20 جمله بيقولها معظم الشباب للبنات

عضو ممتاز

حبيبتى انتى عارفه انا مش بحب حركات الشباب الطايش انا اصلا مبكلمش بنات ..

(وتلاقيه يعرف طوب الارض )

---------------------------------------------------

يااااه ياحبيبتى انا حاسس انى اعرفك من زمان ..

(وهوا تلاقيه متلخبط بينها وبين بنت كان يعرفها قبل كده)

--------------------------------------------------

حاسس ان فيكى حاجه غريبه غير كل البنات

(كأنها مثلا بتمشى على ايديها ورجليها )

----------------------------------------------------

انا حاسس ان فى شبه كبير بين افكارى و افكارك احنا اكيد
مخلوقين لبعض

(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

------------------------------------------------

حبيبتى انتى اول حب فى حياتى وانا حاسس انى اتولدت يوم ماقبلتك

(على أساس ان مامتو كانت حامل فيه 20 سنه وولدته قبل مايقابلها بيومين )

-------------------------------------------------------

يااه يا حبيبتى انتى تؤمرى وانا انفذ اللى انتى عايزاه اجبهولك

(فى المشمش)

----------------------------------------------------

حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير

(طبعا فاهمين الحركات دى تلاقيه مش عاجبه اساسا)

------------------------------------------------------

هكلم باباكى اول ماكًون نفسى

(موووووووووووت يا حمااااااااااار)

---------------------------------------------------

عايز اشوفك كل يوم كل ساعه كل ثانيه

(عشان اصحابه يتأكدو انها حلوه)

------------------------------------------------------

حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان

(بففففففففف الاسطوانه المشروخ)

---------------------------------------------------------------

انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى

(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

--------------------------------------------------------------------

معلش ياحبيبتى مش هقدر اعدى عليكى بالعربيه النهارده علشان هيا فى التوكيل

(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

---------------------------------------------------------------------

ياحبيبتى انتى بتتكلمى فى أيه انا كل عطورى من فرنسا

( ايوه زغلل عنيها ياواد)

------------------------------------------------------------

ياه لما بشوف رقمك على الموبيل قلبى بيتنفض

(طبعا من الخضه انها تكون فأسته)

----------------------------------------------------------------

فلان قالى اديله رقمك بس انا قلتله اقتلنى قبل ماتاخد رقها منى

(ياااااه على التضحيه وهى ياعينى رقمها مع مخاليق ربنا كلهم)

----------------------------------------------------------------

حبيبتى عايز صورتك عشان قبل مانام اشاهد فى جمالك واحطها تحت المخده

(لا وهو الصادق عشان لما يتخانقو يهددها بيها)

--------------------------------------------------------------

اسف يا حبيبتى امبارح مقدرتش اكلمك كنت مشغوووول فى المذاكره

(قصده معهوش فلوس او مشغول مع واحده تانيه)

-------------------------------------------------------------

اسف يا حبيبتى انى مقدرتش اجى فى المعاد امبارح كان عندى ظروف صعبه

(معزور الولد افتكر معاد البنت التانيه اللى بقاله 3 اسابيع مأجله)

------------------------------------------------------------

عارفه يا حبيبتى انا طول الليل منمتش قاعد بفكر فيكى

(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

------------------------------------------------------------

عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

عضو فعال

الموضوع جميييييييييييييل اوووووووووووووووووى

عضو ممتاز

انت عميل يا محمود Evil or Very Mad

عضو ممتاز

يا كلبلل الموضوع دة ما ينفعش نبصلة من نظرة واحدة اكيد يا سيدى فية حب شريف وحب مصلحة زى ما انت تقصة دة ولا اية واظن ان بقية الاعضاء معايا

عضو ممتاز

انا بقول معظم الشباب مش كل الشباب يا اوشا

عضو نشيط

رائع ياكلبلل

عضو ممتاز

اوكى يامان مافيش مشكلة

عضو ممتاز

ولاد الحراااااااااااام مسبوش لولاد الحلاااااااااااااااااال حاجة

فكرتنى يا كليبلل بالواد اللى زل البحر ونادا بغرق بغرق ولما الناس رحتلوا ضحكت عليكوا ضحكت عليكوا

عارف ان الفلم وفالاخر بيغرق بجد فا محدش بيصدقوا

نفس القصة من كتر ما الشباب هجص بالكلام دا وصاع بيه ما بقاش يتصدق ولو مين حتى بيقولوا

بس فكر كدا فى اى موقف من دول وشوف لو حصل فعلا هتقول ايه

يعنى مثلا
حاسس ان فيكى حاجه غريبه غير كل البنات

لو انت فعلا حاسس بدا حقيقى ومش بتشتغلها ولا بتشتغل نفسك هتقول ايه ؟؟؟؟؟؟؟؟؟

انا اقولك هتقول ايه

تقول نفس الجملة بس مش بلسانك بعنيك باحساسك بتبقى اكثر مصداقية

اى خدمة يا كبير دروس ايه ببلاش

اتعلموا بقى

عضو ممتاز

تقول نفس الجملة بس مش بلسانك بعنيك باحساسك بتبقى اكثر مصداقية

بقوا واحد عشرين جمله

عضو ممتاز

ههههههههههههههه عندك حق يا دكتورابو كرتونه عشان فى اللى هيقول يا بنتى دى اشتغاله واللى مش هيفهمها اصلا
وكمان البنت هتقول ايه اخرتها يعنى مش لازم هو يثبت حسن نيته يعنى يتكلموا وهى يا توافق تقف جنبه او لا
موضوع هايل
Very Happy

عضو ممتاز

هههههههههههههههههههههههههههههه

هو دا اندى باشا

طب مش تقول لنا عالاتنين وعشرين بقى عشان نستفيد والكل يستفيد

زائر

العيال التافهة بس اللى تقول كده

واحنا مش منهم يا ريس

عضو ممتاز

Dr.keemoo كتب:: هههههههههههههههههههههههههههههه

هو دا اندى باشا

طب مش تقول لنا عالاتنين وعشرين بقى عشان نستفيد والكل يستفيد

تقول نفس الجملة بس مش بلسانك ..بمناخيرك بقا المره دى

وياريت برده تجربها واكون اقدرت افيدك .....اه بس لازم يكون معاك مناديل..................................نظافه.

عضو ممتاز

عضو ممتاز

عندك حق يا دكتورابو كرتونه

cheers

WooooooooooooooooooW
Abo Cartona
Msh Mesada2 Nafsi
Thanx Soooooooo Much
3la El Seka El3'alea De
king

عضو ممتاز

اكيد انت بتحكى تجربتك الشخصيه صح؟؟؟

عضو ممتاز

ههههههههههههههه هايل اسم ابو كرتونه اوى Laughing

عضو ممتاز

انا عبرت كل الحدود وعديت البحر الميت وجزيره الاندلس العظمى عشان بس سمعت ان فى حد بيشكر فى اسم ابو كرتونه فجيت اشكره بالنيابه عن جميع الملزقين فى مصر والوطن العربى وبهديله صوره الاسطوره

هيثم

عضو ممتاز