...::: الصدفه :::...

80 بس لا حاجه بسيطه اوى
نظره ثاقبه تفرتك الورق وتخلصيهم علطول

بس يا جماعه احنا لسه فى موضوع الخوف ده لسه ماخلصش لسه
ده موضوع كبيييييييير اوى مش يخلص كده يعنى
فى نوع من الخوف هتكلم عنه باختصار كده انا اصلا مليش فى موضوع الكتابه ده
فهقول اللى عيزاه وانتوا بقى ابقوا تعالوا ا.... انتوا ما بتجوش ليه
.
.
.
.
.
.
.المهم بقى



ممكن تخاف من حاجه او صفه لدرجه انك توصل للضد وتتمسك بيه
زى مثلا انك تكون خيالى اوى زياده عن اللزوم والسبب فى ده انك تكون خااااااايف اوى تكبر وتكون
زى الناس التانيه تعيش فى واقعيه علطول وتمحى حاجه اسمها الخيال من دنيتك
والحياه من غير خيال وحشه اوى بجد فاتلاقى نفسك متمسك اوى بالخيال عايش فيه علطول
وعارف ان ده غلط بس خايف تدخل دوامه الواقعيه الشديده اللى دخلها كتير قبلك وفقدوا استمتاعهم بالحياه
اه هم غلط وانت عارف انك انت كمان غلط بس مش عارف توازن بينهم
يعنى شايف انك يا هتكون واقعى اوى وتكون حياتك صعبه مش سعيده مفيهاش لحظات خيال ...
جنون كل حاجه محسوبه اوى زياده عن اللزوم جد اوى لدرجه مش محتمله
او تكون خيالى علطول واكيييييييييييد ساعتها هتخسر هتخسر ما فيهاش كلام يعنى
يعنى انت من الاخر كده كده مهزوم
انا عارفه انه هروب بردوا من كتير من العقبات والمشاكل اللى هتقابلك
بتهرب منها بالخيال
عشان كده اللى هيدخل يقولى ان الخيال ده هروب
ومش هيقول الحل ....هقتله بجد بقى
يعنى عايزه اعرف ازاى نمحى الخوف ده
كتير اوى مننا محتاج اجابه لسؤال زى ده
عشان يطلع بره دوامه الخوف دى ويعمل لنفسه
دنيا جديده مافيهاش خوف ولا هروب

مش هناقش الكتاب بقى ؟؟

الكتاب اسمه

كتاب ملوش اسم
المؤلف اسمه احمد العسيلى
نزله واقراه



الكتاب حلو فعلا وبيناقش حاجات مهمه فعلا
ان شاء الله يعجبك
ها متنساش بقى

لو مقدرتش تضحك ...
متدمعش ... ولا تبكيش
و إن مفضلش معاك غير قلبك .. أوعي تخاف ..
مش هتموت .. هتعيش
و إن سألوك الناس عن ضي جوه عيونك ... مبيلمعش .. متخبيش
قولهم العيب مش فيّا .. ده العيب فى الضى
وأنا مش عاشق ضلمه ، ولا زعلت الضى
مسير الضي لوحده هيلمع .. ومسير الضحك لوحده هيطلع
مابيجرحش .. و لا يأذيش

