانا مفمهتش
انا اسمى دينا سلامه و عرفت المنتدى ده من الفيس بوك بالصدفه جدا ,,,لدرجه انى حتى مش عارف مين اللى كانت من اصحابى على الفيس بوك كاتباه اللينك عندها لانى زى مايكون القدر خلانى ادخل على فريندز ,,واصحاب الفريندز لحد ماوصلت لحد و فيه لينك المنتدى وممكن اكون سبب انى ااقولكم على حاجات مش شايغنها بحكم خبرتى فى الدنيا وبحكم الندم اللى اناحاسه بيه على حبيبى اللى ضيعته ...ومش عاوزه اىحد فى الدنيا دى يجرب شعورى دلوقتى ,,,
انا كلامى على فكره للاعضاء الاصليين للمنتدى لان فى اعضاء دخلت فى الفتره الاخيره ملحقتش افهمهم اوى
بس برده فى اعضاء مشاركتهم قليله اوى, بس معانيهم حلوه اوى ومش بيدخلوا غير علشان ناس معينين وكل مشاركتهم بحس انها بتكون للناس دى بس ,,, ويارب يارب وفقهم والكل يقدر يوصل احساسه لبعض بطريقه مباشره احسن لان مش النت ابدا اللى بيوصل المعانى دى
وبحب اشكر ليتل تشيكن على تانى مشاركه ليها فى المنتدى ( لمااتكلمت لغه العيون) لان هيا دى اللغه اللى محدش يقدر يفهمها غير اللى جربها ..وانابحترم اى حد يفهمها لانه كده فعلا يبقى حب بجد ,, وساعتها لازم يمشى ورا قلبه لانى العقل وكل افكارنا ممكن تتغير ...انما القلب عمره ماهيتغير والقلب لما بينفتح لابنى ادم مره, عمره ما بينقفل تانى وعمره ما بينسى مهما حصل ... مهما انجرح...هايفضل ضعيف قدام حبيبه..بس اجمل ضعف فى الدنيا
وعاوزه اقوقلكم انى بجد اكتر حد حبيته اوى اوى هو جنه وكفايه اسمها ,,وبجد حسيت انها رزينه اوى وحبيت فيكى عقلك اوى ونفسى تكونى اخت كبيره لكل البنات الموجودين هنا ,مش قصدى طبعا كبيره فى السن يا بس بجد حسيت انك حكيمه ومش عارفه ليه انا حسيت انى مسئوله عن بنات كتير اوى هنا حسيت انهم اخواتى رغم انى عارفه ومتأكده انك اختهم فعلا وهما مش هيلاقوا احن منك.
ويارب وفق فراوله مع حبيبها وانا حبيتك جدا على فكره.وكان نفسى نكون اصحاب انا بس كنت مستنيه لما تخلصوا امتحانات واشارك معاكم علشان مش اعطلكم لان ممكن كلام يكون صعب شويه فى الاول او صريح زياده عن اللزوم..بس بجد لانى حبيتكم اوى..بس فعلا ظروف سفرى المفاجىء غيرت كل حاجه ...
نصيحتى ليك يا جماعه بجد قبل ما اسيبكم ... حسوا باللى بيحبكوا اوى لان مش دايما مشاعر الاتنين بتبان اول مايقابلوا بعض..ممكن حد من الطرفين يعرف انه ميقدرش يستغنى عن حبيبه بعد فتره ممكن مش يكون شايفه فى الاول بس صدقونى لما بيشوفه لو حبه بجد .. لو اتأكد فعلا انه بيحبه ,,ويفضل طول عمره عايش علشانه زى ماحبيبى حاول يوصلى بكل الطرق انه عايش علشانى وانا كنت مشغوله بحاجات تانيه وكنت مشغوله بحياتى شويه ايام الشباب بقا.
وفرح انسانه رقيقه بس حاسه انك عنيده اوى حتى مع نفسك .. وبجد انا كان نفسى ادخل معاكم كلكم فى كونفرانس ونتناقش كلنا بنات مع بعضنا واهزر معاكى يا بيوتى انتى و ريماس لانى بحب هزاركم جدا وكمان بحب رقتكم اوى لما بتتكلموا بجد ,,بجد بحس انكم بتتكلموا من قلبكم اوى رغم ان كلامكم الجد قليل شويه
وللبرنسيسه.اول حاجه جميله اوى صوره مى لانى بحبها موت, و عاوزه اقولك انك بتحبى اوى بس برده بحس انك كل يوم بحاله شكل , وكل يوم بأغنيه شكل, حاسه انك متلخبطه شويه فى حياتك,,بس عاوزه اقولك فكرى بقلبك لان قلبك طيب,وخليكى واثقه انك لو سلمتى كل حاجه لربنا صديقينى هترتاحى اوى.
وشكرا يا ادمن على الملتقى ده اللى ممكن يكون سبب ان شاء الله ان ناس يقربوا من بعض بس على فكره انا كان نفسى اكون صديقه ليكى لانى حاسه ان كل مشاركاتك فى المنتدى بتكون روتينيه شويه,, وحاسه انها كلها بتكون للناس بس ...نفسى بجد تتكلمى من قلبك صدقينى هاترتاحى اوى وهاتحسى بتغيير جميل اوى فى شخصيتك مش قصدى يا حبيبتىوالله ان شخصيتك وحشه انا مليش انى احكم عليها بس نفسى تحسى باللى انا حسيته لما كبرت شويه,,انا مش قصدى انى اكون قاسيه عليكى بس بجد عمرى ماقدرت افهمك رغم الفتره الطويله اللى فضلت فيها معاكم من بعيد لانى بحس اوى بالللى بيتكلم من قلبه واللى بيتكلم للناس بس..
وطبعا مش هاقدر اتكلم عن كل الصبيان فى المنتدى لان مش عندى الجرأه دى..بس هما اللى كان قصدى عليهم فى اول كلامى ان فيهم ناس بتدخل من بعيد اوى علشان توصل رسايل معينه لناس اما موجودين هنا ,,او بيوصلوها للزمن وهما عارفين انها مش هاتوصل للى بيحبوهم .بس بجد ماقدرش اقول غير ان فيكم ناس بتحب بجد..ويارب احساسكم يوصل للى بتحبوه سواء كان هنا على المنتدى او فى اخر الدنيا...
ومش هاتكلم غير عن تلاته بس منهم
وهما المجرى ,,بقولك انك دمك خفيف وطيب كمان بس نفسى تركز شويه,تبطل تتكلم فى اى هزار وخلاص فى مواضيع مش بتبقا محتاجه غير قلب((واللى بيخاف يطلع بره,,انا والله نسيت ان هنيدى اللى كان بيقولها وخلاص بقت بتاع المجرى)
وبقول لاندى اللى كان زمان ساد انا فهمت رسالتك اللى كانت تحت صوره القمر, بصراحه ماصدقتش نفسى فى الاول بس لما حلتها فرحت اوى وفرحت ان لسه فى كده,ومش تقلق يا سيدى مش هافسرها عشان تفضل كده,لان واضح انك مش بتحب توصل احساسك للناس وبتوصله لحد واحد بس.
وبقول لكيمو انك اخلاقك عاليه اوى وانك مثقف كمان وحاسه انك مجروح بس انا اسفه انا حاسه انك روتينى شويه ودايما بتحب تبين مميزاتك شويه وانك قوى ومثقف وصوره الاسد كمان يا سيدى ,,صدقنى الحاجات دى بتوصل بس من غير ماتبين ,,لانك لو بينتها ممكن تقل او مش تكون موجوده من الاصل.. نفسى تفهم كلامى اللى قلته لادمن ..وياريت مش اكون ضايقتك بس زى فعلا يا جماعه انا اعتبرتكم كلكم اخواتى الصغيرين.
وربنا يوفكم يارب ويحققلكم كل رغباتكم ..وبجد عمرى ماهنسا ناس بيطرى اللى طلعولى مش عارفه طلعولى منين ,وبجد ماكنوش على البال ولا الخاطر...بس بجد حبيتكم جدا ويارب ارجع السنه الجايه اشوف الكل ناجح فى دراسته وفى حياته ,,وكل اللى بيحب فيكم رجع لحبيبه وسيبكم بقا من اى حاجه تانيه فى الدنيا .( اهم حاجات فى الدنيا يا جماعه رضا ربنا ورضا مامتكم وباباكم..وحد يحبك بجد ومن قلبه وتكون انتا كمان بتحبه,,لازم انتوا الاتنين تحبوا بعض) ساعتها الحياه هاتبقى جنه .
وطبعا يا جماعه ان مش حكيمه زمانى ولا حاجه بس انا اتكلمت من قلبى اوى وممكن اكون غلطت فى معظم كلامى بس يارب اكون حد من اللى اتكلمت عنهم ولو حتى واحد بس حس انى كلامى قريب منه وفرق معاه ,,ساعتها هاكون اسعد انسانه فى الدنيا

