بإذن الله هتدخلوا هنا وهتستفيدوا ...........لاتترددوا ؛؛؛؛يوميات طبيب بيطرى

السلام عليكم ورحمة الله وبركاته
ادعو الله ان يكون الجميع بخير وفى احسن حااااااااااال والجميع موفق ان شاء الله

الاخوه الخريجين والاخوه اللى عندهم الرغبه فى الشغل فى الفيلد وشغالين وهم فى الكليه ياريت يدخلوا هنا ويسجلوا الحالات اللى بيشوفوها يوميا وازاى شخصوها وعالجوها ونتيجة العلاج وياريت ماتنسوش ياشباب الكليه يالى بتشوفوا حالات مستشفى الكليه تذكروها هنا حتى يعم النفع على الجميع واوعدكم ان الحالات اليوميه اللى بتقابلنى هكلمكم عنها وببساطة الطبيب البيطرى اللى شغال بإمكانيات بسيطه ومدى النتيجه التى حصلت عليها
(مرض سقوط الشعر وتاكل الذيل فى الابقار والجاموس)
هذه الحاله ظهر فيها سقوط فى شعر الذيل مع تاكل بعض من اجزاؤه منذ حوالى شهرين وتعامل معها الاطباء كالتالى
1-وضع الذيل فى زيت مغلى لمده 10 دقائق لمدة يومين متتاليين او اكثر لحين القضاء على الجزء الميت من الذيل وهذا فيه اعتقاد بان الزيت يكوى ويقضى على القراده وينهيها تماما........هذه الطريقه تحقق نسبة شفاء قد تصل الى 50%من الحالات على حد شغلى
2-استعمال الدهانات الموضعيه مثلmangecideاو مرهم كبريت مع اعطاء ايفومك سوبر وهذه نتيجتها ضعيفه
3- استعمال مواد كاويه كالفينول وروح الخل نتيجته زى الزيت
4- وهو الحل المثالى قطع الذيل من فوق الجزء الميت اى فى النسيج الحى وهذا ماقمت بعمله اليوم
وان شاء الله هذه الحاله فيها تفاصيل كتيير هنكملها فيما بعد ان قدر الله لنا البقاء

السلام عليكم ورحمة الله وبركاته
مشكــــــــــــوره كتـــــــــــــــير على ردك يادكتوره
ويارب نقدر نفيدكم
وان شاء الله تتوال الحالات
وهنشرحها بالتفصيل

تابع الحاله الاولى (قرادة الذيل)
سببها
معظم الناس متفقه على انه مرض معدى بمعنى ممكن حاله عندها تعدى اللى جنبها وانا أؤكد هذا لانى شفت ده بنفسى
البعض قال انه بكتيرى والاخر قال انه طفيل خارجى والاقاويل كثيره ولكن الحل الامثل هو البتر الجراحى كما قلنا وهو كالاتى
1-يتم تخدير epidural وطبعا ده سهل جدا علينا in sacrocoxigyle space بنرفع الديل وننزله زى يد الطلمبه بتاع الميه لحد مايظهر الفراغ ونضع فيه من 8-10سم ليدوكايين 2%
2- نبدأفى حلق شعر الذيل وتطهير مكان الفتح على مالبنج يشتغل
3- بالنسبه لمكان الفتح a-لو فى المنطقه الخاليه من الفقرات نفتح فى اى مكان منه
b-لو وصل الفقرات نفتح بين فقرتين علشان هنقطع من بينهم
مع ملاحظة اننا نفتح فى الجزء الحى من الذيل وبعيدا عن الجزء المتأكل
4-شكل الفتح على حرف vمن dorsal and ventral part of tailبحيث تكون نهاية الv لاسفل ويتقابلا معا ياريت توصل ديت لاذهانكم
5-يتم فصل الجلد من الطبقات السفلى الى ان يظهر الوريد والشريان وهمه دولت اهم حاجه فى الموضوع لاننا بنعملهم ligation بالسلك الحرير لغلقهم ومنع النزيف وبعد كده بنوصل الجلد ببعضه وندهن اى مضاد حيوى موضعى
ممكن نعطى مضاد حيوى عضل وممكن لأ
وعلى العموم مجرد مابتربط الوريد والشريان خلاص وبيبدا يلم الذيل عند هذا الجزء
وبتبقى الحاله تمام
وهذا ما اعلمه وانا اعلم ان فيه ناس تعرف اكتر من كده فياريت يفيدونا
والله ولى التوفيق

النهارده مش عارف اكلمك عن ايه ولا ايه
المهم الحالات كتيير
مثل
bog spavine in bull-1
2-lamness in cows and buffaloe som cases with fever
3-تناسليات منها ماهو تشخيص حمل فى ابقار وجاموس ومنها ماهو عنده مشكله فى الشياع
4- حالات باطنه قلت شهيتها فجأه وحرارتها طبيعيه وكرشها شغال وبتجتر
هذه الحالات قليل من كثير وبإذن الله هناقشها بس لما يبقى فيه وقت بس ياريت تشاركونى علشان يتم النفع
والله ولى التوفيق

السلام عليكم اخوانى واخواتى الزملاء الافاضل
ياريت الكل يشارك معايه فى الموضوع ده
علشان اقدر افيدكم
كل ما تسألو هتفتحو ليه طرق للرد عليكم
شاركونى يومياتى
واتكلموا عن ايامكم اللى هتنتظركم عايزنها شكلها ايه وبإذن الله تكون ازاى
والله ولى التوفيق