خطاب اوباما

اولا وقبل كل شىء اللى ماشفش خطاب اوباما فى جامعه القاهره يشوفوا الاول

______

الموضوع بقى : ايه رأيكوا فى الخطاب ده

انا معاه فى كل حرف قاله

بالفعل كان خطاب كويس جداااااا


انا شفته

بس كان نفسى اسئله هو الخطاب ده منقول للامانه

لانه خطاب جامد فعلالالالالالالالالالالالالالالالالالالا

Good Topic Barney

__________________


انا مشفتش الخطاب كله .....هانزله الاول عشان اقدر اقول رأيى

ده الخطاب YouTube

part 1

https://www.youtube.com/watch?v=zhwVZAhURWA

part 2

https://www.youtube.com/watch?v=45cI8_0t_xg

part 3

https://www.youtube.com/watch?v=YfHQMLcGOn0

part 4

https://www.youtube.com/watch?v=fMz4tgHwtXg

part 5


https://www.youtube.com/watch?v=XiFM8N8KDTA

part 6

مش لاقيه اتصرفوا

__________________________________________________________

يا عم كلبيليل انا عارف انه جامد انا عايزك تقول رأيك متقوليش مشكور هو حاطت موضوع مرة واحد حلاق اشترى بطيخه لقاها قرعه قالها حتى انتى بتحلقى عند حد تانى

ده موضوع عن خطاب هيغير حياتنا

رئيس اكبر دوله فى العالم بيتكلم كويس عن المسلمين

ده احنا كنا بنفرح لما سيدو كيتا بتاع برشلونه بيسجد على الرض فى الكامب نو

__________________________________________________________

احمد المسلمانى بتاع الطبعه الاولى قال : خطاب اوباما اكبر حمله اعلانيه عن الاسلام فى التاريخ . ده احنا لو عايزين نقول شويه كلام احنا اللى قايلينه عن الاسلام فى اى مجله امريكيه هندفع للمجله دى مش اقل من 2 مليون دولار عشان يوافقوا . فما بالك رئيس امريكا هو اللى بيتكلم عن المسسلمين كويس بنفسه .

ده ده جانب واحد من جوانب كتير فى الخطاب

يعنى انا كده لسه متكلمتش عن حاجات كتير فى الخطاب

_________

وانت جاى تقوللى يا كليبيليل عايز تسأله منقول للامانه

يا ريت بما انك شوفت الخطاب تفيدنا برد ايها العضو الكريم. شكرا

انا عجبنى لما اتكلم على الحجاب وعلى حريه المراه

انا رايى ان اوباما اتكلم فى كذا حاجة ( فلسطين والعراق " الحرية " الديمقراطية ) وحاجات تانية كتير


احنا مش محتاجين حد يتكلم وبس احنا محتاجين فعل


الكلام كويس اوى كفاية بس احترامة للمسلمين واستشهادة بكذا اية من القران الكريم


نحترم اوباما اكتر لما الكلام يكون معاة فعل


انا كل خوفى يكون حد مقرية الكلام اللى قالة عشان يكسب الشعب المصرى وبس


احنا فى انتظار تطبيق كلامة

طبعا كلامك صح و عاقل جدا يا فيتا بس احنا كمصريين مسلميين مكناش محتاجين اكتر من الكلام عشان صورتنا تتحسن شوية


كدة اتحسنت خالص ، كلامه ده زود من قيمه المسلم فى العالم واحترام العالم ليه ، بعد كدة المسلمين هيتفتشوا بطريقة مختلفه خالص فى المطارات


يمكن العراق فعلا محتاجه فعل ، بس الطريقة اللى كان بيتكلم بيها قوية جدا ده يعتبر اعتذر عن اللى عمله جورج بوش


عمره ما هيغير رأيه واكيد هيعمل اللى قال عليه لان الكلام ده محسوب عليه لانه لو معملش كده هيفقد الثقه فى كلامه وتصريحاته


وأصل رئيس امريكا مش زى مرتضى منصور يعنى خطاباته قرارات


انا الصرحه مصدقه وعندى ثقه كبيرة جدا فيه ومش عايز منه اكتر من كده((((((( وعاجبنى تعامله مع افغانستان))))))).


