( هى وهو ) يارب تعجبكم

المنتدى عايز اعاده الروح لانه ع وشك الموت

بعد نشرة الاخبار اليكم الفصل الرابع من المسلسل اليومى هى وهو

#
#
#
#
#
#
#
#
#


تزكرة بالحلقة الى فاتت: على فى الكفاتيريا قاعد مستنى منى




الفصل الرابع

دخلت منى على على وقلتلة

منى : ازيك ياعلى على : اهلا منى
على :انا اسف على انى جبتك كدة غصب عنى لازم افهم منك الموضوع
منى :لا ياعلى انت اخ كبير ومن زمان نعرف بعض

على :ولزمتها اية يامنى اخ دى انا عاوز اكلمك بصراحة انتى الانسانة الوحيدة الى دخلت قلبى ومش هقدر اسيبها
ومدام جيتى النهاردة يبقى فية امل لان انتى عندك مبرر للرفض

منى:على انااااااااا

على :انتى اية يامنى

منى:اناااااااا انا مش عارفة ابتدى منين بس عاوزاك تبقى فاهم كلامى احنا مش هنقدر نتجوز

على :لية يامنى مش هنقدر لية اما فية اية مش عاجبك
منى :لا مش دة المقصود بس
على:بس اية اتكلمى فية اية مخبياة
منى :انا هقلك على كل حاجة يا على انا بصراحة كدة مريت بقصة حب مع واحد زميلة فى الجامعة وكنت بحبة لدرجة الجنون لمدة تلات سنوات وهوة كمان كان بيحبنى قوى
على :كملى سكتى لية يهمنى اعرف
منى :بس
على :بس اية
منى حصل بينا علاقة انا ماكنتش اتصور انها توصل ل كدة معاة


من انهمرت فى البكاء جدا وبدا على يستغرب الموقف ابدى لة ما تدور فى زهنة من افكار عن منى وبدا يفكر ويفكر كيف يخرج من هذة الحيرة يعمل اية

وبدا يهدى فى منى ويقلها

على : منى طيب براحة واحكيلى اية الى حصل
منى: فى يوم عرض عليا انى اروح اقبل مامتة فى البيت وابوة كان مسافر
روحنا عندهم البيت وانا كنت مفكرة ان مامتة فى البيت مستنيانا فوجئنا ان مامتة مش فى البت عرض عليا انى اقعد اشرب حاجة لحد ما مامتة تيجى هى مش هتروح بعيد قربت توصل

الغريبة انى ما شكتش فى اى حاجة لان انا وهوة بنحب بعض ومتفقين على الجواز ولما حصل الى حصل
قلتلة لازم تتصرف راح لابوة وقالة اننا لازم نتجوز ولما ابوة عرف ان احنا من عيلة بسيطة تخلى عنى بس هوة كان هيعمل اية يعنى يعصى ابوة كفاية انةحاول

على استغرب اكتر واكتر
على :منى ازاى يتخلى عنك كدة يامنى (على مستغرب جدا)
منى :ما اعرفش ياعلى عرفت ياعلى عرفت انا مش عاوز اتجوز لية مش عاوز اظلم اى حد معايا وكمان مش عاوزة احرجك انت شخصيا

على :انا (افتكر على انة كان عاوزة يتجوزها ولا نسى ولا اية الواد الله اعلم بية الموضوع كان مؤثر جدا)

منى :على انا اسفة على الى لانى انا مش هقدر اغشك
فهمتك علشان نبقى اصحاب واصدقاء وجيران
على :ازداد فى الاستغراب ولم يرد عليها

منى :على ماتشغلش دماغك بيا انا خلاص مستقبلى معروف
على:ازاى يامنى كان لازم يصلح غلتطة
منى بعد اية يا على بعد اما سافر خلاص ومبقاش يسال عنى واكيد ابوة جوة فى فرنسا لانة انا عرفت انة راح يكمل دراسة هنا
بقالة دلوقتى 3 سنين تفتكر لسة فاكرنى ولا فاكر عملتة اعمل اية ياعلى انا ماكنتش اتصور انها توصل لكدة
على قال فى بالة : بس انا كنت اتصور ها كدة
منى :على

على :ها منى :بتفكر فى اية ياعلى قلتلك ماتشغلش دماغك بية انت استريحت لما عرفت سبب الرفض

على :انا انا اتعزبت اكتر
منى :لية علشان انا بحبك يامنى
وكادت الدموع تنزل من عين على اللى ان انهت منى الكلام قائلة

منى :على انا لازم امشى علشان البيت ما يقلق وارجوا ان دة ما يقصرش على الصداقة والجيرة
على هز راسة من غير ما ينطق ولا كلمة اتخسر شكلة من الموقف عندة زهول كامل


منى : انا لازم اقوم
على :استنى اركبك تتاكسى

منى :خليك يا على انا عارفة سكتى كويس خلاص ماعدش فية حاجة نبكى عليها
ارجوك ياعلى انسى الموضوع دة وركز فى حيات علشان خطرى لو بتحبنى صحيح

على : مش هقدر انسى انا مش عارف اعمل اية
منى :حاول يا على سلام ارجو انها تكون اخر مقابلة ليا معاك وتكوون زكرى كويسة

على : همهم ببعض الكلمات الغير مفهومة وهز راسة

ركبت منى السيارة وذهبت الى البيت وعندما كانت فى السيارة تزكرت موقف على ورات فى عينة الحزن الذى لا يقل عن حزنها هى على نفسها فبدات تفكر هل ممكن اننا انا وعلى نتجوز وهزت راسها فى سخرية وقالت لا طبعا بصوت مسموع حتى تصور السائق انها تتكلم معة

وعلى الجانب الاخر ذهب على الى البيت وقابل امة وقلت لة


الام: كنت فين ياعلى

على :مشوار يا ماما
الام :ابوك عاوزك فى الصالون
على:حاضر هدخلة

ازيك يابابا

الاب: على ازيك تعالى انت اتاخرت لية

على : فى مشوار
الاب: مالك انت مكشر لية انا عاوزك تضحك
على :اضحك من غير سبب يعنى يا بابا

الاب: لا فية سبب
على :اية هوة ان شاء الله خير الاب :خير ..... جايبلك عروسة لقطة اخر ايافة بنت واحد زميلىفى الشغل مؤدبة وجميلة
ومحترمة


على :بس يابابا انا مش ناوى دلوقتى انا هاجل الموضوع دة شوية

الاب : لية يابنى بس دى عروسة حلوة هوة انت مش هتنشى الموضوع بتاع منى دة الجواز قسمة ونصيب يابنى

على : لا انا هاجلة شوية يابابا بعد ازنك انا هدخل الاوضة تعبان شوية
الاب:لا سلاممتك يابنى على العموم فكر ياعلى وماتستعجلش

على :حاضر يابابا




دخل على فى الاوضة وقفل على نفسة وانهمر فى البكاء حتى احرمت عينة واخذ يفكر كثيرا كثيرا

حتى فكر فى حال منى وحبة لها وونها مكسورةجناح ويجب علية ان يعمل شى يعبر فية عن حبة لها بس ازاى ازاى




فى الصباح التالى وبعد ما فكر على كثيرا كرر ان يتصل بمنى علشان ياكد عن حبة لها بس المشكلة لو حد تانى رد هيقول اية فكر ان ابوها لما ينزل من البيت يوقم يكلمها على طول فى التليفون وطمن عليها وياكد انة لسة بيحبها وعندة فكرة بتلعب فى دماغة



والحلقة الجاية نككمل يا حبايبى ياحلوين

يلا كل الى متابعنا يدخل يقول هيحصل اية الحلقة الجاية
والى مايعرفش عن مسلسل هو وهى يبقى نايم على ودانة علشان قرب ينزل فى التليفزيون سلام اشوفكم على خير يا اصحابى الاعزاء مع السلام ومع اللقاء فى الحلقة القادة من مسلسلكم المفضل هى وهو


اتغطوا كويس اموةةةةةةة

يلا يا شباب قولوا الحلقة الخامسة من المسلسل هتبقى ازى

ترقبوا الفصل الخامس والاخير غدا

سورى يا جماعة اتاخرت عليكم فى الحلقة الاخيرة بس كان فية ظروف الفترة الى فاتت كانت زحمة شوية

تزكرة بالفصل الى فات


على لما روح ومش طايق نفسة دخل الاوضة وقفل على نفسة وفكر كتير فى الموضوع دة وبعد تفكير كتير كلم منى وقالها اية يا ترى تعالوا نشوف يا اصدقائى قلها اية


على : ازيك يا منى

منى: على . انا الحمد لله وانت

على :انا كويس الحمد لله ...وهوة طبعا طالع عينة من التفكير حبيب بقى

منى :على خير فية حاجة

على :منى انا فكرت فىالموضوع ولقيت انى مش هقدر استغنى عنك مهما حصل

منى :على انت بتقول اية لا انا ما اقدرش انى اورطك معايا لا يا على لالا

على : انا فكرت وكررت يا منى انا بحبك ومش هقدر استغنى عنك فكرى يا مانا كويس فى الموضوع دة انا من ناحيتى الموضوع خلص

منى :على انا مش عارفة انت فتفكر ازاى
على: منى عاوزة تعرفى انا بفكر ازاى بفكر بقلبى . منى انا هاقبلك بكرة فى نفس المكان تقوليلى ردك

منى : ان مش هقدر اجى تانى يا على

على : انا هكون فى المكان ومستنيكى

اليوم التالى راح على الكفاتيريا وزى المرة الى فاتت قعد مستنى منى تيجى واتاخرت كان هيقوم بردوا وهى لسة ماجتش

وفجاءة دخلت منى الكفاتيرية

على كان طايرة من الفرحة لما شافها وتاكد ان هى عاوزة تتجوزة بس ما تقدرش علشان هى مش عاوزة تورطة وهيقول اية لاهلة والناس الى حولية

بس على كان مصمم عليها اما شافت على مصمم عليها جتلها وشافت قبول بدات تقرب شوية بشوية لعلى

دخلت منى على على فى الكفاتيريا وقالت

منى :على اهلا

على :ااهلا ازيك يامن اتاخرتى لية

منى : لا يا على المواصلات بس. وهى اصلا كانت مترددة تيجى

على : منى انا عاوز اتجوزك فى الحلال واتفقوا ان الموضوع دة مش هيطلع بينهم لاى مخلوق حتى لو الاهل

منى : انا موافقة بس انا مش عاوزاك تحس فى يوم ان انت شايل حاجة من ناحيتى

اتفق على ومنى انهم يتجوزوا وفعلا على راح قابل الاهل تانى وفجاوا ان على جاى يتقدم تانى كانت هنا المفاجئة

لما منى وافقت بعد عرض الموضوع عليها

على وممنى دلوقتى بيقضوا شهر العسل فى شرم الشيخ نتمنا لهم السعادة فى الحياة الزوجية


يارب المسلسل يكون عجبكم
الهدف من المسلسل هوة نشر روح الاولفة وعدم المشاحنات بين الاعضاء والحب والمودة والالتفاف حول موضوع واحد


هذة القصة من وحى تفكيرى وارجوا انى اكون وفقت وطبعا كل واحد لية طريقة فى التفكير ممكن تتصدموا من طريقة تفكير على بس كل واحد لية راى ومش لازم تكون هى وجهة نظرى فى التصرف ف موضوع زى دة او اى حد تانى


اقضوا وقت ممتع وان شاء الله يكون هناك مزيد من مسلسلات اخرى

دة على دة قلبة ابيض خالص زى ما انت قولت كل واحد لية تفكيرة

بس مش راحوا بورتو مارينا لية دة الجو هناك فظيع

برافو اوشا

عاوزين مسلسل جديد

فيتا منورة والله بس كدة بس افوق بس لانى مشغول جدا فى الشغل واجيبلكم حاجات جديدة بالنسبة بقى لمارينة هوة بيفكروا فى الجزى التانى يروحوا مرينا هههههههههههههه

واحتمال بلطيم