أحــــلـــى بــيــطـــرى

ملتقى طلاب كليه الطب البيطرى جامعه كفر الشيخ
 
الرئيسيةwww.a7lavet.ahlمكتبة الصورس .و .جبحـثالمجموعاتالتسجيلدخول

شاطر | 
 

 البرمجة السلبية والإيجابية للذات ...

اذهب الى الأسفل 
كاتب الموضوعرسالة
clever
عضو ممتاز
عضو ممتاز
avatar


مُساهمةموضوع: البرمجة السلبية والإيجابية للذات ...   السبت مارس 14, 2009 1:33 pm



ان معظم الناس تبرمج منذ الصغر على ان يتصرفوا أو يتكلموا أو يعتقدوا بطريقة معينة سلبية ، وتكبر معهم حتى يصبحوا سجناء ما يسمى "بالبرمجة السلبية "التي تحد من حصولهم على أشياء كثيرة في هذه الحياة .

فنجد ان كثيرا منهم يقول أنا ضعيف الشخصية , أنا لا أستطيع الامتناع من التدخين ، أنا ضيف في الإملاء ، أنا ...... .

ونجد انهم اكتسبوا هذه السلبية اما من الأسرة أو من المدرسة أومن الأصحاب أو من هؤلاء جميعا.

ولكن هل يمكن أن تغيير هذه البرمجة السلبية وتحويلها إلى برمجة إيجابية . الإجابة نعم وألف نعم . ولكن لماذا نحتاج ذلك .؟؟؟؟ ..,

نحتاج ان نبرمج أنفسنا ايجابيا لكي نكون سعداء ناجحين، نحي حياة طبية. نحقق فيها أحلامنا وأهدافنا . وخاصة واننا مسلمون ولدينا وظيفة وغاية لا بد ان نصل اليها لنحقق العبادة لله سبحانه وتعالى ونحقق الخلافة التي استخلفنا بها الله في الأرض .

قبل ان نبدأ في برنامج تغير البرمجة السلبية لا بد أن نتفق على أمور وهي :
لابد أن تقرر في قرارة نفسك أنك تريد التغير. فقرارك هذا هو الذي سوف ٌينير لك الطريق إلى التحول من السلبية إلى الإيجابية .
تكرار الأفعال والأقوال التي سوف تتعرف عليها , وتجعلها جزءاًَ من حياتك .

الآن أول طريقة للبرمجة الايجابية هي:

التحدث إلى الذات :
هل شاهدت شخصا يتحدث مع نفسه بصوت مرتفع وهو يسير ويحرك يديه ويتمتم وقد يسب ويلعن . عفوا نحن لا نريد أن نفعل مثله .

أو هل حصل وان دار جدال عنيف بينك وبين شخص ما وبعد أن ذهب عنك الشخص ، دار شريط الجدال في ذهنك مرة أخرى فأخذت تتصور الجدال مرة أخرى وأخذت تبدل الكلمات والمفردات مكان الأخرى وتقول لنفسك لماذا لم اقل كذا أو كذا ...

وهل حصل وأنت تحضر محاضرة أو خطبة تحدثت إلى نفسك وقلت . أنا لا أستطيع أن اخطب مثل هذا أو كيف أقف أمام كل هؤلاء الناس , أو تقول أنا مستحيل أقف أمام الناس لأخطب أو أحاضر .

ان كل تلك الأحاديث والخطابات مع النفس والذات تكسب الإنسان برمجة سلبية قد تؤدي في النهاية إلى أفعال وخيمه .

ولحسن الحظ فأنت وأنا وأي شخص في استطاعتنا التصرف تجاه التحدث مع الذات وفي استطاعتنا تغير أي برمجة سلبية لإحلال برمجة أخرى جديدة تزودنا بالقوة .

ويقول حد علماء الهندسة النفسية : " في استطاعتنا في كل لحظة تغير ماضينا ومستقبلنا وذلك بإعادة برمجة حاضرنا . "

اذا من هذه اللحظة لابد ان نراقب وننتبه إلى النداءات الداخلية التي تحدث بها نفسك .

