وجايلكم يوم الخميس أهو زى ماوعدتكم بالضبط
انا فى فكره مشروع كنت بفكر فيها قريب قوى
وان شاء الله هاعملها
_________________________________
فكره المشروع هاشرحها على مراحل
اول مرحله الهيكل من بره
طبعا دى صور من مكتبه الاسكندريه وانا جايبها هنا عشان التصميم اللى فى اول صوره ده
والمنظر التالت موضح شكله بليل واضاءته باللون الازرق ده
فكره المشروع بقا ..ان هيكله من بره هايكون قريب من الهيكل ده
بس بصوره عملاقه شويه
يعنى تقريبا بطول 500 او كيلو متر ...مع اختلاف الهيكل الخارجى شويه فى التصميم وتوزيع الاضاءه
وده حسب ذوق كل واحد هوا والمهندس المسؤل
وممكن نعمل فوقه نصمم فوقه هيكل مضىء وشكل الهيكل ده حسب تفكيرك انت
ونقول مثلا زى
HARD ROCK CAFE
وطبعا ده عشان يفرض للمكان شكل جديد ومميز ومش مألوف اوى فى مصر
_____________________________________________
تانى مرحله بقا وهوا المشروع نفسه
وفكرته فى المساحه اللى جوه الهيكل دى كلها ...واللى لازم نستغل كل جزء فيها
اول حاجه نقسمها بطريقه جديده شويه ونحاول نبتكر فيها زى مثلا منظر سان ستيفانو ولا سيتى ستارز ولا حتى مكتبه الاسكندريه
كل مبنى فيهم ليه استايله المميز
المهم بعد مانقسم المكان ...كتقسيم بيانى
نحدد لكل جزء متقسم ...حاجه يتعمل فيها
واللى انا هاقوله ده مش كل حاجه ...دى مجرد افكار
....
زى مثلا ممكن جزء يتعمل كافيه على شكل بار طويل وبرده نحاول يكون بشكل مختلف شويه
ويتقدم فيه كل انواع القهوه مثلا والكابتشينو والموكا والحاجات دى (هاى
) و
ممكن يتعمل جزء تانى مطعم وده ممكن يكون على نظام تيك اواى
او حتى يكون بطريقه غريبه ويتقدم فيه اكلات مصريه وايطاليه ومغربيه ...كده يعنى...حسب طلب اى حد
وممكن جنب الكافيه والمطعم ده يكون فيه باند بيعزف سلو ميوزك مثلا..يكون مش كبير...مش هانعمل كورال يعنى
يكون مثلا 3 جيتار ودرامز...وممكن يعزفوا طول اليوم كجو كويس للمكان
وممكن مكان تانى يتقسم نفس تقسيمه بطولات البلياردو بنفس السجاده والاضاءه ..اللى هيا المقاييس العالميه يعنى
ويكون مخصص للعب البلياردو ..اهم حاجه فى الفكره هنا ان كل حاجه تتعمل بأحسن شكل ليها
وممكن نقسم مكان تانى كفيديو جيم..ونحاول برده يكون فيه الحاجات الجديده
مش مثلا اللى احنا بنشوفه فى الملاهى العظيمه اللى عندنا ...او حتى اللى فى دريم بارك
انا قصدى العاب الثرى دى والحاجات اللى اى ح ممكن يلعبها وتلفت نظره
وبرده كأفكار للتقسيم ده ...ممكن نعمل مكان فيه شاشه بلازما كبيره
وبطريقه جامده بقا ...نحاول يكون القعده قدام الشاشه دى ...تحسس كل واحد انه فى بيته
يعنى مثلا تكون الكراسى على شكل انتريهات ويكون شكلها مثلا قريب من الاناناسه اللى فى دريم بارك
ونحاول فى تقسيمتها انها تضم وسائل الراحل كلها (انا اسف على وسائل دى بس مش لاقى كلمه تانيه
) زى مثلا
شكل القعده يكون قدامها ترايبزه وفيها اوبشن ...مشروبات وشيكولاتات سلطات واهم حاجه البابا غنوج
يعنى
...اى حاجه يعنى ..وبرده حسب ذوق كل واحد
والشاشه دى بصراحه انا فكرت فيها عشان ماتشات الدورى الانجليزى والجو ده
ونحاول نعمل عازل للصوت بين كل منظقه والتانيه ..بس فى نفس الوقت المساحه كلها تكون مكشوفه لبعض
يعنى مثلا ممكن نفصل بأزاز وده كمان هايخلينا نلعب بالاضاءه زى ماحنا عاوزين
وممكن برده جزء يتعمل فيه مكتبه ... وجزء مثلا للفن تشكيلى او اى نوع من انوع الفن يعنى
والله حتى لو حد عاوز يعمل جزء فى التقسيمه للبيع الفشار والترمس ...كله عادى
حاول تبتكر
TRT TO EBTAKER
حسب ذوق كل واحد
_____________________________________
طبعا واحد يقولى ده مشروع عاوز دوله صديقه عشان تموله
اقوله بقا
اننا هاندخل على المرحله التالته للمشروع
وهيا التمويل
اول حاجه المكان نفسه والمساحه الجباره دى...ممكن نتغلب عليها باننا نعمله فى صحرا جنب الاهرمات مثلا
او حتى فى طريق سينا والامكان دى ...والمساحات هناك كبيره بغباه ورخيصه جدا
وطبيعى المكان و اسلوب الدعايه اللى هاتتعمل ليه ...هايفرض نفسه فى اى مكان
تانى حاجه ...وهيا دى الحاجه الوحيده اللى هانصرف فيها
واللى ممكن نحط فيها كل اللى معانا ونهتم بيها جدا
وهوا الهيكل اللى بره
لان ده اللى هايخليك صاحب الليله دى كلها
ولو حتى الخطوات الاولى من البناء فيه ...بس المهم اننا نحط الاساس بتاعه
بعد كده ممكن نكمل تمويله بنفس الطريقه اللى هاشرحها تحت دى
وهيا تالت حاجه فى تمويل المشروع.... وهيا
اننا هانعمل دعايه للمكان والهيكل والتقسيمه المستقبليه دى...والدعايه هنا
هاتكون لعرض الاجزاء المتقسمه دى للايجار لمده 5 سنين مثلا
وممكن يكون بنظام المزاد...اننا مثلا نحدد الجزء (س) من المكان بسعر معين للايجار وفى نفس الوقت احنا اللى نحدد
المؤجر هايعمل ايه فيه ...يعنى من الاخر انا بقوله خد الحته دى اعمل فيها كذا وتبقى بتاعتك لمده خمس سنين وبعدها عاوز تاخد حاجتك خدها
دى الفكره يعنى
وبكده هاقدر اعمل كل اللى انا قلت عليه فوق ده بفلوس المستثمرين اللى هايأجرو المساحات دى
وانا صاحب المكان نفسه ...حتى لو مكنش ليا اى حاجه جواه
لان بعد خمس سنين . عن طريق المستثمرين دول.....هايبقا كل ده بتاعى من فلوس ايجارهم طول الخمس سنين
لان الايجار هنا هايكون بنسبه من دخله الشهرى ومش شرط تكون كبيره ...وطبعا ده هايغرى اى حد ياخد المساحات دى
لانه هايكون على الخساره والمكسب . يعنى مش تعبان فى حاجه وفى نفس الوقت...مفيش خساره لانه يرجعله حاجته اللى صرف عليها والديكور بعد الفتره المحدده ولو حتى عشر سنين
وممكن كمان من فلوس المقدمات ...نكمل تصميم الهيكل اللى هوا الحاجه الوحيده اللى احنا صرفنا عليها
وكده يبقى تقريبا عملت مول سياحى وبأسلوبك انت وتقريبا من الهوا
_______________________________________
واحد يقولى الحياه مش بالبساطه دى يا عمنا
ومكنش حد غلب
ولبس البوصه تبقى عروسه ...والافلام دى
وهنا أاقوله بكل بساطه
خليك فى حالك
TO BE CONTINUE>>>>>>
موضوع: قد طال املى وبال 
الثلاثاء مايو 26, 2009 11:13 pm
لموضوع احسن تشكيله لفرق الدروى الانجليزى الممتاز انا احب انى اقترحها بس زى مانتا عارف اسم القسم ميشجعش 
