امتي تعرف انك بتحب؟؟؟؟؟؟؟؟

عضو ممتاز

الحبّ... امتى تعرف انك وقعت فى الحب؟
على عكس ما يُشاع بأن الحب يبدأ من أول نظرة، أظهرت دراسة أن العلاقة الغرامية الحقيقية لا تبدأ قبل عام على الأقل من التقاء الشاب بالفتاة. وقال باحثون في جامعة إن الحبيبين لا يصلان إلى درجة التوازن المطلوبة في علاقتهما من حيث ولع الواحد بالآخر، وهو الحب الحقيقي إلا بعد عام على التقائهما.

يلا يا جماعه كل واحد يقول رايه في الموضوع ده وبكل صراحه

عضو ممتاز

انا فعلا لا اؤمن بالحب من اول نظرة ده

لازم الواحد ع الاقل يتكلم مع الشخصيه دى

وبعدين يبدأ الاعجاب فالواحد يتشد للشخصيه

وبعدين يبدأ الاهتمام اللى هو اول مراحل الحب

ومش متهيالى ان ده لازم فى فترة معينه يعنى سنه مش شرط خالص

حسب التساهيل بقى.....

عضو ممتاز

هو الموضوع حلو يافراوله

بس الحب من اول نظره ده مش بيبقى اسمه حب وهو لما الانسان يشوف حد ويبقى بالنفس التصرفات او ع الاقلل نفس الاستايل اللى هو عايزاه يبقى اسمه اعجاب لان الحب مش بيتعرف كده لانه لازم يتعرف ع الشخصيه دى الاول

وفعلا لما تحبى بجد اللى هو اللى حب اللى تضحيه فيه بكل حياتك غير بعد سنه فعلا

بجد تسلمى ع الموضوع الهايل ده منتظرين المزييييييد

عضو ممتاز

الموضوع جميل جدا
بس الحب من اول نظرة ........ ده يبقى اسمه عبط ........ يبقى اسمى بصراحة بحب شكل
ممكن الشكل يبقى جميل بس الجوهر وحش اوى
وممكن يبقى الشكل مش حلو اوى بس الجوهر جميللللللللل جدا

المهم الحب بيجى مع الوقت و التعامل وفهم الاشخاص بعضهم

عضو ممتاز

تعرف انك بتحب....

عندما تحس بإحساس غريب وعميق ودافئ تجاه هذا الشخص

عندما ترى أو تتذكر هذا الشخص يزداد خفقان قلبك

عندما تشعر بإضطرابات داخليه وإحساس ممتع غير موصوف

عندما لا تشعر بالوقت ، عندما تستمتع بأحلام اليقظة

عندما تفكر بذلك الإنسان قبل التفكير بذاتك

عندما تنظر إليه نظرة طاهره بعيده عن أى غرائز دونيه أو نزوات شهوانيه

عندما تشعر أنك أخف وزناً من الهواء وأكثر عمقاً من المحيط وأقوى من الجبال وأنقى من البياض

