المصريين اهم حيويه وعزم وهمه

عضو ممتاز

المصري هو اللّي :
*ممكن يعدي التلاتين ولسه عايش مع أمه وأبوه وماعندهومش مشكلة
*بيفهم في الطب ويشخص المرض ويوصفلك الدوا وبيفهم في النقاشة
والكهربا وتصليح العربيات والطبيخ والسياسة والكورة وهو أبيض ياورد
*بيحط الريموت كونترول في كيس بلاستيك كعادة فرعونية
*يقف يتكلم على الباب نص ساعة بعد إنتهاء الزيارة والسلام
*لمّا تفتح نملية المطبخ هتلاقي عنده عشرين برطمان بتاع مربى فاضي بقالهم
سنين ومازال مُصِر على جمع المزيد
*ييجي بعد معاده بساعتين ويفتكر إن ده عادي
*لسه عنده إصرار إنه يتكلم بصوت عالي في التليفون لما تكون المكالمة دولية
عشان التاني يسمعه
*بيعتبر نفسه أفضل واحد في الشرا والفصال وبعد كده يكتشف إن الحاجة
في المحل اللي جنبه أرخص من غير فصال
*بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش
*عنده صينية مكسرات متقسمة لتلات او أربع أقسام لزوم المزاج وعمره ماإستخدمها
*بيكون عنده شواية لزوم الرحلات أقصى استخدام لها كان مرة واحدة في العيد
*بيشيل طابع البريد من على الظرف لو الختم ماكانش عليه
*بيفتكر إن أي حد بيشتغل في الخليج بيغرف فلوس من غير حساب
*بيكون مشغول بقيمة التيبس أو البقشيش طول العشا ياترى ربع جنيه ولا نص جنيه
*برده بيتخانق ساعة دفع الحساب بحرارة شديدة على إنه هو اللي لازم يدفع
*سرقوا منه العربية بس مشكلته هي المايتي زينجر
*بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا
*والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية

عضو ممتاز

ههههههههههههههههههههههههههههههههههه
بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش

انا بحب الاكياس بصراحه بس مش كيسه اهلا وسهلا يعنى
Very Happy

بس بحطها فى الدرج مش تحت المرتبه ...
مرتبه السرير...هوا انت عامل موضوع عن خالتى اطاطه Mad

والله يامحمود انا مضطر افكرك باللعنه اللى الحمد لله خلصتنا منها بس ده وقتنه بصراحه

واقولك هو الموضوع ده منقول للامانه؟

عضو ممتاز

ههههههههههههههههههههه هايل يا كبير

طب سؤال مرعب على الماشى كده هو ده ينطبق على المصريه ؟؟؟

*والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية ( ههههههههههههههههههو مش لدرجه ملايه كفايه منديل Laughing

طبيعى يعنى

وعلى راى المثل انا واخويا على ابن عمى وانا وابن عمى على الغريب او الغريق بقى مش فارقه )

مش عارفه ضميرى واجعنى اوى مش حاسه ان تخريبى للموضوع كان على مستوى الموقف scratch

)

عضو ممتاز

طبعا المصرى مصرى ولد بقه بنت شيخ حجه اى حاجه

والله بجد الحاجات دى لو دورنا فيها هنلاقى انه معظمهل فينا

وعاوز ازود كمان حكايه تجميع المشابك فى المصايف دى برده منتشره جدااا

وعاوز تخريب اكبر شويه

عضو ممتاز

بالنسبه لموضوع البرطمانات المتخزنه دى ... اممممممممممم الصراحه انا بعمل كده بس فى الماليزيا ومزيل العرق

سورى على كلمه العرق

عندى ازايز ماليزيا بالهبل ............. مصرى اصيل farao

بس معنديش مزيل عرق كتير.... عشان زى ماحنا عارفين المصرى ما بيستخدمش مزيل العرق الا فى الصيف بس .

الغريب برضه ان ست البيت المصريه بتحط اطقم الشاى والقهوة فى النيش ومبطلعمش غير للضيوف ..

طاب واحنا مالناش نفس يعنى...

فبيضطر ابن الست المصريه ياخد مج Mug الشاى من النيش من غير ما امه تعرف ولازم يغسله ويرجعه قبل ما امه تشوفه ...

بس لما بتشوفه بياخد خطابين فى وشه ...

انتوا بتعملوا كده ولا بتشربوا فى الكبايه العاديه ................؟؟؟؟؟؟؟؟؟ Question

عضو ممتاز

والله يا رارنى انت الوحيد اللى فهمت موضوعى

فعلا دا واحد من المصريين وبيعين الماليزيا وكمان موضوع المج

انا بعمل كده فعلا زمان بس دلوقتى انا قاعد لوحدى فطلعت كل حاجه براحتى بقه

بس احييك على موضوع المج ده

وضيف بقه الاطباق الصينى اللى للضيوف بس

عضو ممتاز

السلام عليكم
والله عندك حق تتباهى بالمصريين اللى احنا منهم وتغنى لهم كمان حيويه وعزم وهمه كلامك فعلا مظبوط بنشوف الكلام ده كله وبنضحك عليه والمشكله اننا لو دورنا جوانا هنلاقى تلات اربع الحاجات دى فينا مع الفارق كل واحد بينفذه ازاى بس انا عاوزاك برده تبقى مساند لاهل بلدك خصوصا فى الحفاظ عالانتريه نضيف احنا نحمد ربنا انه بيحط ملايه بس
مابيشيلش الانتريه يعينه ويقعد الضيوف علارض Very Happy

عضو ممتاز

انا بالذات فاهمك يا سمايلى فى الحكايه دى

صح ولا ايه