وقد قيل :

راقب أفكارك لأنها ستصبح أفعالا
راقب أفعالك لأنها ستصبح عادات .
راقب عادتك لأنها ستصبح طباعا ..
راقب طباعك لأنها ستحدد مصيرك .
وأريد ان أوضح بعض الحقائق العلمية نحو عقل الإنسان ونركز خاصة على العقل الباطن .

ان العقل الباطن لا يعقل الأشياء مثل العقل الواعي فهو ببساطة يخزن المعلومات ويقوم بتكرارها فيما بعد كلما تم استدعاوها من مكان تخزينها . فلو حدث أن رسالة تبرمجت في هذا العقل لمدة طويله ولمرات عديدة مثل أن تقول دائما في كل موقف … أنا خجول أنا خجول … أنا عصبي المزاج , أو أنا لا أستطيع مزاولة الرياضة , أنا لا استطيع ترك التدخين …. وهكذا فان مثل هذه الرسائل سترسخ وتستقر في مستوى عميق في العقل الباطن ولا يمكن تغيرها , ولكن يمكن استبدالها ببرمجة أخرى سليمة وايجابية .

وحقيقة أخرى هي أن للعقل الباطن تصرفات غريبة لابد أن ننتبه لها . فمثلا لو قلت لك هذه الجملة :" لا تفكر في حصان اسود " ,, هل يمكنك ان تقوم بذلك وتمنع عقلك من التفكير . بالطبع لا فأنت غالبا قد قمت بالتفكير في شكل حصان اسود لماذا ؟ ؟ .

إن عقلك قد قام بإلغاء كلمة لا واحتفظ بباقي العبارة وهي : فكر في حصان اسود . اذا هل ممكن ان نستغل مثل هذه التصرفات الغريبة للعقل .

دعونا الآن نقدم لكم خلاصة القول وندع الدكتور إبراهيم الفقي يقول لنا كما ذكره في كتابه قوة التحكم في الذات القواعد والبرنامج العملي للبرمجة الايجابية للذات :
يقول :
والآن إليك القواعد الخمس لبرمجة عقلك الباطن : 1- يجب أن تكون رسالتك واضحة ومحددة .
2- يجب أن تكون رسالتك إيجابية (مثل أنا قوي . أنا سليم أنا أستطيع الامتناع عن … .
3- يجب أن تدل رسالتك على الوقت الحاضر .( مثال لا تقول أنا سوف أكون قوى بل قل أنا قوي )
4- يجب أن يصاحب رسالتك الإحساس القوي بمضمونها حتى يقبلها العقل الباطن ويبرمجها .
5- يجب أن يكرر الرسالة عدة مرات إلى أن تتبرمج تماما .

والآن إليك هذه الخطة حتى يكون تحدثك مع الذات ذو قوة إيجابية :
دون على الأقل خمس رسائل ذاتية سلبية كان لها تأثير عليك مثل :
أنا إنسان خجول ،أنا لا أستطيع الامتناع عن التدخين ، أنا ذاكرتي ضعيفة ، أنا لا أستطيع الكلام أمام الجمهور ،أنا عصبي المزاج ، والآن مزق الورقة التي دونت عليها هذه الرسائل السلبية وألق بها بعيداً.

دون خمس رسائل ذاتية إيجابية تعطيك قوة وابداً دائما بكلمة "أنا" مثل :
"أنا أستطيع الامتناع عن التدخين" .. " أنا أحب التحدث إلى الناس " .. " أنا ذاكرتي قوية "…أنا إنسان ممتاز " .. أنا نشيط وأتمتع بطاقة عالية ".
دون رسالتك الإيجابية في مفكرة صغيرة واحتفظ بها معك دائما .
والآن خذ نفساً عميقاً ، واقرأ الرسالات واحدة تلو الأخرى إلى أن تستو عبهم .

ابدأ مرة أخرى بأول رسالة ، وخذ نفساً عميقاً ، واطرد أي توتر داخل جسمك ، اقرأ الرسالة الأولى عشر مرات بإحساس قوي ، أغمض عيناك وتخيل نفسك بشكلك الجديد ثم أفتح عينيك .

ابتداء من اليوم احذر ماذا تقول لنفسك ، واحذر ما الذي تقوله للآخرين واحذر ما يقول الآخرون لك ، لو لاحظت أي رسالة سلبية قم بإلغائها بأن تقول " ألغي " ، وقم باستبدالها برسالة أخرى إيجابية .