وعلى فكره انا مش مواليد 89 انا اكبر من كده شويه وطبعا مش مخنوقه من الامتحانات زى ماكنت كتبه الاول..انا اسفه انى كدبت كنت بس والله مش كنت عاوزه حد يحس بيا معاكم وان فى حد غريب وسطكم ...
انا مخلصه من خمس سنين وكان معظم تواجدى بليل بعد ماخلص شغلى ..كنت بسهر معاكم كل ليله تقريبا ... وبحاول اعيش كل تجربه اتقالت واتحكت عن طريق مواضيع كتير زى الاغانى وتقول ايه اللى فى بالك ونفسك تعمل ايه,,,(وهوا ده السبب االلى خلانى افضل معاكم على المنتدى ,وهوا انى اول مره اشوف منتدى بالصوره دى وبرقه اعضائها دى )يعنى ممكن تعتبرونى مامتكم,,وبالنسبه للبنات انا نفسى اكون صديقه ليكم ,,وبأذن الله اول ما اوصل استراليا واستقر هابعت لكل واحده فيكم على الخاص رقم موبيالى وهانتكلم براحتنا جدا ولو احتجتكم منى اى حاجه انا تحت امركم ..ربنا يحميكم يارب..


يارب يارب اكون قدرت اوصلكم اللى عاوزه اقوله وانا اتعمدت انى اكتب كلامى ده هنا لانى حبيبى هوا اللى علمنى الرومانسيه..هوااللى عرفنى انى كنت مش فاهمه حاجه..بس فهمت متأخر اوى بعد ما جرحته ومش كنت شايفه غير جرحه ليا..كنت انانيه
بقوله انا اسفه ...
بحبك.

وللبرنسيسه.اول حاجه جميله اوى صوره مى لانى بحبها موت, و عاوزه اقولك انك بتحبى اوى بس برده بحس انك كل يوم بحاله شكل , وكل يوم بأغنيه شكل, حاسه انك متلخبطه شويه فى حياتك,,بس عاوزه اقولك فكرى بقلبك لان قلبك طيب,وخليكى واثقه انك لو سلمتى كل حاجه لربنا صديقينى هترتاحى اوى.


انا فضلت اتكلم ع الجزء اللى يخصنى بس ..

ميرسى طبعا على كلامك وتحليلك لينا كلنا..

بس طبعا احب اقولك ان الحكم ع النت ومن شوية ردود ميبقاش حاجة خالص .. لانك معرفتيناش ولا اتعاملتى معانا واحب اقولك ان الى ع النت دا ليس الا جزء من جزء ضئيل من شخصياتنا ودا طبعا لانى عارفه كل الناس هنا واصحابى جدا كمان ..


كلامك عليا حلو وميرسى على تعليقك ع الصورة وانا كمان بحب مى اوى..
اما من ناحية بحب اوى دى..
فدا مش صح انا مش بعيش اى حالة حب دلوقتى لانى مبقتش بقتنع بوجوده اصلا..
اما عن انى متلخبطة فدا برده مش صح لانى الحمد لله واثقة من نفسى جدا وواثقة انى اعرف امشى نمط حياتى بالاسلوب اللى انا حباه وكمان انا منظمة جدا وبحب النظام والاستقرار..
وانا برده مش كل يوم بحاله شكل انما انا بحب حاجات كتير واغانى كتير ..وبحب انوع
وغير كده احنا كلنا مودنا متقبن اليويمن دول عشنا الامتحانات فطبيعى تلاقى كل يوم بحال..

واكيد انا مسلمة كل حاجة لربنا لان مفيش احن ولا احسن منه الحمد لله ..
ميرسى على ردك يا دينا ومرحب بيكى معانا بس نصيحتى انا ليكى
انك متحكميش على حد خالص من النت ولا منتديات ولا شات ياريت بجد ودا عن تجربة...

ردى على موضوع فروحتى بقى,,,

اولا الموضوع جميل جدا ميرسى يا قمر..
ثانيا انا اجبابتى كانت معظمها (ب)..

وقريت التحليل ..هو حلو وقريب بس انا مش بحب اللون الاخضر ولا بطيقه اصلا..
دايما اختباراتك معايا كده لازم يطلع فيها حاجة ضاربة ..هههههههههههههه
عموما ميرسى يا فرح بجد بقى المرة دى المنتدى من غيرك سلطة .. وعلى راى المجرى و(قرنبيط) كمان..

نفسى يا ياجماعه فى اخر مشاركه ليا معاكم ان اقولكم على الحاجه اللى اتحرمت منها لانى ضيعتها ن ايدى وهيا نصيحتى الحقيقه ليكم...لما تلاق الحد اللى تحبه وتعر انه بيحب ...مش يه حاجه ى الدنيا ممكن تفرقكم لازم تبصوا للحل مش تبصوا للمشكله ..ولو فى اى حاجه بينكم لازم تقعدوا مع بعض ..حبيب وحبيبه ..وبأى طريقه بقا ورقه كلام اى حاجه ,بس تتكلموا مع بعض كل واحد فيكم شاي اي عيوب التانى مع انى عارفه ان اللى بحب مش بيشوف عيوب بس صدقونى ساعات فى حاجه بتففرق بس الماجهه بتبقا اجمل حاجه,,انا كل اللى انا عملته انى خفت وجريت .خفت مش عارفه خفت من ايه..بس خفت ومصدقتش...مش عاوزه حد فيكم يا جماعه يخاف ..وصدقونى لما تقعدوا مع بعض وتتعاتبوا ى الحاجات اللى بتزعل الواحد من التانى وتلاقى ان حبيبك ده بيتغير فعلا قدامك علشانك تبقى اجمل ماكتى تلاقيها فيه من الاول لانك عارفه انها عمل كده علشانك...عب شويه اننا نفهم الرجاله فى الاول بس لو الواحد دخلت قلب الواحد صدقونى بيعمل علشانها اى حاجه بس الواحده ساعات بتبقا عاجزه شويه لو ضيعت حبيبها منها علشان كده كامى موجه للبنات اللى التسرع بتاعنا لما بنكر مع نسنا ساعات بيخلينا ناخد قرارت نضل طول عمرنا نندم عليها....
ادعولى انسى وااقدر اعيش حيات ى غربتى لوحدى مع اهلى ..بس مستحيل احب تانى لان جربت الحب مره واحده بس كانت زى الحلم ,,ماحستش بيها غير لما راحت من ايديا
انا عارفه ان اتكلمت كتير اوى فى فتر صغيره اوى...بس صدقونى احساس الفراق وانى هاسيبكم مع ان عمرى ما اتكلمت معاكم كا صعب عليا ,,,اتعودت عليكم وعلى هزاركم وعلى احاسيسكم اللى فيكم نااس احاسيسها برئيه اوى .... حسيت انى واجبى انى الحق اقولكم اى حاجه وبجد انا ندمانه انى متكلمتش معاكم طول الفتره اللى فاتت دى بس والله كنت خايفه اعطلكم انا اسفه بجد ويارب اكون اقدمت ليكم نصايح حاوه فى حياتكم وابقى افتكرونى بقا بالخير وادعولى ربنا يوفقنى ويصبرنى..
اشوف وشكم بخير......

