انا هكتب خطة للصيف شفتها على قناة فور شباب وعجبتنى اوووووى لانها شاملة
1.حفظ 5 اجزاء من القرآن (بمعدل صفحة يوميا )
2. قراءة كل يوم حديث من احاديث الاربعين النووية وطبعا العمل بيها على اد مانقدر
3.نتفق على خلق من الاخلاق نعملها زى مثلا صلة الارحام وده الحاجة اللى اقترحوها فى القناه يعنى كل اسبوع مثلا تشوفى حد من عيلتك وتزوريه او على الاقل تتصلى بيه ونبدا باللى بقالنا كتير مش زورناهم
4.نعمل رياضة كل يوم لمدة نص ساعة طبعا ده على الاقل اللى هيعمل اكتر طبعا ده احسن وممكن اللى مش هيقدر يروح جيم يعنى على الاقل ممكن يمشى نص ساعة فى اليوم او يعمل فى البيت بس طبعا لازم يكون بيعرف يعمل التمارين باسلوب صحيح عشان ميجبش نتيجة عكسية
5.قراءة طبعا احنا امة اقرا وعلى الاقل لازم نقرا كتاب فى الشهر برده ده الحد الادنى
6. اجادة لغة اكيد مش هنقدر فى 3 شهور نجيد اللغة بالكامل بس ممكن نبقى على الاقل جيدين فيها
واللى برده مش هيقدر يحجز فى كورس خارجى
ده لينك لموقع تعليم اللغات
www .livemocha.com
وكمان سما قالت انها هتنزل حاجات لتعليم اللغة الايطالية فممكن تتابعوها
نيجى بقى للمهارات
كل حد فينا ممكن يبدأ كورسات فى تعليم مهارات معينة وتكون تفيده فى شغله وفى حياته الاجتماعية
زى مثلا مهارات الاتصال
ادارة الوقت
مهارات العرض (بس ده لانواع عمل معينة )
كورسات التنمية البشرية بوجه عام
وعلى فكرة دى انا مش محدداها لان فى ناس بتشتغل مثلا ممكن تكون فيه كورسات تانية تفيدها اكتر فمش شرط اللى انا قلتهم
ده كان الجدول اللى هما قالوه
وبرده زى ماهدى قالت ممكن لو حد بيحب رياضة معينة يروح يتعلمها