الحلقه التانية
القصير والطويله
المكان : البيت قصاد البيت بلكونة فى بلكونة وشباك فى شباك
هو : بيحبها وهيموت عليها بس عيبه إنه قصير زيادة عن اللزوم
هى : يعنى مستلطفاه بس مش مالى عينها لأنها أطول منه بكتير
هو
طول الليل قاعدة فى البلكونة على الأرض عشان مبينامش
يمكن تطلع ولا حاجة لحد ما الدنيا نورت عليه
وهوبا
صوت البلكونة بتاع حبيبته بيتفتح زحف على بطنه زى بتوع الصاعقة ودخل الأوضة
وبص فى المرآيه وظبط نفسه وكل تمام وطالع قال يعنى طالع بالصدفة
هوبا يادوب شاف ضهرها وهى بتدخل وقال بصوت عالى يوووووووووووووووووووووووووووووه
الصوت كان على لدرجة إنها طلعت تانى
يويا : صباح الخير
وفى سرها
(لا ونبى هتللك كرسى اقف عليه جالى تشنج فى رقبتى)
ويكا : يا صباح الفل يا صباح العسل يا صباح الياسمين
يويا : واضح إن مزاجك رايق ونايمللك حبتين حلوين
فى سرها
شكلهم جايبنللك سرير أطفال اصلا
ويكا : هو فى حد بينام فى البلكونة برضه هههههههههههه
يويا :وهو فى حد عاقل يسيب سريره وينام فى البلكونة
ويكا : ده يبقى عبيط أنا عمرى ما شوفت كده فى حياتى هههههههههههههه أنتى شوفتى ؟
يويا : لألسه محصليش الشرف
ويكا : اه صحيح هتشوفى إزاى مانا كنت مدارى نفسى
يويا : أيه ؟ كنت ايه مسمعتش كويس أنت وطيت صوتك ليه ؟
وفى سرها
هى ناقصه وهو طالع بالذق كده
ويكا : ماهو لو عليته تبقى فضيحة هههههههههههههه
يويا : هو أنا بقولك زعق
ويكا : والله مانتى فاهمة حاجة
يويا : ياعم أنت هتروشنى على الصبح ليه ؟
المهم صحيح أيه الصوت اللى حصل ده أنا طلعت مخضوضة
ويكا : لا أبدا دانا كنت بتاوب
يويا : دانا قولت فى واحدة بتولد جوه ولا حاجة ههههههههههههههه
ويكا: سيبك سيبك المهم أنتى وراكى أيه النهارده
يويا: ورايا باب البلكونه هههههههه
ويكا: انا برضه اللى صاحى مزاجى رايق
يويا: معلش اصلى لسه ضربالى شوب نسكافيه مظبط
ويكا: لا لا بجد قولى
يويا:انا نازله عندى تمريين باسكت بوول
( طبعا انت مش ليك فى الحاجات دى )
اصل هما مابيخدوش الطوال
ويكا: ليه دى حتة مش مستاهلة يادوب
الواحد يكون أعصابه جامدة عشان يمسك المضرب كويس ويوجه نفسه بسرعه
يويا: بنخ بونخ ده ولا ايه بقوللك باسكتتتت
ويكا: اااااااااااااااااااه باسكت بتاع الزبالة
لأ أنا مليش فى شغل البيت شوفى شغلك أنتى بسرعة
يويا: ليه
بتكلم فلبينية
ويكا : لأ هو فى فلبينية عينيها حلوة كده دى بتبقى عينيها قافلة طول الاسبوع هههههههههه ومتعرفيهاش وهى صاحية من وهى نايمة هههههههههه
طب ما ايه رأيك انزل ابدأ تمرين معاكى دانا هشرفك ههههههههههههه
يويا: لالالا انا خايفه يفتكروك كوره هناك مرجعش بيك
ويكا : بجد بتخافى عليا بغض النظر عن بقية الكلام بس انتى خايفة عليا صح صح قولى صح هههههههههههههههه
يويا: متكسفنيش بقى
انت عايزنى اقوللك يعنى انى خايفه عل تمرين
ويكا: اه خايفة يطردوكى وياخدونى مكانك هههههههههههه
طب انتى هتنزلى الساعة كام عشان اظبط نفسى ونروح سوا ؟
يويا: ههههه اه هيخددوك ويدوك سلم هديه
انا نازله الساعه 6
بس فكر تانى لحسن انا مش مسئوله عل هيحصل ههههههه
ويكا: لا خليها بدرى شوية ننزل على 5 او 5 ونص
عشان هتشترى معايا لبس سلة ولا أجى بالمايوه عادى ههههههههههههه
يويا: مش هتفرق كده كده مش هتبان من اللبس هههههههههه
ويكا : ليه هو انا هلبس المايوه على وشى هههههههههه
المهم نتقابل قدام العمارة الساعة ستة إلا نص
يويا: ماشى 6 الا نص وخمسه
...............................
