هذه الهمسات بعنوان
فلسفه حمار
عجبي يا ابن ادم يا كبير الدار
قومت الدنيا وما قعدت لما قالو حمار
هو اسمي ده شتيمة ولا جنسي عار
خلقني ربي وخلقك ولا حد عنده خيار
وأنا مهما زاد الحمل فوقي اقدر على المشوار
ل في يوم أقول يا أخي اسمعني وأخذ منه تار
ولا يوم أبص لرزق غيري وأطق منه وأغار
ولا أرفع في يوم عيني على جارتي وأصون الدار
ولا مهر ادفع لحمارتي وشبكة سوار
ولا شقة أجمع في تمنها ولا أجهز دار
ولا حرمي حامل تتوحم عايزة كافيار
ولا بنت تخرج عن طوعي وتجيبلي العار
ولا ابن يدمن ويهلوس ويقع وينهار
باكل واشرب وأنهق مفيش اسرار
وعندي ابن ادم يخدمني ليل ونهار
إن جعت يشتري برسيمي بأغلى الأسعار
وفي مرضي يفضل يعالجني , ويدعي الستار
خادم أمين من غير راتب ولا حتى إيجار
دلوقتي عرفت يا بني ادم
مين فينا حمار