اللى عاوز يشتغل فى الفـــــــــــــــــيلد يدخل هنا

اولا كيف حال الشباب اللى لسه فى الكليه؟
ثانيا كيف حال اخوننا الخريجين ؟

اقصد بالفيلد هنا انك تفتح عياده فى بلدك لو انته ساكن فى قريه فلاحين او اى قريه تلاقى فيها مكان تفتح فيه وتشتغل وتبقى بتاع كله0(ابقار -جاموس- ماعز اغنام-خيل -كلاب -قطط -حمير)و(فراخ ووز وبط ورومى وارانب وحمام وسمان )
يعنى معاك كل حاجه مابتخليش فى نفس الزبون حاجه الا وافدته فيها!!!!!!!!!!!!!!!
والله العظيم ياشباب ان هذه الشغلانه على قدر ماهى لذيذه0(وهنقول ليه)بس للاسف متعبه جدا وغير مربحه على الاطلاق
ولكن !!!!!!!!!!!!!!!!!!!!
علشان خاطر مهنتنا لازم نستحملها.
وانا ضحية الشغل فى الفيلد ولكن لن ايأس ابدا .
لانى اؤمن بأن لكل مجتهد نصيب

وان شاء الله هنتكلم اكتر عن الفيلد وإيجابياته وسلبياته حتى ننير الطريق لمن خلفنا ووفقكم الله وسدد خطاكم لما فيه الخير لكم وللاسلام والمسلمين

منور المنتدي و الله يا دكتور
وبجد يا ريت حضرتك تفيدنا في موضوع الفليد ده
ونفسي الاقي اجابه للسؤال التاريخي
ينفع واحد من المدينه مش من الارياف وطالع من الكليه ابييييض يشتغل في الفيلد و ايه الصعوبات الي هاتواجهه؟؟

شكرا لمرورك يادكتور
يعنى ايه ابيض خالص على فكره اللى عنده معلومات بسيطه جدا مجرد مابيشوف الحاله بيبدأيستذكر كل اللى يعرفه وممكن يتعامل معاها احسن من دكتور خبره وانا اذكر ان فيه ناس كتيير زمايلنا من المدينه وشغالين فيلد احسن مننا ياللى عايشين فى الارياف
اهم شئ
1-تكون حابب انك تشتغل فى الفيلد
2- عندك القدره فى التعامل مع الحيوانات ومع اصحابهم لان الفلاحيين صاعبيين جدا وانا عايش وسطهم واسأل مجرب
3-تكون على اتصال بدكاتره خبره بيحبوا يفيدوا اى خريج جديد ولما تتعسر معاك حاله ممكن يساعدوك
4-تكون صبور وواثق انك تبقى حاجه فى هذا المجال
5-مبدع تقدر تعمل اشياء جديده فى شغلك وطرق معينه تقنع بها الفلاحين من خلال المعلومات العلميه الصحيحه الغائبه عن كثير من الاطباء المشهورين
تذكر ان النجاح لاياتى مابين يوم وليله فهو يحتاج الى سنوات فأنا والله عانيت الامرين الى ان وثق الناس فى قدراتى وسلمولى الامور كلها
ومع الوقت خبرتك هتزيد ودخلك هيزيد وهتستريح فى شغلك والناس هتحبك وهتثق فيك
لابد ان تتحلى بأخلاق الطبيب المسلم الذى يخاف الله فيخاف على مال المسلمين ويرعاه لهم واعلم انك ستسأل عن كل ماتفعله فأتقن عملك واتق الله والنتيجه ستكون ممتازه بإذن الله
بالنسبه للصعوبات بتكون فلى البدايه فقط الى ان تتثبت وتزاول العمل اكثر من مره ستجدها سهله ميسوره ان شاء الله
واكمل فى رد اخر
والله ولى التوفيق
وفقنا الله لما فيه الخير وجعله فى ميزان حسناتنا انه ولى ذلك والقادر عليه
ادعو الله لك بالتوفيق ونفع المسلمين بما علمك الله وبما اعطاك من فضله

السلام عليكم ياشباب
المفروض الناس ترد على الموضوع وتشجعنا علشان العطاء يستمر وننشط المنتدى
نفسى احكى لكم يوم من ايام الطبيب البيطرى المطــــــــــــــــــــــــــحون
ندعو الله ان يوفق زملائنا جميعا فى عملهم ويجمع شملنا كلــــــــــــــــــــــــــــنا
والله ولى التوفيق