الحب من اول نظره هل سببه القلب ام العين ام العقل؟

الحب من اول نظرة مين ياترى السبب فيه العين - القلب - العقل ........

يقولون ان الحب من اول نظرة تكون الشرارة الأولى من العين

عندما تقع نظرة العين على المحب يحصل اعجاب
أحد الطرفين بالأخر وإنجذابه له بشكل غير طبيعي

نتيجة لأي صفات ظاهرة زي الصوت ، الشكل ، القوام ، العيون

ولكن الشعور ممكن يتلاشى بعد الحوار أو الكلام مع بعض

ومش بالضرورة إن الطرف التاني يشعر نفس الشعور بالطرف الأول .......

الحب من اول نظرة يختلف من شخص لأخر وطبيعة الشخص هى التى تحكم على ذلك الحب

والحب الحقيقي لا يرتكز على النظرة الأولى للمحبوب وإنما يكون بالاقتناع الكامل بجوانب شخصية الشريك الأخر وطريقة تفكيرة والعواطف المتبادلة بينهما .....





والسؤال ؟

البعض يحب بعينه، وآخرون يحبون بقلوبهم، وفريق ثالث يحبون بعقولهم
ايهما الصح والذى يؤدى الى زواج ناجح يقوم على الحب والود ؟؟؟؟؟؟؟


هل يشعر الطرف الآخر الذي انجذبنا له بهذا الإعجاب الذي بات يسيطر علينا تجاهه؟؟؟؟؟؟

وهل من الممكن ان نصدق مشاعرنا دائماً من مجرد النظرة الأولى؟؟؟؟؟؟؟؟


وهل يستطيع ذلك الحب المأخوذ بسحر العينين الصمود في وجه تقلبات الحياة إذا ما تم الزواج بين الطرفين؟


.. هل الحب من اول نظره مجرد اعجاب يدوم ويؤدى للزواج ام انه حب
احلام اليقظة ولعب عيال ؟؟؟؟

ياترى مارأيكم فى الحب من اول نظرة ومين السبب العين - ام القلب - ام العقل
للامانه منقول

فيمتو حسنيه
ايه المواضيع الجامده قوي دي
انا لااعتقد في الحب من النظره الاولي ولكني اعتبره نوع من الاعجاب الذي تختلف درجاته حسب شخصيتك وانتي اللي تقدري تحكمي حدوده فقد يتوقف حد الاعجاب وقد يزيد الي الحب بس برده الاحساس ده مش من اول نظره
اما بالنسبه لمين اللي بيبدا بالاعجاب
اعتقد ان العقل يبدا بالتفكير اولا في الموقف او الصوت او المنبه ثم تبدا بعد ذلك العين وباقاقي الحواس التي تجعل القلب ينبض بالحب
وانا مشتاقه لمعرفه اراء الاعضاء
وميرسي ليكي علي الموضوع

بجد يا حسنيه موضوع رائع بس بصراحه انا بتفق مع سكره السكره في نقطه اللي هي ان اول نظره بتكون اعجاب وليس حب لكن انا من رايي ان الاعجاب ده بيكون سببه القلب في حاله الاعجاب بالروح والعقل في حاله الاعجاب بالشخصيه والعين في حاله الاعجاب بالمظهر او الشكل دي وجهه نظري في الموضوع

انا برده رايي معاكو
بس انا بقول ان مثلا بيكون القلب محتاج انه يحب
و بالتالي العقل بيبدا يحدد المواصفات الي هو عاويزها في الانسان الي هيحبه
و بعد كده اول العين ما بتقع علي صفه من الصفات دجي بيحصل اعجاب


فانا رايي ان مصدره القلب
لان مش من مجرد ان الواحد يشوف صفه عجباه في اي حد انه يحبه


ولا انتو ايه رايكو؟

انا برده رايي معاكو
بس انا بقول ان مثلا بيكون القلب محتاج انه يحب
و بالتالي العقل بيبدا يحدد المواصفات الي هو عاويزها في الانسان الي هيحبه
و بعد كده اول العين ما بتقع علي صفه من الصفات دجي بيحصل اعجاب


فانا رايي ان مصدره مش العين
لان مش من مجرد ان الواحد يشوف صفه عجباه في اي حد انه يحبه

