~¤§ موضوع هام ومحتاج حل §¤~

المدير

بســــم اللــــه الـرحمــــن الــــرحيــــــم

أخواني أعضاء منتدانا العزيز (ان صح التعبير)

موضوعي بسيط جدا جدا على ما أرى واتمنى أن نتفاهم جميعا فيه

أنا أطلب من جميع الاعضاء الذين يملكون اسم طويل او اسم غير لائق او اسم غير مفهوم (وهو ده اللي عليه العين)

حديثي الان الى من وضعوا اسم(فيمتو) ان يغيروا هذا الاسم لإسم اخر بسيط يمكن لكل الاعضاء-ومن ضمنهم أنا- ان يتخاطبوا معه بسهولة ويسر

مثال على ذلك :

فيمتو الريس أول بأول أو فيمتو نائب النائب أو فيمتو ابو المتاحيف فيمتو سردينة سكرة سابقا)طيب ما سكرة اصلا كان كويس!!!!)
فيمتو عجلات ابو سنة ( يعني لما احب اكلمها في المنتدى اقولها يا عجلات ؟؟؟ ولا اقولها يا ابو سنة؟؟؟)
وفي مثلا فيمتو نقطر اللحمة (انا درست لحمة وماشوفتش فيها اي تقطير خالص الصراحة)

ماهي برضه حاجة تتضايق يا جماعة و اعذروني على اسلوبي بس غصب عني

المهم

اتمنى فعلا ان الناس تفهم اللي انا اقصده من الموضوع ده وانا جاهز لأي استفسار او سؤال منكم

واعرفوا يا شباب اننا دكاترة وياريت نحاول نرقى بمستوى المنتدى بتاعنا .... و طبعا كلكم عارفين ان الادمن ممكن يغير اسم اي حد بدون الرجوع إليه ...لكن ده اسلوب غلط وانا مش بحبه لاننا في الاول وفي الاخر اخوات و اصحاب وزمايل دراسة واحدة

فياريت ياريت ..لو سمحتم ...نرجع تااني زي الاول ونختار اسامينا بشكل راقي بصفتنا دكاترة

وشكرا لكل واحد هيتعاون ...

اخوكم / أفـــــــــريكــــــــانـــو

ملحوظة صغيرة: انا جبيت اعمل الموضوع بإسم الادمن لمجرد جذب الانتباه بشكل اكبر مش اكتر ولا اقل

وتقبلوا خالص احترامي

عضو ممتاز

واعرفوا يا شباب اننا دكاترة وياريت نحاول نرقى بمستوى المنتدى بتاعنا .... و طبعا كلكم عارفين ان الادمن ممكن يغير اسم اي حد بدون الرجوع إليه ...لكن ده اسلوب غلط وانا مش بحبه لاننا في الاول وفي الاخر اخوات و اصحاب وزمايل دراسة واحدة

فياريت ياريت ..لو سمحتم ...نرجع تااني زي الاول ونختار اسامينا بشكل راقي بصفتنا دكاترة

وشكرا لكل واحد هيتعاون ...

انا هيثم يا ابوتامر ...و بلاش كلمه فيمتو قليله الادب اللى فى اول اسمى دى اللى ماتلقش بمركزى دكتور
اللى المفروض ابقا ارقى من كده فى اختيارى ليها

ولا ايه يعم تامر

.....