وعلى فكرة اوباما شكله كده ناوى على نوبل للسلام ...... و هبقى افكركوا.
____________________________________________________________________________________________


شكرا على ردك الرائع يا فيتا بجد الموضوع زاد .................. ومستنى الباقى يزود الموضوع باستثناء اندى

____________________________________________________________________________________________


اندى بقى انا هموت واعرف رأيه ومستنى رده بفارغ البيبسى




____________________________________________________________________________________________

انا رايى ان اوباما اتكلم فى كذا حاجة ( فلسطين والعراق " الحرية " الديمقراطية ) وحاجات تانية كتير


احنا مش محتاجين حد يتكلم وبس احنا محتاجين فعل


الكلام كويس اوى كفاية بس احترامة للمسلمين واستشهادة بكذا اية من القران الكريم


نحترم اوباما اكتر لما الكلام يكون معاة فعل


انا كل خوفى يكون حد مقرية الكلام اللى قالة عشان يكسب الشعب المصرى وبس


veta...opinion
____________________________________________


احنا كمصريين مسلميين مكناش محتاجين اكتر من الكلام عشان صورتنا تتحسن شوية


كدة اتحسنت خالص ، كلامه ده زود من قيمه المسلم فى العالم واحترام العالم ليه ، بعد كدة المسلمين هيتفتشوا بطريقة مختلفه خالص فى المطارات


يمكن العراق فعلا محتاجه فعل ، بس الطريقة اللى كان بيتكلم بيها قوية جدا ده يعتبر اعتذر عن اللى عمله جورج بوش


عمره ما هيغير رأيه واكيد هيعمل اللى قال عليه لان الكلام ده محسوب عليه لانه لو معملش كده هيفقد الثقه فى كلامه وتصريحاته


وأصل رئيس امريكا مش زى مرتضى منصور يعنى خطاباته قرارات


انا الصرحه مصدقه وعندى ثقه كبيرة جدا فيه ومش عايز منه اكتر من كده((((((( وعاجبنى تعامله مع افغانستان))))))).


وعلى فكرة اوباما شكله كده ناوى على نوبل للسلام ...... و هبقى افكركوا.


Barney...opinioin
____________________________________________

حلو الاختلاف ده على اوى فكره فى الكلام عن الموضوع ده بالذات

فيتا هنا بصت للحاجه الوحشه للموضوع

وبارنى بص للحاجه الحلوه

والاتنين ممكن يكونوا صح...هوا رد فيتا فيه تفكير شويه بس يعنى واقعى ..بس هوا مش واقعى هوا روتينى

بس برده لازم نبقا شايفين الحاجه الوحشه عشان نبقى عاملين حسابنا أو واخدين حذرنا يعنى ...لان مفيش امان فى السياسه

ياريت نحاول مانشوفش بقا الناحيه دى دلوقتى (يعنى ولو فى أولها كده حتى)..ونتكلم فى اللى كل واحد متمنيه لاوباما

دا لو تخيلت انك فى فيلم اجنبى مثلا....لان ده اللى حسيته وقت الخطاب...من اوباما بس طبعا

هاتعرف ان ده واقعيا هوا رئيس العالم...هيا ممكن تكون للاسف وممكن برده تكون حاجه حلوه
لو حكومتها زى الفئه الحلوه اللى فشعبها

انا حاسس بقا ان المره دى اللى بيحمكها واحد من الناس دى...من اللى هما ابطال الافلام

____________________________________________

مثال المطار يجماعه بارنى مش قصده...ان ده اللى مستنيه يعنى ...هوا بس قال المثال اللى جه على باله ساعتها

شوف يبنى حاجه تانيه اتكلم فيها...انا بتكلم بجد

____________________________________________

وبالنسبه لرأى بقا يا معلم اللى انتى مستنيه بفارغ البيسبى دى ....ومش هاسامحك على فارغ البيسى دى بس عادى

انا كنت بفطر ساعتها وكانت ليله امتحان تقريبا حاجه زى كده

وزى ماقلت فوق حسيت انه فيلم اجنبى

فقلت اشطه اضبطله الجو كويس واشوفه عندك بقا


النهارده بقا بعد امتحانك ...واقول رأى بعدها بقا

أشطه ولا ايه؟
__________________________________________
thanx 4 topic

هايساعد على تفكير الفيلم الاجنيى ده على فكره الصور اللى فى الموضوع دى

قشطة عليك


و هوريك كمان رد عمرو اديب ابن ال تيييييييييييييييييييييييييييت ( الزرار معلق باين ولا ايه ).



