روحى متشرنقة....احمد سامى

حاسس بروحى جوة منى بتتنفض

بتقول كفاية بقى ....كفاية شقى

كانها دودة جوة شرنقة

ضاقت عليها الشرنقة وللحياة متشوقة
#################
حاسس بروحى جوة منى بترتعش

بتقول كفاية الالام ....كفاية تعبت من كتر الكلام

كانها انسان عايش جوة منة الالام

فى لحظة صرخ وقال كفاية جراح زمان
#################

حاسس بروحى جوة منى بتكلمنى

تترجانى وبتقلى ساعدنى

كانها مسجونة فى زنزانة وانا السجان

عاوز يساعدها ومش قادر يدلها امان

فى ادية مفاتيح السجن وماعندوش غير انة ينادى على المسجون

كلم الباشا يا فلان
#################

حاسس بروحى زى طير

جوة القفص كان اسير

قدام منة كل ماتشتهى نفسة

ولكنة كان عايز يطير
################

حاسس بروحى جوة منى زى طفل برى

يصرخ مهما يصرخ ولا حد سائل فية

فوق موجة متشال ودقيقة واحدة ويبقى غريق

##################

حاسس بروحى زى جرح بينزف

وانا واقف فى ميدان كبير وبهتف على حد يسمع او يلبى الندا

وواقف لوحدى والجسم يرجف

##################

حاسس بروحى زى سراب بعيد

تروح الية توصلة تلاقية عنيد

يزيد فى بعدة ويبقى ابعد من البعيد
##################

حاسس بروحى زى اوراق الشجر

تدبل فى ايام الخريف وبتستنى المطر

وبقيت شهور السنة زى ما يكون مالهاش اثر
###################
حاسس بروحى ضايعة منى وبتتهمنى انى السبب
@@@@@@@@@@@@@@@@@