تأكد أن عندك القوة ، وأنك تستطيع أن تكون ، وتستطيع أن تملك ، وتستطيع القيام بعمل ما تريده ، وذلك بمجرد أن تحدد بالضبط ما الذي تريده وأن تتحرك في هذا الاتجاه بكل ما تملك من قوة ، وقد قال في ذلك جيم رون مؤلف كتاب " السعادة الدائمة " : " التكرار أساس المهارات " …
لذلك عليك بأن تثق فيما تقوله ، وأن تكرر دائما لنفسك الرسالات الإيجابية ، فأنت سيد عقلك وقبطان سفينتك … أنت تحكم في حياتك ، وتستطيع تحويل حياتك إلى تجربة من السعادة والصحة والنجاح بلا حدود .

وتذكر دائماً :
عش كل لحظة كأنها آخر لحظة في حياتك
عش بالإيمان ، عش بالأمل
عش بالحب ، عش بالكفاح
وقدر قيمة الحياة
( من كتاب قوة التحكم بالذات للدكتور إبراهيم الفقي )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيمتو الرئيس المعظم
عضو ممتاز
عضو ممتاز
avatar


مُساهمةموضوع: رد: البرمجة السلبية والإيجابية للذات ...   الأحد مارس 15, 2009 3:18 am

كليفر بحب مواضيعك ...
بس العنوان لما قريته افتكرتك بتهزر ,,,البرمجه السلبيه والايجابيه بالذات ,,,حاسس انها جمله تريقه او هزار..بس بجد اكتشفت ان ده من احلى المواضيع فى المنتدى...

*****
وتذكر دائماً :
عش كل لحظة كأنها آخر لحظة في حياتك
عش بالإيمان ، عش بالأمل
عش بالحب ، عش بالكفاح
وقدر قيمة الحياة
( من كتاب قوة التحكم بالذات للدكتور إبراهيم الفقي )
*****
انا شايف ان المفروض لازم كمان الواحد يعيش حياته كل يوم بيوم جديد..حتى لو هوا نفس اللى بيحصل ...بس لازم الواحد يفكر فى حاجات يغير بيها يومه ... بيتهيألى اهم حاجه لازم تكون موجوده عشان المعادله اللى فوق دى تتم ,,,هوا ان الواحد يكسر الروتين اللى موجود فى كل حاجه فى حياتنا ..ممكن بعدها التغيير والبرمجه يكون ليها نتيجه ايجابيه فعلا..
بس سورى يا كليفر بجد مش هاعرف اعمل الموضوع بتاع دون خمس رسايل واقول انا احب التحدث الى الناس وانا نشيط والحاجات دى...انا عارف اللى هايحصل وهايجى فى دماغى مليون حاجه واحتمال اضحك لانى اكيد هافتكر الفيلم بتاع انا مش قصير وازعه انا طويل واهبل واصلا الجمله دى بتفكرنى بالفقره الزراعيه بتاع صباح الخيريا مصر..انا بتكلم عن نفسى لان انا عارفنى كويس...انا والله مش بقلب موضوعك هزار ولا حاجه ياكليفر بس انا بجد بقول على اللى هايجى فى بالى بكل صراحه...بس انا بجد عاوزك لو فى طرق تانيه غير الاختبار العجيب ده عرفنى...حلو ان الواحد كل فتره يعمل ريفريش لنفسه ...
شكرا يا كليفر بجد موضوع جامد وانا بدءت احب القسم ده.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
clever
عضو ممتاز
عضو ممتاز
avatar


مُساهمةموضوع: رد: البرمجة السلبية والإيجابية للذات ...   الإثنين مارس 16, 2009 3:06 pm

هيثوم بجد انا سعيد جدا لردك وتفاعلك ده

بيس يا مان Very Happy

.............................