ولو معانا فلوس هنجيب بيبسى وشيبسى وشيكولاته



انا اقصد بيبسى من اللى بيتشرب


قصدى بيبسى من اللى بيتشرب وبنتقرع بعد مانشربه .
__________________________________________________

مرسى ابن المعلم الزناتى اتهزم يا رجاله ... ههههههههههههههههههههههههههههههههههههههههه


على مين ؟؟؟؟

بجد صوره اوباما عند الهرم دى جامده جدا يا بارنى

هضطر اتكا (( واسمحولى اقولكوا (اتكا) كدة فى وسط الكلام )) على حرف الالف كتير





حرااااااااااااااااااااااااااااااااااااااام عليكوا ده رئيس امريكا


عايزينوا ييجى يشتم فى امريكا واسرائيل


قبل كده كانوا بيظبطوا اسرائيل و بيشنيرونا ( فعل مستوحى من شنيور والشنيور هو الاله الكهربائيه المستخدمه فى الخرم ) .


اوباما عايز يظبط الكل عشان كلنا نحب امريكا ايه المشكله


__________________________________________________


بالنسبه بقى لموضوع افغانستان ------------- ركز معايا يا اندى انت من اكتر الناس اللى عارفين الشعب الامريكى وعارف انهم طيبين ومسالمين


الناس دى اضربلها برجين ومات 3000 امريكى فى الحادثه دى


يعنى تخيل ليلى كانت فى البرج ده يوميها وتخيل رد فعل مارشال فى الناس اللى ضربوا البرج


ومش عايزينهم يحموا نفسهم


وانا لو مكان رئيس امريكا هعمل نفس اللى عمله فى افغانستان


ولو مكانه مش هعرف اعملنا اكتر من اللى اوباما عمله

_________________________________________________________________

بجد زعلتينى يا اميرة بس شكرا انك قولتى رأيك


وخايف جدا من ردك يا اندى


انت الامل الوحيد اللى باقيلى


انا بحاول أ أثر ( تأثير ) عليك بالمثال بتاع مارشال وليلى

فيه حاجة اسمها اسلاموفوبيا موجوده فى العالم كله مش فى امريكا بس وتعنى الرعب الغير مسبب من المسلمين واللى قلت بنسبه كبيرة جدا جدا بعد خطاب الزعيم اوباما.


افتكر دى حاجة حلوة لازم نذكرها ونفرح بيها حتى لو مش مطمنين من اللى هيحصل بعد كده


احنا بقى عندنا امريكافوبيا بس مش خوف , احنا عندنا كره غير مسبب لامريكا , والزعيم اوباما بصراحته العبقرية اتكلم عن الكلام ده .


وبعدين هو ليه عندنا لما بنيجى نحارب بتبقى جنودنا البواسل ولادنا احفاد الفراعنه فلزات اكبادنا , و هما لما بيجوا يحاربوا بيقبوا وحشيين وعدائيين

واحد يقولى احنا بندافع عن ارضنا وهما بيعتدوا على غيرهم


اقوله هما بيحاربوا افغانستان عشان يحموا نفسهم من اللى افانستان عملتوا فيهم قبل كده . يعنى برضه بيحموا نفسهم زيينا بالظبط


بالنسبه للعراق مش هتكلم فيها بعد ما اتكلم الزعيم الكبير اوى اوباما , الراجل اعتذر وقال هنطلع من العراق وهنحاول نخليها تنهض مرة تانية عايزين ايه بس , لما يبقى مينفزش الكلام ده نبقى نهيص بقى ساعتها.



وثورة الشعب الامريكى دى عمرها ما تحصل , بقولك ناس مفكرانا جزارين ماشين بالسواطير فى الشارع ( انتوا مبتشوفوش افلام امريكى )


اعايزينهم يعملولنا ثورة باماارة ايه ............ ده كويس ان رئيسهم من اصل مسلم وزنجى وعاش فى بلد اسلامية ولف وشاف وعايز يبين الصورة للجميع


لازم نساعده على كده . صدقونى اوباما عايز يوضح الصورة بين الطرفين ويقربهم من بعض


ياريت نتعامل بشكل طبيعى مع الخطاب ومع كلام اوباما وما نعملش زى عمرو اديب المرعوب ليضحك عيه


