أحــــلـــى بــيــطـــرى

ملتقى طلاب كليه الطب البيطرى جامعه كفر الشيخ
 
الرئيسيةwww.a7lavet.ahlمكتبة الصورس .و .جبحـثالمجموعاتالتسجيلدخول

شاطر | 
 

 كيسات جراحه مشهوره

اذهب الى الأسفل 
كاتب الموضوعرسالة
micododo
عضو ممتاز
عضو ممتاز
avatar


مُساهمةموضوع: كيسات جراحه مشهوره   الثلاثاء مارس 31, 2009 8:16 pm

الموضوع اللى هذكره بازن الله هو موضوع مهم جدا لان حلالات جراحه كتير هتقابلك منها .

الحاله هتكون كالاتى :
اى نوع حيوان باى عمر هيجى وعلى اى منطقه من جسمه انتفاخ وعلى حضرتك تحديد هوية الانتفاخ ده والتعامل معاه .
اولا كيفيه تحديد هويه الانتفاخ ده.

كل اللى حضرتك هتعمله هتتحسس ملمس الانتفاخ وهتقوم بقص الشعر فى هذه المنطقه ووضع صبغه يود عليها ثم بابره بزر هتدخلها فى الانتفاخ وتشاهد اللى هيخرج من الابره وعليه سيكون الانتفاخ واحدا من سبعه اشياء وهى:

1- هيماتوما ( دم تحت الجلد نتيجه ضربه او خبطه ) وسيخرج من الانتفاخ دم .
2- التهاب حاد وسيخرج من الانتفاخ ماده زى الميه بتكون مصفره شويه.
3- ورم حميد او خبيث وسوف لا يخرج شى من الانتفاخ وسيكون ملمس الانتفاخ صلب.
4- حويصله وسيكون ملمس الانتفاخ صلب وسيخرج سائل منه والحويصله تحتاج لسنين كى تتكون.
5- درنه متورمه نتيجه الاصابه بمرض معين ودى بنلاقيها فى مكان تواجد الدرنات على الجسم زى الدرنات اللى تحت الفك واللى امام مفصل الكتف واللى امام مفصل الحوض.
6- فتاك ودى بعرفه بتحسس فتحه الفتاك وغالبا بتكون فى منطقه البطن او السره.

7- الخراج وسيخرج من الانتفاخ صديد قد يكون لونه اخضر او شيكولاته .

ثانيا التعاامل مع كل حاله على حدا.

1- الهيماتوما (hematoma)
يتم معالجتها بوضع كمادات مياه ساقعه عليها وتركها وعدم فتحها او وضع ابره ملوثه بها حتى لا تتحول الى خراج وسوف يمتصها الجسم بعد فتره صغيره 2او 3 ايام.

2- الالتهاب الحاد ( acute inflamation)
والالتهاب الحاد نتيجه خبطه او وقوع للحيوان بيصحبه احمرار للمنطقه الملتهبه والم عند الضغط عليها واذا ترك بدون علاج سوف يتحول الى كتله ليفيه صلبه تزال مثل الورم .
اما الالتهاب الحاد فتوضع عليه كمادات مياه ساقعه ويعطى للحيوان الغير عشر dexamethazone 10 ml
وللحيوان العشر declophen بشرى بجرعه ا امبول ل70 كجم. او اى مضاد للالتهابات ولكن هذه الاشهر والافضل.

3- ورم حميد او خبيث(benine or malignant tumour)
يفرق الورم الخبيث عن الحميد بان الورم الحميد لا يلتصق بالجلد ولكن الجبيث يلتصق كذلك الورم الحميد اذا ازيل لا يعود مره اخرى بعكس الخبيث كذلك الحميد ينمو ببطى بعكس الخبيث ينمو بسرعه.
وكلا الورمين يزال جراحيا كلاتى .

يخدر الحيوان تخدير موضعى باى مخدر مثل lidocaine hcl وذلك تحت الجلد وتحت الورم ثم يمسك الجزء البارز من الورم بالالس ( ماسك الاورام) وبمشرط يتم ازاله الورم من جزوره ولابد من التاكد من ازالته كاملا حتى لا يعود مره اخرى .
وما تخفش من الدم الغزير اللى هينزل عادى باى ماسك شريان امسكه هيتوقف النزيف. ثم يخيط الجلد خياطه عاديه .

4-الحويصله ( cyst)

تزال مثل الورم.


5-الدرنه المتورمه(enlarged lymph node)
بيتم معالجه السبب .



6- الخراج( abcess)
يتم تطهير مكان الخراج بصبغه يود ثم يفتح ثقب صغير من اسفل الانتفاخ ويفرغ الانتفاخ من متحوياته وينظف جيدا بماء الاكسجين والبيتادين ولا يترك اى صديد داخل الانتفاخ حتى لا يعود مره اخرى ثم توضع فتيله من الشاش مغموسه فى البيتادين وتوضع داخل الانتفاخ بعد تفريغه ويغير عليه كل يوم وتعطى مستحضرات البنسلين فى العضل لمده 3 ايام ومن اهمها strepto pencid بجرعه 2 زجاجه للحيوان الكبير او نص زجاجه للحيوان الصغير وكل زجاجه يوضع بها 8 سم ماء وترج جيدا ثم تعطى فى العضل. وتعطى مرتين فى اليوم لمده 3 ايام.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fara7
عضو ممتاز
عضو ممتاز
avatar


مُساهمةموضوع: رد: كيسات جراحه مشهوره   الجمعة أبريل 03, 2009 1:15 am

على فكرة موضوع جااااااااااامد مش عارفه اقولك عجبنى قد ايه
لانى حسيت انه ينفع فى البشرى كمان وبجد حالات المفروض نكون كلنا عارفناه
بجد تمام ياميكو الله ينور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
micododo
عضو ممتاز
عضو ممتاز
avatar


مُساهمةموضوع: رد: كيسات جراحه مشهوره   الأحد أبريل 05, 2009 2:47 am

شكرا ليكي يا فرح و الله انتي الي رافعه معنوياتي في القسم ده Laughing
ويارب تكوني استفدتي اي حاجه من الموضووع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كيسات جراحه مشهوره
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحــــلـــى بــيــطـــرى :: عالم الحيوان :: قسم الامراض-
انتقل الى: