انا عايزه اقول حاجه

كنت عايزه اقول ايه .................اقول ايه هو انا نسيت ولا ايه ؟؟

اه افتكرت

كلامى مش عن الخنقه المره دى بطريقه مباشره يعنى انما هو بدايه طريقه للكلام عنها بردوا

انا هفضل اكلمكم عنها لحد ما تتخنقوا منى وتطالبوا الادمن انها تطردنى من المنتدى بقى
المهم بقى

هتكلم النهارده عن حب الناس واحنا ليه بنعمله مشكله اوى فى حياتنا زياده عن اللزوم

مش بقول مش نحب الناس لاطبعا بس نحبهم صح

انا كتير بسمع ناس تقول نفسى احب حد واعيش عشانه

طب وانا ليه ادور بره ما انا ممكن اعيش عشان اهلى مثلا اصحابى

هو نا قمت بدورى على اكمل وجه ناحيتهم يعنى

ليه تدور على الحنان والحب بعيد وهما موجودين فعلا فى كل حاجه حواليك

فى عيلتك واصحابك وحتى زماليك كمان بينكم اكيد حاجات مشتركه حلوه

حتى الشارع اللى انت ساكن فيه او اتعودت تمشى فيه مش انت لو بعدت عنه بيوحشك بردوا

حاجات كتيره اوى صغيره حواليك انت بتحبها بس مش عارف معزتها عندك او مش واخد بالك منها

اللى عايزه اقوله فى فرق بين انك تدور على حد تعيش عشانه مع انه اكيد حواليك كتير

وبين موضوع فارس الاحلام او فتاه الاحلام اللى الناس كلها اكيد بتحلم بيه

فيها ايه لو تستغل طاقه الحب اللى جواك صح .................... ازاى؟؟؟

انت اكتر واحد تقدر تحدد ازاى تحب اللى حواليك صح بردوا وتعبر عن الحب ده لانه مش ضعف ده قوه على عكس ما بعض الناس تفكر

جرب تعمل حاجه كويسه لحد تساعده بيها وتشوفه فرحان وانت اكيد ساعتها هتفرح

اى خير هتعمله اكيد هيفرحك واكيد ربنا هيجازيك عليه خير باذن الله

انا كالعاده بعدت شويه عن اللى تحديدا كنت عايزه اقوله

لو انت حبيت حد اى ان كان صديق او اى صفه تانيه

والظروف فرقت يعنى خلاف او هو طلع مش اوى يعنى

مش تزعل انك حبيته ولا تندم انت حبيت مش كرهت عشان تندم

والحب احساس راقى اوى بيخلى القلب صافى علطول وطيب

عشان كده مش تعمل من حبك ليه مشكله او ازمه مهما حصل

لانك ياما هتقابل ناس وتشوف منهم الحلو والوحش خلى قلبك مليان حب وطيبه

واوعى الظروف مهما كانت تغيره وانت لما ربنا يأذن هتقابل اللى هتحس انه يستاهل

انك تحافظ على قلبك طيب عشانه ان شاء الله بردوا

لان بكره اجمل دايما من امبارح ان شاء الله

مهو ده اللى انا بحكى عليه يا جميل

لو بصينا للموضوع فى الاخر تلاقى ان اللى حبيتهم دول وهم مش يستاهلوا هو اللى خسروا والخاسر هو اللى يندم

انتى حبيتى مش كرهتى يبقى ليه تندمى دى حتى احساس حبك للناس ده اجمل احساس ممكن تلاقيه لانه بيصفى قلبك علىطول

ويخليه جميل وطيب يبقى مش فى مجال للندم يبقى نفرح اننا قلبنا طيب لسه قادر يحب الناس لسه ويديهم اخلاص وحنان وان شاء الله

ربنا يعوضنا بالناس اللى تستحق انا نفضل طيبين عشانهم

وربنا يخليكى يا قمر انا فعلا بكتبه من قلبى عشان يوصل لقبكم بسرعه ادعيلى بقى اكون عاقله كده علطول

بس كوهين ازاى بس هو فى كوهين قمر كده

هههههههههههه هيثم انت عندك حق اوى فى كلامك وكالعاده بيكون ردك مكمل لكلامى

دايما لان للاسف الدماغ واحده قصدى ده شرف ليا يا ريس والله( البند الخامس بتكا عليه اهو )

بس انا عايزه اقولك على حاجه انت قولت انى اوفر فى موضوع الشارع ده ابدا والله انا كنت اتنقلت من فتره كده من بيتى وروحت مكان تانى

ومكمله فيه اهو اه طبعا حبيت المكان واتعودت خلاص الحمد لله عليه لاكن مستحيل بجد اخرج الا ولازم اعدى على بيتى القديم واقف هناك شويه

ومعظم نزولى بيكون فى الشارع اللى كنت ساكنه فيه اما كانش كله كمان

والله اى حاجه بتبقى ناقصه فيه او حتى بياع اتعودت اشترى من عنده بتفرق اوى معايا ولما بروح هناك بحس ان الشارع لسه فاكرنى وانى وحشته

زى ما بيوحشنى

وانت مش هتصدق ده الا ما تنقل انت كمان من المكان اللى ساكن فيه عشان تجربl ادعى بقى ولا ايه ؟؟؟



ويا اجمل عطعوطه مش فى اى تشاؤم ولا حاجه ان شاء الله يا جميل

وانا بقول عشان كده لازم نحافظ على قلبنا صافى يقدر يحب الناس بجد عشان كده

عشان مش نظلم ناس تانيه مش ليها زنب الا انها حبيتنا صح ولا لأ

اوك يا كبير بس تعالا نتفا هم بالراحه كده ويا اقنعك او تقنعنى

انا مش قولت خالص مش تدور على حد تحبه ابدا انا قولت ان الحب شئ راقى جدا بيصفى القلب لاكن

انا قولت ليه ندور على الحب والحنان بره وهم حوالينا لان كتير مننا بيدور بره ومش واخد باله انهم حواليه فى اهله واصحابه وكل حاجه حواليه

ويمكن عشان مش واخد باله منهم يكون مقصر فى حقهم

دى من الاخر دعوه اننانحب الناس اكتر وناخد بالنا من كل حاجه واى حد غالى علينا وحب يا كبير براحتك هو انا منعتك يا اخى

ان شاء الله ربنا يكرمك وتلاقى اللى تعيش عشانه ولو انى وضحت بردوا انى مش متفقه اوى معاك فى العباره دى

لان اكيد حواليك كتير تعيش عشانهم لما تحبهم بجد وتعمل اللى عليك ناحيتهم ده يخلى قلب صافقى ويحافظ عليه طيب ونقى

ساعتها تقدر لما تلاقى الحد ده تسعده ان شاء الله لانك من الاول حافظت على الحاجه اللى تسعده بيها القلب النقى الطيب