حوار بين شاب وحماته وخطيبته

حوار طبيعى بين شاب وخطيبته وحماته ويبدو والله اعلم ان محدش من التلاتة طايق التانى تعالوا نشوف بيقولوا ايه لبعض وفى سرهم بيقولوا ايه :
الحوار بدأ لما الشاب ذهب في زياره لخطيبته وعندما بدأ الحوار مع خطيبته : بحبك
(يا بااااااي)

وانا كمان
(داهيه تاخدك)

من اخر مره وانا بافكر فيكي
(يارب تغوري من وشي)

يا حبيبي وانا كمان ما بطلتش تفكير فيك
(الهي اصبح الصبح الاقيك متنيل يعيد عني)

امال فين حماتي مش شايفها يعني
(الحربايه الكبيره)

موجوده اندهها لك
(علشان تسم بدنك)

اه طبعا يا حبيبتي وانا اقدر استغني
(يارب تتكعبل في السجاده وهي جايه)

ماما تعالي كلمي
(علي الله تقولك حاجه ترفع لك الضغط)

اهلا يا حماتي ازيك
(الهي ما تكوني بخير)

اهلا يا خطيب بنتي
(بلا نيله)

عندي ليكو خبر حلو انا لقيت شقه
(الهي ما توعوا انتي وبنتك تشوفوها)

الف مبروك يا حبيبي
(ياما جاب الغراب لامه)

حنروح نشوفها بكره ايه رايك يا حبيبتي
(علي الله تتكعوري عالسلم وانتي طالعه)

وماله طبعا لازم نشوفها
(اكيد قد الحق وفي منطقه معفنه)

علي فكره يا حماتي
(جتك حمه)

ايه يا خطيب بنتي
(خطيب الشوم والندامه)

انا كنت عاوز اقابل عمي علشان كتب الكتاب
(عمي قال عمي قال ده انتي اللي عمي)

وماله يابني بس مش لسه بدري
(جتك نيله مستعجل علي ايه)

ما هو خلاص يا حماتي احنا قربنا
(يا ريت ترفض علشان افركش ام الجوازه دي)

طيب يابني لما يجي عمك حاقوله
(جتك نيله علشان نستريح من زيارتك الغلسه)

طيب يا حماتي انا حامشي دلوقتي
(افففففف انا اتخنقت من الوليه دي)

ماهو لسه بدري
(في ستين داهيه)

باي يا حبيبتي
(حبك برص)

مع السلامه يا حبيبي
(البلد اللي تودي)

كلميني في التليفون
(يا رب يقطعوا الحراره)

اكيد يا حبيبي
(غور بقي)

ههههههههههههههههههههههههههه
حلو اوى بس نفسى اعرف
ايه اللى غصبه وغصبها ع الجوازة المنيلة دى..
انا لو منهم افشكلها والله
واقول فى سرى..زى عادل امام..

((الجوازة باظت.. الجوازة باظت..)))

هههههههههههههههههههه
تسلمى ياويجا بجد ردك زى العسل(ولا عسل ولاحاجه)
هههههههه عندك يا جوجا هو اكيد فيه سر ف الجوازة هو ممكن يكون ماضى ع كمبيلات ولا يمكن يكون بيصلح غلطته ههههههههههههههههه تسلمى ياجوجا ع المرور نورتى التوبيك
تسلم يادكتور كيمو ويارب يكون الموضوع عاجبك ونورت التوبيك
وانا برضه يافراولتى ده انتى اللى ف الكل تسلمى ياقمر ع المرور ويارب الضحكه ماتفارق شفايفكم يارب ونورتووووووووووا

ههههههههههههههههههه
وعقبالك كده يارب يافرح بس سعتها انا هقوم بالجزمه عليكم انتم التلاته
وهفركش الجوازه دى
تسلمى لمرور ياقمر

هههههههههههههههههههههههههههههههههههههههههههه
بجد جامد جدا يا بيووووتي
انا عنيا دمعت من الضحك و انا بقراه
واضح فعلا انهم واخدين بعض عن حب
نايس توبك بجد

ههههههههههههههههههههههه
تسلم يادكتور ميكو ربنا يخليك ياباشا
وكويس انه عجب حضرتك شفت حب حب يعنى مش هزار
نورت التوبيك يادكتور

هههههههههههههههههههههههههه
ازمه ليه هى ازمه اقتصاديه ولا ايه
هههههههههههههه بجد ردك زى العسل يا ريماس
تسلمى ياقمر ونورتى التوبيك هو ممكن يكون فيه ازمه وانا معرفش