أحــــلـــى بــيــطـــرى

ملتقى طلاب كليه الطب البيطرى جامعه كفر الشيخ
 
الرئيسيةwww.a7lavet.ahlمكتبة الصورس .و .جبحـثالمجموعاتالتسجيلدخول

شاطر | 
 

 ايه قله الادب دى

اذهب الى الأسفل 
كاتب الموضوعرسالة
wija
عضو ممتاز
عضو ممتاز
avatar


مُساهمةموضوع: ايه قله الادب دى   الثلاثاء مارس 03, 2009 8:58 pm

موضوعنا انهاردة عن"" التحرر"" وعاوزين تفيدونا بأرائكم ؟؟

شوفوا بقة

البنت زمان المتحررة اللى لما يلاقوها متحررة يقولوا عليها قليلة الحى كانت بتعمل ايه فى مصر - سنة 1900 ميلادية؟؟؟

تقف "حميده" لتطل من خلف المشربية.. تلمح "حسنين" فاردا عضلاته واقفا في قلب الحارة وهو يغمز لها بعينه، يحمر وجهها خجلا ثم تغلق المشربية بسرعة، و"حسنين" لسه زي ما هو.. فارد عضلاته وواقف في قلب الحارة مبسوط بنفسه!



في الناحية الأخرى من الحارة تقف الست "أم عبده" تلمح المشهد تمصمص شفاهها ثم تقول:
"ِشوف البت بتعمل ازاي؟! مش لاقيه حد يلمها.. حِكم!"

::::: دة كان سنة 1900 تعالو نشوف بعد كدة بشويه


---------- سنه 1950--
تسير "سوسن" في الشارع متجهة نحو الجامعه ، وهي تحتضن "الأكلسير" الذي يضم كتبها وكشكول المحاضرات، على البوابة تقابل زميلها "أمجد" يبتسم لها فتبادله الابتسامة.. يسألها عن أحوالها ترد بصوت خافت وتقول إنها "كويسة الحمد لله"، يدخلان معا إلى داخل الحرم الجامعى..


ومن بعيد تلمحهما "فاتن" زميلتهما في نفس الدفعة والتي تميل على أذن صديقتها "ابتهال" وتقول لها وهي منزعجة:

"ِشوفي البت بتعمل ازاي؟! مش لاقيه حد يلمها.. حِكم!"



ده ايام الابيض واسود طبعا
تعالوا بقى لقفزه قويه الى الايام البيضه بتاعتنا دلوقتى
سنه2009
البنت "نانا" قاعده فى الكافيه واحتمال يبقى فيه شيشه تفاح فى ايدها ويدخل عليها الاخ "مانو" او كى كى" او اى ما كان من الاسماء ويسلم عليها سلام امريكانى من بتاع كفك ده ويقولها(اخبار الواد اللى انت ماشيه معاه ايه؟) مش لسه عايش برده
ترد عليه هى(بس ماتقلش واد) ( اهو مرمى فى الكليه....70ميسد كول فى الساعه ...قرفنى انا هغيره)
ويميل الجرسون اللى لسه منزل الطلبات بابتسامه عريضه ..يميل على صاحبه الجرسون التانى ويقوله بقرف
"شوف البت بتعمل ازاي؟! مش لاقيه حد يلمها.. حِكم!"


كده الموضوع خلص بس لاحظتم حاجه
فى الثلاثه قصص فيه بنت وولد واشخاص تغمز وتلمز
الكل بيلاحظ البنت بس ومش يلاحظ الولد
الكل بيعلق على سلوك البنت بس ومش بيعلق على سلوك الولد


مع ان الولد عامل نفس المصيبه ويمكن عامل تكتر...بس نقول ايه
المهم..... ايه هو معنى التحرر من وجهه نظرك...ماهو زمان اللى كانوا شايفينوا تحرر بقى عادى دلوقتى
يعنى بصت البنت من الشباك يطير فيها رقاب....دلوقتى البنت بتعمل حاجات كتير بحك الشغل والدراسه
يبقى العيب مش فى البنت العيب فى التقاليد الل حاكمانا والدليل على كده التغير الرهيب فى السلوك على مر السنين
ولا هو زمان البنت من زجاج ودلوقتى من خشب مش هياثر فيها البص من الشباك

انا بقى عايزه اعرف ايه معايرك للحكم على شخص انه متحرر او انه متزمت؟
والتحرر ليه منسوب دايما الى قله الادب
والالتزام مع الرجعيه والسلبيه؟


ياريت بجد كلكم تشاركونا الراى لان الموضوع مهم ويمس ثقافتنا كعرب وكمصريين Sad Mad Mad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fara7
عضو ممتاز
عضو ممتاز
avatar