ميرسى تانى يا دينا بجد كلامك مؤثر فعلا.. ومعظمه صح طبعا..
ولو انتى كمان فكرتى شوية هتلاقى ان الحياة مش بتقف عن حد وحتى لو انتى اللى غلطتى وضيعتى حبيبك منك دا مش زنبك دا اسمه نصيب وربنا عايز كده..
ومش معناها انك توقفى حياتك على كده لا بالعكس حاولى تعيشى تانى
وصححى اخطائك مع حد تانى..

وبجد حابة انك تعدلى عن قرار سفرك لو فى ايدك وتفضلى معانا وتبداى من جديد..
لو مش فى ايدك يبقى فى اى مكان انتى فيه تقدرى تدخلى وتشاركينا ..
وربنا يوفقك فى اى وقت واى مكان ومع حد يستاهلك..

ميرسى تانى وكان نفسى اعرفك بيا عشان انتى حكمتى عليا غلط شوية..
بس اان عازراكى لان النت مش بيبن شخصية الواحد لانه مجرد كلام..
بس استمتعت بمناقشتك والرد لعيها والها بيكى معانا فى اى وقت..

ميرسى يا برنسيسه على زوقك معايا وانتى بالشكل ده اول واحده فى لمنتدى اتكلم معاها او ارد عليها
وده لانك اول واحده ترد على موضوعى وكويس انى قابلت حد فيكم قبل ما امشى
انااسه لو كنتى شايفه انى كلامى عليكى او حكمى غلط
يمكن فعلا اكون غلطانه ...بس صدقين انى احكامى عليكم او تحليلى لشخصيتكم على قد خبرتى شويه فى المجال ده ,,كانت كلها بتكون واتوا لوحدكم بليل لما كان ساعات كتير فيكم وبالذات الادم وانتى وكمان ساعات فرح كان بعد ما كل الاعضاء يمشوا ومش يفضل غيركم كنت بحس بأى حاجه بتقولوها وصدقينى اوى ,,انا بعرف احساس اللى بيحب حد لو دارى حبه ده قدام كل الناس وقدام نفسه
ولو تسحبى سا برنسيسه نتعرف على بعض ده شرف ليا طبعا وانا على العموم ايميلى هابعتهولك دلوقتى على الخاص لو كنتى فاضيه وحابه نتكلم دلوقتى لانى فعلا مش هاقدر اتلكم بعد كده لانى سفرى ده خلاص اتحدد وفعلا انا مسافره القاهره بعد ساعه تقريبا وطيارتى بليل .

واهزر معاكى يا بيوتى انتى و ريماس لانى بحب هزاركم جدا وكمان بحب رقتكم اوى لما بتتكلموا بجد ,,بجد بحس انكم بتتكلموا من قلبكم اوى رغم ان كلامكم الجد قليل شويه

تسلمى ياجميل ع رقتك وحبك لينا ده بس بجد زى ماجىجى قالت بلاش تحكمى ع حد من النت ولا الشات ولا حتى منتدى لان اللى انت بتحكمى عليهم دول اكيد دى مش شخصيتهم
لان الناس ف المنتدى مش بتطلع كل حاجه جواها ولا بتظهر بشخصيتها كلها
علشان كده ممكن تكون الحكم اللى انتى قولتيله علينا ده..............
جزء ضئيل من شخصيتنا اووووى زى ماجىجى قالت..........
زى انا مثلا وفرح وكل اعضاء المنتدى لان تقريبا انا عارفه معظهمهم وفيه كلام كتير اوى عليهم غلط بس اصلا لو كنتى شاركتى معانا من الاول كنتى عرفتى الاعضاء كلها بتفكر ازاى
بس بما انك اختيارتى الحكم من بعيد وده اكبر غلط ويمكن فعلا انتى حكمتى عليا بانى بهزر ورقيقه بس هزارى ف المنتدى عادى وانا فعلا بحب الهزار والضحك بس اكيد دى مش شخصيتى كلها............
بمناسبه الندم ع حبيبك انتى بالكلام ده مش هتعرفى تعيشى والحياه مش بتوقف عن حد وفعلا انتى لازم تبداى حياتك بجد وانسى اللى فات اها يمكن بتحبيه وندمانه عليه بس انتى مش طول عمرك اكيد هتقلبى تانى وتشوفى حبيب تانى وهتحبى تانى لان الندم صعب وانتى طول عمرك هتحسى بيه بس اكيد طبعا لازم تعيشى حياتك وسنك ياجميل......
وطبعا زى ماجىجى قالت انتى نورتى المنتدى ياجميل وفعلا لو تعرفى تعقدى وتاجلى سفرك ونتعرف عليكى احنا طبعا نتشرف بيكى ياجميل

وبجد تسلمى يافرح ع التوبيك وانا طلعت أ
بس معظمه عليا وفيه طبعا حاجات مش انا خالص
تسلمى ياقمر ع التوبيكات الجامده دى

وهما المجرى ,,بقولك انك دمك خفيف وطيب كمان بس نفسى تركز شويه,تبطل تتكلم فى اى هزار وخلاص فى مواضيع مش بتبقا محتاجه غير قلب((واللى بيخاف يطلع بره,,انا والله نسيت ان هنيدى اللى كان بيقولها وخلاص بقت بتاع المجرى)


اولا انا بشكرك يادودو على رايك ده ............ مهما كان ............ بس انا عايز اقولك
ان الدنيا كلها جد ....... لازم يبقى فيه هزار برده
الامام على كرم الله وجهه قال ( روحوا على القلوب فانها تتعب كما تتعب الابدان )
انا مبقولش الكلام ده دفاعا عن نفسى ....... انا احترم وجهة نظرك جدا .......
بس لو انتى شفتى مسهماتى كويس حتلاقى انى انا بقول رايى الاول ..... واللى انا مقتنع بيه
وبعدين اهزر............... يعنى مبهزرش على طول
ولو مش عجباكى اللى بيخاف يطلع بره ............. انتى حرة ............. بس مش معنى كده انى حغيرها ....... لانها مش حاجة غلط
بس ممكن اغيرها علشان خطرك .... واقول ......( اللى مبيخافش يدخل جوة )
وانا برحب بيكى فى المنتدى يادودو

ازيكم يا جماعه وحشتونى جدا والله
انا دينا لو لسه فاكرنى
وميرسى يا فرح جدا على رقتك دى وانا كمان بجد حاسه انى عرفاكى وعلى فكره يا حبيتى انا بعت ايميلى ليكى وياريت تعتبرينى اختك الكبيره.
وسورى لو كنت ضايقت حد منكم بكلامى وسورى يا مجرى
انا بس حبيت النهارده ادخل واقولكم كل سنه وانتوا طيبين وهابى فالنتين.
اان مش كنت بعرف ادخل الفتره اللى فاتت دى لانى بجد مشغوله جدا بموضوع سفرى ده اللى الحمد لله خلص اخيرا لانه كان نقاصنى ورق كتير لانى طلع الموضوع ان هجره استراليا مش سهله خالص
انا معاكم لمده اسبوع ان شاء الله بس المشكله انى الفتره دى فعلا ممكن ادخل مره او مرتين بالكتير لانى ملخومه بين العياده والسفاره والقاهره وحاجات كتير كده مش هاتعبكم معايا بيها
والنهارده جايه علشان اعرفكم بيا لانى اتمنى اننا نبقا اصدقاء بجد على طول,ولما شفت الرسايل الحقيقه اللى جاتلى من كتير منكم فرحت جدا وحسيت ان ليا اصحاب بجد فى مصر مع ان مفيش اى تفاصيل معروفه ,,فرحت اوى ان لسه فى ناس ممكن يفضفضوا لبعض ويتكلموا من قلبهم من غير حتى مايعرفوا بعض .
بس فى عضوه من غير ماقول اسمها طلبت منى على الخاص انها عاوزه حابه تعرف حكايتى انا وحبيبى.
بس فى الاول انا اسمى دينا سلامه زى ماقلتكم قبل كده ومن القاهره اصلا ..دفعه 2002 طب عين شمس . وعندى عياده انا واتنين زمايلى فى ابو تلات على طريق مرسى مطروح.وانا تخصصى على فكره الطب النفسى علشان كده انا والله لما حللت شخصيه حد فيكم او كده عن طريق النت مش كان قصدى ازعل حد منى بس ان ده مجال تخصصى ونفسى افيد الناس اللى حسيت انهم قريبين منى بأى حاجه ...وطبعا مممكن يكون معظم الكلام اللى انا غلط ومعاكم حق ان النت او الردود ممكن ماتوضلش الانطباع الصح..بس برده عاوزه اقولكم ان النت او المنتديات ممكن فعلا تعرف شخصيه الحد ده فى حاله واحه ,,لو فى صدق فى الكلام..لان طول ما الاساس الصدق...هايكون الكلام كله فعلا من القلب..ولو فى كدب عمرك ماتقدر تعرف البنى ادم اللى قدامك ده مهما كنت شايفه وليل نهار قاعد معاه كمان.
اما بالنسبه ليا انا او لحكايتى ....انا بجد والله ومش عارفه انا بقول الكلام ده ليه ,,بس انا فعلا ااقرب اتنين ليا واخواتى بجد ,,هما سما ونور واحنا فعلا متربيين مع بعض,,عاوزه اقولكم ان نور نفسها ماتعرفش تفاصيل عن حكاياتى دى وان الوحيده اللى تعرف حكايتى هيا سما,,,واخر مره اتكلمت معاها فى الموضوع ده كان من اربع سنين...مع ان شغلى انى اسمع الناس وان ربنا يقدرنى وواقدر افيدهم,انما بجد مش بعرف احكى ولا حتى اتكلم ,,بس النهارده مش عارفه حابه انى احكى وده بجد مش لانى شخصيه مجهوله بالنسبه ليكوا او ان مفيش حد عارفنى ,,,بس بجد حاسه انى عاوزه احكى مش عارفه ليه وسورى جدا جدا لو حكايتى هاضايق حد فيكم وبالذات فى يوم زى ده...بس اعمل ايه بقا يمكن القدر اللى خلانى ادخل النهارده بالذات واتكلم. مش عارفه بس انا بقيت مؤمنه اوى ان مش كل حاجه بتمشى زى ماحنا عاوزين,,,ممكن نعمل احنا كل حاجه ونحس اننا منظمين كل حاجه (لانى منظمه جدا ) بس فى حاجات كده بتبقى غصب عنك وبتحس انك بتعملها او هيا بتحصل لوحدها ,,,علشان كده القدر وارارده ربنا فوق كل حاجه ..
انا يا جماعه حكايتى غريبه جدا وممكن مش فى حد يفهمها او يتصورها لان الصفات اللى هاتكلم عليها ممكن تكون صعب شويه انها تكون موجوده,,بس اكيد موجوده..
انا دخلت فى قصه حب وانا فى السنه قبل الاخيره من الكليه ,, حبيت بجد اوى ومن قلبى اوى وعبرت بكل اللى جوايا للى بحبه,,يمكن التوقيت كان غلط .مش عارفه بس اللى حصل ان حبيبى مش كان شايفنى ..كان عاوز يحبنى وقالى فعلا انه بيحبنى زى مانا بحبه,,بس كان فى حاجه مش عارفه هيا ايه,,,الحاجه دى كانت مخلياه مش شايفنى ..كان احساس صعب اوى عليا.