عندما تشعر أن ذاتك العاطفيه مشبعه تماماً

عندما تنظر الى أى جنس وترى أنهم كلهم سواسيه ، سوى من تحب

حينما تصبح ترى القمر عندما تنظر اليه بنفس الصوره التى يراها هوا

حينما تبكى عند الفراق ، وتعيش على أمل لقاء ثانى

حين ترى أو تسمع أوتشم أى شئ جميل ويطرأ إلى ذهنك من تحب

حينما تبكي .. وتبكى .. وتبكى وحيداً وبعيداً ، عند فقده

وتبقى طول عمرك على ذكراه فلا تستطيع أن تكرهه أو تبعده أو تنساه

حين تعيش حياة الآخرين وأنت سجين عالمك من الحزن والبكاء والشقاء

عندما تتوارى .. وتتوارى حزيناً صغيراً كسيراً

إذا كانت هذه الجمل تنطبق عليك فانت حتماً مصاب بمرض الحب

فإعلم أنك قد أحببت بصدق

امتي تعرف انك بتحب؟؟؟؟؟؟؟؟ %20القمر

22,2,6,2...........28,25,28,3,13,6,27\28.27.1

عضو ممتاز

عضو ممتاز

أولا الحب من أول نظرة مش معناه ان أول متبصى للشخص اللى أدامك تحبيه على طول بس المقصود بالكلمة ديه ان فيه شخص أول متبصيله تحسى من ناحيته باحساس غريب وتحسى انك مرتحاله اى نعم بتقولى لنفسك انك محبتهوش وانك اول مرة تشوفيه بس دايما بتفكرى فيه بتهتمى بنظراته وبتهتمى بطريقة كلامه معاكى وتبقى حساسة من أى كلمة بيقولها وليه قالها وقصده ايه بيها ولكن ده بيقلب لحب بعد كده وبتقولى حب من اول نظرة كناية عن انكم اول ما اتقابلتوا ارتحتوا لبعض أنا شايفة ان ده معناها

لكن لو معناها أول ما تبصى لحد تحبيه يبقى فعلا عبط

وشكرا على الموضوع

عضو ممتاز

بس نفسى اسئل سؤال موجه للشباب

ليه معظم الشباب بيقولوا الارتباط حاجه و الجواز حاجة تانية خالص مع انى شايفة ان الإتنين واحد لأن الإرتباط المفروض ان نهايته الجواز

وأفضل ان اللى يجاوب على السؤال ده يكون شاب

عضو ممتاز

ايه الكلام الجامد ده ياريماس مكنتش اعرف عنك خالص

لينا كلام مع بعض قريب بس لما اجيلك

ليلتك.................

نائب المدير العام

والله ما حد فيكوا عرف يقول اللى جوايا زى ريماس
جدعة يا بنتى والله
يا بنى ادمين فى حاجة اسمها (كيمياء)
ولكيميا دى تفاعل بيحصل من اول مرة تشوفى فيها نصك التانى
وصحيح مش بتعرف انك بتحب من اول مرة انما بيبقى فى حاجة حصلت ومحدش عارف هى ايه
الحاجة دى هى اللى بتخليك تفكر فى اللى انت شفته دا وبتتمنى تشوفه تانى
دا معنى الحب من اول نظرة ,,

انما فى حب تانى اللى هو مع الوقت والعشرة والتفاهم ودا برده حب طبعا منقدرش ننكر ...

والله انا حاسة انى فى برنامج الاستاذ اسامة منير اللى كان بيجيى باليل دا..

وفى نهاية البرنامج احب اسمع اغنية (حب ايه اللى انت جى تقول عليه)

عضو ممتاز

اولا نايس توبك يا دكتوره
ثانيا هاجاوب علي سؤال ريماس
مين قال ان الشباب بيقولو ان الارتباط حاجه والجواز حاجه تانيه؟
انا عن نفسي عمري ما هارتبط بواحده الا لو كنت بحبها فعلا
لان دي هاتفضل معايا طول العمر
يكفي اني هاخترها من وسط كل بنات حوا!! فلا لازم اكون فعلا بحبها وبمووت فيها كمان Laughing

انما الشباب الي بيفكروا زي ما انتي بتقولي
بيبقوا داخلين يتسلوا وساعه الجد يقولك ده حاجه و ده حاجه

نائب المدير العام

صح معاك حق يا دكتور وفعلا فى ناس محترمة وتفكيرها سليم فى النقظة دى ومش كل الناس وحشة وبتتسلى ..
وعلى فكرة بيبان الوحش من الكويس وربنا يهدى الكل

عضو ممتاز

ميرسى يا برنسيس جوجو على ردك التشجيعى ده جدا وأنا كمان شايفة ان انتى حلوة زيادة
أما بالنسبة لفرح اذا كان كلامى جامد فا مش أجمد من كلامك ياجميل ولينا كلام بس تعالى انتى وملكيش دعوة

نائب المدير العام

ميرسى يا عسل دانتى اللى سكر والله
وعلى فكرة عايزة اشوفك والله بس نخلص امتحانات وتيجوا يوم ..