مُساهمةموضوع: رد: ايه قله الادب دى   الثلاثاء مارس 03, 2009 10:37 pm

موضوع جااااااااااااااامد ياويجا ومش جديد عليكى
بص فعلا الموضوع بيتنسب للبنت بشكل عام يعنى محدش بيقول العيب على الولد كله ع البنت مع أن فى أغلب الاحيان بيبقى الذنب الاكبر ع الولد وده عيب مجتمعنا الا مش شايف غير البنت لكن الولد يعمل اللى هو عاوزة وبصراحه ده فكر غلط بقى زى ماالبنت لازم تبقى ملتزمه الولد كمان ( ماهو لو الولد التزم البنت غصب عنها هتلتزم هى كمان بس تقولى لمين بقى ) ...


انا بقى عايزه اعرف ايه معايرك للحكم على شخص انه متحرر او انه متزمت؟
انا عمرى مافكرت انى احكم على حد متحرر او ملتزم بس متهيألى كده التحرر ده زى مابيقولوا يعنى ( سورى ) مالوش حاكم يعنى بيعمل كل التصرفات غلط صح بقى مابتفرقش عنده ومش بيهمه اى حد ولا اعتبار لوجهه نظر حد ومش بيبقى شليف غير نفسه وخلاص ..
المتزمت ده بقى اللى بيبقى عنده كل حاجه لأ وفى أغلب الاحيان بيبقى مكشر عالطول وبعدين الواحد لازم يوازن يبقى بين الاتنين يعنى لاهو متحرر ولا متزمت خير الامور الوسط
..


والتحرر ليه منسوب دايما الى قله الادب

عشان هو كده لان غالبا الناس بتقول التحرر بتبقى قله تربيه يعنى قله أدب ولو انى مش مع الرأى ده لأن مش شرط لو الواحد حر حبتين يبقى بالضرورة وحش يعنى ممكن يبقى متحرر بس مستغل ده بشكل كويس ..

والالتزام مع الرجعيه والسلبيه؟
الالتزام ده لا رجعيه ولا سلبيه بصراحه ماتلقش عليه كلمه من الاتنين
الالتزام ده المفروض اللى ناس تعمله ( طب ياريت تبقى الناس رجعيه و سلبيه ماكنش ده بقى حالنا )
موضوع حلو ياويجا بس معلش طولت عليكى .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ENG .PRINCE
عضو جديد
عضو جديد



مُساهمةموضوع: رد: ايه قله الادب دى   الخميس مارس 05, 2009 11:01 pm

السلام عليكم

موضوع جميل بس الاجمل اننا نعرف نوصل لمفهوه صح التزمت و التحرر
الاول يعني ايه تحرر و تحرر من ايه
لو تحرر من العادات السيئه يبقي امر مطلوب اما لو المقصود تحرر من العفه و الاخلاق فهذا امر ليس مطلوب فقط بل حرام شرعا لاننا مقيدون بتعاليمنا الدينيه و الهدف من خلق البشريه هو عباده الله و الطاعه لله و تنفيذ تعاليمه و ليس معصيته

ومعصيت الله ليست في حاجه للتجميل حتي لا نعترف بالاخطاء و هذة كارثه لان الاعتراف بالخطأ اول خطوات للوصول الي توبه نصوحة
فهناك ما يطلقون علي البنت المتبرجه في ملابسها بالجريئه نعم انها جريئه فعلا علي ان تعصي الله جهرا و تتمادي في ذلك

اما الامر الثاني وهو اختلاف هذة المعاصي من ايام 1900 حتي الان كما ذكر سابقا فهذا سببه التقدم العلمي فلم يكون هناك الموبايل النت الكمبيوتر و الاقمار الصناعيه واصبح الاتصال بالعالم الغربي والثقافات الغربيه في منتهي السهوله بالطبع ذلك له تأثير مباشر علي حياتنا وخصوصا اذا لم يكن الانسان المسلم يتمتع بثقافة اسلاميه صحيحة فاليوم المشكله ليست في الالتزام ولكن المشكله في كيفيه الالتزام

و عايز اوضح اننا مش مطلوب مننا اننا نحكم علي اي شخص انه عاصي (متحرر) او ملتزم ولكن الاولي ان نحكم علي انفسنا اولا

والسلام عليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
wija
عضو ممتاز
عضو ممتاز
avatar


مُساهمةموضوع: رد: ايه قله الادب دى   السبت مارس 07, 2009 8:21 pm

شكرا على مرورك يا دكتور
وشكرا يا فرح على المرور
وكلامك اكيد صح يا برنس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ايه قله الادب دى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحــــلـــى بــيــطـــرى :: قعده بيطرى جـــــــــــداا :: المنتدى الثقافى-
انتقل الى: