عاوزة اعرف يعنى اية كلمة (حب)

ببساطة يا شباب انا عاوزة اعرف يعنى اية كلمة حب او احبك

وهل للكلمة دى التزامات من الطرفين؟

وهل الكلمة دى ممكن اعيش فيها لما اكون بحب من طرف واحد؟

انا هبدا بنفسى هاقول رايى

انا بالنسبة ليا كلمة بحبك معناها ان الشخص اللى احبة انا ابقى كل تفكيرة يعنى فى بالة على طول وهو يكون فى بالى على طول يعنى حد كدة يكون مهتم بيا اكتر من اهلى مش معنى كدة ان اهلى مش مهتمين بيا لا الحمد اللة ربنا يخليهم ليا يارب


اما بالنسبة ان الكلمة دى ليها التزامات اكيد طبعا لازم الطرفين يقعدوا مع بعض وكل واحد يقول بحب اية زمش بحب اية يعنى نحاول نغير من بعض للافضل


اما بالنسبة للحب من طرف واحد فانا بشبه بواحد محتار يموت نفسة بسكينة ولا مسدس بس هو فى الاخر عاوز يموت وخلاص ربنا يكفى الجميع هذا النوع من الحب

اولا انا عاوزة اعرف يعنى اية كلمة حب او احبك

حب يعنى وفاء وعطاء وخوف ومعانى كتير قوى شبيهه بالمعانى دى

ثانيا وهل للكلمة دى التزامات من الطرفين؟

طبعا وبتبتدى الالتزامات دى من اول لحظه كلمه احبك اتقالت
وطبعا كلنا عارفنها زى مانتى قلتى ( خوف ومعاهده ربنا فى اللحظه دى على كل حاجه حلوه
من الطرفين طبعا )

ثالثا وهل الكلمة دى ممكن اعيش فيها لما اكون بحب من طرف واحد؟

انا شايفه ان الحب من طرف واحد مالوش اى امل ومش هيجيب وراه الا حيره وتعب وقلق وطبعا هيبوظ المعنى الاساسى للحب وانا ممكن اسميه ( حب من غير امل )

مين اللى قال كدة يا عبقرى زمانك

انت زعلت ولا اية انا كنت بهزر على العموم الاختلاف فى الراى لا يفسد للود قضية

يعنى ايه حب؟
الحب معناه توافق وتناسب بين اثنين و ظروف مناسبه و مش احساس وبس
ده بالنسبه لى علشان يستمر


هل للكلمه التزامات؟
ده مجرد النظره واحساس القبول بيخلى فى التزامات حتى من غير كلام


الحب من طرف واحد؟
الفلاسفه والشعرء بيشوفوه افضل انواع الحب لانه حب من اجل الحب
بس عمليا هو افضل طريقه لتعذيب النفس



المشكله ان مفيش مفر يعنى مهما تقولى اول لما يجى الحب كل ده بيتنسى يعنى اكيد اللى بيحب من طرف واحد مش غاوى يعذب نفسه اكيد مش قادر يتخلص منه[b]

يا raul

انا عاوزة اعرف يعنى اية كلمة حب او احبك
كلمه دى معناها كتير اوى لان الحب ده جواه حاجات كتير اوى جميله (الوفاء التضحيه الاخلاص خوف على طرفين ..............)

ثانيا وهل للكلمة دى التزامات من الطرفين؟
طبعا ليها مستلزمات من الطرفين لان عشان الحب ده ميموتش مع الايام هيكون بايد الطرفين دوول لانهم ممكن فى لحظه يموتوا الحب الجميل ده وفى لحظه برضه ممكن يخلوا الحب ده احلى قصه حب فى الدنيا فاكيد ليها مستلزمات كتير اوى واهمها انك تدى الطرف كتير اوى ومنتظرش المقابل

