القناه السادسه

معلش يا ريس اتاخرت عليك بالرشوه اصل الشيبسي ابو شطه و لمون خلص في القبيله
و فضلت الف علي القبائل عشان اجيبوو انقيلك واحد طازه عشان صحتك طبعا هو احنا عندنا كام ابو عويس
افتكر اني اهتميت ببند النفاق اهوه
و طبعا الجلاكسي جواهر موجوده
اقدر اعتبر نفسي بقي وزيرة الداخليه؟

انا برده اللي عايزه اترقى عمال على بطال يا ريس ولا انت اللي عمال ترقي الناس كلها وسايبني من غير ترقيات انا مش فاهمه انت مستقصدني ليه لييييييييييييييييييييييييه يا ظالم وبعدين انا واقفه عند الهرم بقالي 3 ساعات ومشفتش رشوه ولا حاجه وبعدين انا عندي اقتراح صغيربالنسبه للمسابقه اللي انتو عاملينها دي تلبس بدله وتتشيك على الاخر وتدخل سوبر ماركت كبير وتاخد 5 كانز وانت عند الكاشير تدور على اقرب سله مهملات وتفضي فيها علب البيبسي هتلاقي الراجل اتعصب وبيتنطط قدامك ولا يهمك لما تخلص خالص ولقيت نفسك اتزنقت قله0000:twisted:ايه في ايه انا حر يا اخي هدفع تمنهم ع الجزمه القديمه

ايه يا ام العطاعيط؟حد يقول للريس بتاعنا يا ظالم؟
ده حتي شعاره النفاق و الرشوه و العدل



بس بصراحه انتي فعلا تستاهلي ترقيهاما بالنوسبه لتاخير تقديم الرشوه قدام الهرم فالنت كا فاصل
و انا كمان كنت بدور علي كيس شيبسي طازه عشان صحه الريس
و معلش علي التاخير بقي



اما بالنسبه لاقتراحك هو حلو بس كان افضلك تاخدي الخمسه كانز دول و تديهم للريس و تترقي تاني يوم علي طول طبقا للبند التالت

لا يا ريس متسبناش القبيله محتاجالك وبنقوله اذا كان سامعنا دلوقتي يرجع دا احنا قلبنا بيتقطع واكيد طبعا ريسنا بخير لانه هو بطل الفيلم دا طبعا والبطل دايما هو اللي بيعيش حتى لو كل الممثلين ماتوا

انا معاكي يا اميره في موضوع المظاهرات السلميه دي
بس مش لازم مجهوداتنا تقتصر علي كده
احنا لازم ننزل اعلانات في التليفزيون و في الجرايد
نطلب فيها من الريس الرجوع و نستعطفه و نقله ان القبيله مش تسوي حاجه من غيره
و نوعده بان احنا هنبذل كل جهدنا عشان نسعده باننا ننفذ البندين التالت و الخامس بس هو يرجع

لا لا لا لا لا لا لا
دي اكيييد اشااااعه
انا محدفتش كيس الشيبسي
انا مكنتش هناك في و قت تسليم الرشوه
و انا وضحت الاسباب قبل كده

لا اعترفي احسنلك يا حسنيه الانكار مش في صالحك لو اكتشفوا ان الكلام ده صح هيعدموكي شنقا وحرقا وبالكهرباء زي ما كان الريس بيعمل 000اهئ اهئ اهئ

الي انتي متعرفيهوش يا عطيات اصدي يا كوهين ان انا يوم الاحتفال بالرشوه وصلت متاخره
و ده كان لان الشيبسي ابو شطه و لمون خلص من القبيله
فاضظررت اسفتا اني اروح ادور في القبيله الي جنبنا
لقيتو كله بايت
اعدت الف علي القبايل لحد ما لقيت واحد صابح عشان صحه الريس
تقومو في الاخر تتهموني اني انا الي ززززز اهئ اهئ مش قادره اقولها
بس انا لسه عندي امل
الريس ده بطل من زمان و اكييد لسه عايش
و انا من موقعي هذا بقله ارجع يا ريس