طيب اوك انا موافقاك ان فى حاجات كتير معلوماتنا فيها اقل من اننا ننقاشها
وكلنا طبعا سمعنا كلنا عن عذاب القبر وتخيلنا صور كتير عن الموضوع ده انا مش عندى معلومات اكتر من اللى عندكم
لكن انت متاكد انك قريت نفس الموضوع اللى حددناه انا شكيت فى عنيا والله لو كده ابقى قولى الكلام فى صفحه ايه عشان اقراه تانى بجد
فعشان كده انا هعقب على كلامك وفى الاخر هقول اللى مكنتش مقتعه بيه فى كلامه وايه وافقته فيه وانت ابقى تعالى...... قصدى ابقى شوف الجزء ده وقول بردوا شايف ايه
بالنسبه لموضوع الخوف من الموت
مش بس بيكون خوف من عذاب القبر كمان خوف من الحساب وطبعا احنا متفقين ان الخوف من الحساب ده طبيعى عشان مفيش حد يعملى فيها لاظوغلى ويقول انا مش خايف
من الموت ... يعنى لو الصحابه نفسهم كان يخافوا الموت والحساب احنا جنبهم هنيجى ايه؟؟
اما مسئله عذاب القبر كلنا فعلا زى ما انت قولت معلوماتنا من كبيره عنه ومش كافيه للمناقشه او يمكن بعد البحث فى الموضوع ده نقدر نناقشه
يعنى كلامى نفس معنى كلامك تقريبا .



الحياه نفسها مجموعه اختبارات متركبه على بعض عشان الحياه الحقيقه



طبعا الكلام ده نظرى
واغلب الاختبارات بضعف فيها
ده عن نفسى
بس عندى امل ان ربنا يسامحنى

جميل اننا نعرف ان الدنيا هى اختبار فعلا بس نتيجته بتوقف على جهاد النفس وانك تبقى علطول فى معركه مع نفسك
نفسك اللى اكيد هتكون عايزه كل حاجه بس الروح دورها انها تروض النفس وده مفهوم جهاد النفس يعنى من وجهه نظرى
دى بردوا الخناقه اللى قال عليها العسيلى فى كتابه لان كل كلامه مهما اختلف الموضوع بيوصل لبعضه
يعنى لو حد فيها واجهه اختبار وفشل فيه اكيد طبعا هيشوف بعده كتير ولازم يكون جهاده لنفسه اكبر من المره اللى فاتت
كفايه انه يحاسب نفسه دايما ويكون عنده اراده انه يقول لا للغلط حتى لو كان كتييييييييييييير حواليه
اصله بصراحه احساس جميل اوى انك يبقى متاح ليك انك تتصرف غلط وانت تجهاد ده فى نفسك وتمنعه
ووحش اوى انك بعد ما تجربه تضعف وتعمل شئ غلط ... اكيد هيكون صعب اوى بعد ما جربت الراحه فى انك تعمل الصح
واكيد جهاد النفس ده هيكون سبب ان شاء الله ان ربنا يسامحنا

نيجى بقى للموضوع بتاع بين الحياه والموت اشياء مشتركه

موضوع قدريه الموت وسببه
انا موافقاه طبعا فى الاخذ بالاسباب واننا لو عايزين نعيش اطول الفروض نحافظ على صحتنا ... اوك ده صح تمام
بس ايه معنى سؤاله عن معنى الاجل
انه اما ان يكون اسبقيه ربنا بعلم ميعاد الموت ؟؟ او انه يكون محدد معاد الموت ؟؟
عشان كلمه اسبقيه دى مش مريحانى بصراحه بقى
وخيل الى نفس المعنى اللى كان وصلك قبل كده فى موضوع الفنان الاعظم تقريبا




موضوع الفنان الاعظم ده بالذات
فى جمله مش عجبانى فيه

اللى هيا ان ربنا لا خلق الكون والمخلوقات خلق ريشه فىريشه
وبرر كلامه ان ده من منظلق حبه فى ربنا
بس الكلام ده مينفعش نقوله
لان قدرات الله منقدرش نستوعبها ولا حتى نتخيلها

رأيك فى كلامه ده هو راى بردوا هنا

ده كان راى فى الاول يعنى بعدين قولت ان السؤالين اصلا زى بعض ( حتى لو مش ريحنى كلمه اسبقيه دى )
مهو ربنا هو اللى حدد ميعاد الموت وطبيعى يكون عالم بيه قبلنا

بس انا حاسه انه بيقول كلام كويس ويرجع يناقضه تانى بقوله ان مسئله الموت زى زاكر تنجح وان ربنا مفرضش ميعاد الموت
يعنى اقرا شويه كده اقول والله الراجل ده بيقول كلام كويس اوى اجى اكمل الاقى تناقض وبعدها يرجع تانى للراى الاول
بطريقه لخبطتنى فعلا
انا عارفه انه مفروض بيناقس احتمالات لكن اسئلته فعلا عن موضوع قدريه الموت فى فقرات كتير فى الموضوع ده مش مريحانى خالص
لو حد فهمه بطريقه تانيه يا جماعه يا ريت يقول ..يمكن انا فهمته غلط

ايه الافكار الجياشه دى هو يا ما نتكتب كل 4 سنين او كل خمس دايقايق انا هقرا موضوع الموت وافكر فيه الاول قبل ما ارد
لكل بصراحه جذبنى اوى موضوع الظلم ده وقولك ان الناس دايما شايفه نفسها صح
ازاى تحاسب حد على حاجه هو جاهل بيها مش عارفها؟؟
مهو الواحد بيحكم على اساس اللى شايفه المفروض يكون عارف ان فى جوانب تانيه فى الشئ اللى حكم فيه ده هو مش شايفها
لو مش عارف وجودها هيفتكر نفسه صح
مش مسئله انه بيحب نفسه اوى ولا بيدافع عنها اوى
بس احيانا بجد مش بنعرف نفرق بين الصح والغلط ورأى الناس اللى اكيد مش شايفين الجوانب كلها بردوا اكيد بيأثر
بس مش يمكن المظلوم ده هو بردوا مش شايف جوانب تانيه للموضوع
عشان اى خلاف فى الراى بيكون غالبا سببه نقص المعلومات
بس اى ان كان السبب
كلنا لازم نفكر فى حاجه حتى لو مش عارفين نوصل للجوانب التانيه دى
او نوصلها
نعزر ونقدر اللى قدامنا
والمبدا مش مع كل الناس على فكره مع الناس القريبه منا اللى اكيد فهمونا وعرفونا كويس
نقص المعلومات ده ممكن يفسر كتير غلط
المهم نكون عارفين اللى قدامنا كويس بجد
منعملش كده مع حد مش واثقين فيه ولا فاهمينه
لان ده يكون غلط فعلا ونهايته اكيد مش فى صالحنا
السؤال المهم مين في الطرفين بيطلم
هو مش ممكن المظلوم ده يكون ظالم وهو مش حاسس
ومش شرط الظلم ده يكون تصرف
ممكن اوى بمجرد التفكير بس
اهم حاجه الانكون واثق فى اللى قدامك ومتاكد انك حسيت الشخصيه دى صح
بعدها مش مهم اى حاجه حتى الوقت نفسه
حتى الظروف اللى حوالين اى حد فيكم واللى اكيد انتم مش عارفينها
قدرو بس يمكن يكون بعد كده فى فرصه للكلام ولو مفيش حتى
يفضل الاحترام والثقه وكل حاجه طيبه كانت موجوده وقتها
تفضل موجوده حتى لو بقت زكرى
لو حد ظلم اللى قدامه عشان هو مش عارف ظروفه ايه
طب مهو المظلوم يحتمل مش عارف ظروف الحد اللى ظلمه ده
صح ؟؟ هى من الناحيتين بردوا
بس المهم الثقه
انا دايما شايفه اننا لازم نثق فى احساسنا اكتر من كده شويه
لو انت حسيت ان اللى ظلمك ده انسان كويس فعلا وانت عرفته بجد
فكر تانى يمكن انت غلطان او اغلب الظن الطرفين اكيد غلطانين
مش عشان هم وحشين لاكن عشان نقص المعلومات
وعلى فكره موضوع حلو اوى
بس بقولكم مش تعملوا كده الا اما تكونوا واثقين فى الناس دى
انا مش مسئوله لو تنفذوا ده مع كل الناس وترجعوا تقولوا ودتونا فى داهيه بقى