فكرتك جامده لازم كل واحد يعيش يومه ويعمل ريفرش لنفسه .. وفعلا لازم نكسر الروتين

بالنسبة للرسايل الخمسة .. اقولك انا بقى الفكرة هنا

الفكرة هيا ان الانسان بيكون زى ما هوا شايف نفسه .. فمفيش مثلا واحد مولود جبان او مولود بيشرب سجاير هههههههه
ولو قولت لحد مش السجاير مش كويسة بطلها .. هيقولك لا مش هاقدر لانه من داخله مش عايز ومفكرش يجرب

شوف بقى لما يقول ويكتب رسالة : أنا أستطيع الامتناع عن التدخين

على طول حطها فى باله .. كتبها فى كتابه وحطها على مكتبه و رسمها قدام سريره
هتبقى عامله زى بالزبط الصديق الكويس اللى خايف عليك وعلى مصلحتك وهتنجح وتقدر تبطل السجاير Very Happy

بالنسبة للافكار الكتير اللى هتيجلك .. فده حاجه كويسه جدا .. بس الرسايل دى بتكون حاجه من الواقع يعنى مش واحد قصير هيقول انا طويل زى الفيلم ههههههه

يا ريت تكون فكرتى وصلت يا هيثوم ونورت الموضوع ..


وجميل التفاعل الايجابى ده
يا ريت كل الاعضاء يبقوا كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيمتو الرئيس المعظم
عضو ممتاز
عضو ممتاز
avatar


مُساهمةموضوع: رد: البرمجة السلبية والإيجابية للذات ...   الإثنين مارس 16, 2009 5:45 pm

مع انك لسه بتحاول تقنعنى بطريقتك .. بس فى ساعات بيبقى فى وجهه نظر تانيه للمواضيع .يعنى مثلا الحاجه اللى اتكلمت فيها عشان تقنعنى برايك ممكن تكون بطريقه تانيه,,يعنى انا عارف ان التدخين ضار ويسبب الطاعون وكل الكلام ده وكمان له اثر سلبى على اللى حواليا بس ممكن واحد يكون بيشرب سجاير لمجرد التغيير يعنى حاجه مش مفروضه عليه بيعملها وخلاص وماننكرش ان فى ناس كتير بتفكر بالطريقه دى...وبيثبت ده انه لما يحس ان اللى حواليه حاسين انه ميقدرش يستغنا عنها بيقطعه خالص المده اللى يحددها ..وطبعا انا مش مقتنع بالتفسير اللى انا قلته للمثال بتاعك ده بس انا بتلكم فى الفكره بتاع الاختبار نفسها... لان بعد كلامك’ طريقتك برده هاتخلينى اضحك ومش هاتأُثر بيها (وانا كنت بتكلم على بفكره بأسم الشاب الوهمى اللى قررت انك تستند ليه فى مثالك(شفت تستند دى)
فلو فى طرق تانيه يبقى بيس يا كليفر ولو فى طريقه تانيه برده عاوز تقنعنى بيها اتفضل انا معاك يا كبير ...

وبالنسبه (لانا مش قصير و ازعه انا طويل واهبل) انا مربطهاش لبواقع ولا خيال ,,انا الفكره اللى بتكلم فيها مش هاتاخد ااقل من ثانيه فى بالى وربطى للى حصل بالجمله دى مجرد تشابه كلمات أو الفاظ..والحاجات دى هيا اللى هاتخلينى مركزش فى الاختبار يا معلم,,وعشان تفهم كلامى اكتر ,,
هاديلك مثال Laughing // فاكر فيلم الحاسه السابعه لما المدرب الكنفو العظيم عبد الله مشرف ستيفن سيجال السينما المصريه بيقول لاحمد الفيشاوى فضى دماغك وركز ...اكيد المشهد وضح ايه اللى كان فى دماغه ساعتها ..وممكن تسأل ياترى ايه اللى جاب محمود المليجى وهوا بتكلم عن الصين تقريبا .. بس هيا بتبقى كده يا كليفر,ممكن وانت قاعد فى الاوبرا تفتكر منظر شوقيه مع تامر ..
وعلى فكره مفيش هدف من كلام ده بس نقاش غريب وحلو معاك وخلاص..
وده نورك يا ريس.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
clever
عضو ممتاز
عضو ممتاز
avatar


مُساهمةموضوع: رد: البرمجة السلبية والإيجابية للذات ...   الإثنين مارس 16, 2009 6:40 pm

تمام يا اندى وانا وصلتنى قصدك ايه

انتا قصدك انا لما هافكر مش هتاخد قى بالى الكلام كام ثانية وهانسها
واصحى تانى يوم مش فاكر وهكذا