وبعد كده
هى يومها ماشى طبيعى زى اى يوم
وكل عاده كل ماتمشى فى حته تخبط فيها
فرحانه بطولها بقى
انما هو
ياعينى عليه قلقان طول اليوم و
عمال يلعب عقلة يمكن يطول 2 سنتى ولا حاجة
ويغنى ويقول
(انا مهما طولت قصير)
واستحمى يجى 7 مرات وبيفكر يكملهم 10 وشايل هم الدنيا فوق راسه
وفجأه
تن تن الساعة جت خمس 5
دخل من قلقه يستحمى تانى لحد ما باش يا عينى وجلده إتسلخ
ولبس ونزل واقف تحت العمارة
وهى جاية كول جدا
(الحمدلله مخبطتتش فى حاجه)
ماشين جنب بعض
وويكا عمال يسأل نفسه اخبار الطقس عندها فوق ايه
وبعدين دخلوا محل الادوات الرياضيه سوا
ويكا : لو سمحت عايز لبس سلة من الطويل ده
بتاع المحل : طب هات اللى انت جاى تشتريله ولا قولى مقاسه
يويا : لا احنا عايزين ليه هو
بتاع المحل : ههههههههه ليك هههههههههههههه طب هات حد يلبسه معاك او روح فصلك احسن
ويكا : افصل ايه انا بقولك عايز مريلة حضانة
يويا : ياعم هات اصغر مقاس عندك وخلصنا
لا مؤاخذة يا ويكا
ويكا :
طب التشيرت وحطيته جوه الشورت لكن الشورت اعمل فيه ايه ؟ارفعه يدفى صدرى يعنى
يويا : شورت ايه يابنى ده جاى عليك برمودا ههههههههههههه
ويكا : كان عندى حق لما قولت ألبس المايو بس هحط الفانلة جواه ازاى يالا مش مهم
.......................................مشينا من المحل ورحنا النادىوانا وويكا دخلنا الملعبوالكابتن كان واقف بعيد بيبص علينااول ما رحناله قالى
الكابتن: هاى يايويا اعامله ايه ها جاهزه للتمرين انهارده
هو انتى طولتى تانى ولا انا متهيالى هههه
هومين ده انتى جايبه اخوكى الصغير معاكى
كوتى كوتى كوتى بطووط
ويكا ليويا بصوت واطى انتى قولتى كابتن مش مستر فى حضانة- لأ أنا جارها
يويا : الالالالا ده جارى ياكابتن هو بس لما بيتخض بيقصر
الكابتن : طب وجاى ليه يا جارها احنا عندنا كور زيادة وكمان افتكر ان الباسكت معمول جامد هاهاهاهاهاهاهاهاها(ضحكه عملت زلزال)
ويكا : ايه ده هو كده بيضحك ؟؟؟ معرفتكش والله ايوة جاى ألعب
الكابتن : وأنت اللى هتنطط الكورة ولا الكورة اللى هطنططك هاهاهاهاهاهاهاهاوادى تانى زلزال فى نص دقيقه
يويا: معلش ياكابتن خليه احتياطى الكور اييييه قصدى الفريق
وبعد كده ابتدى التمرينوكل عادده كلو واقف ورا بعدهوالكابتن حط ويكا فى أخر الصف لحسن يتوه فى الصفوف ولا حاجه
والكل يجرى ينطط الكورهويحدفها جيه بقى دور ويكاقعد يجرى فضل عمال بيحارب ويزوق
نطط الكوره وجيه يحدفها خبطت فى العمود وصدت فى وشه بقى هو والكوره شبه بعض
يويا: يييييييي معلش معلش حاول تانى
لف الدور وجه على ويكا بس هو مركز من الدور اللى فات خد باله ان الشورت واسع وممكن يقع منه
بيجرى بالكورة ناحية الباسكت هوبا الشورت وقع والناس كلها بتضحك ساب الكورة وعدل الشورت وطلع يجرى ورا الكورة يلحقها قبل ما تعدى الخط
رباط الكوتش اتفك وداس عليه راح نازل بوشه على الكورة
اكورة خبطت فى الارض وطلعت فووووووووق وهو حضن الارضية بوشه
راح رفع راسه بالعافيه بيبص ليويا حاسس انه بقى قزم فجأه
وقالها وهو هيعيط :انا بحبك
راحت الكورة وقعت فوق دماغه خبط فى الارض تانى اغمى عليه
وادى اخرة اللى يحب واحدة اطول منه
موضوع: ::: يوميات ويكا و يويو:::: 
الجمعة يناير 09, 2009 12:00 am
