رباعيات عم صلاح جاهين

ايه اللى خدته من مرور السنين
ياقلبى غير الدموع والانين
بتئن وترجع تفرح وترجع تحن
مع ان مش كل البشر فرحانين وعجبى

الله عليك يا عم صلاح بجد مبدع والله...
والله عليكى يا ويجا يا حبيبتى حاسة بيا وانىت عرافه انا بعشق جاهين اصلا..
ميرسى يا جميل تسلم ايديك..


((انا شاب لكن عمرى ولا الف عام
وحيد ولكن بين ضلوعى زحام
خايف ولكن خوفى منى انا
اخرس ولكن قلبى مليان كلام.. وعجبى..))


((خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا وحي بيصير تراب
الأصل هو الموت و الا الحياه ؟
عجبي !!!))

((ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!))

((رقبه قزازة و قلبي فيها انحشر
شربت كاس و اتنين و خامس عشر
صاحبت ناس من الخمرة ترجع وحوش
و صاحبت ناس من الخمرة ترجع بشر
عجبي !!!!))

دول من الرباعيات اللى بحس بيها اوى ومستنية مزيدك يا ويجا..