عضو فعال

من وجهه نظري انك تجاهلت لغة العيون ودى ابلغ بكتييير من اى كلام

عضو ممتاز

موضوع يستاهل الكلام فى فعلا يا فراولة

بس كنت عايز اعرف رايك الشخصى الاول انتى مقتنعة بالكلام بتاع العلماء ولا ليكى راى تانى ؟

اما عن رائى فاانا مش هزود عن كلام سادمان وكلمة البرنسيس (كيميا ) انا معاهم تماما
ومؤمن بالكهربا اللى بتحصل من اول لقاء وبتكون مجال مغناطيسى بيخلى الواحد يتشد للشخص اللى اتكهرب عنده اول مرة من غير تفسسسسسسسسسسسسير

وردا على سؤال ريماس

فاصوابعك مش زاى بعضها
فى شباب زاى ميكو هى وحدة حب واعجاب وعشرة وحياة حلوة طويلة من الاول للاخر عشان كدا هو بيركز وهو بيختار شوية وبيتاكد من احساسه ابل اى حاجة

فى شباب تانى واخد الموضوع روشنة قشطة يعنى عامل فلانتينو وديما تلاقيه بيطنطط وسط اصحابه اللى زايه انه مرتبط بوحدة دا بيكون مؤمن بحاجة وحدة بان البنت اللى ترضى تكلمه
وترتبط بيه كدا دىبنت مش تمام ومينفعش انه يتجوزها

وفى نوع من الشباب بيشوف انه لسه بدرى على الجواز (بمزاجه او مجبر) ودا ممكن يكون تفكيره حاجة من اتنين
ياامابيرفض الارتباط بالبنات تمام ودا النوع اللى بيربط بين الارتباط والجواز
ويا اما بيقول يالا وفيها ايه خلينا مع بعض اهو شغل فراغ عاطفى وخلاص

عضو ممتاز

أنا عارفة ان صوابعى مش زى بعضها بس غالبية الشباب متربطش ما بين الارتباط و الجواز زى اما انت بتقول كده معظمهم بيفتكروا البنت اللى ترضى تكلمه تبقى مش تمام ومينفعش يتجوزها
طيب ممكن يفهمها ده من الأول أحسن متتوهم انه بيحبها يا عينى لكن هو بيفضل يكدب عليها لحد ما يجبها الأرض وعلى فكرة أنا مبقولش ان الغلط على الشباب بس لأ كمان على البنات اللى بيصدقوهم

أنا عموما مبآمنش بموضوع الارتباط ده تمام بحس انه غلط او مجرد هزار او تسلية
الإرتباط الحقيقى هو الخطوبة ويبقى قدام كل الناس ولا انت ايه رأيك يا دكتور

عضو ممتاز

ميرسي لكل اللي ردوا او مرو علي الموضوع

ومكنتش متوقعه ان الموضوع يثير الضجه دى؟؟؟؟

عضو ممتاز

اما عن راي الشخصي يا dr.keemoo

بشوف ان الحب ده حاجه كبييره وحلوة ويستحق انك تستني شهر واتنين وتلاته وسنه

عشان تتاكد من جواك انك فعلا مش ممكن يكون احساسك ده غلط

وفعلا الحب ده غريب جدا لانه بيجي في اي وقت ومع شخص مش متوقع يعني مش بيكون اختياري

لما يكون جي بعد تفكير عميق واقتناع من الشاب بالذات بيبقي احلي حاجه في الدنيا

لان البنت مهما فكرت عمرها ما هتروح تتكلم ولازم الشاب ياخد الخطوه الاولي

وفي الاخر اتمنالكم السعاده في الحب كلكم

عضو ممتاز

مفيش شك طبعا ياريماس ان الخطوبة هى الارتباط الحقيقى وهى الوضع الصح

لكن ممكن تكون الخطوبة بردوا مجرد هزار لما الشاب ياخد الموضوع على انه تجربة كان بها اوك مكنش مشهيخسر حاجة وبالتالى الاساس فى الموضوع كله هو الجدية سوا من الشاب او من الفتاة يعنى يكون الاتنين مقدرين يعنى ايه ارتباط

وبالتالى ممكن يكون فى ارتباط بشكل جدى يسبق الخطوبة ودا مش وحش

زاى بالظبط لما تكونى مسافرة من مكان لمكان وفى طريقين واحد طويل شوية بس فى طرق فرعية ممكن ترجعى منها لما تحسى انك مشية غلط والتانى اقصر واوضح بس لو بداتى فيه لازم تنهيه وبالتالى لو حسيتى انك غلطانة فى الطريق هيكون الندم على الغلط كتير

يعنى لما يكون فى ارتباط جدى دا هيديكى فرصة تتاكدى ان هو دا الاختيار الصح وبالتالى ممكن يتحول الموضوع لخطوبة وبعدين جواز

اما لو خطوبة على طول ممكن تكتشفى بسرعة ان مش دا الاختيار الموفق وبالتالى فركش بسرعة جدا ودا مش حلو
فى نفس الوقت حتة( شهر واتنين وتلاته وسنه ) اللى بتقول عليها فراولة مش عارف مستكترها شوية لان ممكن فى اخرها لو اكتشفتى انه حب حقيقى وصارحتى اللى بتحبيه بيه ممكن يعترب سكوت كل الفترة دى نوع من انواع الخيانه لانه ممكن يكون بيتعامل معاكى فى الفترة دى باسلوب تانى

عضو ممتاز

انت عندك حق بس انا لما قولت ان الخطوبة هى الارتباط الحقيقى ده كان على اساس حاجات
كتير بشوفها وبسمعها لكن اكيد البنت مبتوافقش على الشاب الا بعد تحريات كتير وطبعا مش انا اللى هقولك انت عارف التحريات بتبقى بيشتغل ايه ومرتبه كام وعنده شقه وأخلاقه كويسة ولا لأ كل ده وبعدين لو فى ما بينهم توافق بيتجوزوا لو مفيش كل واحد بيروح لحاله
واظن الحاجات اللى هى التحريات دى مفيهاش كذب واظن اللى عنده ولو جزء من الحاجات يبقى مش جاى واخد الموضوع مش بجد وبعدين فعلا فيه ناس كتير كانوا مرتبطين واتجوزوا فعلا بس كمان دى وجهة نظرى من ناحية الارتباط ومش قادة اغيرها وانا شايفة انك مؤمن بالارتباط وعلى العموم دى وجهة نظرك وأنا بحترمها فى الأول وفى الا خر

عضو نشيط

الموضوع جميل جدا وعجبني قوي
بس فيه ردود بهرتني وردود تانية صدمتني

بالنسبة للموضوع مبدأيا
الحب من أول نظرة موجود
وحقيقة وماحدش يقولي طب وعلماء
كانوا حلوا مشاكل كتيرة
تقولي ايه في بني ادم شاف واحدة ومن أول لما شافها اتعلق بيها ومابقاش شايف غيرها قدامة
صاحي بيفكر فيها ونايم بيفكر فيها ويقعد بعد مايشوفها سنة كاملة مايشوفهاش
وبرضة نايم يحلم بيها قايم بيحلم بيها

تقدري تقوليلي ان المرة اللي شافوا بعض فيها
ماحصلش حاجة
لا حبها ولا حاجة
امال السنة اللي قعدها ومستنيها دي من غير حتي مايعرف عنها اي حاجة ولا حتي اسمها
هوة استني سنة كاملة علشان ماقدرش ينسي عنيها بس

الحب من أول نظرة موجود كون انكم مش مؤمنين بيه
دي حاجة تانية خالص

» اعرف بتحب حبيبك ولا لا؟
» هاتعرف ازاي انك بتحب
» ازاى تعرف ان جهازك مخترق؟؟؟؟؟؟؟؟؟؟
» هل تعرف موبايلك اصلى ولا تقليد؟
» أزاى تعرف شخصيتك من بسكوت بوريو ؟؟؟