مهوا ده باقى فايده الكتابة يا هيثوم .. انتا هتفكر فى دماغك وهتكتب   Very Happy

هتكتب فى مفكرة وتتعود انك تقراها على طول .. هتكتب على ورقة وتعلها قدامك فى مكتبك
هتكتب كاعلان كده وتحطه فى عريتك كل ما تيجى تركبها تقراها .. زى اعلانات اذكر والله وكده

والكتابه هنا هيا الوسيلة علشان ميحخصلش اللى فى دماغك وتنسى Laughing

وعلى فكرة كل الدكاترة النفسيين .. بيعظموا دور الكتابة فى المواقف دى

وعلى العموم اكيد فى طرق كتير وان شاء الله كله هيبقى موجود باذن الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيمتو الرئيس المعظم
عضو ممتاز
عضو ممتاز
avatar


مُساهمةموضوع: رد: البرمجة السلبية والإيجابية للذات ...   الثلاثاء مارس 17, 2009 4:52 am

انتا قصدك انا لما هافكر مش هتاخد قى بالى الكلام كام ثانية وهانسها
واصحى تانى يوم مش فاكر وهكذا

مهوا ده باقى فايده الكتابة يا هيثوم .. انتا هتفكر فى دماغك وهتكتب

هتكتب فى مفكرة وتتعود انك تقراها على طول .. هتكتب على ورقة وتعلها قدامك فى مكتبك
هتكتب كاعلان كده وتحطه فى عريتك كل ما تيجى تركبها تقراها .. زى اعلانات اذكر والله وكده

والكتابه هنا هيا الوسيلة علشان ميحخصلش اللى فى دماغك وتنسى



كليفر انت انسان لماح انا بشكرك (..)
انا اقتنعت بالفكره العبقريه بتاع الكتابه دى.
انا نشيط..انا سوف امتنع عن التدخين..انا احب التحدث الى الناس
انا انسان خجول ,, انا لا استطيع الامتناع عن التدخين...انا لا استطيع التحدث امام الجمهور العريض.
cheers cheers cheers cheers cheers
بس على فكره ده مكنش قصدى خالص Very Happy
يبنى ارحمنى.
يا كليفر انا قلتلك لو فى طرق تانيه يبقى بيس..ولو فى طرق تانيه للاقناع يبقى مور بيس..انما انت عدت الكلام يبنى بس بطريقه تانيه..لو بتقوله عشان اقتنع بكلامك وخلاص هتلاقى الاجابه اللى انت عاوز تشوفها فوق عندك
انما لو بتتكلم فعلا ....فأنا معاك فى اخر سطر (اكيد فى طرق كتير وان شاء الله كله هيبقى موجود باذن الله)
واناعلى فكره مش بتكلم انى هانفذ فكرتك ولا لا انا بتكلم فى انى عاوز اشوف هاتعرف توصلنى فكرتك ولا لا .. وهاتعمل ايه لو اللى انت كاتبه مكنش ليه نتيجه ايجابيه زى مانت عاوز...
فى ناس يا كليفر بتعترض لمجرد الاعتراض او لمجرد الشو وانا بيتهيألى وضحت فكرتى عن الشو قبل كده لدرجه انه كان هايتعمل ليه قسم خاص Very Happy
انما فعلا الموضوع ده عاجبنى جدا .. و وعاجبنى انك تتكلم عن فكره التنميه البشريه فى الوقت ده بالذات.
وبمناسبه الكلام عن التنميه البشريه اكيدانت عارف ان فى دوره 72 ساعه للدكتور ابراهيم الفقى فى جامعه طنطا وهاتكون فى شهر 4 ان شاء الله وعلى فكره يا معلم انا ماسك حمله الدعايه بتاعها فى خمس كليات فى طنطا Wink (ده اسمه شو Very Happy ) ...اشوفك هناك بقا.
نكمل موضوعنا بقا يا كايفر وحاول تكون فهمت قصدى...لانه ابسط بكتير من تفسيرك.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
clever
عضو ممتاز
عضو ممتاز
avatar


مُساهمةموضوع: رد: البرمجة السلبية والإيجابية للذات ...   الأربعاء مارس 18, 2009 11:07 pm

