ارمى ذكرياتك المؤلمة فى الباك جراوند.. وانسى ..

النسيان يجعلك أكثر بياضا . ويغسل كموج البحر.. قد يظن البعض أنه إعلان لـ مسحوق غسيل.. بالفعل فالنسيان كأى مسحوق غسيل زائد كلور كمان.. النسيان سواء كان بمزاجك أو غصبا عنك فهو شئ جميل ولكن أن تتعمد النسيان فهذا يسمى تناسيا والتناسى يدفع بالشخص الى أن يدور فى دائرة مفرغة تقول لازم انسى " لازم أنسى" والنهاية أنه لاينسى بل يتذكر دائما أنه يود أن ينسى هذا الموقف.. هذا الخطأ الذى ينغص عليه حياته.
عندما يأتى النسيان وحده بدون أى مجهود فاننا نجد أنفسنا كمن يصحو من النوم بذاكرة جديدة نظيفة ـ لا أقصد مدام نظيفة ولا حتى حكومتنا الرشيدة ـ يصبح النسيان مهما عندما يحتاجه أحدنا لينسى اساءة وجهها لاحد وخاصة عندما يكون شخصا ذا ضمير " صاحى " وفى حالة أخرى يصبح الضمير فى حاجة ماسة وحالة مستعجلة للنسيان عندما يسئ الفرد لنفسه..
عندما يخطئ فى حق ذاته ويهينها من أجل حب زائف.. أو " وزة شيطان " هنا يصبح النسيان حقا نعمة يبحث عنها الانسان.. يبحث عنها أيضا عندما يتهان ويتمرمط ويحفى على شغل ومايلاقيش يقوم يقول " انسى " يحب واحدة أو واحد ما عندوش دم ومش حاسس " عادى برضه انسى " يمشى فى الشارع واحد يزقه وسط الزحمة ويجرى وراء الاوتوبيس عادى ياعم فكك وانسى .. يفكر فى الزواج واسمه ايه دا الاستقرار يلاقى " انسى " منورة فى وشه بلمض نيون ملونة.. يسافر ويشقى ويرجع يلاقى أهله متشحورين كل واحد فى ناحية كل حتة سليمة بس لوحدها وخطيبته باعته عند أول شخللة فلوس وشقة وشوية خشب موبيليا.. " سيبك.. انسى وخد البنسة " . تمشى فى شارع فيصل هتلاقى محل ستاير مشهور مكتب عليه " ستاير النسيان " آه والله .. شعبنا ليس له حل.. شعب متسامح مع نفسه لدرجة أنه ينسى الاساءة سريعا عملا بالامثلة القائلة: من خاف سلم والباب اللى ييجى لك منه الريح .. شعب طيب لدرجة الهبل..


كل شخص منا كالنهر سطحه رائق.. لاتشوبه شائبة , صافى ولكن فى أعماقه العديد من الحصى والطوب الدبش وشوية بلهارسيا وزبالة قد نبدو أسوياء أمام الناس كسطح النهر ولكن هناك. فى الاعماق فى القعر هناك.. نجد الكثير من الذكريات قد لا نشعر بها.. قد ننساها فعلا ولكنها موجودة تشغل حيزا فى القاع وترفع ماء النهر لاعلى قليلا .. قد يفيض فى بعض الاحيان على جنبيه.. أو يفيض للامام ويندفع منهمر.. ولكنه فى النهاية يسير ويستمر ويبقى هناك الحصى والبلهارسيا.
الى كل من يملك بعضا من الذكرى المؤلمة.. والعديد من الاخطاء والمواقف المحرجة.. والكثير من الدبش .. تخلص منها وانسى وارميها فى الباك جراوند بتاعك واعمل بالمثل القائل : " انسف حمامك " حتى تستمر حياتك .. لازم .. لازم تنسى !

والله هو موضوع كويس
بس واحده زميلتى الله يمسيها بالخير لافلى كوين والله قبل كده قالتيلى حكمه وبعمل بيها ناو فى كل حاجه
) واللى هى
[color=violet]مره قليل الاصل لا تعاتبه ولا تلومه ده زى البقعه القذره لا بيطلع لا برابسو ولا باومو[/color

وبجد فعلا الجمله دى انطبقت كتير على اللى اعرفهم االيومين دول وطلعوا قليلين الاصل معايا

جود توبيك

ربنا وهبنا نعمة النسيان لاى حاجة تالمنا سؤاء الحاجة دى موجودة فينا او موجودة فى غيرنا المهم اننا نتعلم من خطانا دة


اللى ما يتعلمش من فشلة عمرة ما ينجح

يا سلام ع العنوان العجيب



ارمى ذكرياتك



الباك جراوند


لايقين فعلا