الادمن ممكن يغير اسم اى حد بدون الرجوع اليه بس انت مش بتحب تتبع الاسلوب ده لاننا اخوات واصحاب
لا بجد كتر خيرك يا تامر والله
هوا فى اتنين اخوات لما يتكلموا مع بعض واحد يقول للتانى انا ممكن اضربك بس انا مبحبش كده
على اساس انه بيثبته بقا ولا بيهدده ويثبته فى وقت واحد
ولا ايه بالضبط

haisom2004@yahoo.com

ضيفه وكلمنى على الميل ياتامر عشان عاوزك

:::::::::
انا مش هاغير اسمى على فكره

::::::::::::::

ملحوظه صغيره : لوكنت عملت الموضوع باسم افريكانو كان هايجذب الانتباه جدا برضه

..
اه صحيح
ابقى سلملى على صابر .. قوله هيثم بيسلم عليك قوى

عضو ممتاز

بص يا تامر والله قبل ما اقرا رد هيثم كنت هكتب كل كلمه هو قالها

بص يا تامر على فكره انتو اللى بعدتو عن المنتدى

فين شغل زمان فين العضو الذهبى للشهر

وفين مواضيعكو وفين المسابقات

بص يا تامر لو انت شايف انه موضوع فيمتو والكلام ده

اللى باعدكو عن المنتدى انا وهيثم اللى نتحمل المسئوليه دى

بنتفق على اى حاجه بنعملها

فلو احنا السبب انا وهيثم بنقولك احنا ممكن نسيب المنتدى احسن والكل هيشيل فيمتو وهيشل

كل الاسماء اللى مش عاجباك ومش مخليانا دكاتره دى خالص

وانا من هنا باعلن انسحابى انا وهيثم من المنتدى ومن المشاركه فى اى موضوع

على ما الادمن ياخد قراره الاخير

سلامو عليكم

عضو ممتاز

اخوكم / أفـــــــــريكــــــــانـــو

ازاى بقى انا عايز افهم

عضو ممتاز

لا يا مغازى

تامر اخونا فعلا بعيد عن اى موضوع

دى مفيهاش مزايده دى عشره سنين

حتى لو فى خلاف

عضو ممتاز

طب يا دكتور بعد اذنك هو فيمتو دى كلمه وحشه مثلا
ليه انت شايفها متعارضه مع مستوانا
اه احنا دكاتره والحمد لله اعتقد اسلوب كلامنا كويس اوى واستقبالنا لاى عضو جديد بردوا حلو اوى
واعتقد عاملين جو حلو فى المنتدى وده كله من غير اى تجاوز للحدود او فى اسلوب الكلام
لاننا زى ما قولت حضرتك دكاتره وبنمثل كليتنا طبعا
اتمنى لو حضرتك تشرح ليه معترض على الاسامى دى؟؟
حضرتك تقريبا عدد محدود جدا هو اللى بيدخل المنتدى دلوقتى يمكن مش فى غير المجموعه دى
ومع ده المنتدى مش وقف خالص علطول انا متابعين بواضوعات اعتقد انها حلوه ومحترمه ليها قيمه يعثى حتى لو فى هزار كتير
لو حضرتك متابع يعنى هنا هتلاحظ ده
حضرتك ليه حق تغير اى اسم غير لائق من غير حتى الرجوع لصاحبه لاكن احنا اسامينا غير لائقه ؟؟؟؟ scratch

لو كده حضرتك قول السبب

ويا ريت حضرتك تقنع المجموعه القديمه انها تشارك تانى هنا معانا لان كان ليه جوها بردوا اللى كان جامد اوى وانا اعتقد اننا حتى لو اسلوبنا مختلف عنهم
فاحانا مش اسائنا اختار اسلوب التعامل مع بعض ولا حتى ادينا انطباع وحش عن كليتنا
لو حضرتك تابعت الموضوعات هتلاقى اننا تقريبا جددنا فى المنتدى كتير وطورناه كمان
اتمنى حضرتك تتشوف مشاركتنا وتقول رايك كده فيها مبتزله ومش ليا فايده ولا فعلا اضافت حاجه ؟؟

المدير

اولا يا هيثم ...انا مش بهدد ولا بثتب حد....بس انا بفكر كل واحد (من مشرفين واعضاء وادمن)بفكر كل واحد باختصاصاته

وياريت نعرف يعني ايه فيمتو؟؟؟ بما انها كلمة منتشرة جدا جدا جدا بس الواضح ان انا اللي كبرت والكلمة دي مكنتش في جيلي أو انا نمت كتير الفترة اللي فاتت دي

انا عملت الموضوع باسم الادمن علشان بس اقولكم اني دايما موجود يا هيثم وبحاول اعمل حاجات وتصليحات كتير في المنتدى ...وهنقول على كل ده بعدين

بالنسبة لصابر....ان شاءالله
*******************************************************************************

بص يا مجمود: مش معنى اننا نتكلم في موضوع تقول اعلن انسحابي...دا اسلوب تهديد بس مايصحش انك تعمله هنا
لان المنتدى ده انا وانت وكل واحد هنا اساس ليه ...ولو انت انسحبت وغيرك علشان مش عارف يناقش او مش عاجبه النقاش اصلا يبقى المنتدى ده هينار...
ويمكن انا مش بشارك كتير بس صدقني انا بقوم بدور الادمن دايما ...وزي ما انت عارف ان دوره دايما مستخبي...لكن برضه موجود بمواضيع و ردود...اذا كان باسمي او اسم الادمن ...والموضوع اللي انا عامله ده انا شايف انه من حق الادمن ومن ضمن اختصاصاته وبرضه بقولك ناقشني
ولعلمك مش حكاية الفيمتو هي اللي باعده الناس عن المنتدى....بس لازم يكون في تعاون ونساعد بعض وانا أول واحد موجود..بس التواجد مش يعدد المواضيع يا حودة...لو كده يبقى مالوش لزمة الادمن والمشرفين العوام ومشرفين الاقسام وكل المناصب دي

وعلى فكرة انت وحشتيني جدا يا واد(وده بعيدا عن المنتدى)

****************************************************************************

أخي العزيز مغازي....متهيألي ان محمود رد عليك...وشكرا على ردك

****************************************************************************

شوفي يا دكتورة طماطم....

انا قولت كذا مثال في موضوعي ...ليه محدش فيكم رد على اي واحد فيهم

مع احترامي الشديد لكل الاعضاء اللي انا قولت النك نام بتاعها بس يعني ايه عجلات ابو سنة؟؟؟ يعني ايه نقطر اللحمة؟؟ يعني ايه فنادي عويس؟؟؟

ولعلمك انا متابع كل المواضيع الموجودة ....وفي مواضيع كتير عايزه تتظبط بشكل كبير ...مثال على كده

وبالنسبة لموضوع المشاركات ...هي اكيد فيها اضافات بس غالبا بتبقى هزار ومالهاش اي فايدة ...وهديلك مثال :

موضوع من الموضوعات عبارة عن ألغاز...وده موضوع جميل جدا وانا كنت بشارك فيه..فجأة اتقلب صفحة شات ...وهي دي المشكلة ان المنتدى او المواضيع بتتقلب لصفحة شات ...ولعلمك انا بحذف اي رد خارج عن الموضوع نفسه
يعني انا بدور في كل المواضيع اللي في المنتدى علشان ارتبها تاني...لان صعب جدا يكون في موضوع 60 صفحة والمهم فيهم هما 3 صفحات بس؟؟!!!!
انا بقولك كل الكلام ده علشان تعرفي اني متواجد دايما...بس فعلا مش بعرف اتكلم مع الناس ..

