فيمتو أبو المتاحيف
عضو ممتاز
 |  موضوع: اصول الرزاله الجزء التانى  الجمعة سبتمبر 18, 2009 5:22 pm | |
| كنت كتبت موضوع من زمان بعنوان الرزاله ووعدكو انه هيتكرر تانى
ودلوقتى جه اليوم اليكم الجزء التانى
اصول الرزاله ضحك من القلب
علشان تعرفوا تغلسوا على خلق الله بضمير ، و اليكم قواعد الغلاسة الأصلية·
قول
نكته طويلة و لما تيجى عند آخر سطر - وهو السطر المهم اللى فى الأفيه -
أعمل نفسك نسيته ، لو حد غلس عليك قوله " و الله كانت نكته جامده بس
الظاهر أنى نسيتها " .
· هات بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروح رششها بالمطهر على طول .
· و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده !!! .
· لما حد يشكي لك من حاجة قوله أنا عندى مشاكل أكتر منك !! .
· و أنت فى مطعم ... بص للى قاعد على الترابيزة اللى جنبك و أنت ماسك لقمه فى ايديك و قول له " ممكن الطحينه بتاعتك ثوانى ؟" !!! .
·
كل ماحد يقولك حاجة عيدها بصيغة سؤال ، مثلا هايقول : مش أنا اتجوزت ،
قوله " أتجوزت ؟! " هيقول : أه الشهر اللى فات ، قوله " الشهر اللى فات ؟!
" و هكذا .·
و أنت بتتكلم مع حد برق عينيك فجأة و اسأله " سمعت ؟! " هيسألك سمعت أيه ؟ ، قوله " ولا حاجة ... راحت خلاص" !!! .
· بعد عشر دقايق كرر نفس الحركه تانى .
· و أنت بتتكلم مع حد ، ماتبصش فى وشه ابدا ، حسسه أنك قرفان منو ومش طايقه من الآخر .
· و أنت بتتكلم مع حد ، افضل مركز فى وشه جامد ، لغايه ما هوا يقرف منك فى الآخر .
·
طول
ما انت قاعد مع زمايلك فى الشغل ، صفر موسيقى نشيد بلادى ، و صدقنى
هايحدفوك بأى حاجه فى وشك أيه الرزاله اللى انت فيها دى يا عم أرحمنا بقى
!!! .
· و أنت بتصور ورق و في حد مستنيك ، اول ماتخلص اظبط مكنة التصوير على 98 نسخه و قوله بابتسامة واسعة " اتفضل " .
أستلف قلم من حد ، و حط القلم فى بقك ، و أعمل نفسك بتفكر و منهمك و أنت عمال تعضعض في القلم ، أوووف يخرب بيت الرزاله
·
و أنت في المول ، ماتمشيش عادى ، لأ ... أفضل نط لحد ماتوصل للمكان اللى
أنت عايزه ، وده فى حد ذاته يعتبر هبل مش رزاله ، بس ما علينا الناس
هاتقرف منك برضه و هو المطلوب .
· في الاتوبيس أمضغ لبانه بصوت عالى و أنت واقف أو قاعد جنب حد بيقرا مجله او جرنان ، و أنت بتقرا معاه طبعا !!! .
· أعزم ناس في حفلات ناس تانيه " عيد ميلاد أو فرح او خطوبه ... " .
· لو واقف جنب حد بيعد فلوس و في وسط ماهو بيعد ، قول بصوت عالى أى رقم عشوائى 862 !!! .·
ألعب
فى ألوان التليفزيون لحد ماتبقى كل الناس لونها بنفسجي ، و أعزم أصحابك
يتفرجوا عالماتش عندك ... و لو حد اعترض ، قوله " أنا شايف أن دا لون
الحياة الحقيقي "
ماشى في حته كل ماتقابلك حاجة طبل عليها !!! .·
ألبس جراب زي اللى بيحطوا فيه المسدس ... بس حط فيه الريموت كنترول .·
أحرق الكتاب أو الفيلم في جملة واحدة ، تعرف الناس نهايته قبلها بمدة ، أوف دا أنت فعلا رزل .·
غير قناة التلفزيون قبل نهاية الفيلم و أو الماتش ب5 دقايق .
·
أضحك لواحدة ماتعرفهاش في الشارع و قولها بصوت عالى صباح الخير ... عامله
أيه ؟ ، هاتديلك بالقلم و تمشى عادى ، يا عم أعمل حساب أنها هيا كمان ممكن
تكون شافت الموضوع ده
وكده بقه انا
أديتكم العلم اللي ممكن تنتفعوا بيه وتغتتوا على خلق الله عشان الناس تمشي
تكلم نفسها في الشارع أكتر مهيه متنيله كمان وكمان | |
|
bianka
عضو ممتاز
| | موضوع: رد: اصول الرزاله الجزء التانى الجمعة سبتمبر 18, 2009 8:59 pm | |
| فعلا يا كبير العلم ده رساله
وامانه في رقبتك لازم توصلها لكل الي تعرفهم | |
|
my heart is not available
عضو ممتاز
| | موضوع: رد: اصول الرزاله الجزء التانى السبت سبتمبر 19, 2009 1:21 am | |
| دي بجد رزاله ملهاش حل بس صدقني اللي هيعمل بالعلم بتاعك دا هيكسب عارف ايه كل يوم هياخد علقه مجانيه بس علقه محترمه مش اي كلام يعني بس حلوه بجد رزاله رزاله يعني  ربنا يقويك عشان تقدر توصل العلم دا لكل انحاء العالم وتبقى الناس كلها رزله هههههههههه | |
|
sun set
عضو ممتاز
| | موضوع: رد: اصول الرزاله الجزء التانى السبت سبتمبر 19, 2009 1:55 am | |
| ههههههههههههههههههههههههه لا ده احنا مجانين بقى اللى هيعمل بكلامك ده نهايته يا العنايه المركزه يا المشرحه  والتانيه اسرع | |
|
فيمتو أبو المتاحيف
عضو ممتاز
| | موضوع: رد: اصول الرزاله الجزء التانى السبت سبتمبر 19, 2009 2:09 am | |
| ازاى يجماعه بقه انا بسلحكو بالعلم وانتو تعملو كده
خساره فيكوووووووووو
| |
|