حصل بينا حاجات كتير اوى لحد ماقررت انى لازم انفصل او نسيب بعض لانى مش لاقيه الحب اللى اتمنيته معاه..لانى حسيت انى فراغ فى حياه حبيبى..
فى الوقت ده حبيبى عرف قيمتى وعرف انه ميقدرش يستغنى عنى..بس كان الوقت اتأخر ,,او كنت شايفاه ساعتها انه اتأخر...عارفين لما تبقوا دارسين على نفس وعارفين كويس القدر اللى ربنا سمحلنا نعرفه عن نفس الانسان,,بس ساعات الواحد بيبقا عاجز قدام نفسه وقدام تحليل نفسه واللى بيحصله,,وده اللى حصلى فى الوقت ده ...حاول انه يوصل ليا بكل الطرق انه فعلا اتغير علشانى لانه فعلا كان انسان تانى خالص قب مااعرفه ,,مقدرش ااقول انه كان مش كويس ,,بس فعلا مر بتجارب كتير قبلى وكان فيها حاجات كتير مش حلوه وعمل حاجات كتير اوى فى حياته هوا نفسه مكنش راضى عنها..
انا الحمد لله مش وحشه وعلاقتى بربنا الحمد لله حاسه انى راضيه عنها,,,عشان كده كنت عارفه ان ربنا لما هايجزينى بحد ,,هايكون طيب
ومش كنت عارفه ساعتها ان الراجل لما بيكون عايش حياه كل اللى ااقدر اقوله عليها انه مش كويسه...لما بيحب انسانه وتكون طيببه وعندها مبادىء ويسيب كل اللى كان فيه علشانها,,انه فعلا اتغير علشانها وانه عنده استعداد انه يبدء حياته معاها من منظورها هيا,,لانه حس معاها بالامان اللى محسوش فى دنيته..
كلامى ده ممكن يكون عادى وبيحصل كتير,,بس اللى فعلا صعب ان يكون فى قصه حب مشابه للى حصل بعدها ويارب يارب مفيش اى حد يشوفها,,,او يشوف الجزء الاول بس لانه كان حلو اوى
انا حبيبى كان تقريبا اصل دراستى وشخصيته هيا الشخصيه اللى اتعمقت فيها بعد ماخلصت دراسه بسنتين,,وهيا شخصيه قلب الاطفال
..كل المبدعين اللى فى العالم فى اى مجال سواء مجال فكرى ,او ابدى او علماء او حتى فى المجال الفنى على مر التاريخ كان بيربطهم حاجه واحده تقريبا
وهيا قلب الاطفال,,مش بقول انه قلب
طيب,,بس قلب الاطفال هنا بيعتمد على سر السعاده فى الحياه وهو الانبهار,,,,صفه الانبهار هيا سر السعاده والعلماء اطلقوا على حامل الصفه دى قلب الطفل....بس الفرق فى الاطفال والناضجين..ان فى وجود صفات تانيه بتدعم الصفه دى بينتج عنها الابداع,,فى اى حاجه بقا.....واهم الصفات دى الذكاء..
حبيبى كان من النوع ده ...وكان بذكائه تقريبا بيعمل كل حاجه بس بطريقه مختلفه...لدرجه انى كنت ببرمج كل اللى كان بيعمله معايا بأنى حاجات غريبه ,,مكنتش اعرف ان هوا ده اللى بحلم بيه ,
ومش كنت عارفه انه ممكن فعلا يغير لى حياتى كلها وان بذكائه كان هاويرنى دنيته بالطريقه اللى بحلم بيها او اكتر كمان,ومع كل مره كان بيعمل فيها حاجه ليا كنت اان بنهيها بطريقه اوحش من اللى قبلها ,,,وهوا فى نفس الوقت كان بيزيد اكتر,,لانه كان عارف انى يعنى هبله شويه وعارف ان سعادتى معاه ومش كان بيشوف رد فعلى ,,كان دايما بيتكر طريقه جديه وحاجه جديده يعملها علشانى ,,وحاول كتير اوى اوى انه يصلح اللى عمله معايا واعترفلى بغلطه ..بس فى اوقات الواحده مننا بتبقا مش قادره حتى تسمع..لدرجه انى كنت حتى مش بحاول اعرف او اسمع الرسايل اللى كان بيوصلهالى بطريقته ....
انا اسفه انا هاقولكم وبجد والله مكنتش عاوزه اقول عن الموضوع ده وبالذات النهارده ,,
بس الحقيقه هيا ان حبيبى مات من خمس فى حادثه وان الللى حصل ده حصل من خمس سنين ,,,قضيت بعدها سنه و4 شهور فى نفس المستشفى اللى انا بشتغل فيها دلوقتى..
