*** البساطه ***

>>>>>>>>>>>>>>>>>>>


البساطه..
طبعا الكلام اللى فوق ده كلام جميل...وانا جايبه بصراحه من منتدى كده . بس عشان كل واحد يتكلم عن البساطه من وجهه نظره..
بالنسبه ليا..انا شايف ان الموضوع ابسط بكتير حتى من الكلام اللى فوق ده..لان البساطه بتبدء بصفاء القلب وان الواحد يرجع لطبيعته لو كان بعد عنها..
طبيعه الانسان اللى اتولدت عليها هيا البراءه وطبعا البساطه...واللى بيحصل مع مشاغل الدنيا والاحداث اللى بتحصل للبنى ادم فى حياته بتبعده عن طبيعته دى..مع ان المفروض العكس اللى يحصل ,,والمفروض ان خبره الانسان فى حياته تخليه يعرف ازاى يطلع اللى عنده..وانه يرجع لطبيعته...واهم حاجه فى طبيعتنا هيا التغييروالتجديد ..فى كل حاجه ..مش لازم عشان الحاجه لاقيناها بتتعمل كده يبقى هيا كده او تبقى هيا كده صح..ممكن الواحد يفكر فيها ويمكن يشوفها من ناحيه تانيه خالص...تخليه يقدر يبتكر فيها..ويعملها ويلاقى فى متعه يمكن باقى الناس مش حاسين بيها....واساس البساطه ان الواحد يشوف نفسه من خلال عيون اللى يهموه..واللى بيثق فيهم..ويقتنع بغلطه لو حد فيهم لفت نظره لحاجه ...او على الاقل يتناقش فيها معاهم...يمكن برده يخلوا حياته اسهل من لو انه فكر لوحده ومشى بدماغه هوا بس...لان اى حد بيمشى بدماغه هوا مابيقدرش يكمل و هايجى عليه وقت وتدمر حياته لان ربنا هوا اللى بيسير الامور كلها ..مش احنا..ومش كل حاجه بنقدر نرتبلها زى ماحنا مخططين..لو كل واحد اقتنع انه يعمل اللى عليه قدام ربنا و قدام نفسه فى كل حاجه..هاتبقى الحياه ابسط من كده...وينظم لنفسه حياته طبعا بس فى نفس الوقت مايتعبش تفكيره فى حاجات مش من حقه..زى مثلا انه مايشغلش نفسه بحد ممكن يتعبه او يعطله او يعمل اى اثر سلبى عليه....يعنى ممكن كل واحد يحدد لنفسه محيط معين من الناس اللى هايكمل معاه بقيت حياته...ويثق فيهم ...ويكونوا الاساس ليه...واى حد عنده اساس بيقدر يكمل حياته بهدوء ويقدر يبتكر فى كل حاجه فى حياته...وفى ادق التفاصيل اللى ممكن تخليه يشوف كل حاجه حواليه بصوره تانيه وصوره جديده....ومن الحاجات اللى طبيعه البنى ادم اتولد عليها انه بيستغرب من اى حاجه جديده...عشان كده الطفل بيلف نظره اى حاجه جديده وبيكون عنده الفضول ليها.....وكل مايكبر الطفل ده بيبدء يستغرب من حاجات مهمه بالنسبه للى هوا شايفهم قدامه زى الفلوس والعربيات والذهب ..يعنى كبر على انها حاجات مهمه ولازم نهتم بيها اكتر من اى حاجه...مع ان دى ممكن تكون الحاجه التانيه لان فى حاجات بتكون اعمق من كده ان الواحد يستغرب منها او بمعنى تانى يتأمل فيها ..زى مثلا الكون اللى احنا فيه بكل حاجه حوالينا شايفنها او نسمع عنها وطبعا مش بقول اننا نسيب دراستنا مثلا او شغلنا ونقعد نسرح فى الدنيا..اهم حاجه ان الواحد يوازن كل حاجه
...ساعتها هاتكون الحاجات التانيه بسيطه اوى .وكده بترضى ربنا اللى خلق كل ده وبترضى طبيعتك.....ممكن الواحد يكتشف بعد زمن كبير اوى فى حياته انه مايعرفش ربنا كويس..او خالص..مع انه بيصلى وبيصوم وبيدعى زيه زى الناس..او بيدعى فى حاجات كلها ليه هوا..من غير حتى مايفكر فى اللى بيطلب منه كل الحاجات دى ...ومن غير مايتكلم معاه ويحس برضا ربنا عليه....والتأمل من العبادات اللى بتقرب العبدجدا من ربنا وتخليه يحس بعظمه الخالق فى كل وقت فى حياته...يمكن كلامى كان فى الاخر متوجهه شويه للجانب الدينى بس ده مكنش قصدى..
بس البساطه ان الواحد يوزن بين كل الحاجات اللى فوق دى فى كل حياته....ويبص لكل الحاجات اللى حواليه بمنظور جديد يمكن يكتشف الحاجه اللى تغير حياته...او اللى على الاقل تعرفه على نفسه لان فى كتير مننا مش عارفين نفسهم ...

الله يا هيثوم
موضوع جامد اوى
وياريت كل الناس تقراه وتفهم معناه
فى حاجات لازم كلنا نوكن عارفينها وبنفذها كلنا
بارك الله فيك
وكمل على كده ياريت

الكلام معناة حلو اوى

اكتر حاجة عجبتنى

الـبـسـاطـة

هي أن تسعى لطموحك وهدفك وحتى أذا لم تصل إليه تذكر أنك أجتهدت وهذا ماكتبه الله لك ؛؛



الـبـسـاطـة
أن تشارك أحبابك همهم وأحزانهم لان ذلك سوف يشعرهم بأن الدنيا بها قلب صادق محب ولا تزال بخير ؛؛