وبعدين اللي اعرفه ان الاسم اللي في المنتدى بيعبر عن شخصية العضو او شئ بيحبه لان كفاية ان الناس اللي ماتعرفهوش هتناديله بيه
****************************************************************************

اتمنى ان اي حد عنده حاجة يناقشه يدخل وانا جاهز

عضو ممتاز

وبعدين اللي اعرفه ان الاسم اللي في المنتدى بيعبر عن شخصية العضو او شئ بيحبه لان كفاية ان الناس اللي ماتعرفهوش هتناديله بيه****************************************************************************

اللة ينور عليك انت كدة جبت المفيد ونصحت الناس وانا متفقة معاك فى كلامك بجد كان نفسى اتكلم فى الموضوع دة
بس كنت عارفة انى هتفهم غلط فعادى بقى بقيت بقرا مواضيع ناس محدودة بجد فى اسامى تخض بس هما بيحبوا يهزروا (الخلاف فى الراى لايفسد للود قضية)

اتمنى عودة الاعضاء القدامى بجد المنتدى كان حلو اوى بيهم ويا سلام لو اتجمع الجداد مع القدام كل دة فى مصلحة المنتدى

الخلاف فى الراى لا يفسد للود قضية

عضو ممتاز

بص يا عم تامر انا هرد عليك رد واحد بس

انا مبهددتش حد لسبب صغير اوى هو انى دخلت المنتدى بعد شهرين او اكتر من انشائه

ولو انسحبت المنتدى هيفضل موجود برده ومش هينهار

يعنى معنى كلامى انه محمود موجود المنتى موجود محمود وهيثم مش موجودين
المنتدى برده موجود

بس انت وكمان فيتا من كلامها

تلميح انه لما انا وهيثم دخلنا وعملنا مواضيع انت بتقول عليها هزار وملهاش لازمه

طفشنا الناس القدامى اللى بتقول عليهم فيتا

فاحنا ممكن ننسحب عشان الناس دى ترجع تانى عادى والمنتديات كتير

ومنتداك الجميل ده لا هيقف على محمود ولا هيقف على هيثم

اما بالنسبه للنقاش نتناقش عادى مفيش مشكله خالص

انت بتقول يا تامر انه مواضيعى هزار انا وهيثم

طيب بالله عليك خش شوف مواضيعى هتلاقينى دايما بعمل موضوع فرفشه

وموضوع جد وخش وشوف

تانى حاجه بقه انت بتقول والا كان مشرفين الاقسام والادمن ملهمش لازمه

الادمن بيتابع وكلنا عارفين وعارفين انه المنتدى شكله اتغير وتمام

اما رؤساء الاقسام زى

بيوتى تويتى
ميكودو
جنه الرحمن
د- فراوله
ويجا
المجرى
فرح

بالله عليك دول عملو ايه من ست سبع شهور

لو احنا السبب انهم وقفو عن المشاركه وقتها لو عندنا دم انا وهيثم لازم ننسحب

وهما هيرجعو والدنيا هتفضل حلوه عادى يا تامر

وانا جاهز لاى نقاس

عضو ممتاز

بصراحه من راييى دى مهزله ان احنا نتخانق على الاسامى(دى حريه شخصيه)

وبالنسبه للفيمتو دى هى اللى ممشيه حال المنتدى

صح ولا انا غلطان؟؟؟؟؟؟؟؟؟؟؟

عضو ممتاز

السلام عليكم
مع احترامي الشديد للادمن اعتقد اننا لو اختارنا اسم اي اسم يقربنا من بعضاو يبقي وسيله لفك الحواجز بين الاعضاء مش حاجه تقلل من شأنهم او من كونهم دكاتره وبعدين احنا كلنا اصحاب وفي نفس الوقت لا نتخطي حدود الادب مع بعض
لا اعترض علي تغير كلمه فيمتو في الاسماء بس برده من كامل حقنا نختار حاجه نحبها وتجمعنا مع بعض
ونقطه مهمه احب انوه بيها اصبح من حق كل عضو يشارك في الموضوع اللي يحبه وللعضو الصديق ليه وفكره الخلاف والمناقشات الحاده كما كانت موجوده من قبل اعتقد انها اختلفت تماما
اما بالنسبه لفكره اختياري اسم يناسبني دي برده من حريتي الشخصيه مدام اسم محترم اما كون ليه معني او ملوش دي حريه العضو(حريتك تنتهي عند بدايه حريه الاخرين)
واعتقد ياادمن انك بتكلم مجموعه معينه من الاعضاء اللي هما الفيمتو فااعتقد ان ليس من حق اي عضو من خارج المجموعه له دخل بهذا الموضوع وليس من حقه ابداء الراي مع احترامي للعضو المتحدث وشكرا

