تعمل ايه ؟ تحب ولاتتحب تختار ايه ؟ تبعد ولاتكمل ؟ سؤال عاوزين له اجابه

اليوم سأعرض عليكم سؤالا يحتاج الى اجابه نهائيه
بداية قد يقع قلبنا فى حب شخص ولكن هذا الشخص لايحبك وله أسباب لفرض هذا الحب او بمعنى أخر انك تعيش حالة حب من طرف واحد
وفى نفس الوقت الذى تحب فيه هذا الشخص أتى اليك شخص أخر يحبك شخص مستعد كل لحظه أن يموت من أجلك
يضحى بكل شىء من أجلك انت
هذا الشخص يحبك بكل معانى الكلمة ؟؟
ماذا تفعل اذا وضعت فى هذا المكان ؟؟
تعمل ايه ؟؟
تعمل ايه ؟ تحب ولاتتحب تختار ايه ؟ تبعد ولاتكمل ؟
تحب شخص مش قادر يحبك
تتحب من شخص مش قادر تحبه
تقدر تتجاوب مع الشخص الى بيحبك
منقووول للامانه

اولا الموضوع بجد تحفه
بجد انا لو بحب حد والانسان ده مش حاسس بيا مينفعش طول عمرى اعيش ف حب من
طرف واحد ومش هسيب نفسى برضه لغايه ما اتجرح لان لو حد بيحب من طرف واحد ساعات بيتجاهل ده ويحس ان الانسانه دى بتحبه بس غلط كبييييييير جداااااا
اما لو جالى حد فعلا وبيحبنى الحب للدرجه التضحيه بس هوافق بيه وهبعد عن التانى
لان كنت وانا صغيره كان بيقوليلى مقوله وفعلا اقتنعت بيها اللى هى خد اللى بيحبك ومتاخدش اللى انت بتحبه وفعلا دى صح لانك لو حتى كمان وافقت عن الانسان اللى بيحبك ده ع الاقلل هتكون عارف هو هيكون خايف عليك من النسمه اما الانسان اللى بتحبه معتقدش انك هتكون واثق انه ممكن يضحى ليك اولا
تسلم للموضوع وبجد موضوع جاااااااامد

انتوا بتفكروا فى نفسكوا وبس..
افرضوا يا اخوان ان الحد اللى بيحبك بجنون دا مش قادر ييخليك تحبه
او بمعنى اصح اه هو بيموت فيك بس انت ولا الهوا..
هتعمل ايه ؟؟
كلكوا قولتوا اه هوافق ومواضفات وبتاع
طب مانت كده هتظلمه معاك
اه هو هيحبنى وهيخاف عليا وهيحس بيا لكن انا فين؟؟
هقابل كل دا بايه؟؟
بجرح اتجرحته من حد تانى واطلعه عليه.. وبأنى يادوب اقوله ميرسى بطرق مختلفة بس مش هحبه..
مهو طالما محبتوش من الاول مع انى عرافه انه بيحبنى يبقى عمرى ماهحبه فكروا فى غيركم..

راى بقى بالنسبة للشق الاول مش عارفه بس اكيد مش هرضى بعذابى انى احب حد مبيحبنش..
بس بالنسبة للشق لتانى عمرى ما هوافق على حد بيحبنى بس من غير ما احبه حتى لو مش رافضاه بس مش حباه..
مينفعش حتى لو هفضل لوحدى طول عمرى..
بس زى ما رضتش بظلمى وكبرت دماغى من اللى بحبه مش هرضى بظلم غيرى واعلقه بيا وانا مش بفكر فيه..

موضوع مية مية يا ميكو بجد ايه الدماغ دى؟؟

انا حطيط الموضوع ده يا جامعه عشان دي مشكله انا شفتها بعنيا
انا لو في مكان الشخص الي في الموقف ده
هافضل احب الانسانه الي بحبها و مستحيل اتخلي عنها حتي لو هيا كانت ما بتحبنيش
هاسيبها في حالتين : لو هيا ارتبطت بحد تاني او انا فاتحتها في الموضوع و قالتلي لا في وشي
في الحالتين دول بس هانفضلها خااااالص انما غير كده عندي استعداد احبها لمليون سنه
الجزء التاني بقي
هاخد طبعا الي بيحبني لانه زي ما فرح قالت لو بيحبني بجد هايخليني احبه و ينسيني الدنيا
واهبقي متأكد اني هاعيش مبسوط معاه
معلش انا برغي كتير
شكرا لمروركم

واناكمان بكلم فى حاجة حصلت بجد وقدامى
ممكن اللى بيحبك دا
مهما كانت درجة حبه ليك
متعرفش تحبه
لان دى كيميا مش بنطغط على زرار نحب دا ونكره دا
وساعتاه لو ارتبطت بيه تبقى بتظلمه وتظلم نفسك..
دا رايى وانتوا حرين بقى..

برده لا تحب ولا تتحب..................الحب مش بيأكل عيش.....

امال بياكل ايه يا استاذ كوبرا
يا ريت تفدنا بخبراتك و النبي

المهم يا دكتور انك تحدد الاول انت عايز ايه ...............................و متنساش لغة العيون يعنى كل واحد تعرف هو بيحبك ولا.........؟ من عنيه حتى لو متعملتش معاه ....المهم منندمش على حاجة.............وده قصدى أن الحب مبيأكلش عيش............يعنى منرسمش احلام على الرمال وبعد كده نظلم الحب معانا.........أعقلها وتوكل

اقتباس :

يعنى منرسمش احلام على الرمال وبعد كده نظلم الحب معانا

كلامك صح اوي في النقطه د ي
لازم كل واحد يتأكد من مشاعره الاول قبل ما يقدم علي اي تجربه
شكرا لمرورك يا دكتور

انا لية رأي في الموضوع ده يمكن مش كتير ممكن يوافقوني عليه
في الحالة الأولي لو بحب بنت وهية مش بتحبني
طيب حفضل ادي لحد امتي
ويوم ما الاقي واحدة تديني اللي مفتقدة معاها اكيد حرميها
يبقي انا كدة داخل في علاقة بلا أمل

وفي الحالة الثانية اه البنت بتحبني وانا قابلها كشخصية بس مش بحبها
تفتكروا اول لما اقابل الحب الحقيقي حيحصل ايه حختار اللي ابدالها نفس الشعور
ولا اللي اللي بتحبني وحتموت عليا وانا مش حاسس بيها خالص


انا متهيألي ان اي علاقة اذا كانت مشاعرها مش متبادلة بين الطرفين يبقي بناقصها
علشان لانظلم نفسنا ولا نظلن الطرف التاني

ايه الموضوع الجامد ده يا ميكوووووووووووووووو
بجد مواضيعك كلها بقت جامدة
انا عايز اقول............ ان الحب اجمل شى فى الدنيا .......... بس احب ولا اتحب .......... دى بتتوقف على شخصية اللى قدامى و شخصتة الفرد نفسه
وبرده حسيبه ولا لا .......... كل ده بيتوقف على الشخصيتين