حد يعرف مين ده ؟؟

عضو ممتاز

السلام عليكم ورحمه الله وبركاته

عايش بلياتشو في مسرح مفتوح... خايف من حزنه الضحك يروح
بخطوط ألوان على وشه تبان بيداري الخوف لا رحته تفوح
أنت يا فنان بتداوي جراح؟.... ممنوع عليك إنك ترتاح؟

أصلك بلياتشو.... مسرح مفتوح

عايش و كأنك الضحك في دمك و أهم حاجة حلاوة الروح
الدمع يحوشك خايف لا وشوشك ألوانها تبهت و تروح
مافيش ألم و زعل و صراخ ... غير الضحك مش مسموح

أصلك بلياتشو.... مسرح مفتوح

عكس السير ماشي تخبط ... و في روحك بتلملم و تربط
و غيرك يشوفك بتصوت يضحك من شكلك الملووح
.سلامتك يا صاحبي أنا حاسس بيك وحاسس بقلبك المجروح
غير دورك يوم.... و أحكي الهموم
حتشوف ضحكه بجد في كل الكون

و أنسى شوية أنك بلياتشو.... مسرح مفتوح

تفتكرو كم واحد من دول بقو في زمننا ده ؟

عضو نشيط

ايه الجمال ده يا رونى يا قمر بجد كلام حلو
الدنيا دى فيها كام بلياتشو متعديش بقوا كتير اوى
متهيالى كل واحد مننا بيلعب او لعب دور البلياتشو شويه فى حياته
انت يا فنان بتداوى جراح ممنوع عليك انك ترتاح
كتير اوى بندارى الدمعه ورا الابتسامه و الضحك
بس يل ريت فعلا لما نبقى بلياتشو نلاقى اللى يقولنا سلامتك يا صاحبى انا حاسس بيك
علشان نحكيله الهموم
تسلمى يا جميل