عضو ممتاز

ايه ده يا سكره

افحمتى الادمن

well done

المدير

أولا: شكرا يا فيتا على تواصلك ...وفعلا الاختلاف في الراي لا يفسد للود قضية

وموضوع الاعضاء القدامي محدش منعهم من الدخول..لكن يمكن ظروف عملهم تبعدهم عن المنتدى...بس المنتدى مفتوح للجميع...واكيد االاعضاء الجداد هيكونوا اعضاء قدامي برضه ..ولهم جزيل الشكر والاحترام

***************************************************************************

ثانيا: يا محمود انا ماقولتش انت اللي عملت مشكلة او هيثم..انا شايف حاجة في المنتدى وحبيت اتلكم فيها بمنتهى الديموقراطية ومقولتش لحد انسحب ..وانا مش هبقى مبسوط بكده اكيد يعني يا محمود...كل اللي بطلبه انك تتقبل كلامي بصدر رحب زي ما انا بتقبل كلامك..و بنتناقش ...

أما بالنسبة للمواضيع...برضه انا معممتش الكلام عليك انت وهيثم ..انت فعلا بتعمل مواضيع مفيدة من اي جهة وبرضه بتعمل مواضيع خفيفة ولذيذة وانا كنت موجود فيها معاك...بس انا قولت ان مش المفروض نقلب الموضوع لصفحة شات ونرد على بعض بكلام بعيد عن الموضوع لدرجة اننا ننسى الموضوع الاساسي

واما بالنسبة لموضوع المشرفيين الغير متواجدين ...احنا عايزين نعين ناس تانية تهتم بالمنتدى اكتر منهم ...واعرف ان انت واحد من اعمدة المنتدى ومينفعش انك تقول انا همشي علشان خلاف في الرأي

اخر حاجة انا بتكلم معاك بصفتنا اصحاب قبل ما نكون اعضاء في منتدى واحد ...وبكلمك انت بالذات وجاي عليك شوية لان في ناس كتيره انت تعرفهم وانا معرفهمش في المنتدى

يارب يكون المعنى وصلك يا صـــاحبـــي

******************************************************************************

ثالثا: فيمتو نائب النائب

اولا انا ملاحظ حدة في طريقة كلامك ...بس اعرف ان الامور مش بتتناقش كد...ولو عندك اي رأي ممكن تناقشني بأسلوب هادي يكون احسن

ثانيا احنا مش بنتحانق(زي ما حضرتك قولت)احنا بنتناقش...انا بعرض حاجة وقولت اني مستعد للنقاش

ثالثا: الفيمتو هي اللي ممشية المنتدى ازاي؟؟مفهمتهاش دي؟؟؟
ولو كلامك على الاعضاء نفسهم ...فالاعضاء على راسي من فوق بس انا بتكلم في نقطة بسيطة ..يعني مثلا انا معرفكش وحبيت اتكلم معاك زي دلوقتي اقولك يا فيمتو ولا يا نائب النائب ولا ايه؟ الموضوع سهل وبسيط

*****************************************************************************

رابعا: سكرة

انا احييكي على كلامك الجميل لانه كلام منطقي فعلا ...احنا من حقنا نختار اسم يقربنا من بعض....بس انتوا اختصيتوا حكاية القرب دي مجموعة معينة مش على المنتدى ككل...ثم اختيار اي اسم انا مش معترض عليه...انا معترض على تكوين مجموعة تبتعد عن باقي الاعضاء حتى لو بالاسم ...وده قصد كلامي عن الفيمتو

