جامعه كفر الشيخ المحترمه

بسم الله الرحمن الرحيم
ازيكو يا طلبه جامعه كفر الشيخ اللي محصلتش طبعا كلكو عارفين انكو في جامعه عالميه مفيش زيها في امريكا بكل فخر
انا هتكلم عن حاجه تخصني انا وبعض الطلبه اللي هي المصاريف
اولا بالنسبه للطلبه العاديين بيدفعوا تقريبا 250 على ما اعتقد وبقيه الجامعات في مصر بيدفعو 150 دا طبعا لانهم مش في اي جامعه دول في جامعه كفر الشيخ العالميه وبيتكتب في الايصال انك دافع 199 جنيه
ثانيا الطلبه اللي جايين من بره اللي هما مصريين بردو بس غلطتهم الشنيعه ان اهلهم فكرو يطلعو برا بلدنا الجميله عشان يامنولهم مستقبلهم بمجرد ما خرجنا من البلد خلاص بقينا اغراب بقينا بلا جنسيه في السعوديه او دول الخليج بيقولو علينا اجانب وبردو في بلدنا نفس المعامله البلد اللي كنا راجعين وفاكرين انها بلدنا طردتنا ورفضتنا وعاملتنا معامله الاغراب دا حتى الاغراب بيعاملوهم احسن مننا اه والله المهم كنت هنسى المصاريف للي جايين من برا 2250 واللي داخلين سنه اولى السنه دي 3000ودا كل سنه مش بس في سنه اولى يعني كل سنه هيدفعو نفس المبلغ ودا في جامعه كفر الشيخ المحترمه فقط انا مش بتكلم في مبلغ انا بتكلم على المعامله وفي واحد معانا راح يسال ليه بيدفعوهم كدا قالوله دا على قلبهم الفلوس اد كدا ليه الحقد والغل اللي بقا في قلوبنا داوبعدين في ناس برا ممعهاش غير اللي ياكلها ويشربها ممعهمش يجيبو هدوم للعيد والله اعرفهم وفي واحده زميلتي اخوها دخل معاها يعني الاسره دي هتدفع 6000كل سنه ودا ليه عشان بيطورو الجامعه العظيمه بتاعتنا
انا الموضوع دا مضايقني جدا واعذروني لو كنت طولت عليكو بس الناس هنا بتعاملنا وحش اوي في كل مكان وفي كل حاجه

فعلا ده اسلوب للضغط علي الطلبه والاهالي
مفيش في ايدينا غير حسبي الله ونعم الوكيل علي اللي بيتعمل فيكوا ويارب تخلصوا منهم انتوا كمان

ماتجربو وقدموا شكوى لادارة الجامعة او ادارة الكلية لو حاسين ان فيه تلاعب او حاجة غلط فعلا

بجد يا جماعة الله يكون فى عونكو انا كنت مفكره ان الحكاية دى بتبقى فى سنة اولى وبس وبعد كدة يعنى عادى
يالا ياجماعة احتسبوهم عند ربنا والى عنده مبيروحش
لاء فى حاجة تانية بقى بصراحة تغيظ جدا يعنى ان الى شايل مواد ربنا يبعدوكو عنها جميعا يعنى المادى ب100 جنية ليه انا م ش فاهمة لية يعنى والجامعة الوحيدة الى بتعمل كدة طبعا جمعتنا وجميع جامعات مصر المادة ب50 يعنى موت وخراب ديار يالا الله يسامحهم بقه

فعلا الله يكون في عونكم ياللي جين من بره كانهم بينتقمو منكم عشان سفرتو بره بلادنا العظيمه
وبالنسبه للموضوع 250 جنيه ده بيقولو عشان الجامعه لسه في حاله بناء وتجديد وهم فعلا جددو في كفر الشيخ
والكليات التانيه بس كليتنا الوحيده اللي لسه معفنه زي مهيه ومفيهاش اي تجديد
وبالنسبه للكتب هو فعلا حرام اننا نشتري كتب ب400 جنيه وفي الاخر بنجيب ورق باكتر من 50 ج ونذاكر منه ومبنفتحش الكتاب وبرده انا مع لافلي في موضوع المواد المتشاله يعني نشيل وندفع كمان وبعدين مش حرام لو واحد شايل حقوق انسان يدفع عليها 100 ج عموما انا رغيت كتير اوي بس انا مصدقت اعبر عن الغضب اللي جوايه
خلينا كلنا نرفع شعار كفايه حرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

ميرسي لكل اللي رد على الموضوع بس يا دكتور اياس احنا سالنا ممكن نقدم شكوى قالو محدش هيسمعلها انا سالت ناس في اداره الجامعه وقالولي دا قرار ومش هيرجع فيه ووزير التعليم العالي مضاله على الورق يعني ماشي في السليم وبعدين هما بيقولو بيعملو كدا عشان يطورو الجامعه لانها تحت الانشاء يعني هما اللي جايين من برا هما اللي هيصرفو على الجامعه دي مهزله بصراحه وسرقه عيني عينك وانا مش مسامحاهم فيها ولا غيري مسامح لو على موضوع الكتب اهو ممكن نستفيد منه ومقدور عليه لكن 2000 جنيه وعمرنا ما هنستفيد منها ليه يعني
في حاجه بقا عايزه اقولكو عليها في ناس اصحابي قررو انهم يعملو اعتصام قدام مكتب رئيس الجامعه وانا عايزه اخد رايكو تفتكرو ممكن ينفع ولو موافقنني على الموضوع دا يا ريت لو حد منكو له اصحاب في اي كليه في كفر الشيخ في سنه 1 او 2 يقله وانا هبقى ابلغكو بالمعاد لو جمعنا عدد كويس عشان تبقوا تيجو تزوروني وتجيبو معاكو عيش وحلاوه

هههههههههه بالهنا والشفا

ايه يا كوهين الموضوع ده يا كوهين
هوا انا اغيب شويه ارجع الالقيكى عملتيلى انقلاب

انى اعترض


فكرتينى بالشله اللذيذه اوى بتاع بدون رجال افضل

بجد أنا بحس بالأسى و الإشفاق على أى حد لسا باقيله سنين من عمره فى المدرسة السخيفة دى


معتقل رهيب

مكان موحش

زى ما يكون مبنى على بقايا مقبرة هندية



( مدرسة طب بيطرى كفرالشيخ المشتركة )

أيها الداخلون إطرحوا عنكم كل أمل فى النجاة





جامعة تعبانة و كلية عبيطة




للأسف الواحد ضيع خمس سنين من عمره فى المكان التعيس دا

ربنا معاكم يابنى

ايه يا مغازى
دى طرفه يبنى
شكلك كده مابتفهمش دعابات التمانينات

واحد راح يقعد على قهوه ... قعد على شاى

هع هع هع هع هع هع هع هع

بجد كفر الشيخ مزوداها اوى اذا كان فى الكتب او مصاريف الكلية . انا حولت المنصورة ولقيتها ارخص كتيير

روحت المنصوره يابخخخخخخختك
انا بحقد عليك