تقدر متبكيش ؟ ..
لما تشوف طفل بيستنجد .. ودموعه فى عنيه بتتجمد
وانت فى حضنك إبنك عايش وانت متطمن على روحه
تقدر متبكيش ؟
أم بتتهان قدام منك .. ترضاها على أمى وأمك ؟
وفى عز عذابها بتدعيلنا راضيه عليكو يا ولادى روحو
تقدر متبكيش ؟
اللى اتقتلو لحمك .. دمك .. والأرض اللى اتاخدت أرضك
دم اخواتك دين فى رقابتك .. هيعيش يصرخ دايماً فيك
إوعى تساوم يوم على حقك .. وان شالله تروح فيها رقابتك
موت مقتول لكن بكرامتك .. واوعى تعيش مكسوره عنيك