والخلافات اللي قولتي عليها الحمدلله اختفت تماما من المنتدى وده شئ جميل ويشرفنا كلنا ..بس بدون انقسامات يبقى احلى

وبالنسبة لكلامك عن انغلاق الموضوع على الفيمتو بده هو اللي عايز اوصله..انك بالشكل ده فصلتي اعضاء كتير عن المشاركة في الحوار باعتبار انه مش قبل اسمه كلمة فيمتو....وده انا برفضه

فمن حق اي عضو انه يدخل يرد ويشاركنا برأيه...يمكن يقول حاجة مفيدة للكل ...الموضوع مفتوح للجميع

وشكرا لردك يا دكتورة

*****************************************************************************

خامسا: فيمتو نائب النائب

أظن ان ده اسلوب سئ في الحوار او النقاش وخصوصا مع حد اكبر منك....

الاسلوب ده مفيش اسهل منه ..بس يايرت لما تدخ في حوار مع حد كبير تحترمه اكتر من كده شوية

واعذرني انا همسح ردك...لان مالوش معنى في الموضوع

تحياتي

عضو ممتاز

اولا يا محمود انا مش اختصيتك بكلام انا اتكلمت عامة ولا انت ولا هيثم ولا اعرف مين هيثم مش تقليل منة بس معرفش موجود باسم اية

ولا قولت انك طفشت الاعضاء القدامى لانك ببساطة من الاعضاء القدامى انا قولت اتمنى دخول الناس اللى بنوا المنتدى فى الاول

اما بالنسبة لموضوعاتك فهيا جميلة وفى مواضيع دمها خفيف ولكل واحد الحرية فى انى يقرا اى موضوع او ميقراش مواضيع مش حابب يقراها

بس زى ما ادمن قالت ان فى مواضيع فعلا بقت شات يعنى اللى حابب نظام الشات وكدة ياخدوا اميلات بعض ويتواصلوا على الميل

اما مشكلة الفيمتو دة فهما جروب دمة خفيف لو حبين تكلموا كاجروب كدة ممكن تعملوا رابطة فى المنتدى وتناقشوا كل مواضيعكم بالاسلوب اللى تحبوة بس الفيمتو يكون فى الرابطة دى وبس لكن المنتدى عامة فياريت نتكلم مع بعض من غير جروب

وفى الاخر احنا كلنا خريجين كلية واحدة وكلنا اخوات محدش يزعل من حد كلنا بندخل المنتدى عشان نفك عن نفسنا شوية مش مستحملة خلاف فى المنتدى كمان

ياريت نخلى المنتدى المكان اللى يبسطنا لو احنا مخنوقين من اى حاجة فى الحياة

ياريت كمان نحترم بعض اكتر بيتهيالى ان سن كل واحد مكتوب فواجب على الصغير احترام اى حد اكبر منة وكل واحد يعبر عن راية من دماغة ومحدش ينحاز لحد

وزى ما قولت احنا فى الاول وفى الاخر اخوات

عضو ممتاز

فيمتو نائب النائب(DX) كتب:: بصراحه من راييى دى مهزله ان احنا نتخانق على الاسامى(دى حريه شخصيه)

وبالنسبه للفيمتو دى هى اللى ممشيه حال المنتدى

صح ولا انا غلطان؟؟؟؟؟؟؟؟؟؟؟

يا جماعه انا مكنتش اقصد اى عدم احترام انا كنت بعبر عن رايى رغم ان هى وسعت منى شويه فانا اسف مكنتش اقصد

» موضوع للمراه بس ومن غير زعل
» عربياتنا النقل موضوع هام
» موضوع مهم لكل اللى خاطبين
» موضوع مهم مش عارف واخدين بالكو ولا ايه
» موضوع عجبني فحبيت تشوفوه معايا........

~*¤§ موضوع هام ومحتاج حل §¤*~

~¤§ موضوع هام ومحتاج حل §¤~