عاوز اقولكم انى مافقتش غي لما حصل امر ربنا ولما حبيبى مات وانا مش كنت معاه فى الوقت ده,,,بس كان اخر اتصال بينى وينه كان قبل الحادثه بتلات شهور,,,وطول التلات شهور اللى سيبنا فيها بعض بجد بعد مافشلت كل محاولاته معايا,,كنت بسأل نفسى هوا اللى اناعملته ده صح ولا غلط...وايام تانيه كنت بفرح انى عايشه حياتى من غيره ,,,واوقات تانيه كنت بفسر اى رساله من رسايله لانى فعلا كنت مش بهتم حتى انى احاول افهمها...يعنى ممكن اقول انى كنت اتعودت على المرحله اللى هوا كان معيشنى فيها ,,انه يعمل علشان الحاجه وانا ارفضها...مكنتش متخيله انه ممكن فعلا يعمل اللى قلتله عليه وانه يبعد بجد...كنت متعدوه دايما انه بيفاجئنى ...لان النوع ده من الناس دايما بتبقى حياته مفاجأت ودايما بيتعامل مع حياتع بطريقه مكن تختلف عن باقى الناس وتللاقيها فى كل حياته سواء الشغل او الحب او حتى دراسته لما كان بيحكيلى عنها ,,كانت برده بتكون بطريقه مختلفه ومش عارفه ازاى..بس بجد هيا بتبقى كده.
النوع ده من الناس بتبقى حياته كلها تغيير وصعب ان يدخل حد جديد حياته بس لما بيدخل حياته فعلا ويدخل قلبه ,,بيعيشوا كل يوم حياه جديده ودنيا جديده...وممكن يتعاملوا مع كل الامور اللى فى الدنيا (بس لو كانوا فاهمين بعض) بمنطورهم هما وبطريقتهم هما بس.
طول الفتره اللى فضلت فيها فى المستشفى ماتكلمتش خالص مع اى حد ...كنت بس بفكر وكل يوم كنت بكتشف حاجه ,,عاوزه اقولكم ان شريط حياتى معاه كله مره قدامى وكتن بتعذب بيه مع كل يوم...وافتكرت لما كان بيقولى انه حس انه اخيرا بقا بنى ادم بيا...فهمت معنى الكلام ده...
فهمت ان الكلمه دى لما بتكون من القلب بتبقى كبيره اوى...
وانا الحمد لله دلوقتى عايشه معاه اجمل قصه حب لانى عارفه انه مش زعلان لانه قالى انه عمره ماهزيعل منى...وبحاول اعمل علشانه دلوقتى كل اللى اقدر عليه فى الدنيا وكل املى اننا نتقابل تانى...لان اللى بينا كان كبير اوى وانا مش كنت عارفه
بجد اسفه اوى انى ممكن اكون نكدت على حد فيكم ,,بس صدقونى اول مره احكى كده ,,حسيت انى عاوزه احكى وفى نفس الوقت عاوزه اقولكم لازم نسمع بعض,, مهما كان الوقت غلط مهما كان الظروف صعبه,,,لازم نسمع اللى قدامنا..
صعب اوى ان الواحد يحس ان اللى قدامه مش حاسه او حتى عاوز يسمعه...
ودى اكتر حاجه تعبتنى ,,انى حسيت انى جيت على حبيبى وماسمعتوش وزى ماقلتلكم قبل كده...مش كنت شايفه غير جرحى...وساب الدنيا دى وانا جارحاه بكلامى ليه وبردودى عليه...مع انى والله العظيم عمر ماكلمت حد بالطريقه اللى كنت بتكلم معاه بيها فى الايام االاخيره,,مش عارفه كانت عندى الجرئه دى ازاى انى اعامل حد كده ,,بس مش عارفه كنت عارفه انه بيسحملنى بس نسيت انه انسان وانه عنده مشاعر وانى بكده ممكن اموتها فعلا.
الحمد لله وانا على فكره عايشه معاه قصه جميله اوى حتى دلوقتى واديكوا شفتوا انى بكتب اغانى وبكلمه عادى جدا لان الحب ياجماعه لما يكون بجد بيبقى اجمل وااعظم حاجه فى الدنيا دى كلها وبدعيله من كل قلبى ان يكون مسواه الجنه ونعيمها يارب.
وبقولهhappy valentine day
وليكوا كلكم ويارب يارب وفق كل اتنين بيحبوا بعض وجمع قلوبهم ومش فى اى حاجه تفرقوا عن بعض
وبجد بالسنه للبنات اللى على المنتدى خدوا بالكم من نفسكم اوى ولو اى حد فيكم عنده اى استفسار عن اى حاجه فى حياته انا تحت امره ,,بوجد اول مااتسقر بس فى حياتى كده ,,واتسقر على رقم موبيل فعلا ,,,لو اى واحده منكم حابه تعتبرنى اختها الكبيره وتفضفض معايا انا تحت امرها و تبعتلى بس على الخاص وانا هابعتلها رقمى ..
وانا الاسبوع ده ححاول ادخل والله لو مش كنت ضيفه تقيله عليكوا,,,,بس هايكون مره او اتنين بالكتير زى ما قلتلكم وهايكون فى الوقت ده برده اللى هوا العصر كده لانى مش فاضيه غير فى الوقت ده بس..
باى

