النت فااااااااااااااصل ...النت فاااااااااااااااااصل

الساعه:9 ونص صباحا





المكان:قدام الكمبيوتر





الحدث:...النت فاصل







6







3







7







22





0







تيت تيت تيت تيت



redail



تيت تيت تيت تيت



redail


تيـــــــــــــــــــــــــــــــــــــــــــــــــت









الو





ايوه ..السلام عليكم





وعليكم السلام ورحمه الله وبركاته...أأمر يا فندم





لو سمحت النت فاصل





فين بالظبط يا فندم؟؟؟





في (تييييييييييييت) يعني مش لازم البشر كلها تعرف انا ساكن فين





اييه ؟؟؟ مش معقول!! ازاي يا فندم ده مفيش ولا شكوي جاتلنا النهارده من (تييييييييت)..اكيد العطل من عند حضرتك





لا يا سيدي الجهاز زي الفل والحمد لله ولسه منزل ويندوز جديد بناء علي فتواكم من فتره بأن النت مش شغال بسبب نسخه الويندوز





لالالالا يا فندم الويندوز ملوش دعوه



ملوش دعوه ازاي امال مين اللي قالي نزل ويندوز جديد



ماتاخدش في بالك خليك بس معايا...ولا اقولك ثواني من فضلك



...يا أحمد يا أحمد قول يبني لحماده بتاع القهوه يجيبلي الشاي مظبوط...اه والنبي وخليه يجيب السكر لوحده...تشكر يا حبي ,,,,معاك يا فندم



ولية متستني اما حمادة يجبلك السحلب



هاهاهاها انا اسف يا فندم ...حضرتك دلوقتي شايف شاشتين الكمبيوتر اللي تحت في الديسك توب؟؟



اه شايفهم وقبل ماتكمل وعملت ديس ايبل وانيبل تاني وبرضه مفيش حاجه حصلت



لالالا بس اعملهم تاني



حاااااااااااضر اهو عملتهم...برضه مبيديش اي ارقام



طيب افتح البروبيرتس واكتب الايبيهات دي وشوف كده



حاضر ...واديني كتبت الايبيهات



ها يا فندم وصل النت؟؟؟



لاء برضه مفيش حاجه





طيب حضرتك رستر بقي الجهاز وان شاء الله النت هييجي



يااستاذ منا مرستره سبعتاشر مره وماحصلش حاجه



لالالا رستر بس وماتخافش ان شاء الله هييجي ولو مجاش اتصل تاني واحنا في الخدمه



طيب لما نشوف







Redail



تيت تيت تيت تيت





6375220 ...تيـــــــــــــــــــت



تيــــــــــــــــــــــــــــت



تيــــــــــــــــــــــــــــــت



تيـــــــــــــــــــــــــــــــت


(وحياة امي مانا سايبك )





Redail





تيـــــــــــــــــــــــــــــت





الو..السلام عليكم..أأمر يا فندم



ايه يا استاذ انتوا فين انا برن بقالي ساعه ومحدش بيرد





اه اه معلش ماكناش سامعين التليفون



اها طيب انا اللي كنت معاك من شويه.



اه اهلا يا فندم ها ياتري النت رجع؟؟



لاء اصل انا متصل بيك اطمن اشوف حمادة جاب الينسون ولا لسة


هاهاهاهاها


كده يا فندم يبقي في عطل في السيرفر هنبعت لحضرتك حد يصلحه حالا



طيب الحالا ده امتي يعني انتوا كل مره بتقولوا كده وبييجوا بعدها بيومين تلاته




لالالالا خلاص جي لحضرتك حالا اهو



طيب الف شكر واسفين عالازعاج



لا يا فندم احنا في الخدمه

الساعه: 6:30 مساءا



المكان:برضه قدام الكمبيوتر



الحدث:النت لسه فاصل









الو







ايوه أأمر يا فندم



ايوه ايه بس النت لسه فاصل ومحدش جه يعني



مين معايا طيب



انا اللي متصل بيك وقلتلي محمد هيجيلك






اااااااااااااااااه اه..اصل هو جه بس طلع ان العطل مش في الروتر ده في سويتش من السويتشات





طيب وانا مالي بكل ده انا اللي ليا اني من صباحيه ربنا مستني النت ييجي ومجاش وانت قلت انه هيصلحه ولا جه ولا اتنيل





يا فندم ليه العصبيه دي بس الموضوع مش مستاهل



لاء مستاهل ..انت مادام مش هتصلح النت دلوقتي يبقي لزومة اية الاشتغالات والحركات دي ؟؟


ماعاش ولا كان اللي يضحك علي حضرتك ...الموضوع كله بس ان في سلك في حدود البلد اتشبك مع سلك تاني عملوا قفله فعمل انيفيزيبل في البرفيكشن في..في ... في ....




