عايشوا ايامكم

[center]احب فى الاول اعرفكم بنفسى انا بنوتة متخرجة 2007
عاوزة اقول لكم بالرغم انى كنت بدعى ايام الكلية انى اخلص الكلية دى بفارغ الصبر
الا انى بتمنى ارجع فيها تانى وابدا فيها تانى من جديد من سنة اولى
بجد انا مشتاقة كل حاجة فيها كل ركن فى الكلية دى ليا ذكرى حلوة فيها
حتى الجدران كنا كاتبين انا وزمايلى عليها بجد احلى ايام العمر
لما تتخرجوا غصب عنكم كل واحد هايعيش حياتة بعيد عن زميلة وكل واحدة بعيد عن زمايلتها
هى الحياة كدة واللى يقول غير كدة يبقى كداب
على فكرة انا اشتغلت فى شركات ادوية بجد الدنيا مش لذيذة فيها خالص
للاسف مع انى كنت شاطرة فى شغلى جدا الا انى مقدرتش اكمل فيه
لانى مش من النوع اللى بيعرف يكدب او ينافق
الكدب والنفاق دى ا ب دعاية
اتمنى بجد انكوا تعيشوا ايامكم بتعبها بسهرها بكل حاجة مش عجباكم فيها
بجد واللة كانت احلى ايام واللى مش هيعيش ايام الكلية
بجد هاتفوتة احلى فترة فى حياتة

ربنا يوفقكم جميعا[u]

والله معااااكي حق يا فيتا
ايام الكليه دي بتبقي احلي ايام
رغم ان الواحد اندفن بالحياة و قضا احلي فتره في حياته في مدرسه ابتدائي
بس برضه مهما كان انا عن نفسي هاحن للمدرسه دي و هاجي ازورها كتييير اول ما اخد افراج انشاء الله
وهابقي زعلان جدا و انا بسيبها و بسيب زمايلي واصحابي
و بالنسبه لموضوع شركات الادويه
هوا فعلا مبني علي النفاق و ممكن الخصهولك في معادله بسيطه
نافق اكتر و احرق اكتر= تبقي سوبر فايزر في اسرع وقت

ياسلام لو داخل شركة بواسطة يا خرابى تحس ان مكتوب عليك ممنوع الاقتراب


كوسة فى كوسة

دة لو الواسطة جامدة ممكن ياخدوك سوبر مان قصدى سوبر فيزر

هههههههههههههههههههههههههههههههههههههههه

يارب انت واسطتنا فى الدنيا ديا مالناش غيرك

الدمعة هتفر من عينى.. بس بقى هعيط والله
انا حاسة بكل دا على فكرة وخصوصا بقى ودى تحتها ميت خط
(( لمتنا )) لانى محبتهاش زى الويمين دول وحاسة انى مش قادرة استغنى عنها
وفى حاجات كتير بحبها اللى مقربنى ليها وجودنا مع بعض
وخايفة ملاقيش كل دا بعد ما نمشى
بس ارجع واقول
انى امشى واجى زيارة ارحم ميت مرة من انى اتمنى انى افضل فيها
لان ساعتها هيبقى احساس زى الزفت جربته مرة ومش عايزة اشوفه تانى..

السلام عليكم
انا خريج دفعه 2008
طبعا يوم 19/6 ده كان احسن يوم ف حايتي لن ده كان اخر يوم ليا ف الكليه دي
والحمد لله ان الواحد خلص
رغم ان الدنيا بره زي الفل واللي اشتغل ف شركات ادويه مش عجبه واللي قعد ف البيت مش عجبه واللي اشتغل ف صيديله او فيلد برده مش عجبه
ودي طبيعيه اي انسان
فانا نصيحتي ان محدش يسمع كلام حد وكله يطلع ويجرب كل المجالات وميتعلقشي بكلام حد
لان التجربه خير دليل
بس انا رغم اللي شايفا ف مجال شركات الادويه واسلوب المجال ده
اللا ان اي حاجه اهون عليا من ايام الكليه الكئيبه دي
اشوفكم علي خير
سلام