انا مش بحب الشعبى قوى بس لو ممكن اسمع شعبى يبقى عدويه طبعا وبعده حكيم وكان فيه مطرب زمان اسمه رمضان البرنس واكيد طبعا بسمع لعبد المطلب ومحمد طه...ناس قدام قوى واكيد الذوق اتغير طبعا زمان الشعبى كان بيتكلم عن الحالات الاجتماعيه للناس يعنى الغنى والفقر والبخل والغرور وكمان عن الشر والحسد زى اغنيه يا حاسدين الناس مالكم ومال الناس وكان الهدف شرح الحاله اللى فى المجتمع وتصليح الاخطاء دلوقتى بقى بقت الاغانى الشعبى عن المخدرات والسطل والمزز وهدفها الوحيد الرقص وبس
الاغنية الشعبية دلوقتي اتغير مفهومها 180 درجة ..الاغنية الشعبية كان بيغنيها ناس اصحاب طبقات صوت عالية وقوية جدا زائد كلمات خفيفة على سمع الانسلان البسيط وفي نفس الوقت بتقول كلام مهم للكل لكن دلوقتي الاغنية الشعبية بقت اي كلام والاعتماد على الموسيقى فقط وبيجي واحد صوته سوري في اللفظ زي الجحش ويغني ....طيب ليه ؟؟وانا ايه اللي يخليني الوث سمعي بواحد زي ده؟؟ وانا لما احب اسمع شعبي اسمع عوية وحكيم ورمضان البرنس وممكن يعني اوصل لحد عبدالباسط حمودة .... انما الاغاني التانية دي انا بسمعها في فرح او حاجة زي كده
انا قصدى الاغانى بتاعت اليومين دول الناس اللى تحسها سورى يعنى بتحشش وهى بتغنى
واحد يقوللك انا شارب سيجارة بنى طيب واحنا مالنا
واخت تقولك اة يانا تععععععبانة ماشى ياست الف سلامة عليكى
واحد يقول انا عامل دماغ تمام
والاغرب من كدة كل دلوقتى بيغنى ل(على) هو مين على دة اللى كل الناس بتنادى علية
micododo عضو ممتاز
موضوع: رد: مين بيحب الاغانى الشعبى؟ الثلاثاء مارس 10, 2009 2:45 am
انا بحب حكيم نمره واحد في الشعبي و اي حد تاني بيبقي اغاني محدده يعني طارق الشيخ في اجرح و الفنان العظييييم عبد الباسط حموده في رائعته انا مش عارفني بجد يا جماعه الناس دي بيقولو كلام جامد جدا احلي من اغاني الفرافير بتاعه اليومين دول يعني عبد الباسط حموده ناقش قضيه ما حدش اتلكم في ها قبل كده الي هيا ازمه منتصف العمر اما الواحد يبص لنفسه في المرايا في سن الخمسين يلاقي نفسه بيشوف انسان تاني انما الباقي بتوع السجاير البني دول يتسمعوا اخرهم في فرح نايس توبك يا فيتا
موضوع: رد: مين بيحب الاغانى الشعبى؟ الأربعاء مارس 18, 2009 10:38 am
موضوع جامد بجد وانا عشان ما طولش عليكم انا بحب الشعبى بتاع زمان زى سيد مكاوى سيد درويس واكيد عبد المطلب وبصراحه الريس متقال لو حد سمع عنه منكم وخاصه اغنيه بص عالحلاوه واغنيه البت بيضا ومش عااااااايزه ضحك والنبى
اكيد زوقنا اتغير للاسف للاسوء بسبب الهبل اللى بنسمعه واحنا بردوا السبب لان لو احنا رفضنا الاغانى دى وخسرت مفيش حد من المسؤلين عن انتاجها هيكررها هو بردوا فى الاخر مش عايز يخسر فلوسه ولا ايييه؟؟؟؟؟
موضوع: مين بيحب الاغانى الشعبى؟ 
الإثنين مارس 09, 2009 7:42 pm