لا يا راجل



المشكله ان النت فاصل عند الكل مش حضرتك بس والمشكله عامه





بيني وبين نفسي: الله يحرقك ويحرق النت





طيب يعني النت هيرجع امتي



ان شاء الله النهارده هيكون النت شغال عند حضرتك





طيب السلام عليكم



وعليكم السلام ورحمه الله وبركاته


وهي دي معاناتي مع النت لغاية لما كرهت النت


ياتري انا لواحدي الي كدة ولا في حد بيحصلة كدة زيي ؟؟

وياتري بتعمل اية لما يكون النت فاصل ؟؟


يالا سلاام

اهلا يا فندم ها ياتري النت رجع؟؟



لاء اصل انا متصل بيك اطمن اشوف حمادة جاب الينسون ولا لسة


هههههههههههههههههههههههههه
جامده اوى دى.

الاول الموضوع جامد بجد ورجعنى لايام المعاناه بتاعه النت
ثانيا انا عشت اشهر معاناهمع بتوع النت دول واستمرت اكتر من شهر
الاول كنت مشتركه مع مجموعه فى الشارع على شبكه واحده
وكل شويه خناقات على الدون لود ونقطع على بعض لان احنا كان عندنا الروتر وواحد تانى عنه السويتش...غتاته بنقسم التركه علشان يبقى كل واحد روحه فى ايد التانى
المهم قرفنا من بعض وسيبنا بعض وكل واحد غير لخط لوحده
واشتركت مع tedata بتوع يا كرييييييييييم والدنيا تجيلك لحد عندك
وبدانا سلسله المعاناه النت فاصل طول النهار وبيجى باليل بس كانه شغال على شبكه مياه
ونتصل يقوللنا فيه ضغط على الشبكه...كانها الكوبانيه مش كابلات ولا حاجه
والمعامله زى الزفت طبعا
غيرنا بقى لبتوع لينك....الاعلانات بتاعتهم كانت شغاله ليل ونهار...انت يالينك ياللى هناك تعالى
رحت طبعا...وياريت ما رحت
اكتر من اسبوعين الخدمه فى التركيب والتظبيط ...ياراجل؟
والنت كمان فصل فى موضوع الكابلات الشهيره استنينا طبعا
بس بعد ما النت رجع...رجع فى مصر كلها الا بتوع لينك الكابل بتاعهم لسه ماوصلش
اشتغالات طبعا.............
وفى الاخر روحنا سحبنا الاشتراك ورجعنا نبوس ايد بتوع tedata على اساس اللى تعرفه احسن
بس الخدمه جت بس ربده فى مشكله الضغط دايما ليه ما اعرفش وفى عز الدوان لود يقطع واخبط راسك فى الحيطه
والله النت ده دخل مصر علشان يزود الضغط والسكر
طولت عليكم بس قولت لازم احكى اللى حصلى

فى حاجة اسمها ((سيرفر)) يا جماعة بيتركب على الراوتر الرئيسى
دا بيعمل ايه بقى ..
بيقسم السرعه بحيث ان اللى بيعمل دون لود النت بيتقل شوية عنده هو بس
بس السرعة منتظمة لكن مش بيتقلله عند حد تانى
وغير كده
مفيش حاجة اسمها (نت كت) ولا النت يفصل وانت قاعد ولا حد ياخد (الاى بى) بتاعك لان مفيش اى بى اصلا..
فى( لوج ان ) و( باس ورد) لكل جهاز..من غيره متعرفش تدخل نت
دا غير بقى اهم حاجة ان البنج لا يمكن يعلى عن 200 او 300 مهما كان الدون لود واقدر اعمل داون لود فى اى وقت من غير ما اعكنن على حد..
الحقيقة الحكاية دى عندى دلوقتى وبجد مريحانى جدا وجامدة اخر حاجة..
توبيك حلو يا بيوتى وبيفكرنى بالذى مضى ..تسلمى يا قمر

دنا اللى هنجت