تغسل ايديها الاول بصابون لوكس او دوف علشان بشرتها الناعمه وتنشف فى كلينكس او اضعف الايمان بفوطتها الخاصه اللى ريحه النظافه فيها تروح بهدوء فظيع على غرفه الطعام تجلس على المائده بهدوء بعد ان تجذب الكرسى بحنان ورقه وتجلس عليه بمنتهى الرشاقه والخفه وتمسك المعلقه وتحدق فيها لتتاكد انها بتلمع واحتمال تظبط شعرها فى المعلقه(عملاها مرايه ) وتمد ايديها على طبق السلاطه تتناوله بهدوء علشان تفتح شهيتها وتعمل رجيم برده وبعده تاخد على طرف المعلقه 20حبايه ارز بالعدد ومعاهم15 حبايه بسله او اى نوع خضار وتاكل قطعه اللحم بهدوء وممكن تسيب جزء فى الطبق تقوم تغسل ايديها بنفس الهدوء اللى دخلت بيه على الاكل وده طبعا مش من غير بسم الله والحمد لله قبل وبعد الاكل
يقوم من النوم على الاكل على طول لا احم ولا دستور ولا غسيل ايد ولا وش يرزع نفسه على الكرسى تقولش نيزك نازل من السما وممكن يكون مش كل افراد الاسره على المائده بس هو ماله ......اللى يجى الاول بقى يدخل على الارز الاول ومعاه او عليه بمعنى اصح يكب طبق الطبيخ كله وقلب يا عم الحج وعلى بقه اللى مفتوح من الشريد للوريد يتبعه بقى قطعه لحم لاتقل عن نص كيلو طبعا اكتر لانه بيلم بتوع اخواته الصغيرين من قدامهم ووراهم رغيفين تلاته باى حاجه من على الترابيزه وبعداها يقفل بالسلطه وبياكل بايده الاتنين زى بتوع عصر الديناصورات وتسمع اصوات بقى زى الاسد اللى صايد غزاله ومش ناوى يسيبها غير على العضم ويخلص المعلم...ويدخل على شوب العصير او الحاجه الساقعه(سفن اب يا لذيذ يا رايق)....وكوبايه شاى علشان يحبس وطبعا برده الاصوات...صوت المزمزه والمصمصه وبعده صوت........غابه مش ترابيزه اكل المهم يخلص المعلم ....صحه وعافيه يزق الكرسى برجله ويقوم وعقبال ما يوصل للحمام يكون مسح ايده فى الفنله وعامل منظر سريالى عليها واى حد يقابله يساله ايه اللى فى الفنله....ايه موده ديرتى
عرفتوا ليه بقى البنات الجنس الناعم.....وعدوا بقى ايه تانى
micododo عضو ممتاز
موضوع: رد: الفرق بين اكل البنت واكل الولد الإثنين مارس 09, 2009 1:56 am
ههههههههههههههههههههه نايس توبك يا ويييجا فعلا انا معاكي الصبيان بياكلو بالطريقه دي وخصوصا بقي لو في مطع فول و طعميه اوي كشري تحسي ان الديناصورات رجعت تاني بس لو الولد بقي كان معاه بنوته و لا حاجه بيبقي مش عايز اقولك رقييييييق ل اقصي درجه و بياكل و الشوكه و السكينه وسمباتييييك خاااااااالص انما لو معاه صبيان زي ما قولتلك طبيعه رجل الغابه بتظهر علي طووووول نايس توبك لتاني مره
wija عضو ممتاز
موضوع: رد: الفرق بين اكل البنت واكل الولد الإثنين مارس 09, 2009 8:57 pm
شكرا لمرورك يا ميكوو بس انا شفت ولاد ومعاهم بنات وبياكلوا برده اكل وحوش وده فى الكليه كمان مش مطعم فول ولا كشرى شكرا لمرورك مره تانيه
beauty_tweety عضو ممتاز
موضوع: رد: الفرق بين اكل البنت واكل الولد الإثنين مارس 09, 2009 10:54 pm
ههههههههههههههههههههههه بجد بجد الموضوع جااامد وعندك حق يابنتى ده احنا ارق مافى الكون حد يقدر ينكر ده اما الولاد ياسااااااتر لا بهزر على فكره بس بجد موضوع جامد وتسلمى على التوبيك
Yannii عضو نشيط
موضوع: رد: الفرق بين اكل البنت واكل الولد الثلاثاء مارس 10, 2009 1:59 am
ولو ان الموضوع حلو بس مش كلنا كدة والله
فيه فرق بين الشخصية والتانية
نايس توبيك يا دكتورة
fara7 عضو ممتاز
موضوع: رد: الفرق بين اكل البنت واكل الولد الثلاثاء مارس 10, 2009 2:44 pm
ههههههههههههههههههههههههههههههههههههههه جامد ياويجا وطبعا يابنتى احنا ارق خلق الله حد يلاقى اصلا
wija عضو ممتاز
موضوع: رد: الفرق بين اكل البنت واكل الولد الثلاثاء مارس 10, 2009 8:22 pm
موضوع: الفرق بين اكل البنت واكل الولد 
الأحد مارس 08, 2009 10:13 pm
لا بهزر على فكره بس بجد موضوع جامد