ثالثا وهل الكلمة دى ممكن اعيش فيها لما اكون بحب من طرف واحد؟
هو انا مع اللى بيقول انه احلى معانى الحب بس بيقى اصعب انواع الحب لانه مفيش امل وهعيش طول عمره فى حب ده لوحده يبقى كده فعلا تعذيب النفس

وبجد موضوع جااامد ومنتظرين المزيد بس سورى الموضوع ده هيتنقل قسم افتح قلبك

انا عاوزة اعرف يعنى اية كلمة حب او احبك
الحب يعني وفاء واخلاص وتسامح وحاجات كتيرة حلوة وكمان تعب لما تقلقي علي اللي انت تحبيه تعب اما يكون زعلان اكيد انتي هتكوني زعلانة وتتعبي اكتر اما تحاولي تتطلعيه من مود الزعل وخوف من اللي جاي يا ترى هنكون مع بعض علطول ثانيا وهل للكلمة دى التزامات من الطرفين؟
الكلة دي ليها التزمات كتيرة اووووووووووووووووووووووووووووى ثالثا وهل الكلمة دى ممكن اعيش فيها لما اكون بحب من طرف واحد؟
استحالة لانه مش يبقي حب وبعدين لو بتحبي من طرف واحد انسي ودوري حوليكي هتلاقي اللي يحبك ويستاهلك ويقدر مشاعرك

مش عارف ليه يا فيتا مواضيعك دى غريبع اوى
اهوه واحد زى راوول استغرب جدا
وانا معاه طبعا
تقريبا محدش عاد بيسال عن الحاجاتى دلوقتى
حاولى تكتبى حاجه مفهومه شويه الواحد ميستغربلهاش

كالعادة مووضوع حلو والله
بس برده كالعادة كنت مستنية اشوف ردودكم
هو من وجهى نظرى العنوان غلط سورى يا فيتا يا قمر
بس الحب مش كلمة دا اكبر من كده بكتير
ومهما قولنا وعيدنا مش هنقدر نوصل للمعنى لانه فى حاجات كتير اوى
متضادة انك تبقى
خايف ومطمن
فرحان ومهموم
حيران ومرتاح
واحلى حاجة فيه
انك بتبقى كومبليتلى ديفرنت عن شخصيتك اللى طول عمرك متعود عليها
وياسلام لما تكلم نفسك وتقول معقول انا اعمل كذا وكذا؟ معقول انا بقيت كده؟؟
ومتلاقيش جواب غير انك بتحب.. ومتشفش غير اللى بتحبه دا ولا تحس غير بيه ولا تسمع غير صوته ولا تطمن الا فى وجوده..
وحلو اوى انك تلاقى نفسك من غير ماتحس
بتعمل كل اللى يرضيه وطول منت معاه مش عايز تسيبه ولما تسيبه تبقى عايز تلف وترجع تانى وتفضل معاه خمس دقايق كمان
وكتييييييييييييييير اوى بجد مينفعش يبقى كلمة دا ممكن يبقى كتاب او موسوعة

والردود كلها منطقية بس مين قال ان الحب منطقى وله قواعد
واسس دا اكتر حاجة فى الحياة ملهاش قاعدة وحلاوته واستمرار حيويته فى كده
انك تبقى كل يوم غير اللى فات وكل وقت بتحب حبيبك بطريقة
وبتعبر عن دا بطرق مختلفة
وان كان فى اكتر رأيين عجبونى وقريبين من اللى عايزة اوصله
كان رد فرح وشهد
بجد قربوا اوى
لانهم اتكلموا اكتر عن الاحساس مش باسس وقواعد و1 + 1
والله مهما قولنا عمرنا ما هنوصل لكل حاجة
سوالك صعب يا فيتا لانه مالوش اجابة محددة
بس بجد تسلمى ع التوبيك
وطبعا الحب من طرف واحد كلكوا لخصتوه كويس واى وحلوة اوى كلمة حب بلا امل او موت محتوم ايا كانت الوسيلة..

نورتم الموضوع ميرسى للمرور