جداول جميع الدفعات 2010 -2011

من واحد مخلص كليه طب بيطرى لسه طازه للمساكين اللى محطوطلهم جدول الدراسه ده

احب اقولكم

ايها الطلاب

احب اقولكم

انا خلصت

معدتش فيه كليه ولا امتحانات ولا شيت ولا عملى ولا شفوى
ولا تهزيق
ولا جدول امتحانات جميل ومريح ومناسب لكل الطلبه والطالبات الاحياء منهم والاموات
ولا ذل عشان اجيب النتيجه
ولا مصاريف ولا عم ممدوح بتاع الشئون يطردنى من اى حته اقعد فيها فى الكليه
ولاحفر حوالين الكافتريا وفوق الكافتريا وتحت الكافتريا وعلى شمال الكافتريا وعلى يمين الكافتريا
ولا خش من الباب ده يا استاذ عشان ده بتاع العربيات .. لانه باب كبير طبعا ميكفيناش ندخل منه انما يكفى العربيات بس
ولا شباب لذيذ يعمل ميرضاش يطلع ورقه يتصور بره عشان العين

وتحذير صغير بس انا لسه مزهقتش من ولا ولا .. فاللى زهق يقلب الصفحه عشان مفيش جديد انا ممكن اعيدنفس الكلام تانى بس مستمتع وخلاص

ولا دكتور مصطفى يطردك من السكشن عشان اى حاجه والسلام .. المهم يطردك عشان يحقق اسكور
ولا مسرحيه عظيمه بتتعاد كل سنه مع تغيير الممثليين
ويسلام على الممثلين

ولا دكتور لسه متعين يتنطط عليا فى اللجنه عشان فرحان انه بيراقب
ولا حد يطلع عقده النفسيه عليا سواء فى لجنه او سكشن او فى اى حته والسلام

:::::::::::::

طبعا الكلام ده انا مسؤل عنه مسؤليه كامله

واحب اقول انه بعد 19 سنه تعليم
اصرح وانا فى كامل قوايا العقليه
بأن التعليم فى بلدنا العظيمه
وامنا الحبيه
مصر
وفى عام 2010

هو اغبى حاجه فى مصر وهو سبب كل الكوارث اللى احنا فيها

انتحار ... ده اللى قدرت عليه

انت شايف ان ده حل يعنى