ومنخافش ليطلع اوباما وحش , المفروض ان الراجل لحد دلوقتى مثالى , على ممكن يطلع زى كلينتون


ولا كلينتون مكنش كويس هو روخر


ونا على فكره حاطت موضوع الخطاب مش عشان الحروب والحدود والاتاوة والذل والدمار الدم والدموع


انا كنت عايز اقول ان اوباما عايز ينشر السلام



ياريت تتفرجوا على الخطاب كذا مرة


انا كونت افكارى وكلامى من فرجة 20 مرة على الخطاب وكل مرة بفهم اكتر

____________________________________________________________________________________


Obama :'Islam is a part of America' ............................................IIII



لسه فى كلام كتير فى الموضوع

_____________________________________________________________________________________

ابرز حاجه فى موضوع خطاب اوباما كلمة


>

>

>


(((((((((((((( روخر )))))))))))))))))

جامده جدا

اولا الراجل ده سياسي 10\10 بس للأسف يا بارني
الخطاب كان مجرد كلمتين حلوين قالهم عشان يحسن صورة امريكا في العالم الاسلامي ويقرب من وجهات النظر.
خطاب على الطريقه الامريكيه اللي تخلي الجمهور يتفاعل معاك ويتقبل من وجهة نظرك
صحيح الراجل قال فيه كلمتين حلوين على موضوع فرنسا لما منعوا ارتداء الحجاب في المصالح الحكوميه
وموضوع الرسومات المسيئه للرسول (صلى الله عليه وسلم) وده شيء جميل منه
بس في الاخر ده كلام ومش مستفيدين منه كتير
وكل الكلام ده من استشهاد بأيات قرأن والسلام عليكم عشان عارف ان المصريين عاطفيين وبيحبو اللي يسمعهم كلام حلو.
نيجي بقى للكلام المهم
العراق وأفغانستان وفلسطين
مشكلة العراق قال انها في طريقها للحل وانها مش هتكون مستعمره لأمريكا تاخد منها الموارد وده كويس وناقص التنفيذ
مشكلة أفغانستان من طريقة كلامه هتاخد وقت كبير وبالذات في القضيه دي حاول يضمنا لصفه ومتهيألي نجح نسبيا.
اتكلم عن ال3000 اللي ماتو في 11 سبتمبر ومتكلمش عن عدد الافغانيين اللي ماتو بسب الحرب دي وكام منهم بريء وكام من القاعده
وهل بعد الدمار اللي عملوه في افغانستان الحرب جت بأههدافها (القضاء على بن لادن والقاعده) ولا كانت فرض نفوذ
أما بقى عن فلسطين فهو وضح لنا قد ايه سيطرة الاسرائليين على امريكا
بدأ كلامه بالعلاقات الوثيقه جدا جدا جدا والي مفيش حد يقدر ينكرها اللي بتربط امريكا بأسرائيل
كأنه بيقول اللي هيقرب للناس دي هناكله (بس نسى يقول العلاقات دي تبقى ايه)
وقد ايه اليهود عانوا من الظلم والاستعباد من بلاد أوروبا( احنا قلبنا حنين ومش بندوس لحد على طرف)
ومتكلمش كلمه في حقهم الا ( ياريت بلاش مستوطنات )
وطبعا موضوع فلسطين ده حله عمره ما هيكون بتدخل امريكي
من الأخر كده االفايده الوحيده اللي طلعنا بيها من الخطاب هي خروج الجيش الامريكي من العراق .بس ياريت تتنفذ

حمد لله على السلامه يا راؤول و مبروك على كريستيانو


بالنسبه لموضوع الخطاب


انا طلعلى عضلات فى صوابعى من كتر الكلام فى الموضوع ده


ومش هقول كلمه فى الموضوع تانى الا اما اندى يقول رأيه


عشان لو طلع رأيه ( لامؤخذه فى الكلمه ) سلبى زى رأيكوا كده مش هتكلم فى الموضوع ده تانى


ده رأيى, محدش يزعل, احنا متفقين بقى --------> الاختلاف فى الراى لايفسد للنت قضيه ولا ايه ؟؟؟؟؟؟


طبعا دى كوبى من رد اميرة

على فكرة رأيكوا سلبى اوى

.

أنجليزي ده يا أندي