تمام يا اندى وانا باكرر اخر سطر تانى

اكيد فى طرق كتير وان شاء الله كله هيبقى موجود باذن الله

Laughing

وطبعا سمعت عن الدورة وشكلها جامدة جدا فعلا بس يا ريت يا هيثوم تشرحلنا كل حاجه عنها لانى بافكر بشكل جدى انى احضرها واكون معاك Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فيمتو الرئيس المعظم
عضو ممتاز
عضو ممتاز
avatar


مُساهمةموضوع: رد: البرمجة السلبية والإيجابية للذات ...   الجمعة مارس 20, 2009 7:31 pm

هاتنور يا ابو كليفر.
وبالنسبه للدوره هيا هيا هيا اتأجلت مبدئيا لشهر مايو ودى صوره الاعلان ودى شويه افكار او ملخص بسيط عن الدوره..







الأركانالسبعةللحياةالمتزنة:
الركن الروحاني:
حب الله تعالى..
التسامح المتكامل: إفصل بين الشخص وسلوكه..ليس لأنك تكره سلوكا له فأنت تكرهه!..
العطاء غير المشروط..
الركن الصحي: اهتم بصحتك..
الركن الشخصي:
اخرج عن روتين العمل..وتذكر أن الراحة إنجاز تستمتع فيه بباقي إنجازاتك..
قم بتنمية مهاراتك ومواردك البشرية..
الركن العائلي: حسن العلاقات الأسرية..العلاقات الأسرية الناجحة أيضا إنجاز..
الركن الاجتماعي: حسن الروابط والعلاقات الاجتماعية..
الركن المهني: الانجاز المهني ضروري للحياة المتزنة..
الركن المادي: الاستقرار المادي مهم..لكن تذكر: المال طاقة أرضية إن ركزت عليها جذبتك لأسفل..(يجب أن يكون المال في يدك لا في قلبك)

اسأل نفسك أسئلة الهدف المستمر:

أين أنا الآن من كل هذا؟
يقودك هذا السؤال لتعرف موقعك من الواقع..

وبسؤال: ماذا أريد؟
يقودك لادراك الهدف..

وبسؤال: لماذا؟
يقودك إلى إدراك الأسباب..مما يقوي الدافع إلى الهدف..

وبسؤال: متى؟
تضع خطة زمنية لتحقيق الهدف..تمنعك من المماطلة..

وبسؤال: كيف؟
تبدأ بالتخطيط وحصر الموارد وتنميتها ومواجهة التحديات..

قانون التركيز:
التركيز دائما يكون في اتجاه واحد..
التفكير في اتجاه يتسع وينتشر بنفس الاتجاه..
الانسان يكون حساسا جدا تجاه ما يفكر فيه..وحساسا جدا تجاه أي مؤثر يتعلق بما يفكر فيه بشكل ما..

الهدف وقانون الاعتقاد:
كل هدف تربطه بأحاسيسك يصبح اعتقادا!..
If you think you can, or you think you can't, you are right!

الهدف باعتقاد إمكانية الفعل يولد الفعل!
والفعل أيضا يولد اعتقاد إمكانيته..

بمعنى:إعتقاد إمكانية تنفيذ أمر ما..يجعلك قادرا على تنفيذه..
وإذا كان ثم من سبقك بالتنفيذ (مثلا) فإن هذا يولد لديك الاعتقاد بإمكانية التنفيذ..

الهدف والقيمة العليا:
القيمة العليا تدفع إلى الهدف..والهدف يدفع إلى الفعل..

تقبل الواقع على أنه هدية من الله تعالى لتبدأ في وضع الحلول..

تحقيق الهدف عن طريق العقل الواعي:

1- اكتب الهدف (كتابة الهدف هي 50% من تحقيقه) وذلك لتوجيه التركيز بالكامل نحو التفكير في الهدف..
2- إقرأه دائما خاصة قبل النوم..
3- فكر فيه دائما حتى يصبح الهدف جزءا منك..
4- ضعه في الفعل تدريجيا..

