الحب و ما ادراك ما الحب .. ركبى يسيبوا و قلبى يطب .. الحب الحب الحب!

كبيرة صغيرة .. طخينة رفيعة .. طويلة قصيرة .. حلوة أو وحشة .. سمرا و لا بيضا .. كل ده مش مهم مهما كان شكلك مهما كانت طباعك و صفاتك .. فيه حاجة فيكى مشتركة معانا كلنا .. و هو إحساسك بالحب و إحتياجك له لإنه يمتلك و يملأ عليكى كل حياتك .. و يحاوطك فى كل مكان .. هو ده الحاجة الوحيدة اللى مستحيل تزهقى منها مهما طاردتك .. إحساس جميل بيحسسك براحة غير عادية .. دنيا تانية ما حدش بيتمنى فيها حرية .. بالعكس سجن الحب بيكون أحلى بكتير من حرية الشرود فى لا شىء .. إحساس غريب بأن كل الناس حواليكى مجرد كائنات وهمية .. شخص واحد بس هو اللى حقيقى .. هو كل الحياة و كل الكائنات و كل الدنيا .. كلمة واحدة بس هى مفتاح الأمان و سر الإبتسامة الدائمة على ملامح الوجه كلها .. دنيا الخوف من المجهول تتلاشى أمام لحظة صفا و صدق و حنان .. حرية بلا حدود داخل إطار وردى شوكه لا يؤلم و إنما يذكر دائما بأن لحظة فى هذا الإطار تساوى أيام العمر كلها .. نظرات هادئة تحتوى بداخلها الحنان و كأنه عملاق قوى يلتهم كل مشاعرك لتصبحى فريسة ضعيفة بإراتك لتنعمى بمواساة القطة الصغيرة من قبل ما تحبين .. ابتسامات و همهمات كلها بواعث للبهجة التى تغمر قلبك فالحياة ستصبح فيها حبيب هو كل شىء و المحافظة عليه تعنى المحافظة على الحياة .. أفكار تتدفق فى خاطرك فيقرأها هو من داخل أعماقك و يمليها عليكى فى اذنك .. فتسلمى له كل شىء و تؤمنى بقوته الخارقة فى خلق السعادة و غرسها إلى روحك.
أنتى مع من تحبين ملكة متوجة و أميرة عاشقة من السهل أن تتنازلى عن تاج عرشك و تناديه بسيدى فى مقابل أن ترى صورتك لامعة فى ضوء عينيه .. أحضان الأيادى ليس عليها قيود و لم تعد لأى كلمة وجود ، فالأصابع تتكلم بلا أصوات و أنتى تشعرى بكلامها و تردى عليها بضمها و تتمنى فقط أن ترسل أصابعك إحساسها فى أقل من ثوانى .. أوقات كثيرة كثيرة و أيام و ساعات تمر عليكى و كأنها لحظات .. فحبه يسرق منك الحياة و أنتى تهنئينه على سرقته للحياة .. بل و ربما تتمنى أن تنتهى الحياة لحظة فراقه لتعود من جديد عندما تلتقين به .. كلمات تردديها لأول مرة لا تعرفى لها لغة و لا منشأ فهى لغة القلب و منشئها الحب و أنتى تكررى كل يوم معانيها دون أن تخططى لذلك فيتقبلها و كأنه أعلم منك بلغة قلبك و يستكمل ما تنسينه فى حديثك لتفاجئى بأنه هو من أوجد بداخلك هذه الكلمات .. فتتأكدى وقتها بأن ما تشعرين به هو "الحب الحقيقى" و لكن للأسف سينتهى كل شىء بمجرد إنتهاء الحلم و إستيقاظك من النوم .. فلا تحاولى أن تبحثى عن هذا الحب فى الحقيقة فلن تجديه سوى فى الأحلام!

بقلم أميرة فودة

مش عارفه والله اقول لان الكلام اد ايه جميييييييل وحقيقى اوى
واللى مر بالاحساس ده فعلا حس كل كلمه مكتوبه قبل ما يقراها
حساس جميل بيحسسك براحة غير عادية .. دنيا تانية ما حدش بيتمنى فيها حرية .. بالعكس سجن الحب بيكون أحلى بكتير من حرية الشرود فى لا شىء .. إحساس غريب بأن كل الناس حواليكى مجرد كائنات وهمية .. شخص واحد بس هو اللى حقيقى .. هو كل الحياة و كل الكائنات و كل الدنيا
ساعتها الحب يتملك القلب ويكون مفيش مهرب منه واد ايه ده احساس جميل بالراحه والامان والصفاء مهما كنت فى مشاكل
قلبك ساعتها تحسه صافى مفيش مكان فيه لزعل او غضب مفيش غير الفرحه و الراحه( زى ما يكون بقا ليك قلب جديد خالى من الهموم والمشاكل)

فحبه يسرق منك الحياة و أنتى تهنئينه على سرقته للحياة .. بل و ربما تتمنى أن تنتهى الحياة لحظة فراقه لتعود من جديد عندما تلتقين به .. كلمات تردديها لأول مرة لا تعرفى لها لغة و لا منشأ فهى لغة القلب و منشئها الحب و أنتى تكررى كل يوم معانيها دون أن تخططى لذلك فيتقبلها و كأنه أعلم منك بلغة قلبك و يستكمل ما تنسينه فى حديثك لتفاجئى بأنه هو من أوجد بداخلك هذه الكلمات
ده حقيقى لدرجه قاتله بس هو انت ممكن تحب حد متعرفش عنه كتير ؟؟ يعنى مجرد انك حسيت انه فيه كل الصفات اللى انت اتمنيتها
من غير ما تتعامل معاه يعنى مش تعرف مميزاته ولا حتى عيوبه وهم ده ولا حقيقه؟؟
ولو وهم ازاى تتخلص منه ؟ ؟ يعنى انت مش تعرف عيوبه ازاى تقنع نفسك انك تنساه؟؟
( سينتهى كل شىء بمجرد إنتهاء الحلم و إستيقاظك من النوم ) طيب ده يبقى وهم ولا حب مش مكتوب ليه النجاح؟؟

فلا تحاولى أن تبحثى عن هذا الحب فى الحقيقة فلن تجديه سوى فى الأحلام!
انا شايفه ان فيه حب حقيقى بس مش كتير يعنى مش شرط كل الناس تقابله
ممكن انا اعيش واموت من غير ما اقابله لانه الحب قدر واولا واخيرا نصيب ( هوحد عارف ايه قدره)

بجد موضوع رائع و يا ريت اعرف اجابه لتساؤلاتى

ما هو انت بتحبه وبعدين بتعرف عنه الكتير ده.............بس اكيد مش حتحبه غير لما تقرب منه وتبقى انت هو


ازاي فيه كل الصفات اللي انت اتمنتها ومعرفتش مميزاته؟؟هو مش المفروض الصفات دي حاجة كويسة لقيتها فيه!!!!!!!

طبعا مفيش حد بيحب وهو ناوي يتخلص من حبه ده.........ولاقى في الشخص اللي اختاره كل حاجة عاوزها

(حبيته لما انا شفت عيوبه ومفيش اجمل من كده) ولا ايه............

من الاخر اللي يتردد في حبه ويقارن ويشك كده يبقى بيوهم نفسه بالحب