انا صوابعى بتاكلنى...
انا جوايا كلام كتير وحزن اول مرة اشوفه..
انا تقريبا اول مرة اعرف ايه هو الحزن ...
وفى نفس الوقت حسيت بالنكسة ..
وبالوطنيه .. وبالكسفه .. والحرج ..
وللاسف كل ده والمطش شغال ..
والاقى اللاعيبه كأنهم بيطلعولى لسانهم وبيقولوا طظ فيك وفى مصر وفى الكورة ومش هنلعب واخبط دماغك فى الحيط..
ومافيش اى احتمالات .. ولا هو واقعى اللى حصل فى المطش ..
__________________________________________________________
فى ناس ماتت وفى ناس اتطلقت وفى ناس مرضت بعد المطش ...
__________________________________________________________
الخمس لاعيبه اللى انا مصدق انهم يعملوا كده وبان كده من اللعب .. واللى بيلعب كورة هيعرفها
انا قولت كده عليهم والمطش شغال وكنت لسه معرفش اللى عمرو اديب هيقوله
: احمد عيد - احمد عبد الغنى - البرنس شوقى - واحمد المحمدى
عارف ان دول اربعه بس ..
__________________________________________________________
اش عرفنى ؟
اولا كان باين جدا من الاداء
لان ده مكنش نقص فى المستوى ده كان .. نشفان ركب .. وضيعان نفس ..
وياريته مافيش نفس من قله التدريب .. دى قله نفس بتيجى لما حد يعمل حاجة وحشه قبل ما يلعب كورة
ثانيا انا اعرف احمد المحمدى شخصيا لانى كنت بلعب فى غزل المحلة لما كان هو ناشىء ولعبت معاه كتير...
الواد ده اقذر مما اى حد يتصور ..انسان زباله . ميلبسش فانله المنتخب .. ولو انا وزير الداخليه هجرده من الجنسيه .
____________________________________________________________
على فكرة البنات دول مزقوقين عليهم غالبا من امريكا.. بتحصل كتير فى الكورة الحكايه دى ..
_________________________________________________________
ده بالنسبة للموضوع بتاع عمرو اديب
بالنسبه بقى للمطش حد عنده تفسير للمستوى وللنتيجه؟؟...ياريت يبقى يقولهولى
يا اخوانه .. مافيش فرقه تبقى خسرانه واحد صفر الشوط الاول وتعرف بين الشوطين انها لو خسرت اتنين صفر هتصعد وتخسر تلاته ..
مبتحصلش ..
خياليه ..
قله ادب..
عيب بقى كده ..
انا محروق دمى بطريقة فظيعه وهفضل محروق دمى مدى الحياة لان عمرنا ما هنعوض ده .. ابدا
اللاعيبه مكنتش بتفكر فى المطش
____________________________________________________________
يا جماعه انا مقداميش غير انى اصدق كلام عمرو اديب .. والحمد لله انا الاعتذار بتاعه كان مجرد كلام .. وعمرو على فكرة لسه مصصم على رأيه
________
انا لو طولت اللاعيبه دى هاكلها
https://www.youtube.com/watch?v=2_GDgiGco-Aلازم تشوفه الفيديو ده بالله عليكوا ... ده قبل مطش الجزائر..
____________________________________________________
حقيقه مثبته معروفه (( كان فى من حوالى 20 سنه مطش لمصر مع تونس فى تونس وقبل المطش بيوم لاعيبه منتخبنا سهروا وعملوا حاجات تانيه مع بنات تونسيين واتغلبوا 4 :1 ورجعوا ))
.....
ولسه هتتأكدوا اليومين اللى جايين دول