تحقيق الهدف عن طريق العقل اللاواعي:
يتم ذلك عن طريق:
التأمل (والتفكير في تحقيق الهدف)- التخيل الايجابي (وهو تخيل طريقة تحقيق الهدف )- الوصول إلى حالة ألفا والاسترخاء – التصور (يختلف عن التخيل..فالتصور يكون بتخيل صورتك في الحالة التي ترغب) – الاسترخاء- التأكيدات الإيجابية..

كيف تصل إلى ألفا:
حالة ألفا هي حالة من الاسترخاء التام مع قدر من الصفاء النفسي..حيث تساعدك بقدر كبير على الانفصال بمشاعرك عن المشكلة التي تواجهها..وتعتمد على زيادة كفاءة المخ بتزويده بقدر وافر من الأكسجين..
يتم الوصول إليها عن طريق التنفس العميق يستغرق الشهيق فيه حوالي ثمان عدات ثم الاحتفاظ به بشكل لحظي ثم الزفير في أربع عدات..
تقوم برفع عينيك إلى الأعلى أثناء الشهيق..وإسبالهما أثناء الزفير..
بهذا تصل إلى حالة تقترب من التنويم..وعندها يمكنك الاسترخاء لتفكر بشكل بعيد عن المشاعر السلبية..

قانون توارد الخواطر: كل ما تفكر فية تجدة أمامك


الإهــــــــداف الدرس التاني
تنقسم الأهداف الى...قصيرة المدى:من ساعة الى 6 شهور
متوسطة المدى:من 6 شهور الى 5 سنوات
طويلة المدى:اكتر من 5 سنوات
وإذا ربطنا بينهم هنلاقى الهدف أصبح هدف مستمر فى الزمن

_لازم تعرف ايه أسباب إنك عايز الهدف دا بالتحديد ؟!!!.......ليه لازم...؟
لأن الأسباب بتـــدى رغبة...والحماس بعد فترة بيقل ساعتها أجرى بسرعة وافتح الأسباب حماسك هيعلى من أول وجديد..

_إيه هى تحديات تحقيق الأهداف؟!
أولاً:الخـــــــــوف.....الخوف من المستقبل ..الخوف من الفشل..الخوف من........الخ
ثانياً:المـــؤثرات الخارجية ..
ثالثاً:الصورة الذاتية ..
رابـعاً:المماطلة ....أى التســـــويف(طبعاً كلنا عارفين دى بالذات هاها )

_فى خمس أصناف من الناس...
الصنف الأول.:smoke: معندوش هدف ومش عارف هو عايز ايه
الصنف الثانى. عارف هو عايز ايه لكن مش عارف يحققه إزاى
الصنف التانى عنده حاله نفسية اكتر من الأول
الصنف الثالث. عارف أهدافه ايه وعارف يحققها إزاى لكن مش واثق فى قدراته
الصنف الرابع. عارف عايز ايه وعارف يحققها ازاى ومعتقد فى قدراته لكن بيتأثر دايماً بالآخرين
الصنف الخامس . عارف هو عايز ايه..ويحققها ازاى وإمتى ومعتقد بقدراته ولا يتأثر بالأخرين ويأخذ مهاراته ويوجهها
نجد من الصنف الأول الى الرابع نلاقى ات الثانى تعبا اكتر من الاول والثالث اكتر من التانى وهكذا....أمـــــــــا الخامس بقى.......................................هو الوحيــــــد اللى مرتاح فيهم

_اعرف حاجه مهمه اوىىى
لو العدو الداخلى ليس له وجود............العدو الخارجى لا يستطيع إيذائك

_الأركان السبعة للحياة والنجاح:
*الركن الروحانى..علاقتك بالله سبحانه وتعالى_التسامح المتكامل_العطاء الغير مشترط(إددى وماتستناش حاجه قصاد اللى اديته..حط فى بالك دايما انك مستنى جزائك فى الآخر يكون ثواب وحسنات فى ميزان حسناتك بإذن الله)_حب واتحب
*الركن الصحى..أفكارك الصحية_طريقة أكلك الصحية_طريقة شربك الصحية
*الركن الشخصى..التقدم الشخصى_ثقتك فى نفسك_تقديرك الذاتى_انجازاتك الشخصية_راحتك
*الركن العائلى..علاقتك مع العائلة الصغيرة_علاقتك مع العائلة الكبيرة
*الركن الإجتماعى..علاقتك مع الناس_اتصالك بالآخرين_التوافق هو أعلى درجة مع الآخرين{التوافق فى الإتصال}
*الركن المهنى..
*الركن المادى..
ليـــــــه قلنا الأركان دى؟!!!
عشان بدون كل الأركان دى مش هتعرف تنجح بجد فى حياتك وترتاح..لازم نركز فيهم كلهم لاننا بنمر بيهم كل يـــــــــوم
للأسف أغلب الناس أو كلهم بيركزوا على آخر اتنين بس وفجأة .......... يعرف حقيقة الأمر بس بعد مايفقد حاجه منهم او يفقد نفسه وصحته