ربنا يخليكى يا فرح يا رب وانا والله مبسوطه اوى انى عرفت ادخل تانى واشارك وميرسى يا حبيبتى على كلامك والحمد لله على كل شىء ,صدقينى انا مؤمنه جدا بالقضاء والقدر واى حاجه من ربنا اكيد حلوه.
وميرسى اوى يا بيوتى يا حبيبتى على رسالتك ليا وانتى اللى منوره والله يا قمر وانا فرحانه اوى انى عرفت بنات طيبه اوى زيكم كده وبجد مش هلاقى احن من كده عليا.
وبقول للعضوه اللى بعتتلى على الخاص ربنا يخليكى وانا يشرفنى انى اكون اختك الكبيره يا حبيبتى والحمد لله ان كلامى لفت مظرك لحاجات مش كنتى شايفاها اوى وبجد انا فرحانه اوى اوى انى كلامى كان ليه فايده حلوه اوى كده عليكى وصدقنى لو انتى شايفه ان حبيبك فيه كتير من الشخصيه دى يبقى صدقينى ان شاء الله هايشيلك فى عينيه ويارب يارب يخلى حياتكم كلها جنه ,ونصيحتى ليكى انك تبقى صادقه اوى اوى معاه.لان صدقنى شخصيه حبيبك لما بيثق فى حد بيكون كل حياته وبيغير حياته كلها ...خدى بالك منه وابقى طمنينى دايما كده عليكى
عاوزه اقولكم انى فرحانه اوى انى اتعرفت على كتير منكم عن طريق الخاص وصدقونى انا بوعدكم انى هاعملكوا دعايه جامده جدا للمنتدى ده ومش هنا بس كمان ,هاعمل دعايه لما اوصل استراليا بس ان شاء الله ,,علشان انا نفسى المنتدى ده يبقى اكبر واشهر منتدى لان كل الناس اللى طيبين اوى وقلبهم طيب.
أشوف وشكم بخير ,انا مسافره ان شاء الله يوم 3-3 ادعولى بقا...
ولو اى حد احتاج منى اى نصيحه او اى استفسار عاطفى او نفسى او اى حاجه انا تحت امركم كلكم...
باااااى