و مش العقل
لان لو الواحد حب بعقله مش هيبقي حب

فانا رايي ان مصدره القلب و الحاله النفسيه الي بيمر بيها الانسان

ولا انتو ايه رايكو؟

والله بتقولى كلام زى الفل

مرسي اوي يا ريس ده من بعض ما عندكم

بس والله عندك حق

باين عليك خبره في الموضوع ده يا ريس

بس بجد رايك مقنع
انا مش كنت عارفه سبب التسميه اصلا
و انا اقتنعت انه سببه القلب و ده بجد
اصل احنا مش في القناه السادسه عشان الواحد ينافق

لا فعلا الحب لو بيكون بالعقل بيبقي حب مصلحه
او بس الواحد بيحب الشخص المناسب و بعد فتره اكييد هيمل و هيزهق
و اكييد الحب الحقيقي مهما كان نوعه او اسمه بيبقي من القلب
مش من الكبد مثلا او الكليه

انا رايى اننا مانقدرش نحكم على الحب من اول نظره انه موجود وللا لا او انه يقدر يكمل وللا لا؟
انت ممكن تشدك صفات معينه فى حد وبالتالى بتبقى عاوز تتعرف على صاحبها او صاحبتها بتحس ان الشخص ده عاجبك او بيتهيالك انك حبيته قوى



النقطه المهمه بقه ان اللى بيفصل فى الموضوع ده ده الكلام والحوار ممكن ساعتها تحس ان ده الشخص الصح اوتحس ان مش هو وبالعكس ممكن تضحك على نفسك انك ازاى فى وقت حسيت انك بتحب الشخص ده

مرسي اوي يا سميلي
بس هو زي ما الريس معاطي قال
ان الحب من اول نظره مش معناه انك اول مره تشوفي الشخص
بس معناه انك اول مره تشوفي الشخص ده بطريقه تانيهاو بمعني تاني انك تحسيه احساس مختلف
و ده بيبقي حب حقيقي من القلب حتي و لو كان من طرف واحد
اما كونه يكمل او ميكملش
فاي علاقه في الدنيا حتي لو مش حب زي الجواز مثلا ممكن تفشل

الله عليكى يا كابيره ... انا كان قصدى كده بالضبط
واكيد سواء كمل او مكلمش فدا خير من عند ربنا
بس المهم ان الواحد يعمل اللى عليه قدام ربنا وقدام نفسه مع الحب ده
عشان يبقى اسمه توكل على الله مش تواكل عليه
لان صعب ان الواحد يعوض الحب الحقيقى ده

بس احيانا يا ريس الحب بيكون من طرف واحد واحيانا الشخص اللي انت بتحبه دا بيكون ما يستاهلش الحب دا فساعتها مبيبقاش حب حقيقي بيبقى وهم ولا ايه رايك

انه مايستاهلش ده حاجه منه مش منك.... ويبقى حب برده .. بس لازم تموتي الحب ده عشان كرامتك.

معاك حق يا ريس والله بتقول كلام زي الفل الله ينور عليك يا معلم

صح كل واحد يعمل الي يريح ضميره قدام ربنا عشان بعد كده ميرجعش يندم و يقول يا ريتني
اما لو الانسان حس ان الحب ده هيجرح كرامته يبقي ملوش اي لزمه
لان متعه الحب في السعاده الي الواحد بيحس بيها و هو جنب الانسان الي بيحبه
اما لو حس بعذاب يبقي الحب ده ملوش معني

اللى انا مؤمن بيه ده بعد ربنا سبحانه وتعالى ....حاجه مسلم بيها طبعا
ان الحب كله من اول نظره يعنى ما فيش حب بييجى على مراحل
وكمان اللى بيحب عمره ما عرف هو الحب ده من القلب ولا العقل ولا العين
لكن اللى متاكد منه ان الحب ترابط ارواح مش بيتحكم فيه الجسد..لا القلب ولا العقل ولا العين
علشان كده انت لما بتفكر فى اللى بتحبه بتيجى على باله فجاه وبرضه لو اللى انت بتحبه جه على بالك فجاه يبقى بيفكر فيك فى نفس اللحظه