_المبادىء الأساسية اللى بيها تحقق الهدف:
1-أين أنا الآن؟ السؤال دا هيدينى الواقع...بس أسأل نفسى اين انا من كل ركن (روحانياً,صحيا,.....)
2-مـاذا أريد؟ السؤال دا هيدينى الهــــــــــدف
3-كيف أستطيع الحصول عليه؟ يعنى الخطط اللى هتعملها للحصول عليه
الخطط عبارة عن____المصادر..إسأل نفسك ايه مصادرى واستخدمها إزاى؟!!
____التحديات..لو ما فكرتش فى التحديات مقدماً هتندم لما تجيلك..إذاً لما ماتفكرش فى حاجه فى المستقبل ويبقى فى بدائل وماتحطهاس بدائل وحلول ساعتها تقابل الموقف هتتصدم مش هتعرف تعمل حاجه لأن مش عامل حسابها..

_بعد ما حقق اهدافه مش عارف يعمل إيه بعد كدا ؟؟؟؟
ممكن جداً شخص ناجح يقع فى الطاقة الدنيوية....ساعتها لازم يفرمل ويتجه الى الركن الروحانى الى الله سبحانه وتعالى لأن مفيش نجاح بدون التوجه الى الله والتوكل على الله...ولو اتعمل نجاح بدون الروحانيات مش هيكمل للآخر...

_العقل التحليلى_منطقة المنطق...إيه معنى اللى انا قلته دا !!!!
معناه إنك بمجرد ما تركز حاجه فى منطقة المنطق بتبدأ تلاحظ كل حاجه خاصة بالموضوع اللى ركزت عليه..زاى مثلا نوع عربية جديدة عجبك أوى ودخلت دماغك وفكرت فيها هتلاقى طول ما انت ماشى تشوفها فى كل مكان..ليه...لانك لغيت التركيز فى اى نوع تانى غيرها وبقت هى اللى مستحوذة تفكيرك
إذاً نقيس على كدا الهدف...بمجرد ما تركز عليه بجد وهو اللى يملى تفكيرك هتلاقى كل حاجة تساعدك لتحقيقه قدامك وتلغى اى شعور سلبى تجاه الهدف دا وهتقدر تقاوم التحديات...

ومن قانون العقل الباطن...قانون نشاطات العقل الباطن...ايه معناه!!!...معناه ان اى حاجه تفكر فيها تتسع وتنتشر فى نفس النوع...يعنى لو مثلا فكرت فى النجاح التفكير هيتسع وينتشر من نفس النوع اللى هو النجاح...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
clever
عضو ممتاز
عضو ممتاز
avatar


مُساهمةموضوع: رد: البرمجة السلبية والإيجابية للذات ...   الجمعة مارس 20, 2009 7:46 pm

الله عليك يا اندى .. هو ده الكلام ولا بلاش
مع ان المعاد صعب شوية تقريبا هيكون فى عز امتحانات العملى

بس كويس انه فى قاعة المؤتمرات   Very Happy

ان شاء الله هاشوفك يوميها ونكون مع بعض .. بس يا رب زى ما بقولك مفيش اى معاد امتحان يكون قريب من الاياام دى Very Happy


ويا سلام على الجملة دى خطيرة بجد احييك عليها ..

لو العدو الداخلى ليس له وجود............العدو الخارجى لا يستطيع إيذائك

يا سلام روعة روعة روعة Laughing

تسلم يا هيثوم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البرمجة السلبية والإيجابية للذات ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحــــلـــى بــيــطـــرى :: قعده بيطرى جـــــــــــداا :: التنميه البشريه-
انتقل الى: